ⵉⵙⵎⴰⵢⵏⵓ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴰⴷⴷⴰⴷ ⵏⵏⵙ ⵉⵙⵓⵍⵏ ⵅⴼ ⵜⵎⵙⴰⵔⵜ ⵜⴰⵏⴰⵎⵓⵔⵜ

ⵜⴷⵔⵓ ⵎⴰⵙⵙ ⴼⴰⵜⵉⵏ ⵍⵖⴰⵍⵉ, ⵜⴰⴳⵎⴰⵎⵜ ⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴷⴰⵔ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ, ⵙⴳⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴳ ⵜⵙⵓⵜⵍⵜ ⵏ ⵉⵏⵏⴰⵢⵔ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴳ ⴱⵓⴳⵓⵟⴰ ⴳ ⴽⵓⵍⵓⵎⴱⵢⴰ ⵖ 25 ⴰⵔ 27 ⵉⵏⵏⴰⵢⵔ 2024. ⵔⴰⴷ ⵉⵍⵉⵏⵉⵜ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴷ ⵜⵎⵥⵍⴰⵢ ⴷ ⵜⵖⵉⵎⵉⵜ ⵜⴰⵎⴰⵜⴰⵢⵜ.

ⵜⴷⵔⵓ ⵜⴳⵏⵙⴰⵙⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ ⴳ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵜ ⵏ ⵜⵙⵔⵜⵉⵜ ⵏ ⴱⵕⵕⴰ ⴷ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵙⵇⵇⵉⵎⵜ ⵏ ⵓⵙⵍⵎⴷ ⴷ ⵜⴷⵍⵙⴰ ⴷ ⵜⵎⴰⵙⵙⴰⵏⵉⵏ, ⵜⵙⵏⵓⴱⴳ ⵓⵍⴰ ⵉⴳⵏⵙⴰⵙⵏ ⵏ ⵉⵡⴰⵏⴽⵏ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ (ⴽⵓⵍⵓⵎⴱⵢⴰ, ⵉⴽⵡⴰⴹⵓⵕ, ⵛⵛⵉⵍⵉ, ⵍⴱⵉⵔⵓ, ⴱⵓⵍⵉⴼⵢⴰ).

ⵜⵙⴽⵔ ⴰⵏⵎⵓⵇⵇⴰⵔ ⴷ ⵎⴰⵙⵙⴰ Cristina Reyes Hidalgo ⵜⴰⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ, ⵙⴷⴷⵉⴷⵏ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴰⵙⵏⴰⵍ ⵏ ⵜⵎⵙⴰⵔⵜ ⵜⴰⵏⴰⵎⵓⵔⵜ, ⵙⵓⵜⴳⵏ ⴰⵙⵜⴰⵢ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵜⵉⵎⵜⵜⴰ ⵎⵓⵏⵏⵉⵏ, ⴰⵢⵍⵍⵉ ⵉⴳⴰⴱ ⴰⵖⴱⴰⵍⵓ ⵏ ⵓⴱⵓⵔⵣ ⵉ ⵍⵎⵖⵔⵉⴱ ⴷ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⵖ ⵉⴳⴰ ⴰⴳⵎⴰⵎ.  ⵖⵎⴽ ⵍⵍⵉ ⵉⵍⵍⴰ ⵓⵎⴹⴰⴽⴰⵕ ⴼ ⵉⴳⵔⴰⵏ ⵏ ⵓⵎⵢⴰⵡⴰⵙ ⵉⵛⵛⴰⵔⵏ ⴰⵎⴰ ⵙⵏⴼⵍ ⵏ ⵉⵎⵣⵔⴰⵡⵏ ⴷ ⵜⵎⴽⵡⵉⵏ ⵏ ⵓⵙⵙⵍⵎⴷ.

ⵜⵙⵓⵜⴳ ⵜⴳⵏⵙⴰⵙⵜ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵜⵉⵣⴷⴰⵢⵉⵏ ⵥⵉⵍⵏⵉⵏ ⴰⴽⴷ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ, ⵖⵎⴽ ⴰⵏⵏ ⴷ ⵜⵉⵔⴰⵜ ⵉ ⵜⵣⵣⵉⴳⵣⵜ ⵏ ⵜⵡⵓⵔⵉ ⵉ ⵚⴰⵃⴰ ⵏ ⵜⵏⵓⴼⴰ ⵛⵛⴰⵔⵏⵉⵏ, ⵖⵎⴽ ⴰⵏⵏ ⴷ ⵓⵙⵓⵊⴷ ⵉ ⵓⵙⵏⴰⵍ ⵏ ⵉⵙⵏⴼⴰⵔⵏ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴳ ⵉⴳⵔⴰⵏ ⵏ ⵓⵙⵍⵎⴷ ⴼ ⵓⵔⵣⵣⵓ ⴰⵏⴼⵍⴰⵃ.

ⵜⵙⴷⴷⵉⴷ ⵓⵍⴰ ⵎⴰⵙ ⵔⴰⴷ ⵜⴳ ⵜⵏⵙⵙⵉⵅⴼⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⵎⵍⴷⴰ ⵏ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵚⴽⵓ ⵏ ⵡⴰⵡⵏⴰⴹ ⴷ ⵜⵣⵔⴼⵜ ⵉ ⴽⵓ ⵢⴰⵏ. ⴷ ⵜⵎⵍⴷⴰ ⵏ ⵓⵎⵢⴰⵡⴰⵙ ⴰⴽⴷ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴳ ⵓⵙⴷⵓⵙ ⴷ ⵓⵣⵓⵣⵣⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⵜⵃⴰⴹⵕ ⵎⴰⵙⵙⴰ ⵍⵖⴰⵍⵉ ⵓⵍⴰ ⴳ ⵜⵖⵉⵎⵉⵜ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⴳ ⵉⵍⵍⴰ ⵓⵎⴹⴰⴽⴰⵕ ⴷ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⴰⵙⴰⵜⵉ ⴼ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵜⵡⵓⵔⵉ ⵏ ⵜⴰⵣⵣⴰⵏⵉⵏ ⴳ ⵜⵙⴳⴰ ⵏ ⵍⴰⵏⴷⵉⵣ, ⴷ ⵓⵙⵎⵏⵉⴷ ⴷ ⵓⵎⴹⴰⴽⴰⵕ ⵏ ⵜⵙⵓⵎⵔⵜ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵎⵔⵙⵍⴰⵏⵜ ⵏ ⵓⵙⴳⴳⵯⴰⵙ ⵏ 2024.