ⵜⴰⴳⵓⵔⵉ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵎⵓⵇⵇⴰⵔ ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴷⴷⵓ ⵜⵎⴰⵜⴰⵔⵜ: ”ⵓⵙⵎⴰⵍ ⴰⵏⴰⵎⵓⵔ ⴷ ⵡⴰⵎⵓⵏ: ⵜⵉⵏⴰⵥⴰⵕⵉⵏ ⵏ ⵉⵎⴰⵍ”

ⵎⴰⵙⵙⴰⵎⴰⵡⵙⴰⵙ

ⵉⵙⵜⵎⴰⵙⵙⴰⴷⵉⴷⵎⴰⵙⵙⵉⵎⵙⵜⴰⵢⵏⵏⵜⴳⵔⴰⵡⵉⵏⵏⵓⵙⵏⴳⵉⴷⴷⵉⴷⵜⵎⴰⴷⴷⴰⵙⵉⵏⵜⵉⵣⵣⵓⵍⴰⵏⵉⵏ

ⵉⵙⵜⵎⴰⵙⵙⴰⴷⵉⴷⵎⴰⵙⵙⵉⵏⵙⵙⵉⵅⴼⵏⵏⵜⵔⵓⴱⴱⴰⴷⵜⴳⵔⵓⵎⵎⴰⵜⵉⴱⵕⵍⴰⵎⴰⵏⵉⵢⵉⵏ

ⵉⴷⵎⴰⵙⵙⵉⵙⴰⵍⵎⴰⴷⵏ

ⵜⵉⵏⴳⴳⵯⴰⴷⵉⵏⴳⴳⵯⴰ

ⵉⵙⵜⵎⴰⵙⵙⴰⴷⵉⴷⵎⴰⵙⵙ.

ⵣⵔⵉⵏ ⵎⵔⴰⵡ ⵉⵙⴳⴳⵯⴰⵙⵏ ⵍⵍⵉⵖ ⵜⵙⵏⵓⴱⴳ ⵜⵎⵔⵙⵍⵜ ⵜⴰⵣⵣⵔⴰⴼⵜ: ”ⴰⵎⵙⴰⵡⴰⵍ ⴰⵏⴰⵎⵓⵔ ⴼ ⵓⵙⵎⴰⵍ ⴷ ⵡⴰⵎⵓⵏ”, ⵙ ⵉⵡⵜⵜⴰⵙⵏ ⴷ ⵜⵏⴰⵥⴰⵕⵉⵏ ⵜⵉⵏⴰⵎⵓⵔⵉⵏ ⵜⵉⵅⴰⵜⴰⵔⵉⵏ ⵡⴰⵜⵙⵙⵏⵉⵏ ⴰⵙⴷⵓⵙ ⵏ ⵢⵓⴰⵏ ⵉⴳⵔ ⵉⵙⵜⴰⵡⵀⵎⵎⴰⵏ ⴳ ⵓⵙⵕⵚⵓ ⴰⴷⵉⵎⵓⵇⵕⴰⵟⵉ ⴷ ⵓⵙⴷⵓⵙ ⵏ ⵜⴷⵉⵎⵓⵇⵕⴰⵟⵉⵜ ⴷ ⵓⵣⵓⵣⵣⵔ ⵏ ⵜⴷⵍⵙⴰ ⵏⵏⵙ ⴷ ⵓⵙⵔⵅⵓ ⵏ ⵓⵏⵏⵓⵕⵣⵎ ⴷ ⵜⵉⵍⵉⵜ ⵏ ⵓⵎⵣⴰⵔⴰⵢ ⴷ ⵓⵎⵣⴰⵖ ⵏ ⵜⵎⵙⴰⵔⵉⵏ ⵜⵓⴷⴷⵉⵔⵉⵏ ⵏ ⵜⵎⴰⵣⵉⵔⵜ ⵏⵏⵖ. 

ⵙⵙⵓⵔⴼⴰⵜ ⵉⵢⵉ ⵉⵖ ⵓⵔⵜⴰ ⵓⵔⵔⵉⵖ ⵙ ⵜⵢⵢⴰⴼⵓⵜⵉⵏ ⵏ ⵓⵎⵙⴰⵡⴰⵍ ⴰⴷ, ⴳⴰⵏⵉⵏ ⵙⵓⵍ ⵜⵉⵏ ⵡⴰⵙⵙ ⴰⴷ, ⴰⴷ ⵙⵔⵓⵏ ⵙⴱⵔⵔⴽⵖ ⵍⵍⵉⵖ ⴷ ⵜⵓⵛⴽⴰⵎ ⴷⴰⵔ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵎⴹⴰⴽⴰⵕ ⵉⴱⵙⵓⵙⵏ ⵍⵍⵉ ⵏⵔⴰ ⴰⴷ ⵢⴰⵡⵉ ⵜⵉⵢⵢⴰⴼⵓⵜⵉⵏ ⵍⵍ ⵔⴰⴷ ⵢⴰⵡⵙ ⴳ ⵓⵙⵎⵖⵔ ⵏ ⵢⵉⴳⵔ ⵏⵏⵖ ⵏ ⵓⵙⵎⴰⵍ, ⴳ ⵉⵙⵡⵉⵔⵏ ⵏ ⵓⵙⵏⵎⴰⵍⴰ ⴷ ⵡⴰⵏⴰⵡ ⴰⴷⵎⵙⴰⵏ ⴷ ⵜⵓⵎⴰⵢⵜ ⵉⵜⵜⵢⵓⵔⴰⵏ.

ⵍⵍⵉⵖ ⵏⵙⵡⵉⵏⴳⵎ ⴳ ⵓⵙⵏⵎⴰⵍⴰ ⵏ ⵡⴰⵙⵙ ⴰⴷ, ⵏⵙⵙⴽⵯⵜⵉ ⴷ ⵜⴰⴼⵍⵙⴰⴼⵜ ⴷ ⵉⵎⴰⵏ ⵏ ⵓⵎⵙⴰⵙⴰ  ⵉⵎⵓⵏⵏ ⴷ ⵜⴱⵔⵉⴷⵜ ⵏ ⵓⵎⵓⴽⵏ ⴳ ⵜⵎⴰⵣⵉⵔⵜ ⵏⵏⵖ, ⵍⵍⵉ ⵉⵙⵙⵕⵚⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵎⴰⵕⵕⴰ ⵏ ⵉⵎⵓⴽⵏⵏ ⴷ ⵉⵙⴰⵡⵓⵔⵏ. ⵣⵓⵏ ⴰⵙⵓⵊⴷ ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⴷ ⵓⵙⵍⴳⵏ ⵏ ⵜⵓⵡⵊⴰ ⴷ ⵓⵏⵇⵇⵉⵙ ⵏ ⵜⵙⵎⵎⵓⵙⵉⵏ ⴷ ⵜⵎⵏⴰⴹⵜ ⵉⵣⵣⵉⴳⵣⵏ ⴷ ⵓⵎⵓⴽⵏ ⵏ ⵓⵙⵙⵍⵎⴷ ⴷ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ.

