ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵎⴰⵙⵙⴰ ⵏⴰⴷⵢⴰ ⵜⵀⴰⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵎⵓⵏⵉ ⵜⴰⵏⵎⵏⴰⴹⵜ ⵏ ⵉⴱⵕⵍⴰⵎⴰⵏⵉⵢⵏ ⴷ ⵜⴱⴰⵕⵍⴰⵎⴰⵏⵉⵢⵉⵏ ⵏ ⵉⵡⴰⵏⴽⵏ ⴰⵄⵕⴰⴱⵏ ⴼ ⵓⵣⵓⵛⵛⵍ ⵏ ⵓⵙⴽⵔ ⵏ ⵓⵙⵉⵥⴹⵕ ⴰⴷⵎⵙⴰⵏ ⵏ ⵜⵎⵖⴰⵔⵜ ⴳ ⵜⵙⴳⴰ ⵜⴰⵄⵕⴰⴱⵜ
ⵜⴷⵔⵓ ⵎⴰⵙⵙⴰ ⵏⴰⴷⵢⴰ ⵜⵀⴰⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 31 ⵉⵏⵏⴰⵢⵔ 2024, ⵙ ⵓⴼⵉⵣⵢⵓⵏⴽⵓⵏⴼⵉⵕⵓⵏⵚ, ⴳ ⵜⵙⵎⵓⵏⵉ ⵜⴰⵏⵎⵏⴰⴹⵜ ⵏ ⵉⴱⵕⵍⴰⵎⴰⵏⵉⵢⵏ ⴷ ⵜⴱⴰⵕⵍⴰⵎⴰⵏⵉⵢⵉⵏ ⴳ ⵉⵡⴰⵏⴽⵏ ⴰⵄⵕⴰⴱⵏ ⵍⵍⵉ ⵜⵙⵏⵎⴰⵍⴰ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵙⵇⵇⵉⵎⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⵜⵎⴰⴷⴷⴰⵙⵜ ⵏ ⵜⵎⵜⵜⵓ ⵎⵓⵏⵏⵉⵏ ⵏ ⴰⵙⵢⴰ ⵏ ⵜⴰⴳⵓⵜ ⴷ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵜⵎⵜⵖⴰⵔⵜ ⴷ ⵜⵎⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵡⵓⵔⵉ.
ⵜⵥⵍⵉ ⵜⵙⵎⵓⵏⵉ ⵉ ⵜⵖⵔⵉ ⵏⵜ ⵉⵍⴰⵍⵜ ⵜⴰⴱⵕⵍⴰⵎⵏⵉⵜ ⴳ ⵓⵣⵓⵛⵛⵍ ⵏ ⵓⵙⴽⵔ ⵏ ⵓⵙⵉⵥⴹⵕ ⴰⴷⵎⵙⴰⵏ ⵏ ⵜⵎⵖⴰⵔⵜ ⴳ ⵜⵙⴳⴰ ⵜⴰⵄⵕⴰⴱⵜ ⵙ ⵓⵙⵉⵙⴼⵉⵡ ⵏ ⵓⵙⵎⴰⴷ ⵊⴰⵔ ⵜⵉⴳⵎⵉ ⵜⴰⵙⵓⵍⴰⵏⵜ ⴷ ⵜⵎⵙⴽⴰⵔ ⵏ ⵓⵙⵉⵥⴹⵕ ⴰⴷⵎⵙⴰⵏ ⵏ ⵜⵎⵖⴰⵔⵜ.
ⵜⵙⵎⵏⵉⴷ ⵎⴰⵙⵙⴰ ⵏⴰⴷⵢⴰ ⵜⵀⴰⵎⵉ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵉⵙⴽⵉⵍ ⴷ ⵓⵙⵉⵥⴹⵕ ⴰⴷⵎⵙⴰⵏ ⵏ ⵜⵎⵖⴰⵔⵜ ⵜⴰⵖⵔⵉⴱⵉⵜ, ⵜⵙⴰⵡⵍ ⴼ ⵓⵓⵎⵉⵥⵏ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵓⵙⵉⵥⴹⵕ ⵏ ⵜⵎⵖⴰⵔⵜ ⴷ ⵓⵙⴽⵔ ⵏ ⵢⵉⵙⴽⵉⵍ ⵙ ⵓⵙⵕⵚⵓ ⵏ ⵜⵔⵙⴰⵍ ⵏ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ ⴳⴰⵏⵉⵏ ⵜⵉⴷⵙⵜⴰⵔⵉⵏ.
ⵜⵙⴰⵡⵍ ⵓⵍⴰ ⴼ ⵉⵙⵍⴳⵏⵏ ⵏ ⵓⵙⴷⵓⵙ ⵏ ⵢⵉⵙⴽⵉⵍ ⵙ ⵜⵓⵎⴰⵢⵉⵏ ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵏ 2011 ⵍⵍⵉ ⵉⵙⴰⵡⵍ ⴼ ⵢⵉⵙⴽⵉⵍ ⴳ ⵉⵣⵔⴼⴰⵏ ⵉⵖⵔⵎⴰⵏⵏ ⴷ ⵉⵙⵔⵜⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵉⵡⵏⴹⴰⵏⵏ.
