ⵍⵎⵖⵔⵉⴱ-ⵍⴽⵡⵉⵜ, ⵉⵎⴹⴰⴽⴰⵕⵏ ⵏ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⵏ ⵜⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ
ⵉⵙⵏⵓⴱⴳ ⵎⴰⵙⵙ ⵍⵄⴱⴱⴰⵙ ⵍⵡⴰⵎⵖⴰⵔⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵍⴽⵡⵉⵜ, ⴰⴽⵕⴰⵙ 24 ⵉⵏⵏⴰⵢⵔ 2024, ⴳ ⵕⵕⴱⴰⵟ ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⵙⴳ ⵍⴽⵡⵉⵜ ⵉⵔⵣⴼⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ.
ⴳ ⵜⵣⵡⵉⵔⵉ, ⵉⵙⴰⵡⵍ ⵎⴰⵙⵙ ⵍⵡⴰⵎⵖⴰⵔⵉ ⴼ ⵜⵓⵎⵔⵜ ⵏⵏⵙ ⵙ ⵓⵙⵏⵓⴱⴳ ⵏ ⵓⴽⴰⴱⴰⵕ ⵏ ⵍⴽⵡⵉⵜ, ⵉⵙⵎⵏⵉⴷ ⴰⴼⵛⴰⴷ ⵉ ⵓⵎⴰⴷⴰⵏ ⵏ ⵍⴽⵡⵉⵜ ⴷⴼⴼⵉⵔ ⵏ ⵜⵎⵜⵜⴰⵏⵜ ⵏ ⵓⵎⵏⵓⴽⴰⵍ ⵏ ⵓⵡⴰⵏⴽ ⵛⵛⵉⵅ ⵏⵡⴰⴼ ⴰⵍⴰⵃⵎⴰⴷ ⵍⵊⴰⴱⵉⵔ ⵚⵚⴰⴱⴰⵃ, ⵉⵙⵓⵜⴳ ⴰⵎⵓⵜⵜⵉ ⵉⴱⵙⵓⵙⵏ ⵏ ⵜⵏⴱⴰⴹⵜ.
ⵉⵙⵓⵜⴳ ⵓⵍⴰ ⴰⵏⴰⵡ ⵉⵍⵍⴰⵏ ⴳ ⵍⴽⵡⵉⵜ ⴳ ⵢⵉⴳⵔ ⵏ ⵜⵍⴻⵍⵍⵉ ⴷ ⵜⴷⵉⵎⵓⵇⵔⴰⵟⵉⵜ ⴷ ⵓⵏⵏⵓⵕⵥⵎ ⴰⵙⵔⵜⴰⵏ ⴷ ⵓⴷⵉⵎⵇⵓⵇⵔⴰⵟⵉ ⵉⵍⵍⴰⵏ ⴳ ⵓⵙⵇⵇⵉⵎ ⵏ ⵜⵎⵜⵜⵉ ⵏ ⵍⴽⵡⵉⵜ.
ⵉⵙⵏⵉⵎⵎⵔ ⵍⴽⵡⵉⵜ ⴷⴼⴼⵉⵔ ⵏ ⵡⴰⴷⴷⴰⴷ ⵉⵥⵉⵍⵏ ⵏ ⵍⴽⵡⵉⵜ ⵅⴼ ⵜⵎⵙⴰⵔⵜ ⵏⵏⵖ ⵜⴰⵏⴰⵎⵓⵔⵜ, ⵍⵍⵉⵖ ⵜⵎⵍⴰ ⵜⴷⵉⴱⵍⵓⵎⴰⵙⵉⵜ ⵏ ⵍⴽⵡⵉⵜ ⴰⴷⴷⴰⴷ ⵏ ⵓⵙⵏⴰⵍ ⵏ ⵜⵎⵖⵔⵉⴱⵉⵜ ⵏ ⵚⵚⵃⵕⴰ, ⵖⵎⴽ ⴰⵏⵏ ⴷ ⵡⴰⴷⴷⴰⴷ ⵅⴼ ⵜⵎⵙⴰⵔⵜ ⵏ ⴼⴰⵍⵉⵚⵟⵉⵏ.
ⵉⵙⴷⴷⵉⴷ ⵎⴰⵙⵙ ⵃⴰⵎⴷ ⵎⵓⵃⵎⵎⴰⴷ ⵍⵎⴰⵟⴰⵕ ⵜⵉⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵊⴰⵔ ⵍⵎⵖⵔⵉⴱ ⴷⵍⴽⵡⵉⵜ, ⵉⵏⵏⴰ ⴰⴼⵛⴰⴷ ⵏ ⵍⴽⵡⵉⵜ ⴰⵎⵏⵓⴽⴰⵍ ⴷ ⵜⵏⴱⴰⴹⵜ ⴷ ⵓⵎⴰⴷⴰⵏ ⵉ ⵍⵎⵖⵔⵉⴱ ⴷⴼⴼⵉⵔ ⵏ ⵓⵎⴷⵓⴷⵉ ⵏ ⵍⵃⴰⵡⵣ.
