ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴳ ⵜⵙⵎⵓⵏⵉ ⵏ ⵓⵙⵉⵔⴰ

ⵜⴰⵏⴳⴳⵯⵓⵜMERITXELL BATET LAMAÑAⵜⴰⵏⵙⵙⵉⵅⴼⵜⵏⵓⵙⵇⵇⵉⵎⵏⵉⵎⵓⵔⴰⴳⵙⴱⴰⵏⵢⴰⵜⴰⵎⴰⵔⵉⵜⵏⵓⵏⵙⵙⵉⵅⴼⵏⵜⵎⵙⵎⵓⵏⵜⵜⴰⴱⵕⵍⴰⵎⴰⵏⵉⵜⵏⵜⴰⵎⵓⵏⵜⵉⵓⵏⴰⵎⵎⴰⵙ,

ⵜⴰⵏⴳⴳⵓⵜEva Kailiⵜⴰⵏⵙⵙⵉⵅⴼⵜⵏⵓⴱⵕⵍⴰⵎⴰⵏⵏⵓⵕⵓⴱⴱⴰ, ⵜⴰⵎⴰⵔⵉⵜⵏⵓⵏⵙⵙⵉⵅⴼⵏⵜⵎⵙⵎⵓⵏⵜⵜⴰⴱⵕⵍⴰⵎⵏⵉⵜⵏⵜⴰⵎⵓⵏⵜⵉⵓⵏⴰⵎⵎⴰⵙ

ⴰⵏⴳⴳⵓⵎⵓⵃⴰⵎⵎⴰⴷⴰⴱⵓⵍⵄⵉⵏⵉⵏⴰⵎⴰⵔⵉⵏⵓⵏⵙⵙⵉⵅⴼⵏⵓⵙⵇⵇⵉⵎⵏⵉⵎⵓⵔⴰⴳⵎⵉⵚⵕ, ⴰⵎⴰⵔⵉⵏⵓⵏⵙⵙⵉⵅⴼⵏⵜⵎⵙⵎⵓⵏⵜⵜⴰⴱⵕⵍⴰⵎⴰⵏⵉⵜⵏⵜⴰⵎⵓⵏⵜⵉⵓⵏⴰⵎⵎⴰⵙ,

ⵉⴷⵎⴰⵙⵙⵉⵎⵙⵇⵇⴰⴷⵏ, 

ⵉⵙⵜⵎⴰⵙⵙⴰⴷⵉⴷⵉⴷⵎⴰⵙⵙ,

ⵎⵉⴷⴷⵏⵃⴰⴹⵕⵏⵉⵏ.

ⵔⵉⵖ ⴳ ⵜⵣⵡⵉⵔⵉ ⴰⴼ ⵙⵓⵜⴳⵖ ⴰⵏⵎⵓⵇⵇⴰⵔ ⴷⵉⴷⵓⵏ ⵜⵉⴽⴽⵍⵉⵜ ⵢⴰⴹⵏⵉⵏ ⴳ ⵜⵖⵔⵎⵜ ⵏ ⵕⵕⴱⴰⵟ ⵜⴰⵎⴰⵥⵓⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴰⵔ ⵙⵔⵓⵏ ⵙⴱⵔⵔⴰⴽⵖ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ, ⵙⵏⵉⵎⵎⵔⵖ ⴽⵏ ⴼ ⵓⴷⵔⴰⵡ ⵏⵏⵓⵏ ⴳ ⵜⵙⵎⵓⵏⵉ ⵜⵉⵙ ⵙⵏⴰⵜ ⵏ ⵓⵙⵉⵔⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⵙ ⵜⵏⵙⵙⵉⵅⴼⵜ ⵜⴰⵎⵖⵔⵉⴱⵉⵜ.

