ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⴽⵡⵉⵜ-ⵍⵎⵖⵔⵉⴱ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 25 ⵉⵏⵏⴰⵢⵔ 2024 ⴳ ⵕⵕⴱⴰⵟ, ⵎⴰⵙⵙ ⵃⴰⵎⴷ ⵎⵓⵃⴰⵎⵎⴰⴷ ⵍⵎⴰⵟⴰⵕ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⴽⵡⵉⵜ-ⵍⵎⵖⵔⵉⴱ, ⵉⵔⵣⴼⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵜⵎⵜⵜⴰ.
ⵉⵍⵍⴰ ⵓⵙⵎⵏⵉⴷ ⵏ ⵉⴷⵎⴰⵡⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⴷ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ. ⵙ ⵜⵉⵍⵉⵜ ⵏ ⵎⴰⵙⵙ ⵍⵄⴱⴱⴰⵙ ⵍⵡⴰⵎⵖⴰⵔⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵍⴽⵡⵉⵜ, ⴷ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵍⵢⴰⵃⵢⴰ ⴰⵎⵙⵇⵇⴰⴷ ⵏ ⵍⴽⵡⵉⵜ ⴳ ⵕⵕⴱⴰⵟ.
ⵉⵙⵙⴽⵯⵜⵉ ⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴰⴷⵔⴰⵡ ⵏ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵍⴽⵡⵉⵜ ⵙ ⵜⵏⴰⵔⴰ ⵉⵥⵉⵍⵏ ⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ, ⵉⵙⵎⴰⵢⵏⵓ ⴰⵙⵏⵉⵎⵎⵔ ⵉⵣⵣⵉⴳⵣⵏ ⵏ ⵍⴽⵡⵉⵜ ⴷ ⵓⵙⵏⴰⵍ ⵏⵏⵙ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵅⵅⵓⵜⵔⴰ ⵏⵏⵙ ⴼ ⵡⴰⴽⴰⵍ ⵏⵏⵙ, ⵉⵙⵓⵜⴳ ⵓⵍⴰ ⴰⴷⴷⴰⴷ ⵉⵙⵓⵍⵏ ⵏ ⵍⴽⵡⵉⵜ ⵎⵏⵉⴷ ⵏ ⵜⵎⵖⵔⵉⴱⵉⵜ ⵏ ⵚⵚⵃⵕⴰ.
ⵉⵙⵡⴰⵍ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵓⵍⴰ ⴼ ⵜⴷⵉⵏⴰⵎⵉⵜ ⵉⵍⵍⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⵙⴰⵡⵓⵔⵏ ⵏⵏⵙ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵉⵙⵡⵉⵔⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵓⵙⵙⴰⵔⵓ ⴷ ⵓⵙⵎⴰⵢⵏⵓ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⴷⵓⵙ ⵏ ⵓⵎⵢⴰⵡⴰ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵉⵔⵣⴰⴼⵏ, ⵢⵉⵏⵉ ⵎⴰⵙ ⵉⵎⵎⴰⵖ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵣⴷⴰⵢ ⴰⴽⴷ ⴰⵏⴳⴳⵯⵓ ⵏⵏⵙ ⴰⴽⵡⵉⵜⵉ ⴳ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵙⵍⴰⵡⴰⵏ ⴰⴽⴽⵯ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ.
ⴳ ⵓⵎⵏⵉⴷ ⵏⵏⵙ, ⵉⵏⵏⴰ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⴽⵡⵉⵜ-ⵍⵎⵖⵔⵉⴱ ⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴰⵣⵓⵍ ⵏ ⵎⴰⵙⵙ ⴰⵃⵎⴰⴷ ⵄⴰⴱⴷⵍⵄⴰⵣⵉⵣ ⵊⴰⵙⵉⵎ ⵙⵙⴰⵄⴷⵓⵏ, ⵉⵙⴷⴷⵉⴷ ⴼ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵜⵉⵎⵉⵣⴰⵔ ⴷ ⵉⵎⴰⴷⴰⵏⵏ ⴰⵢⵜⵎⴰⵜⵏ ⴷ ⵓⵏⵔⴰⵎⴰⵙ ⴷ ⵓⵎⵙⴰⵙⴰ ⵉⵍⵍⴰⵏ, ⵉⵙⵓⵜⴳ ⴰⵔⴳⴳⵉⴳ ⴳ ⵍⴽⵡⵉⵜ ⴷ ⵍⵎⵖⵔⵉⴱ ⵙ ⵜⵏⴰⵔⴰ ⵉⵥⵉⵍⵏ ⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ.