ⵉⵣⵉⴳⵣ “ⵓⵎⵙⴰⵡⴰⵍ ⴰⵏⴰⵎⵓⵔ ⴼ ⵓⵙⵎⴰⵍ ⴷ ⵡⴰⵎⵓⵏ” ⴼ ⵜⴱⵔⵉⴷⵜ ⴰⴷ,  ⴳ ⵓⵚⴽⵓ ⵏ ⵜⴳⵔⴰⵡⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵔ ⴳ ⵍⵍⴰⵏ ⵉⴷ ⴱⴰⴱ ⵏ ⵜⵣⵣⵓⵍⵜ ⴷ ⵉⵎⵙⴽⴰⵔⵏ ⵉⵙⵔⵜⴰⵏⵏ ⵉⴳⵏⵙⴰⵙⵏ ⵏ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⵎⴰⵡⴰⵙⵜ ⵉⵥⵍⵉⵏ , ⵖⵎⴽ ⴰⵏⵏ ⴷ ⵜⵖⵉⵎⵉⵜⵉⵏ ⵏ ⵓⵎⵙⴰⵡⴰⵍ ⴷ ⵓⵙⵙⴼⵍⴷ ⴷ ⵜⵙⴳⴳⵉⵡⵉⵏ ⵢⴰⴹⵏⵉⵏ ⵍⵍⵉ ⵙⴷⵓⵔⵏⵉⵏ ⵉⵏⵖⵎⴰⵙⵏ ⴷ ⵜⵎⵔⵙⴰⵍ ⵏ ⵓⵙⵎⴰⵍ ⴷ ⵜⵎⵔⵙⴰⵍ ⵏ ⵜⴷⵎⵙⴰ ⵏ ⵓⵙⵎⴰⵍ ⴷ ⵜⵏⵖⵎⴰⵙⵜ ⴷ ⵓⵎⵢⴰⵡⴰⴹ ⴷ ⵓⵙⵎⵓⵜⵜⴳ.

ⵉⴳⴰ ⵓⵙⴳⴳⵯⴰⵙ ⵏ ⵓⵎⴹⴰⴽⴰⵕ ⴰⴳⴷⵓⴷⴰⵏ ⵓⵛⵛⵉⵍ ⵉ ⵓⵎⵙⴰⵙⴰ ⴼ ⵜⴽⵕⴹⴰ ⵏ ⵓⴱⵔⵉⴷ ⵏ ⵓⵎⵓⴽⵏ ⵏ ⵢⵉⴳⵔ ⴰⴷ, ⴷ ⵓⴳⴳⴰⵔ ⵏ 300 ⵏ ⵓⵙⵖⵍⴼ (303), ⴷ ⵜⵣⵔⴰⵡⵉⵏ ⵣⴷⵉⵏⵉⵏ ⴷ ⵓⵙⵎⴰⵍ ⴳ ⵜⵍⵍⴰ ⵜⵣⵔⴰⵡⵜ ⵜⴰⵙⵓⵙⵢⵓⵍⵓⵊⵉⵜ ⴼ ⵉⵏⴰⵔⵓⵣⵏ ⵏ ⵉⵄⵔⵔⵉⵎⵏ ⵉⵎⵖⵔⵉⴱⵉⵢⵏ ⴳ ⵉⵎⴰⵙⵙⵏ ⵏ ⵓⵙⵎⴰⵍ ⴷ ⵡⴰⵎⵎⴰⵙⵏ ⵏ ⵓⵅⵎⵎⴻⵎ ⵏⵏⵙⵏ ⴰⵏⵖⵎⴰⵙ.

ⵉⵖ ⵏⵓⵔⵔⵉ ⴰⵙⵙ ⴰⴷ ⵙ ⵉⵙⵖⵍⴰⴼ ⴷ ⵜⵢⵢⴰⴼⵓⵜⵉⵏ ⵏ ⵓⵍⴰⵖⵎⵓ ⴰⴷ ⴰⵏⴰⵎⵓⵔ, ⵓⵔ ⴷ ⵉ ⵓⵙⴼⵓⴳⵍⵓ ⵏ ⵓⴽⵜⵜⵓⵢ, ⵎⴰⵛⵛ ⵉⵣⴷⵉ ⴷ ⵓⵎⵏⴰⴹ ⴷ ⵜⵏⴰⵥⴰⵕⵉⵏ ⴷⴰⵜ ⵏ ⵜⵎⴰⵣⵉⵔⵜ ⵏⵏⵖ, ⴷⴰⵜ ⵏ ⵉⴳⵔ ⴰⴷ, ⵉⵇⵇⴰⵏ ⴷ ⴰⴷ ⵏⵓⵔⵔⵉ ⵙ ⵜⵢⵢⴰⴼⵓⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵔ ⴷ ⵜⵉⵢⵢⴰⴼⵓⵜⵉⵏ ⵏⵏⵙ ⵉⴳⴰⵏ ⴰⵢⴷⴰ ⵉⵛⵛⴰⵔⵏ ⴼ ⵉⵍⵍⴰ ⵓⵎⵙⴰⵙⴰ, ⵉⵟⵟⴼ ⵜⵉⵍⵍⵓⴳⵏⴰ ⵜⴰⴷⵉⵎⵓⵇⵔⴰⵟⵉⵜ ⵙ ⵜⵍⵍⵓⴳⵏⴰ ⵏ ⵉⵎⴷⵔⴰⵡⵏ ⴳⵉⵙ.

ⵉⵖ ⵏⴷⴷⵔ ⴰⵙⵙ ⴰⴷ ⵉⵎⵏⴰⴹⵏ ⵉⵎⴰⵢⵏⵓⵜⵏ ⵙ ⵜⵏⴰⵥⴰⵕⵉⵏ ⵜⵉⵎⴰⵢⵏⵓⵜⵉⵏ, ⵉⵇⵇⴰⵏ ⴷ ⴰⴷ ⵏⵙⵙⵏ ⵎⴰⵙ ⵜⴻⵟⵟⴰⴼ ⵜⵏⵖⵎⴰⵙⵜ ⴳ ⵍⵎⵖⵔⵉⴱ ⵜⵉⵍⴰⵍⵜ ⴳ ⵓⵙⵍⴻⵍⵍⵉ ⵙⴳ ⵓⵏⴳⵔⴰⵡ ⵏ ⵓⴼⵔⴰⴳ ⴷ ⵓⵚⴽⵓ ⵏ ⵜⵙⵉⵎⴰⵏⵜ, ⴷ ⵓⵙⵕⵚⵓ ⵏ ⵜⵔⵙⴰⵍ ⵏ ⵓⵡⴰⵏⴽ ⴰⵏⴰⵎⵓⵔ ⴷ ⵜⴷⵉⵎⵓⵇⵔⴰⵟⵉⵜ ⴷ ⵓⴼⵔⴰⴳ ⵏ ⵜⵎⵏⵏⴰⵡⵜ. ⵎⵇⵇⴰⵔ ⵜⵍⵍⴰ ⴽⵔⴰ ⵜⵉⵣⵉ ⵉⵛⴷⴷⴰⵏ ⵖ ⵜⵣⵔⵉ ⵜⵎⵣⵉⵔⵜ ⵏⵏⵖ, ⵀⴰⵜⵉ ⴰⵔ ⴱⴷⴷⴰ ⵜⴻⵟⵟⵉⴼ ⵜⴰⵏⵖⵎⴰⵙⵜ ⵏ ⵜⵍⴻⵍⵍⵉ ⴷ ⵓⴼⵔⴰⵏ ⴷ ⵜⵎⵏⵏⴰⵡⵜ ⵉⵎⵎⴰⵍⴰⵏ ⴰⵏⴰⵡ ⵏ ⵡⴰⵎⵓⵏ ⴰⵎⵖⵔⵉⴱⵉ ⴰⵎⵏⵏⵡ ⴷ ⵉⵎⵓⵏⵏ ⵖ ⵜⵎⴰⴳⵉⵜ. ⵉⵖ ⵉⴳⴰ ⵍⵃⴰⵍ ⵜⵉⵎⵙⴰⵔⵉⵏ ⵏ ⵜⵎⵓⵔⵜ, ⵜⴰⵏⵖⵎⴰⵙⵜ ⵜⴰⵏⴰⵎⵓⵔⵜ ⵙ ⵉⵎⵣⵔⴰⵢⵏ ⵏⵏⵙ, ⴰⵔ ⵜⵙⵎⵓⵙⵙⵓ ⴳ ⵓⵎⵣⴰⵖ ⵏ ⵜⵏⵓⴼⴰ ⵏ ⵍⵎⵖⵔⵉⴱ ⴷ ⵓⵙⵎⵏⵉⴷ ⵏ ⵡⴰⴷⴷⴰⴷⵏ ⵏⵏⵙ.