ⵜⵉⵏⴳⴳⵯⴰⴷⵉⵏⴳⴳⵯⴰ

ⵉⵙⵜⵎⴰⵙⵙⴰⴷⵉⴷⵎⴰⵙⵙ

ⵉⵎⵓⵏ ⵓⵙⵉⵔⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ, ⴳ ⵓⵎⵏⴰⴷ ⴰⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ ⵉⵛⴷⴷⴰⵏ, ⵙ ⵜⵎⵙⴰⵔⵉⵏ ⴷ ⵉⵎⴰⵖⵏ ⴷ ⵜⴰⵙⵙⴰⵙⵉⵏ, ⴷ ⵓⵔⵔⵓⵢ ⵏ ⵜⵎⵢⵉⵎⴰⵏⵜ ⴳ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ, ⵥⴹⴰⵔⵖ ⴰⴷ ⵉⵏⵉⵖ ⵎⴰⵙ ⴷ ⵜⴰⵙⵙⴰⵙⵉⵏ ⴷ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴷⴰⵜ ⵏ ⵜⵔⴰⴱⴱⴱⵓⵜ ⵜⴰⴳⵔⴰⵖⵍⴰⵏⵜ ⵓⵔ ⵊⵊⵓⵜ ⵜⵏⵜ ⵉⵥⵕⵉ ⵓⵎⴰⴹⴰⵍ ⵙⴳ ⵜⵉⴳⵉⵔⴰ ⵏ ⵜⵎⴰⵖⵜ ⵜⴰⵎⴰⴷⵍⴰⵏⵜ ⵜⵉⵙ ⵙⵏⴰⵜ. ⴷ

ⴷⴼⴼⵉⵔ ⵏ ⴽⵓⴼⵉⴷ 19 ⴷ ⵉⴷⵔⵉⵣⵏ ⵏⵏⵙ ⵉⴷⵓⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ ⴷ ⵉⴱⵙⵉⴽⵓⵍⵓⵊⵉⵢⵏ ⴼ ⵓⵎⴰⴹⴰⵍ, ⵍⵍⴰⵏ ⵉⴷⵔⵉⵣⵏ ⴷ ⵉⵎⵓⴽⵔⵉⵙⵏ ⵏ ⵓⵏⵣⵡⵉ ⴷ ⵓⴷⵎⴰⵡⵏ ⵏⵏⵙⵏ: ⵜⴰⵖⴰⵔ ⵉⵛⴷⴷⴰⵏ ⵓⵍⵓⵢ ⵎⵇⵇⵓⵔⵏ ⵏ ⵜⵔⵖⵉ, ⵉⵏⴳⵉⵜⵏ ⴳⴳⵓⵜⵏⵉⵏ.

ⵎⵇⵇⴰⵔ ⵖⵎⴽ ⴰⵏⵏ , ⵉⵍⵍⴰ ⵓⵏⴰⵔⵓⵣ ⴷⴰⵔ ⵜⴼⴳⴰⵏⵜ ⴰⴷ ⵜⵊⵊⵉ ⵜⴷⵎⵙⴰ ⵜⵉⵍⵉ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵉⵙⵏⴼⵍⵏ ⵉⴳⵔⴰⵖⵍⴰⵏⵏ, ⵎⴰⵛⵛ ⵜⵉⵍⵉⵜ ⵏ ⵜⵎⴰⵖⵉⵏ ⵜⵉⵙⴳⴰⵡⴰⵏⵉⵏ ⴷ ⵜⵉⵍⵉⵜ ⵏ ⵜⵎⴰⵖⵜ ⵜⴰⵎⴰⵢⵏⵓⵜ ⴳ ⵍⵇⴱⵍⵜ ⵏ ⵓⵔⵓⴱⴱⴰ ⵜⵙⴱⴷⴷ ⵜⵉⴷⵉⵏⴰⵎⵉⵢⵉⵏ ⴰⴷ, ⵢⵉⵍⵉ ⵓⴼⵔⴰⴽ ⴰⴷ ⵓⵔ ⵜⵙⴽⵔ ⵜⵎⴰⵖⴰⵜ ⴰⴷ ⵜⴰⵙⵙⴰⵙⵉⵏ ⵏ ⵜⵥⴹⴰⵕⵜ ⴱⴰⵀⵔⴰ ⵉⵅⵛⵏⵏ ⵉⵟⵟⴰⴼⵏ ⴰⵥⴰⵥⵓ ⴷ ⵉⴷⵔⵉⵣⵏ ⵏⵏⵙ. ⵍⵍⴰⵏ ⵉⴷⵔⵉⵣⵏ ⵏ ⵜⴰⵎⴰⵖⵜ ⴳ ⵓⵕⵓⴱⴱⴰ ⴼ ⵉⴳⴰⴷⴰⵣⵏ ⵖ ⵜⵍⵍⴰ ⵡⴰⵔⵜⴰⵎⵢⵉⵎⴰⵏⵜ ⴳ ⵉⵎⴰⵍ, ⴰⵢⵍⵍⵉ ⵉⴽⴽⴰⵏ ⴼ ⵓⴼⴰⵔⵙ ⴷ ⵓⵙⴽⵛⵎ, ⵢⴰⵡⵙ ⴳ ⵓⵍⵓⵢ ⵏ ⵡⴰⵜⵉⴳⵏ ⵏ ⵉⵎⵜⵜⵉⵡⵏ ⵉⴷⵙⵍⴰⵏⵏ, ⵉⵙⵙⴷⵓⵙ ⵜⵓⵔⴷⵉⵡⵉⵏ ⵅⴼ ⵜⵏⴼⵔⵓⵜ ⵏ ⵓⵜⵛⵓ, ⴷ ⵉⴷⵔⵉⵣⵏ ⵏⵏⵙ ⴼ ⵓⵔⴳⴳⵉⴳ ⴰⵏⴰⵎⵓⵏ ⴳ ⵉⴼⴼⵓⵙ ⵓⵍⴰ ⴳ ⵉⵥⵥⵍⵎⴹ.