ⵢⵉⵏⵉ ⵓⵍⴰ ⵎⴰⵙ ⵜⵟⵟⴰⴼ ⵜⴳⵍⴷⵉⵜ ⴰⵙⵡⵉⵔ ⴰⴳⵔⴰⵖⵍⴰⵏ ⴰⵅⴰⵜⴰⵔ ⵜⵉⴳⴰⵔⵉⵡⵉⵏ ⴰⴷ ⵙ ⵓⵎⵎⵉⵥⵏ ⵏⵏⵙ ⴳ ⴽⵉⴳⴰⵏ ⵏ ⵉⴳⵔⴰⵏ.
ⵉⵙⵎⴰⵢⵏⵓ ⵓⵍⴰ ⴰⵙⵏⴰⵍ ⵏ ⵍⴽⵡⵉⵜ ⵉ ⵜⵎⵙⴰⵔⵜ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵍⵍⵉ ⵉⵙⵎⵏⵉⴷ ⵍⵎⵖⵔⵉⴱ, ⵉⵙⴷⴷⵉⴷ ⴰⵙⵏⴰⵍ ⵏ ⵍⴽⵡⵉⵜ ⵉ ⵜⵅⵅⵓⵜⵔⴰ ⵉⵙⵎⴷⵏ ⵏ ⵍⵎⵖⵔⵉⴱ ⴳ ⵜⵏⵣⵔⵓⴼⵜ ⵏⵏⵙ ⵙ ⵓⵎⵙⴰⵙⴰ ⴷ ⵜⵙⵔⵜⵉⵜ ⵜⴰⴱⵕⵕⴰⵏⵜ ⵏ ⵓⵡⴰⵏⴽ ⵏ ⵍⴽⵡⵉⵜ ⵉⴱⴷⴷⵏ ⴼ ⵓⵎⵢⴰⵙ ⴷ ⵓⵙⵙⴼⵍⴷ ⴷ ⵓⵣⵔⴼ ⵏ ⵜⵅⵅⵓⵜⵔⴰ ⴷ ⵡⴰⵔⴰⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵜⵉⴳⵯⵏⵙⴰⵏⵉⵏ ⵏ ⵉⵡⴰⵏⴽⵏ. ⵉⵙⴷⴷⵉⴷ ⴼ ⵓⵣⴷⴰⵢ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵓⵎⵢⴰⵡⴰⴹ ⴰⵙⵓⵍⴰⵏ.
ⵢⵓⵎⴰ ⵓⴽⴰⴱⴰⵕ ⵏ ⵍⴽⵡⵉⵜ ⵉⴷ ⵎⴰⵙⵙ: ⵃⴰⵎⴷ ⵎⵓⵃⴰⵎⴰⵎⴷ ⵍⵎⴰⵟⴰⵕ, ⵃⴰⵎⴷⴰⵏ ⵙⴰⵍⵎ ⵍⵄⴰⵣⵎⵉ, ⴼⴰⵀⴷ ⵄⴰⴱⴷⵍⵄⴰⵣⵉⵣ ⵍⵎⵙⵄⵓⴷ, ⵙⴰⵄⵓⴷ ⵄⴰⴱⴷⵍⵄⴰⵣⵉⵣ ⵕⵕⴰⵇⵎ, ⵎⵓⵃⴰⵎⵎⴰⴷ ⵃⴰⵎⵉⴷⵉ ⵍⵄⵎⵉⵔⵉ.