ⵜⵉⵏⴰⵥⴰⵕⵉⵏ ⴰⴷ ⴷⴰⵜ ⵏ ⵜⵎⴰⵣⵉⵔⵜ ⵏⵏⵖ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵔⴰⵏⵜ ⴰⵙⴷⵓⵙ ⵏ ⵢⵉⴳⵔ ⵏⵏⵖ ⵏ ⵓⵙⵎⴰⵍ, ⵙ ⵓⵙⵏⵎⴰⵍⴰ ⴷ ⵓⵙⴳⵉⴷⴷⵉ ⴷ ⵡⴰⵏⴰⵡ ⴰⴷⵎⵙⴰⵏ ⴷ ⵓⵙⵎⵖⵔ ⵏ ⵜⵓⵎⴰⵢⵜ. ⴳ ⵓⵎⵏⴰⴷ ⴰⵏⵎⵏⴰⴷ ⵓⵔ ⵉⴱⴷⴷⵏ, ⵓⵔ ⵉⵔⴳⴳⵉⴳⵏ ⵡⴰⵔ ⴰⴼⵔⴰ, ⴰⵢⵍⵍⵉ ⵉⵙⵎⵓⵙⵙⵓⵏ ⴽⵔⴰ ⵏ ⵜⵉⴽⴽⴰⵍ ⴰⵔⴳⴳⵉⴳ ⴷ ⵉⵔⵎⵎⵓⵙⵏ ⵏ ⵜⵎⴰⵣⵉⵔⵜ ⵏⵏⵖ ⴳ ⵉⵙⵡⵉⵔⵏ ⴰⵙⵔⵜⴰⵏ ⴷ ⵓⵎⵔⵙⵍⴰⵏ, ⴷ ⵜⵣⵣⵉⴳⵣⵜ ⵏⵏⵙ ⵜⴰⴷⵎⵙⴰⵏⵜ ⴷ ⵓⵎⵛⴰⴱⴱⴰⴽ ⵏⵏⵙ ⴰⵏⴰⵎⵓⵏ, ⴰⵢⵍⵍⵉ ⵉⵜⵅⵏⵏⴰⴳⵏ ⵉ ⴽⵔⴰ ⵏ ⵡⵉⴷ ⵍⵍⵉ ⵜⴰⴽⵉⵏⵉⵏ ⴳ ⵜⵎⴰⵣⵉⵔⵜ ⵏⵏⵖ ⴳ ⵉⵎⴰⵙⵙⵏ ⵏ ⵓⵙⵎⴰⵍ ⵏ ⴱⵕⵕⴰ, ⵣⵓⵣⵣⵔⵏ ⵜⵉⵣⴳⴰⵍ ⴳⴳⵓⵜⵏⵉⵏ, ⴰⵢⵍⵍⵉ ⵉⵙⵙⵔⵓⵙⵏ ⵜⵉⵎⴰⵙⴰⵢⵉⵏ ⵅⴰⵜⵔⵏⵉⵏ ⴷⴰⵏ ⵏ ⵓⵙⵎⴰⵍ ⵏⵏⵖ ⴰⵏⴰⵎⵓⵔ.

ⴰⵔ ⵜⵜⵣⴰⵢⴰⴷ ⵜⴰⴳⵔⴰⵡⵍⵍⴰ ⵜⴰⵎⵓⵟⵟⵓⵏⵜ ⵉⵍⵍⴰⵏ ⴳ ⵜⵏⴰⵥⴰⵕⵉⵏ ⴰⴷ ⵍⵍⵉ ⵜⵉⵡⵙ ⴳ ⵓⵣⵓⵣⵣⵔ ⵏ ⵉⵏⵖⵎⵉⵙⵏ ⵜⴰⵔ ⵜⴰⴼⴰⴷⴰ ⵜⴰⵣⵣⵓⵍⴰⵏⵜ, ⴰⵢⵍⵍⵉⵖ ⵜⵍⵍⴰ ⵜⵔⴰⵄⵉⵜ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴳ ⵢⵉⴳⵔ ⵏ ⵓⵙⵎⵔⵙ ⵏ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⵓⵟⵟⵓⵏⵜ ⴳ ⵓⵣⵓⵣⵣⵔ ⵏ ⵉⵏⵖⵎⵉⵙⵏ. ⴰⵔ ⵜⵙⵙⵔⵓⵙ ⵜⴻⵜⵉⴽⵏⵓⵍⵓⵊⵉⵜ ⴰⴷ ⵜⵉⵏⴰⵥⴰⵕⵉⵏ ⴳⴳⵓⵜⵏⵉⵏ ⴷⴰⵜ ⵏ ⵜⵎⵙⵙⵏⵜⴰⵢⵜ ⵜⴰⵏⵖⵎⴰⵙⵜ ⵜⴰⴼⵔⴽⵓⴽⵜ ⵉⵎⵎⴰⵖⵏ ⴰⴷ ⵜⴱⵉⴷⴷ ⵍⵉ ⵜⴷⵔⵓⵙ ⵎⵏⵣⵉⵡⵜ ⴷ ⵉⵙⵓⴳⴰⵎ ⵏ ⵓⵙⵓⵙⵙⵏ ⴷ ⵡⴰⴰⵍⴰⵢ ⵏ ⵓⵥⴰⵥⵓ ⵏ ⵓⴼⴰⵔⵙ.

ⵃⵎⴰ ⴰⴷ ⵏⵙⵉⵜⵜⵉ ⵜⵉⵏⴰⵥⴰⵕⵉⵏ ⴰⴷ, ⵏⵎⵓⵏ ⴰⵙⵙ ⴰⴷ ⴳ ⵓⵙⴰⵜⵉ ⵏ ⵓⵎⵙⴰⵡⴰⵍ ⴰⴷ ⵍⵍⵉ ⵏⵔⴰ ⴰⴷ ⵉⴼⴼⵖ ⵙ ⵜⵢⵢⴰⴼⵓⵜⵉⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵏⴳⵉⴷⵉ ⵏ ⵢⵉⴳⵔ ⵏⵏⵖ ⵏ ⵓⵙⵎⴰⵍ ⴷ ⵓⵙⴷⵓⵙ ⵏⵏⵙ ⴰⴷ ⵉⴳ ⴰⵣⵣⵓⵍⴰⵏ, ⵉⴳⴰ ⵍⵃⴰⵍ ⵜⵉⵏⴰⵥⴰⵕⵉⵏ ⴰⴷ ⵍⵍⵉ ⵔⵉⵖ ⴰⴷ ⴷⵉⴷⵓⵏ ⴷⵔⵓⵖ ⴷ ⴰⵙⴷⴰⵡⵏ ⵉⵎⴰⵜⴰⵢⵏ ⵏ ⵓⵎⴹⴰⴽⴰⵕ.  

ⵜⵣⴷⵉ ⵜⵏⴰⵥⴰⵕⵜⵜⴰⵎⵣⵡⴰⵔⵓⵜ ⴷ ⵓⵙⵎⵖⵔ ⵏ ⵓⵙⵎⴰⵍ ⴰⵏⴰⵎⵓⵔ ⵉⵜⵜⵢⵓⵔⴰ, ⵉⵜⵜⵓⵥⵕⴰⵏ ⴷ ⵉⵜⵜⵓⵙⴼⵍⴷⵏ ⴷ ⵓⵎⵓⵟⵟⵓⵏ, ⵃⵎⴰ ⴰⴷ ⵉⴹⴼⵕ ⴰⴷⵖⴰⵔ ⴰⵎⴰⵢⵏⵓ ⵏ ⵜⵎⴰⵣⵉⵔⵜ ⵏⵏⵖ ⵉⴳⴰⵏ ⵜⵓⴷⴷⵉⵙⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵜⵔⵙⵍⵜ ⵏ ⵓⵔⴳⴳⵉⴳ ⴰⵏⵎⵏⴰⴷ ⴷ ⵓⵎⵏⵥⴰⵡ ⴷ ⵓⴳⵔⴰⵖⵍⴰⵏ, ⴷ ⵜⵓⴷⴷⵉⵙⵜ ⵜⴰⴷⵎⵙⴰⵏⵜ ⵢⵉⵡⵙⵏ ⴳ ⵡⴰⵍⴰⵢ ⵏ ⵜⵏⴰⵥⴰⵕⵉⵏ ⵜⵉⴳⵔⴰⵖⵍⴰⵏⵉⵏ ⵛⵛⴰⵔⵏⵉⵏ ⴳ ⵉⵍⵍⴰ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵚⴽⵓ ⵏ ⵓⴼⵔⴰ ⴷ ⵓⵙⵎⴽⵍ ⵏ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵙⵎⴽⵍ ⵏ ⵜⵎⵓⴽⵔⵉⵙⵉⵏ ⵏ ⵓⵣⵡⴰⴳ ⴷ ⵓⵎⵣⴰⵖ ⵏ ⵜⵎⵙⴰⵔⵉⵏ ⵏ ⵓⵎⵏⵥⴰⵡ ⵏⵏⵖ ⴰⴼⵔⵉⵇⵉ, ⴷ ⵓⵙⴽⵔ ⵏ ⵜⵣⵔⴼⵜ ⵏ ⵉⵙⴰⴼⴰⵔⵏ ⴷ ⵓⵏⵣⵡⵉ ⵉ ⵓⵎⵏⵥⴰⵡ.

ⵜⵣⴷⵉ ⵜⵏⴰⵥⴰⵕⵜⵜⵉⵙⵙⵏⴰⵜ ⴷ ⵓⵙⵎⵓⵙⵙⵓ ⵃⵎⴰ ⴰⴷ ⵏⴰⵡⵉ ⵚⴰⵃⴰ ⵙⴳ ⵓⵙⵎⴰⵜⵜⵉ ⴰⵎⵓⵟⵟⵓⵏ ⵉ ⵜⵏⵖⵎⴰⵙⵜ ⵏⵏⵖ ⵜⴰⵏⴰⵎⵓⵔⵜ, ⴷ ⴰⴷ ⵓⵔ ⵜⵜⵓⵙⵎⵔⵉⵙⵏⵜ ⵜⵥⴹⴰⵕⵉⵏ ⵏⵏⵙ ⴳ ⵓⵣⵓⵣⵣⵔ ⵏ ⵉⵏⵖⵎⵉⵙⵏ ⵏ ⵜⵣⴳⴰⵍⵉⵏ ⴷ ⵜⵓⵔⴷⴰ ⴳ ⵓⵙⵖⵏ ⵏ ⵜⵎⵔⵙⴰⵍ ⴷ ⵜⵏⴼⵔⵓⵜ ⵜⴰⵎⴰⵜⴰⵢⵜ ⵏ ⵜⵎⴰⵣⵉⵔⵜ ⵏⵏⵖ, ⴷ ⵓⵙⵙⵀⵔⵛ ⵏ ⵡⵓⵢⵢⴰⴹ. ⵉⵇⵇⴰⵏ ⴷ ⴰⴷ ⵏⵙⵎⵔⵙ ⵙ ⵎⴰⴷ ⵉⵥⵉⵍⵏ ⵜⵉⵥⴹⴰⵕⵉⵏ ⴳⴳⵓⵜⵏⵉⵏ ⵍⵍⵉ ⴰⵖ ⵜⴰⴽⴽⴰ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⵓⵟⵟⵓⵏⵜ ⵉ ⵓⵣⵓⵣⵣⵔ ⵏ ⵜⵓⵙⵙⵏⴰ ⴷ ⵉⵏⵖⵎⵉⵙⵏ ⵏ ⵜⵉⴷⵜ ⵉ ⵓⵎⵏⴰⴷ ⵓⴳⴷⵓⴷ ⴰⵎⴰⵜⴰⵢ.

ⵜⵣⴷⵉ ⵜⵏⴰⵥⴰⵕⵜⵜⵉⵙⴽⵕⴰⴹⵜ ⴷ ⵓⵖⵓⵍ ⵏ ⵜⵉⵍⴰⵍⵜ ⵜⴰⵙⵜⵔⴰⵜⵉⵊⵉⵜ ⵏ ⵓⵙⵎⴰⵍ ⴰⵏⴰⵎⵓⵔ ⴳ ⵓⵚⴽⵓ ⵏ ⵓⴳⴷⵓⴷ ⴰⵎⴰⵜⴰⵢ ⵉⴼⵔⴽⵏ ⵙ ⵜⵎⵙⴰⵔⵉⵏ ⵏ ⵜⵎⴰⵣⵉⵔⵜ ⵏⵏⵙ, ⵢⴰⵡⵙ ⴳ ⵜⵖⴰⵡⵙⴰ ⵜⴰⵎⴰⵜⴰⵢⵜ ⵙ ⵓⵙⵜⴰⵢ ⴷ ⵜⵉⵍⵉⵜ ⴳ ⵜⵎⴰⵙⴰⵢⵉⵏ ⴷ ⵓⵙⵓⵜⴳ ⵏ ⵜⵎⵙⴽⵔⵜ ⵜⴰⴳⴷⵓⴷⴰⵏⵜ ⵙ ⵎⴰⴷ ⵉⵍⵍⴰⵏ ⴳ ⵓⴷⵓⵙⵜⵓⵔ. ⵖⵉⴷ ⵉⵇⵇⴰⵏ ⴷ ⴰⴷ ⵏⵙⵓⵜⴳ ⵜⵉⵍⴰⵍⵜ ⴷ ⵜⵡⵉⵙⵉ ⵏ ⵓⵙⵎⴰⵍ ⴰⵎⴰⵙⴰⵢ ⴷ ⵓⵏⵎⵓⵔⵉ ⴳ ⵓⴼⵔⴰⴳ ⵏ ⵜⵍⴻⵍⵍⵉ ⴷ ⵉⵣⵔⴼⴰⵏ ⵜⵜⴰⵡⴱⴷⴰⵔⵏⵉⵏ ⴳ ⵓⴷⵓⵙⵜⵓⵔ, ⵜⴰⴱⵔⴰⵜ ⵍⵍⵉ ⵉⵙⴽⵔ ⵓⵙⵎⴰⵍ ⴰⵏⴰⵎⵓⵔ, ⵜⴰⵡⵙ ⴳ ⵓⵚⴽⵓ ⵏ ⵓⵎⵢⴰⵙ ⴳ ⵡⴰⵎⵓⵏ ⴷ ⵓⵙⴷⵓⵙ ⵏ ⵜⵎⵔⵙⴰⵍ ⵜⵉⴷⵉⵎⵓⵇⵔⴰⵟⵉⵢⵉⵏ.

ⴷ ⵜⵏⴰⵥⴰⵕⵜ ⴰⴷ, ⵏⵍⵍⴰ ⴷⴰⵜ ⵏ ⵜⵙⵎⵉⴳⴰⵍ ⵏ ⵓⵙⵎⵓⵜⵜⴳ ⴰⵏⴰⵎⵓⵏ ⴷ ⵓⵙⴳⵎⵉ ⴷ ⵓⵙⵙⴼⵔⴽ ⴷ ⵓⵣⵓⵣⵣⵔ ⵏ ⵡⴰⵜⵉⴳⵏ ⵏ ⵜⵏⵎⵓⵔⵉ ⴷ ⵓⴷⵔⴰⵡ ⴷ ⵓⵔⴳⴳⵉⴳ ⴷ ⵜⵏⵎⵓⵔⵉ ⴷ ⵓⴼⵔⴰⴽ ⵙ ⵓⵣⵔⴼ ⴳ ⵓⵎⵣⴰⵔⴰⵢ ⴷ ⵜⵍⴻⵍⵍⵉ ⴷ ⵓⵙⵏⴳⵉⴷⴷⵉ ⵊⴰⵔ ⵉⵣⵔⴼⴰⵏ ⴷ ⵓⵛⵛⵉⵍⵏ.