ⵓⵔ ⴰⴽⴽⵯ ⵏⵎⵎⵣⵔⵉ ⵉⵖ ⵏⴻⵏⵏⴰ ⵎⴰⵙ ⴷ ⵜⴰⵙⴳⴰ ⵏⵏⵖ ⵓⵕⵓⵜⴰⵏⴰⵎⵎⴰⵙⵜ ⵜⴳⴰ ⵙⴳ ⵜⵙⴳⴳⵉⵡⵉⵏ ⵜⵉⵊⵢⵓⵙⵔⵜⴰⵏⵉⵏ ⵜⵜⴰⵡⴹⵕⵕⴰⵏⵏⵉⵏ ⵙⴳ ⵉⵎⵏⴰⴷⵏ ⴰⴷ ⵉⴳⵔⴰⵖⵍⴰⵏⵏ ⴷ ⵉⵏⵎⵏⴰⴷⵏⵍⵍⵉ ⵍⵍⴰⵏⵉⵏ. ⵙⵎⴰⵜⴰⵏ ⵉⵎⵏⵜⵉⵍⵏ ⵉⵎⴰⵢⵏⵓⵜⵏ ⵜⴰⵙⵙⴰⵙⵜ ⵏ ⵜⵙⴳⴰ ⴷ ⵉⵙⵓⵔⵙ ⵏⵏⵙ, ⴰⵛⴽⵓ ⵜⴳⴰ ⴰⵙⴰⵢⵔⵓⵔ ⴰⵊⵢⵓⴰⵙⵔⵜⴰⵏ ⵍⵍⵉ ⴱⴰⵀⵔⴰ ⵉⵜⵜⵓⴹⵕⵕⴰⵏ ⵉⵖ ⵉⵍⵍⴰ ⵡⴰⵔⴰⵔⴳⴳⵉⴳ ⴷ ⵓⴷⵎⴰⵡⵏ ⵏⵏⵙ. ⵜⴳⴰ ⵜⵙⴳⴰ ⵏⵏⵖ ⴰⵙⴰⵔⴰⴳ ⵏ ⵜⵎⴰⵖⵉⵏ ⵜⵉⵇⴱⵓⵔⵉⵏ ⴷ ⵜⵉⴷ ⵛⴷⴷⴰⵏⵉⵏ ⴳ ⵓⵎⵣⵔⵓⵢ ⴰⵜⵔⴰⵔ, ⵉⵍⴰⵏ ⴳⵉⵙ ⴷ ⵜⴰⵎⴰ ⵏⵏⵙ ⵉⵎⴰⵖⵏ ⵉⴳⵯⵏⵙⴰⵏ ⴳ ⵎⵏⵏⴰⵡⵜ ⵜⵎⵉⵣⴰⵔ, ⴳⵉⵏ ⵉⵎⴰⴷⴰⵏⵏ ⵏⵏⵙ ⴰⵏⴳⴰⵙⵏ ⵏ ⵓⴱⵔⵙⵙⵉⵡⴷ ⵉⵀⵔⵛⵏ ⴷ ⵜⴻⵟⵟⵓⵕⴼⴰ ⴷ ⵜⴽⵕⴹⵉ ⵍⵍⵉ ⵙⵙⵀⵔⵛⵏ ⵉⵣⵣⵔⴰⴼⵏ ⴷ ⵜⴷⵍⵙⵡⵉⵡⵉⵏ ⴷ ⵜⵖⵔⵎⴰⵡⵉⵏ. ⵉⵜⵜⵓⴹⵕⵕⴰ ⵓⵏⴰⵎⵎⴰⵙ ⴷ ⵜⵎⵉⵣⴰⵔ ⵏⵏⵙ ⵙⴳ ⵉⴷⵔⵉⵣⵏ ⵏ ⵜⵎⵓⴽⵔⵉⵙⵉⵏ ⵏ  ⵓⵏⵣⵡⵉ ⵓⴳⴳⴰⵔ ⵏ ⵜⵎⵉⵣⴰⵔ ⵢⴰⴹⵏⵉⵏ, ⴷⵔⵓⵙⵏ ⵡⴰⵎⴰⵏ, ⵜⵓⵔⵔⵉ ⵜⴰⴳⴰⵏⵜ, ⵉⵕⵎⵉ ⵡⴰⵍⴽⴰⵍ, ⴳⴳⵓⴼⵙⴰⵏ ⵡⴰⵎⴰⵏ ⵏ ⵢⵉⵍ, ⵜⵜⵓⴹⵕⵕⴰⵏ ⵉⵙⵏⴼⴰⵔⵏ ⴷ ⵉⵖⴰⵡⴰⵙⵏ ⵏ ⵜⴳⵎⵉ ⵜⴰⵙⵓⵎⵍⴰⵏⵜ ⴷ ⵜⵉⵕⵡⵉ ⵏ ⵜⵓⴷⵔⵜ.