ⵖⵎⴽ ⵍⵍⵉ ⵜⵙⴰⵡⵍ ⵎⴰⵙⵙⴰ ⵏⴰⴷⵢⴰ ⵜⵀⴰⵎⵉ ⴼ ⵡⴰⵜⵉⴳ ⵏ ⵓⵙⴽⵔ ⵏ ⵜⴳⵔⴰⵡⵜ ⵏ ⵢⵉⵙⴽⵉⵍ ⴷ ⵓⵙⴱⴷⴷⵉ ⵏ ⴽⵓ ⴰⵏⴰⵡⵏ ⵏ ⵓⵙⵏⵓⵃⵢⵓ, ⴷ ⵓⵙⵎⴳⵏ 79.14 ⴷ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵎⵙⴰⵙⴰ ⴼ ⵓⴱⵕⵓⵟⵓⴽⵓⵍ ⵉⵎⵓⵏⵏ ⵏ ⵜⵎⵢⴰⵇⵇⴰⵏⵜ ⵏ ⵓⵙⴱⴷⴷⵉ ⵏ ⵡⴰⵏⴰⵡⵏ ⵏ ⵓⵙⵏⵓⵃⵢⵓ ⵎⴳⴰⵍ ⵏ ⵜⵎⵖⴰⵔⵜ.
ⵜⵙⴰⵡⵍ ⵓⵍⴰ ⴼ ⵜⵓⴳⴳⴰⵙ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵜⵉⵍⵉⵜ ⵏ ⵜⵎⵖⴰⵔ ⴳ ⵜⴳⵔⴰⵡⵉⵏ ⵜⵜⴰⵡⵙⵜⴰⵢⵏⵉⵏ ⵙ ⵓⵙⵔⵓⵙ ⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ ⴼ ⵓⵙⵜⴰⵢ ⵉ ⵡⴰⵍⴰⵢ ⵏ ⵜⴳⵏⵙⴰⵙⵜ ⵏ ⵜⵎⵖⴰⵔⵉⵏ ⴳ ⵜⴳⵔⴰⵡⵉⵏ ⴰⴷ.
ⵖⵎⴽ ⵍⵍⵉ ⵜⵙⵎⵏⵉⴷ ⵜⵓⴳⴳⴰⵙ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵓⵙⵉⵥⴹⵕ ⴰⴷⵎⵙⴰⵏ ⵏ ⵜⵎⵖⴰⵔⵜ ⵙ ⵉⵖⴰⵡⴰⵙⵏ ⵏ ⵓⵙⴷⵓⵙ ⵏ ⵓⵙⵉⵥⴹⵕ ⴰⵣⵔⴼⴰⵏ ⴷ ⵓⴷⵎⵙⴰⵏ ⴷ ⵓⵎⵔⵙⵍⴰⵏ ⵏ ⵜⵎⵖⴰⵔⵜ, ⵃⵎⴰ ⴰⴷ ⵢⵉⵍⵉ ⵓⵙⵕⵚⵓ ⵏ ⵜⵎⵢⴰⴷⴰⵙⵜ ⵏ ⵡⴰⵏⴰⵡ ⴳ ⵜⵙⵜⵔⴰⵜⵉⵊⵉⵢⵏ ⵜⵉⵎⴰⵡⵙⴰⵙⵉⵏ, ⴰⵢⵍⵍⵉ ⵢⵉⵡⵙⵏ ⵉ ⵜⵎⵖⴰⵔⵜ ⴰⴷ ⵜⵟⵟⵉⴼ ⵓⵎⵎⵉⵥⵏ ⵉⵣⵔⴼⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴰⵡⵉⵏⵜ ⴰⵙⵓⵜⴳ ⴰⴳⵔⴰⵖⵍⴰⵏ ⵉⴳⴳⵓⵜⵏ.
ⴳ ⵜⴳⵉⵔⴰ, ⵜⵏⵏⴰ ⵎⴰⵙⵙⴰ ⵏⴰⴷⵢⴰ ⵜⵀⴰⵎⵉ ⵉⵙⵖⵍⴰⴼ ⵣⴷⵉⵏⵉⵏ ⴷ ⵓⵙⴽⵔ ⵏ ⵢⵉⵙⴽⵉⵍ ⴷ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵜⵎⵖⴰⵔⵜ ⴳ ⵜⵉⵔⵔⴰ ⵏ ⵉⵙⵍⴳⵏⵏ ⴷ ⵓⵚⴽⵓ ⵏ ⵉⵖⴰⵡⴰⵙⵏ ⵉⴳⴷⵓⴷⴰⵏⵏ, ⵜⵉⵏⵉ ⵎⴰⵙ ⵉⴳⴰ ⵓⵎⵣⵔⴰⵢ ⵊⴰⵔ ⵜⵉⵍⴰⵡⵜ ⵜⴰⵏⴰⵎⵓⵏⵜ ⴷ ⵓⵙⵡⵉⵏⴳⵎ ⴰⵎⴳⵔⵓ ⵏ ⴽⵓ ⴰⵎⴰⴷⴰⵏ, ⵡⴰⴷ ⵉⵍⵍⴰⵏ ⴷⴰⵜ ⵏ ⵓⵙⴽⵔ ⵏ ⵉⵙⵎⴰⵇⵇⴰⵎⵏ ⴳ ⵎⴰⵕⵕⴰ ⵜⵉⵎⵉⵣⴰⵔ ⵏ ⵓⵎⴰⴹⴰⵍ.
ⵜⵖⵔ ⵎⴰⵙⵙⴰ ⵏⴰⴷⵢⴰ ⵜⵀⴰⵎⵉ ⵓⵍⴰ ⵉ ⵓⴷⵔⴰⵡ ⵏ ⵜⵎⵓⵣⴰⵢⵉⵏ ⴷ ⵓⵎⵢⴰⵡⴰⴹ ⵉⵙⵓⵍⵏ ⵊⴰⵔ ⵏⵜⴱⴱⴰⴹⵉⵏ ⴷ ⵉⴱⵔⵍⴰⵎⴰⵏⵏ ⵏ ⵓⵎⴰⴹⴰⵍ ⵉ ⵓⵙⴽⵔ ⵏ ⵡⴰⵡⴰⵜⵜⴰⵙ ⵢⴰⵜⵜⵓⵢⵏ.