ⵜⴰⵏⴰⵥⴰⵕⵜⵜⵉⵙⴽⴽⵓⵥⵜ ⵜⴳⴰ ⵜⴰⵎⵏⴰⴳⴰⵔⵜ, ⵜⵣⴷⵉ ⴷ ⵓⵙⵖⵣⵏ ⴳ ⵜⵎⵙⴽⵔⵜ ⵜⴰⵏⵖⵎⴰⵙⵜ, ⴷ ⵜⵖⴰⵔⵉⵡⵉⵏ ⵏ ⵜⵣⵣⵓⵍⵜ ⴷ ⵓⴼⵔⴰⴽ ⴷ ⵜⵉⵎⴰⵏⵜ ⵏ ⵜⵉⵔⵔⴰ( ⵓⵔ ⵏⵏⵉⵖ ⵡⴰⵔⵜⵉⵍⵉⵜ), ⴷ ⵓⵙⴽⵔ ⵏ ⵜⵎⴰⵜⴰⵔⵜ: ”ⴰⵏⵖⵎⵉⵙ ⵉⵜⵜⵓⵙⴼⵓⵣⵣⴰⵔ ⴰⵅⴼⴰⵡⴰⵍ ⵉⴳⴰ ⵉⵍⴻⵍⵍⵉ” ⵍⵍⵉ ⵉⵙⵜⵉ ⵉⴳⵍⵍⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ ⴰⴷ ⵉⴳⴰ ⵜⴰⵎⴰⵜⴰⵔⵜ ⵏ ⵜⵙⵏⵓⵔⴰⵢⵜ ⵏ ⵍⴰⵎⴰⴱ ⴳ 1959. 

ⵜⵣⴷⵉ ⵜⵏⴰⵥⴰⵕⵜⵜⵉⵙⵙⵎⵎⵓⵙⵜ ⵜ ⵜⵏⴱⴰⴹⵉⵏ ⵏ ⵓⵙⵏⴳⵉⴷⴷⵉ ⵏ ⵓⵙⵙⴼⵍⴷ ⴷ ⵉⵥⵕⵉ ⴷ ⵜⵉⵔⵔⴰ (ⵏ ⵓⴼⵔⴽⵓⴽ ⴷ ⵜⵎⵓⵟⵟⵓⵏⵜ) ⴱⵍⴰ ⵏⴳⴳⵔ ⵉ ⵜⵍⴻⵍⵍⵉ ⵏ ⵡⴰⵡⴰⵍ, ⵉⵇⵇⴰⵏ ⴷ ⵓⵡⵇⵇⵔ ⵏ ⵜⵖⵜⴰⵙⵉⵏ ⵏ ⵜⵎⵔⵙⴰⵍ ⴰⴷ. ⴳⵉⵖ ⵙⴳ ⵡⵉⴷⴰ ⴼⵔⴽⵏⵉⵏ ⵎⴰⵙ ⴷ ⴰⵢⴷⴰ ⴷ ⵜⵎⵙⴽⵔⵜ ⴷ ⵉⵎⴰⵙⵙⵏ ⵏ ⵓⵙⵡⵓⵔⵉ ⵏ ⵓⴳⵔⴰⵡ ⴰⵎⴰⵜⵜⵓⵢ ⵏ ⵓⵎⵢⴰⵡⴷ ⴰⵙⵍⵉⵚⵉⵥⵕ ⴷ ⵜⵉⵍⴰⵍⵜ ⵏⵏⵙ ⵉ ⵓⴹⴼⵕ ⵏ ⵓⵙⵍⴻⵍⵍⵉ ⵏ ⵓⵙⴰⵢⵔⵓⵔ ⴷ ⵓⵎⵢⴰⵡⴰⵏⵏⴰⵡ ⵏ ⵜⵉⵍⴰⵡⵜ ⵜⴰⵙⵍⵉⵥⵉⵕⵜ ⴳ ⵍⵍⴰⵏⵜ ⵜⴱⴰⴷⵓⵜⵉⵏ ⴷ ⵉⵏⵣⵡⴰⵢⵏ ⵉⴳⴷⵓⴷⴰⵏⵏ ⴷ ⵓⵙⵍⵉⴳⵏ, ⵉⴳⴰ ⴰⵢⴷⴰ ⴷ ⵜⵎⵙⴽⵔⵜ ⵍⵍⵉ ⴼ ⵔⴰⴷ ⵢⵉⵍⵉ ⵓⵚⴽⵓ ⵉ ⵓⵙⵏⴳⵉⴷⴷⵉ ⵏ ⵢⵉⴳⵔ ⵏ ⵓⵙⵎⴰⵍ ⵉⵜⵜⵢⵓⵔⴰⵏ ⵙⵍⴰⵡⴰⵏ ⴰⴽⴽⵯ ⴰⵎⵓⵟⵟⵓⵏ. ⵓⵔ ⴳⵉⵙ ⵜⵓⵔⴷⴰ ⵎⴰⵙ ⴷ ⴰⵙⵇⵇⵉⵎ ⴰⵏⴰⵎⵓⵔ ⵉ ⵜⵏⵖⵎⴰⵙⵜ ⴷ ⵜⴳⵔⴰⵡⵉⵏ ⵜⵉⵣⵣⵓⵍⴰⵏⵉⵏ ⵍⵍⵉ ⵖⵉⴷ ⵃⴰⴹⵔⵏⵉⵏ, ⵖⵓⵔⵙⵏⵜ ⵜⵉⵔⴰⵜ ⵉ ⵓⵙⴱⴷⴷⵉ ⵏ ⴳⴰⵔ ⵉⵙⴽⴽⵉⵔⵏ ⵕⵥⵥⴰⵏⵉⵏ ⵉⵣⵔⴼⴰⵏ ⵏ ⵡⴰⵎⵓⵏ ⴷ ⵉⵡⴷⴰⵏ ⴷ ⵜⵎⵔⵙⴰⵍ ⴳ ⵓⵎⵏⴰⴷ ⵏ ⵓⵙⴽⵔ ⵏ ⵜⴽⵔⴽⴰⵙ ⴷ ⵜⵉⵕⵥⵉ ⵏ ⵡⵉⵢⵢⴰⴹ ⴷ ⴽⵔⴰ ⵏ ⵜⵉⴽⴽⴰⵍ ⴷⴰ ⵜⴳⴳⴰ ⵜⵉⵕⵥⵉ ⵜⴰⵙⵔⵜⴰⵏⵜ.

ⵓⵔ ⴳⵉⵙ ⵜⵓⵔⴷⴰ ⵎⴰⵙ ⵔⴰⴷ ⵜⴰⵡⵙ ⵜⵎⵙⴽⵔⵜ ⵏ ⵓⵙⵏⴳⵉⴷⴷⵉ ⴳ ⵓⵙⴷⵓⵙ ⴷ ⵓⴼⵔⴰⴳ ⵏ ⵜⵎⵙⴽⴰⵔ ⵥⵉⵍⵏⵉⵏ ⴷ ⵜⵎⵔⵙⴰⵍ ⵏ ⵓⵙⵎⴰⵍ ⵏ ⵓⴼⵔⴽⵓⴽ ⴷ ⵜⵎⵓⵟⵟⵓⵏⵉⵏ ⵜⵉⵎⵣⵡⵓⵔⴰ, ⵉⴳ ⴰⵖ ⴰⴷⴷⵓⵔ ⴰⴷ ⵏⵙⵎⵖⵔ ⵜⴰⵣⵣⵓⵍⵜ ⵏⵏⵙⵏⵜ ⴷ ⵜⵉⵍⴰⵍⵜ ⵏⵏⵙⵏ ⵜⴰⵏⵎⵓⵏⵜ ⴷ ⵜⴼⵔⴽⴰⵏⵜ ⴷ ⵜⵡⵉⵙⵉ ⵏⵏⵙ ⴳ ⵓⵙⵖⵏⵓ ⵏ ⵓⵎⴹⴰⴽⴰⵔ ⴰⴳⴷⵓⴷⴰⵏ ⴷ ⵓⵙⵎⵓⵙⵙⵓ ⵏⵏⵙ.

ⵜⵣⴷⵉⵜ ⵜⵏⴰⵥⵕⵜⵜⵉⵙⵚⴹⵉⵚⵜ ⴷ ⵓⵙⵎⵓⵜⵜⴳ ⴷ ⵓⵙⵎⴰⴷ ⵏ ⵓⵙⵎⵓⵜⵜⴳ, ⴷ ⵜⵉⵍⴰⵍⵜ ⵏ ⵜⵎⵔⵙⴰⵍ ⵏ ⵓⵙⵎⵓⵜⵜⴳ ⴳ ⵜⵣⵣⵓⵍⵉⵏ ⵏ ⵜⵏⵖⵎⴰⵙⵜⴷ ⵓⵎⴰⵢⴰⵡⴰⴹ ⴷ ⵜⴻⵜⵉⵇⵏⵉⵢⵉⵏ ⵏⵏⵙ ⵜⵉⴳⴷⵓⴷⴰⵏⵉⵏ ⴷ ⵜⵓⵙⵍⵉⴳⵉⵏ. ⴷⴰⵜ ⵏ ⵓⵙⵎⵓⵜⵜⴳ ⴰⴷⵙⵍⴰⵏ ⵉⴳⴰⵏ ⵜⴰⴼⴰⴷⴰ ⵉ ⵓⴽⵛⵓⵎ ⵙ ⵜⵣⵣⵓⵍⵜ, ⵉⵇⵇⴰⵏ ⴷ ⵓⵙⵎⵓⵜⵜⴳ ⴰⵙⵓⵍⴰⵏ ⵉ ⵉⵏⵖⵎⴰⵙⵏ ⴳ ⵜⵉⵔⵔⴰ ⴷ ⵡⴰⵡⵍⴰⴼ ⴷ ⵓⴼⵉⴷⵢⵓ ⴷ ⵓⵏⵣⵡⴰⵢ ⴷ ⵜⵎⵓⵟⵟⵓⵏⵉⵏ ⴷ ⵍⵎⵓⵏⵟⴰⵊ ⴷ ⵓⴽⴰⵔⵉⴽⴰⵜⵓⵔ. ⵉⵇⵇⵏⴰ ⴷ ⵓⵙⵎⵓⵜⵜⴳ ⴳ ⵉⵙⵍⴳⵏ ⵏ ⵜⵏⵖⵎⴰⵙⵜ ⴷ ⵓⵣⵓⵣⵣⵔ ⴷ ⵜⵖⴰⵔⵉⵡⵉⵏ ⵏ ⵜⵣⵣⵓⵍⵜ ⵏ ⵜⵏⵖⵎⴰⵙⵜ ⵙ ⵓⵎⵙⴰⵙ ⴷ ⵓⵖⴰⵡⴰⵙ ⵏ ⵓⵙⵎⵓⵜⵜⴳ ⵉ ⵓⵙⵎⵖⵔ ⵏ ⵜⵙⵓⴳⴰⵔ ⵜⵉⵣⵣⵓⵍⴰⵏⵉⵏ ⴷ ⵓⵙⵎⵖⵔ ⵏ ⵜⵖⴰⵔⵉⵡⵉⵏ ⵏ ⵜⵣⵣⵓⵍⵜ.

ⵉⵙⵜⵎⴰⵙⵙⴰⴷⵉⴷⵎⴰⵙⵙ

ⵜⵍⵍⴰ ⵢⴰⵜ ⵜⵎⵓⴽⵔⵉⵙⵜ ⵜⵙⵜⴰⵡⵀⵎⵎⴰ ⵏⵉⵜ ⴰⵡⴷ ⵏⵜⵜⴰⵜ. ⴰⵢⵍⵍⵉ ⵎⵓ ⵏⵥⴹⴰⵕ ⴰⴷ ⴰⵙ ⵏⵙⵙⴰⵖ ⵡⴰⵔⴰⵏⵔⴰⵎⴰⵙ ⵊⴰⵔ ⵓⵙⵔⵜⴰⵏ ⴷ ⵓⵏⵖⵎⴰⵙ. ⴳⴰⵔⴰⵏⵔⴰⵎⴰⵙ ⴰⴷ ⵓⵔ ⵉⵍⵍⵉ ⵊⴰⵔ ⵉⴳⵔⴰⵏ ⵏⵖ ⵜⵉⵎⵙⴽⴰⵔ ⵜⵜⴰⵡⵙⵎⴰⴷⵏⵉⵏ, ⵎⴰⵛⵛ ⵊⴰⵔ ⵙⵉⵏ ⵉⵎⵙⴽⴰⵔⵏ ⵏⵖⴷ ⴽⵔⴰ ⵏ ⵉⵎⵙⴽⴰⵔⵏ.