ⵢⵉⵡⵉ ⴷ ⵎⴰⵢⴰⴷ ⴰⴷ ⵉⵍⵉⵏ ⵉⵎⵣⵔⴰⵢⵏ ⴳ ⵜⵎⴰⵣⵉⵔⵜ ⵉⴳⴰⵏ ⵢⴰⵜ ⵏⴳⵔ ⵉⴼⴼⵓⵙ ⴷ ⵉⵥⵥⵍⵎⴹ ⵏ ⵓⵏⴰⵎⵎⴰⵙ, ⵢⵉⴳⵓⵜ ⵓⵣⵡⴰⴳ ⵡⴰⵔⵓⵍⴳⵉⵏ  ⵖ ⵓⵔ ⵜⵍⵍⵉ ⵜⵏⴼⵔⵓⵜ, ⴷ ⵜⴰⵙⵙⴰⵙⵉⵏ ⵜⵉⵡⵙⵙⴰⵏⵉⵏ ⵍⵍⵉ ⴷⵉⵙⵙ ⵎⵓⵏⵏⵉⵏ.

ⵜⵉⵏⴳⴳⵯⴰⴷⵉⵏⴳⴳⵯⴰ

ⵉⵙⵜⵎⴰⵙⵙⴰⴷⵉⴷⵎⴰⵙⵙ

ⵏⴷⵔⵓ ⴰⵙⵓⵜⴳ ⵉⴳⴰⵏ ⵢⴰⵏ ⴷ ⵓⵣⵣⵔⴰⵢ ⵉⴳⴰⵏ ⵢⴰⵏ ⵉ ⵡⴰⵏⴰⵡ ⵏ ⵉⵙⴷⵓⴷⴷⵉⵢⵏ ⴷ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴷⴰ ⵏⵏⵖ, ⵏⴷⵔⵓ ⴰⵖⵉⵍⵓⴼ ⵉⴳⴰⵏ ⵢⴰⵏ ⴷ ⵡⴰⵔⴰⵙⵜⴼⴰⵍ ⵙ ⵉⵎⴰⵍ ⴳ ⵜⵉⴼⴰⵡⵜ ⵏ ⵜⵣⵣⵉⴳⵣⵉⵏ ⵏ ⵜⵎⵙⴰⵔⵉⵏ, ⵏⴷⵔⵓ ⵓⵍⴰ ⴰⴼⵔⴰⴽ ⵙ ⵜⵎⴰⵙⴰⵢⵜ ⵎⵏⵉⴷ ⵏ ⵖⵉⵍⴰⴷ ⴷ ⵉⵎⴰⵍ.

ⵎⴰⵛⵛ ⴰⵊⵊⴰⵜⴰⵖ ⴰⴷ ⵏⵚⴽⵓ ⵜⵉⵙⵔⵜⴰⵢ ⴷ ⵜⴰⵏⵏⴰⵢⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵎⴰⵢⵏⵓⵜⵉⵏ, ⴰⴷ ⵏⵙⵡⵓⵔⵉ ⵏ ⵉⵎⴰⵙⵙⵏ ⵏ ⵜⴷⵔⴰⵡⵜ ⴷ ⵓⵙⴰⵏⵉⵏ ⴰⴽⴷ ⵜⵉⵏⴰⵥⴰⵕⵉⵏ ⵀⵔⵛⵏⵉⵏ ⵍⵍⴰⵏⵉⵏ ⴷⴰⵜ ⵏⵏⵖ.

ⵎⴽ ⵍⵍⵉⴷ ⵜⵉⵡⵉ ⵜⵡⵡⵓⵔⵉ ⵏ ⴱⴰⵕⵛⴰⵍⵓⵏⴰ ⴳ 1995 ⴰⵏⴰⵔⵓⵣ ⴳ ⵜⵉⵍⵉⵜ ⵏ ⵓⵙⴰⵢⵔⵓⵔ ⵉⵛⵛⴰⵔⵏ ⴳ ⵜⵙⴳⴰ ⵓⵕⵓⵜⴰⵏⴰⵎⵎⴰⵙⵜ, ⵢⵉⵍⵉ ⵓⵕⵥⵥⵓⵎ ⵏ ⵉⵎⵉⵙⵙ ⴰⴱⵕⵍⴰⵎⴰⵏ ⴳ 1998 ⴳ ⵓⵙⴰⵜⵉ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵓⵕⵓ ⴰⵏⴰⵎⵎⴰⵙ, ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵓⵕⵓⵜⴰⵏⴰⵎⵎⴰⵙⵜ ⴳ 2004, ⵍⵍⵉ ⵉⴳⴰⵏ ⵉⵎⵉⵙⵙ ⴰⴱⵕⵍⴰⴰⵎⵏⵉ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ, ⵏⵔⴰ ⴰⵙⵙ ⴰⴷ ⴰⴷ ⵏⵕⵥⵎ ⵜⵉⵙⵏⵜⴰⵢⵉⵏ ⵜⵉⵎⴰⵢⵏⵓⵜⵉⵏ ⵙⴽⴰⵔⵏⵉⵏ ⴰⵏⴰⵔⵓⵣ ⴷⴰⵔ ⵉⵎⴰⴷⴰⵏⵏ ⵏⵏⵖ ⵍⵍⵉⵔ ⴰⴷ ⵢⴰⵡⵉ ⵜⴰⵎⵢⵉⵎⴰⵏⵜ ⴳ ⵜⵉⵕⵡⵉ ⵏ ⵜⴷⵔⴰⵡⵜ ⵓⵕⵓ ⵜⴰⵏⴰⵎⵎⴰⵙⵜ ⵜⴰⵎⵥ ⴰⵜⵉⴳⵏ ⵍⵍⵉ ⵏⴷⵔⵓ.

ⴳ ⵓⵎⵏⴰⴹ ⴰⴷ, ⵍⵍⵉⵖ ⵏⴳⴰ ⵉⵎⵉⵙⵙ ⴰⴱⵕⵍⴰⵎⴰⵏⵉ ⵏ ⵜⴷⵔⴰⵡⵜ ⴰⴷ, ⵉⵇⵇⴰⵏ ⴷ ⴰⴷ ⴷⴰⵔⵏⵖ ⵢⵉⵍⵉ ⵉⵎⴰⵏ ⵏ ⵜⵎⵣⵡⴰⵔⵜ ⴷ ⵜⵡⵉⵙⵉ ⴳ ⵡⴰⵔⴰⵢ ⵙⴳ ⵉⵎⴰⵖⵏ ