ⵜⵎⴹⴰⴽⴰⵕ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⴽⵡⵉⵜ-ⵍⵎⵖⵔⵉⴱ
ⵜⵎⴹⴰⴽⴰⵕ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⴰⴱⵉⵢⵏ ⵏ ⴱⵕⵕⴰ, ⴰⴽⵕⴰⵙ 24 ⵉⵏⵏⴰⵢⵔ ⴳ ⵕⵕⴱⴰⵟ, ⴷ ⵎⴰⵙⵙ ⵃⴰⵎⴷ ⵎⵓⵃⴰⵎⵎⴰⴷ ⵍⵎⴰⵟⴰⵕ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⴽⵡⵉⵜ -ⵍⵎⵖⵔⵉⴱ ⵍⵍⵉ ⵉⵔⵣⴼⵏ ⵜⴰⵎⴰⵣⵉⵔⵜ ⵏⵏⵖ ⴷ ⵓⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵜⵎⵜⵜⵉ.
ⵜⵙⴱⵔⵔⴽ ⵎⴰⵙⵙⴰ ⴱⵓⵄⵉⴷⴰ ⴰⵔⵣⴰⴼ ⵏ ⵓⴽⴰⴱⴰⵕ ⴰⴷ ⵉ ⵜⵎⴰⵣⵉⵔⵜ ⵏⵏⵖ, ⴰⵢⵍⵍⵉ ⵔⴰⴷ ⵉⵙⵎⵖⵔ ⵜⵉⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵊⴰⵔ ⵜⵉⵎⵉⵣⴰⵔ ⴷ ⵉⵎⴰⴷⴰⵏⵏ ⴰⵢⵜⵎⴰⵜⵏ ⴷ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ.
ⵜⵙⵎⵏⵉⴷ ⵓⵍⴰⴷ ⵉⵎⵏⴰⴷⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵓⵙⵙⴰⵔⵓ, ⵍⵍⵉⵖ ⴰ ⵢⴰⴽⴽ ⵓⵙⵍⴳⵏ ⵏ ⵓⵙⵙⴰⵔⵓ ⴳ ⵍⵎⵖⵔⵉⴱ ⵜⵉⵎⵍⴷⴰ ⵉ ⵉⴷ ⴱⴰⴱ ⵏ ⵓⵙⵙⴰⵔⵓ ⵉⴱⵕⵕⴰⵏⵉⵢⵏ.
ⵖⵎⴽ ⵍⵍⵉ ⵜⵙⵎⵏⵉⴷ ⵜⴰⵙⵜⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⴳ ⵢⵉⴳⵔ ⵏ ⵜⵥⴹⴰⵕⵜ ⵉⵙⵏⴼⴰⵔⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵓⵎⵏⵥⴰⵡ ⴰⵎ ⴰⵙⵏⴼⴰⵔ ⵏ ⵓⵇⴰⴷⵓⵙ ⵏ ⵍⴳⴰⵣ ⵍⵍⵉ ⵔⴰⴷ ⵉⵣⴷⵉ ⵏⵉⵊⵉⵔⵢⴰ ⴷ ⵓⵕⵓⴱⴱⴰ ⵙ ⵍⵎⵖⵔⵉⴱ.
ⴳ ⵓⵏⵎⵓⵇⵇⴰⵔ, ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵔⵉⵜ ⵍⴰⵢⵍⴰ ⴷⴰⵀⵉ ⴷ ⵎⴰⵙⵙⴰ ⵜⴰⵎⴰⵔⵓⵜ ⵄⵉⵛⴰ ⵍⴽⵔⵊⵉ ⴼ ⵡⴰⵜⵉⴳ ⵏ ⵓⵔⵣⴰⴼ ⴰⴷ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵍⵎⵖⵔⵉⴱ ⴷ ⵍⴽⵡⵉⵜ ⴷ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵛⵛⴰⵔⵏⵉⵏ.
ⵜⵖⵔ ⴰⵙⵙⴰ ⴷⴰⵀⵉ ⵉ ⵓⴽⴰⴱⴰⵕ ⵏ ⵍⴽⵡⵉⵜ ⵉ ⵓⵔⵣⴰⴼ ⵏ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵃⵎⴰ ⴰⴷ ⵉⵥⵕ ⵜⵉⴳⵎⵉ ⵍⵍⵉ ⴳⵉⵙⵏ ⵉⵍⵍⴰⵏ.
ⵉⵙⵓⵜⴳ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⴽⵡⵉⵜ-ⵍⵎⵖⵔⵉⴱ ⴰⵙⵡⵉⵔ ⵏ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴷ ⵓⵔⴳⴳⵉⴳ ⴷ ⵜⵏⴼⵔⵓⵜ ⴳⵉⵙⵏ ⵉⵍⵍⴰⵏ, ⵢⵉⵏⵉ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⴷ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵓⴷⵍⵙⴰⵏ ⴷ ⵓⵎⴰⵙⵙⴰⵏ ⵊⴰⵔ ⵍⴽⵡⵉⵜ ⴷ ⵍⵎⵖⵔⵉⴱ.
ⵉⵙⵓⵜⴳ ⵓⵍⴰ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⴳ ⵓⴼⵔⴰⴳ ⵏ ⵜⵎⴰⴳⵉⵜ ⵜⵓⵙⵍⵉⵎⵜ ⴷ ⵜⴰⵄⵕⴰⴱⵜ ⴷ ⵜⵖⵔⵎⴰⵏⵜ ⵏ ⵍⵇⵓⴷⵙ, ⵢⵉⵏⵉ ⴰⴷⴷⴰⴷ ⵏ ⵍⴽⵡⵉⵜ ⵉⵙⵓⵍⵏ ⴼ ⵜⵎⵙⴰⵔⵜ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ ⴷ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵍⵍⵉ ⵜⵙⵎⵏⵉⴷ ⵜⵎⴰⵣⵉⵔ ⵜⵏⵏⵖ.
ⴳ ⵜⴳⵉⵔⴰ, ⵉⵖⵔⴰ ⵎⴰⵙⵙ ⵃⴰⵎⴷ ⵎⵓⵃⴰⵎⵎⴰⴷ ⵍⵎⴰⵟⴰⵕ ⵉ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵉ ⵓⵔⵣⴰⴼ ⴰⵎⴰⴷⴷⵓⴷ ⵏ ⵜⵡⵓⵔⵉ ⵉ ⵍⴽⵡⵉⵜ.