ⵖⵎⴽ ⵍⵍⵉ ⵉⵙⴰⵡⵍ ⴼ ⵉⵙⵏⵜⵍⵏ ⵎⵎⴰⵍⴰⵏⵉⵏ ⵜⴰⵣⴷⴰⵢⵜ ⵜⴰⵎⵣⵔⴰⵢⵜ ⵊⴰⵔ ⵜⵉⵎⵉⵣⴰⵔ, ⵉⵙⵓⵜⴳ ⵜⵉⵍⴰⵍⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⴳ ⵓⵙⵏⴰⵍ ⵏ ⵜⵎⵙⴰⵔⵜ ⵏ ⴼⴰⵍⵉⵚⵟⵉⵏ.
ⵉⵙⵎⴰⵢⵏⵓ ⵎⴰⵙⵙ ⵎⵓⵃⴰⵎⵎⴰⴷ ⵍⵎⴰⵟⴰⵕ ⴰⴷⴷⴰⴷ ⵉⵙⵓⵍⵏ ⵏ ⵜⵎⴰⵣⵉⵔⵜ ⵏⵏⵙ ⴳ ⵓⵙⵏⴰⵍ ⵏ ⵜⵎⵖⵔⵉⴱⵉⵜ ⵏ ⵚⵚⵃⵕⴰ, ⴷ ⵜⵏⵙⵜⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵏⴱⴰⴹ ⴰⵏⵉⵎⴰⵏ, ⴰⵢⵍⵍⵉ ⵉⴳⴰⵏ ⴰⵙⵏⴰⵍ ⵉⵙⵎⴷⵏ ⵏ ⵓⵣⵔⴼ ⴰⵎⵖⵔⵉⴱⵉ.
ⵉⵍⵍⴰ ⵓⵎⴹⴰⴽⴰⵕ ⴼ ⵓⵙⵙⴰⵔⵓ, ⵙⵍⴰⵡⴰⵏ ⵎⴰⴷ ⵉⵥⵍⵉⵏ ⵙ ⵓⵙⴷⵓⵙ ⵏ ⵓⵙⵙⴰⵔⵓ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵓⵙⵔⵅⵓ ⵏ ⵜⴱⵔⵉⴷⵉⵏ.
ⴳ ⵜⴳⵉⵔⴰ, ⵉⵖⵔⴰ ⵓⵏⵙⵙⵉⵅⴼ ⵏ ⵓⴽⴰⴱⴰⵕ ⵏ ⵍⴽⵡⵉⵜ ⵉ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵍⵎⵖⵔⵉⴱ-ⵍⴽⵡⵉⵜ ⵉ ⵓⵔⵣⴰⴼ ⵏ ⵓⵙⵇⵇⵉⵎ ⵏ ⵜⵎⵜⵜⴰ ⵏ ⵍⴽⵡⵉⵜ, ⵉ ⵓⵙⴷⵓⵙ ⵏ ⵉⵎⵛⴰⵡⴰⵕⵏ ⴷ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ.
ⴳ ⵜⵙⴳⴰ ⵜⴰⵎⵖⵔⵉⴱⵉⵜ, ⵉⵃⴰⴹⵕ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵍⴰ ⴷ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ, ⵃⴰⵢⴰⵜ ⵍⵄⵔⴰⵢⵛ, ⵉⵙⵎⴰⵄⵉⵍ ⵍⴱⵔⵀⵓⵎⵉ, ⵄⵓⵎⴰⵕ ⵍⴱⴰⵣ, ⵄⴰⵉⵛⴰ ⵍⴽⵓⵟ.
ⵙⴳ ⵜⵙⴳⴰ ⵏ ⵍⴽⵡⵉⵜ, ⵃⴰⴹⵕⵏ ⵉⴷ ⵎⴰⵙⵙ: ⵃⴰⵎⴷ ⵎⵓⵃⴰⵎⵎⴰⴷ ⵍⵎⴰⵟⴰⵕ, ⴼⴰⵀⴷ ⵄⴰⴱⴷⵍⵄⴰⵣⵉⵣ ⵍⵎⵙⵄⵓⴷ, ⵎⵓⵃⴰⵎⵎⴰⴷ ⵃⴰⵎⵉⴷⵉ ⵍⵄⵎⵉⵔⵉ, ⵙⴰⵄⵓⴷ ⵄⴰⴱⴷⵍⵄⴰⵣⵉⵣ ⵕⵕⴰⵇⵎ ⴷ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵍⵢⴰⵀⵢⴰ ⴰⵎⵙⵇⵇⴰⴷ ⵏ ⵍⴽⵡⵉⵜ ⴳ ⵕⵕⴱⴰⵟ.