ⵉⴳⴰ ⴳ ⵉⵡⵜⵜⴰⵙ ⵏ ⵓⵏⵎⵓⵇⵇⴰⵔ ⴰⴷ ⴰⴷ ⵏⵙⵉⵜⵜⵉ ⴳⴰⵔⴰⵏⵔⴰⵎⴰⵙ ⴰⴷ. ⵉⵇⵇⴰⵏ ⴷ ⴼ ⵓⵙⵔⵜⴰⵏ ⴰⴷ ⵉⵏⵏⵓⵕⵥⵎ ⴼ ⵉⵎⴰⵙⵙⵏ ⵏ ⵓⵙⵎⴰⵍ ⴷ ⵓⵙⵓⵊⴷ ⵏ ⵜⵎⵓⵛⴰ ⴷ ⵉⵏⵖⵎⵉⵙⵏ ⵉ ⵓⵙⵎⵔⵙ ⴷ ⵓⵙⴼⵙⵉ ⴷ ⵓⵅⴼⴰⵡⴰⵍ ⴷ ⵓⵣⵓⵣⵣⵔ ⴰⵎⵣⵡⴰⵔⵓ ⵏ ⵉⵏⵖⵎⵉⵙⵏ, ⵉⵍⵉⵏ ⴷⴰⵔ ⵉⵙⵓⵖⴰⵍ ⵉⵎⵢⵉⵎⴰⵏⵏ ⵟⵟⴰⴼⵏⵉⵏ ⴰⵙⵖⵣⵏ. ⴳ ⵓⵎⵏⵉⴷ ⵢⴰⴷⵏⵉⵏ, ⵉⵇⵇⴰⵏ ⴷ ⴼ ⵓⵏⵖⵎⴰⵙ ⴰⴷ ⵉⵜⵜⴰⵎⵏ ⵉⵏⵖⵎⵉⵙⵏ ⵏ ⵜⵎⵔⵙⴰⵍ ⴷ ⵉⵎⵙⴽⴰⵔⵏ ⵉⵎⵔⵙⵍⴰⵏⵏ ⴷ ⵉⵙⵔⵜⴰⵏⵏ ⴷ ⵓⵙⵎⵔⵙ ⵙ ⵎⴰⴷ ⵉⵏⴼⵄⴰⵏ ⴰⵎⵓⵏ ⵢⴰⵍⵍ ⴰⵙⵡⵉⵔ ⵏ ⵓⵎⴹⴰⴽⴰⵔ ⴰⴳⴷⵓⴷⴰⵏ. ⴰⵙⵇⵇⵉⵎ ⵏ ⵉⵎⵓⵔⴰ ⵉⴳⴰ ⴰⵖⴱⴰⵍⵓ ⵉⵙⵜⴰⵡⵀⵎⵎⴰⵏ ⵏ ⵉⵏⵖⵎⵉⵙⵏ ⴷ ⵓⵙⴰⵢⵔⵓⵔ ⵏ ⵉⵎⴹⴰⴽⴰⵕⵏ ⵉⴳⴷⵓⴷⴰⵏⵏ ⴷ ⵓⵎⵢⴰⵡⴰⴹ ⵊⴰⵔ ⵜⵉⵏⴱⴰⴹⵉⵏ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ, ⴰⵔ ⵉⵙⴽⴰⵔ  ⵜⵉⵜⴳⴰⵔⵉⵏ ⵍⴽⵎⵏⵉⵏ (ⵙ ⴰⵕⵛⵉⴼ ⴰⵎⵓⵟⵟⵓⵏ ⵏ ⵓⵙⵇⵇⵉⵎ) 260 ⵏ ⵜⴼⵔⵜ ⴽⵓ ⴰⵙⵙ ⴳ ⵍⵍⴰⵏ ⵉⵎⴷⵉⵡⴰⵍⵏ ⵏ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ ⴷ ⵜⵡⵡⵓⵔⵉⵡⵉⵏ ⵏ ⵜⵙⵇⵇⵉⵎⵉⵏ ⴷ ⵜⵉⵍⴰⵍ ⵜⵜⵉⵍⵉⵍⵉⵏ ⴳ ⵓⵙⵇⵇⵉⵎ (ⵉⴳⵔⴰⵡⵏ ⴷ ⵓⵙⵙⴰⵏ ⵏ ⵜⵖⵔⵉ ⴷ ⵜⵉⵏⵏⴰⵡⵉⵏ ⴷ ⵉⵏⵎⵓⵇⵇⴰⵔⵏ), ⵏⴳⴰ ⴰⵖⴱⴰⵍⵓ ⴰⵡⵓⵙⵙⴰⵏ ⵏ ⵉⵏⵖⵎⵉⵙⵏ ⵍⵍⵉ ⵏⴰⴽⴽⴰ ⵉ ⵓⵙⵎⵔⵙ. ⵓⵔ ⴷ ⵉⵏⵖⵎⵉⵙⵏ ⵜⵜⴰⵡⵉⵏⵉⵏ ⴰⵙⵓⵙⵎ ⴰⴷⵖⵢⴰⵏ, ⵎⴰⵛⵛ ⵡⵉⴷⴰ ⵜⵜⵏⴼⵄⵓⵏⵉⵏ ⴰⴳⴷⵓⴷ ⴳ ⵓⵙⵓⵜⴳ ⴷ ⵓⵣⵣⵔⴰⵢ ⵏ ⵜⵢⵢⴰⴼⵓⵜ ⵏ ⵜⵎⵔⵙⴰⵍ, ⵎⵇⵇⴰⵔ ⵍⵍⴰⵏⵜ ⵜⴰⵏⵏⴰⵢⵢⵉⵏ ⵏ ⵓⵙⴱⴷⴷⵉ ⵏ ⵉⴱⵕⵍⴰⵎⴰⵏⵏ ⴷ ⵜⴷⵉⵎⵓⵇⵔⴰⵟⵉⵜ ⵍⵍⵉ ⵔⴰⴷ ⵓⵔ ⵢⴰⵡⵙ ⴳ ⵜⵣⵣⵉⴳⵣⵜ ⵏ ⵡⴰⵎⵓⵏⵏ.

ⵉⵙⵜⵎⴰⵙⵙⴰⴷⵉⴷⵎⴰⵙⵙ

ⵉⴳⴰ ⵓⵙⵎⴰⵍ ⵏ ⵡⴰⴷⴰⵙ ⵡⴰⴷ ⵉⵙⵜⴰⵡⵀⵎⵎⴰⵏ ⴳ ⵓⵎⵏⴰⴹ ⵏ ⵖⵉⵍⴰⴷ ⵉⵜⵜⵓⵙⵙⴰⵏⵏ ⴳ ⵍⵎⵖⵔⵉⴱ ⵙ ⵓⵙⵡⵓⵔ ⵏ ⵜⵎⵏⴹⴰⵡⵜ ⵜⴰⵅⴰⵜⴰⵔⵜ. ⴰⵎⵏⴰⴹ ⵉⵜⵜⵕⵣⵓⵎⵏ ⵉⵎⵏⴰⴷⵏ ⵉⵅⴰⵜⴰⵔⵏ ⴷⴰⵜ ⵏ ⵓⵙⵎⴰⵍ ⴷ ⵜⵏⵖⵎⴰⵙⵜ ⵏ ⵡⴰⴷⴰⵙ, ⵜⴰⴷ ⵉⴳⴰⵏ ⵜⴰⵏⵎⴰⵏⴰⴹⵜ, ⵖⵎⴽ ⴰⵏⵏ ⴰⴼ ⴷ ⵉⵇⵇⴰⵏ ⵓⵙⵎⵖⵔ ⵏ ⵜⵎⵔⵙⴰⵍ ⵜⵉⵏⵖⵎⴰⵙⵉⵏ ⵜⵉⵏⵎⵏⴰⴹⵉⵏ ⵉⴹⴼⵕⵏ ⵜⴰⴷⵉⵏⴰⵎⵉⵜ ⵜⴰⵏⵎⵏⴰⴹⵜ ⴷ ⵜⴷⵖⴰⵔⴰⵏⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ ⴷ ⵜⵖⵔⵎⴰⵏⵜ, ⴷ ⵓⵙⵙⵔⵇⴱ ⵏ ⵓⵙⵎⴰⵍ ⴰⵎⵙⵎⵓⵏⴰⵏ ⴳ ⵓⵎⵏⴰⴷ ⴳ ⵉⵙⵔⵙ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵉⵣⵔⴼⴰⵏ ⵉⴷⵙⵍⴰⵏⵏ ⵉ ⵡⴰⵎⵓⵏ ⴰⵖⵔⵎⴰⵏ ⴳ ⵓⵎⵏⵉⴷ ⵏ ⵜⴷⵉⵎⵓⵇⵔⴰⵜⵉⵜ ⵜⴰⵎⴰⴷⵔⴰⵡⵜ ⴷ ⵜⵏⵎⵓⵔⵉ. 

ⴳ ⵓⵎⵏⴰⴹ ⴰⴷ, ⵉⵇⵇⴰⵏ ⴰⴷ ⴰⴷ ⵏⵙⵙⵏ ⴰⵏⵛⴽ ⵏ ⵉⵙⵎⴰⵜⵜⴰⵢⵏ ⵅⴰⵜⴰⵔⵏⵉⵏ ⴷ ⵜⵣⵣⵉⴳⵣⵜ ⵉⴳⴳⵓⵜⵏ ⴷ ⵓⵙⵎⵖⵔ ⵉⵍⵍⴰⵏ ⴳ ⵜⵎⵏⴰⴹⵉⵏ ⵏⵏⵖ ⵏ ⵉⴼⴼⵓⵙ. ⵜⴳⴰ ⵜⴰⵍⵍⴰⵙⵜ ⵏ ⵓⵎⵓⵔⵙ ⴷ ⵜⵉⵔⴰⵜ ⵏ ⵜⵎⵎⵜⵉ ⵉ ⵓⵙⵕⵚⵓ ⵏ ⵉⵣⵔⴼⴰⵏ ⵏⵏⵙ ⵉⵏⴰⴽⴰⵍⵏ, ⵜⵙⵖⴰⵡⵙⴰ ⵙ ⵓⴹⴼⵕ ⴰⵏⵖⵎⴰⵙ ⵉⵙⵓⵍⵏ, ⵙⴳ ⵓⵙⵎⴰⵍ ⴰⵏⴰⵎⵓⵔ ⴷ ⵓⵏⵎⵏⴰⴹ ⴰⵣⵣⵓⵍⴰⵏ ⵉⴷⵓⵙⵏ ⵙ ⵜⵓⵎⴰⵢⵜ ⴷ ⵜⵎⵉⵜⴰⵔ ⵜⵉⵣⵣⵓⵍⴰⵏⵉⵏ.

ⵜⵣⴷⵉ ⵜⴷⵓⵙⵉ ⴰⴷ, ⴳ ⵢⴰⵜ ⵜⵙⴳⴰ ⵏⵏⵙ, ⵙ ⵓⵙⵙⵥⵕⴼ ⴷ ⵉⵖⴱⵓⵍⴰ ⵏⵏⵙ, ⵙⵍⴰⵡⴰⵏ ⴰⴽⴽⵯ ⴰⵙⵉⵙⵙⵏ ⴷ ⵓⴱⵟⵟⵓ ⴷ ⵓⵙⵙⵔⵇⴱ ⵉ ⵜⵖⵔⵉ ⴷ ⵓⵙⵎⵔⵙ ⵏ ⵉⵏⵖⵎⵉⵙⵏ. ⴷⵜⵉⵏⴱⴰⴹⵉⵏ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ ⴷ ⵉⴳⵏⴰⵙⴰⵙⵏ ⵏ ⵉⵏⵖⵎⴰⵙⵏ ⴷ ⵜⴳⵔⴰⵡⵉⵏ ⵏ ⵓⵏⵙⴳⵉⴷⴷⵉ ⴰⴷ ⵏⴰⴼ ⵉⴼⵙⵙⴰⵢⵏ ⵕⵡⴰⵏⵉⵏ ⴷ ⵜⵙⵔⵜⴰⵢ ⵍⵍⵉ ⵔⴰⴷ ⵉⵙⵙⴷⵓⵙ ⵜⵉⵎⵙⵙⵏⵜⴰⵢ ⴹⴼⵕⵏⵉⵏ ⵜⵉⵏⵏⵓⴱⴹⴰ ⵉⵥⵉⵍⵏ. ⴳ ⵓⵎⵏⵉⴷ ⴰⴷ, ⵉⵇⵇⴰⵏ ⴷ ⴰⴷ ⵏⵣⴷⵉ ⵊⴰⵔ ⵓⵣⵣⵥⵕⴼ ⴷ ⵉⵙⵓⴳⴰⵎ ⵏ ⵓⵙⵓⵙⵙⵏ ⴷ ⵜⵣⵣⵓⵍⴰⵏⵜ ⴷ ⵓⵡⵇⵇⵔ ⵏ ⵜⴼⴰⴷⵉⵡⵉⵏ ⴷ ⵓⵡⵇⵇⵔ ⵏ ⵉⵙⵍⴳⵏⵏ ⵏ ⵓⵙⵡⵓⵔⵉ ⵏ ⵉⵏⵖⵎⴰⵙⵏ.

ⵉⵙⵜⵎⴰⵙⵙⴰⴷⵉⴷⵎⴰⵙⵙ

ⴳ ⵓⵎⵏⴰⴹ ⴰⴳⵔⴰⵖⵍⴰⵏ ⵉⵜⵜⵓⵙⵙⴰⵏ ⵙ ⵓⵖⵓⵍ ⵏ ⵜⵏⵉⵎⴰⵏⵉⵏ ⵜⵉⵏⴰⵎⵓⵔⵉⵏ ⴷ ⵜⵉⵏⵏⴰⵡⵉⵏ ⵏ ⵜⵢⴰⵏⵜ, ⵉⵇⵇⴰⵏ ⴷ ⵓⵙⵙⵔⵇⴱ  ⵓⵙⵎⴰⵍ ⴰⵏⴰⵎⵓⵔ ⴰⴷ ⵉⵙⵡⵓⵔⵉ ⵙ ⵜⵔⵙⵍⵜ ⵏ ⵜⵎⵜⵜⵉ ⴷ ⵜⵉⵍⵉⵜ ⵜⴰⵏⴰⵎⵓⵔⵜ ⵙⵍⴰⵡⵏ ⴰⴽⴽⵯ ⵎⴰⵙ ⵓⵔ ⴳⵉⵏⵜ ⵜⵎⴰⵖⵉⵏ ⵏ ⵡⴰⵙⵙ ⴰⴷ ⵣⵓⵏ ⵜⴰⵎⴰⵖⵉⵏ ⵍⵍⵉ ⵣⵔⵉⵏⵉⵏ, ⵉⵎⴰⵙⵙⵏ ⵏⵏⵙⵏⵜ ⴳⴳⵓⵜⵏ, ⵉⴳ ⵓⵙⵎⴰⵍ ⵢⴰⵏ ⵙⴳ ⵉⵜⵙⵏ.

ⵏⵔⵎⵙ ⴳ ⵍⵎⵖⵔⵉⴱ ⴰⴷ ⵏⴰⵎⵣ ⵜⴰⵏⴰⵥⴰⵕⵜ ⵏ ⵓⵔⴳⴳⵉⴳ ⴷ ⵓⵚⴽⵓ ⵏ ⵜⵎⵔⵙⴰⵍ ⴷ ⵓⵙⵕⵚⵓ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⵎⵏⵏⴰⵡⵜ, ⵏⴼⵓⴽⴽⴰ ⵜⵉⵎⵓⴽⵔⵉⵙⵉⵏ ⵜⵉⵙⵔⵜⴰⵏⵉⵏ ⵙ ⵜⵓⵏⵥⵉⵥⵜ ⵏ ⵉⴳⵍⴷⴰⵏ ⵏ ⵍⵎⵖⵔⵉⴱ: ⵉⴳⵍⵍⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ, ⵉⴳⵍⵍⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⴰⵙ ⵉⵙⵉⵖⵣⵉⴼ ⵕⴱⴱ ⴳ ⵍⵄⵎⵔ.

ⴰⵙⵙ ⴰⴷ ⵉⵇⵇⴰⵏ ⴷ ⵓⵙⵕⵚⵓ ⵏ ⵓⴷⵖⴰⵔ ⵏⵏⵖ ⴷ ⵜⵓⴷⴷⵉⵙⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⴷⵎⵙⴰⵏⵜ ⵉⵣⵣⵉⴳⵣⵏ. ⵓⵔ ⵙⵖⴰⵡⵙⴰⵖ ⴰⴷ ⴰⵍⵙⵖ ⵜⵉⵍⴰⵍⵜ ⵏ ⵓⵙⵎⴰⵍ ⴳ ⵓⵚⴽⵓ ⴰⴷ ⴷ ⵓⵎⵣⴰⵖ ⵏ ⵜⵏⵓⴼⴰ ⵏ ⵍⵎⵖⵔⵉⴱ ⵜⵉⵙⵜⵔⴰⵜⵉⵊⵉⵢⵉⵏ ⴷ ⵜⵓⴷⴷⵉⵔⵉⵏ ⴷ ⵓⵙⵎⵖⵔ ⵏ ⵓⵙⵡⵉⵔ ⵏ ⵓⵎⴹⴽⴰⵔ ⴰⴳⴷⵓⴷⴰⵏ. ⵉ ⵎⴰ ⴰⵏⵏ, ⴰⵔ ⴰⵡⵏ ⵜⵜⵉⵏⵉⵖ ⴰⵙⵓⵊⴷ ⵏⵏⵖ ⴰⵙⵓⵍⴰⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵎⵙⴰⵡⴰⵍ ⴷ ⵓⵙⵔⵓⵙ ⵏ ⵉⵣⵣⵔⴰⴼⵏ ⵍⵍⵉ ⵔⴰⴷ ⵉⵙⴷⵓⵙ ⵓⵙⵎⴰⵍ ⴰⵏⴰⵎⵓⵔ ⴷ ⵓⵙⵖⵏⵓ ⵏⵏⵙ ⴷ ⵓⴷⴰⵜⵉ ⵏⵏⵙ.

ⵜⴰⵏⵎⵎⵉⵔⵜⴼⵓⵙⵙⴼⵍⴷⵏⵏⵓⵏ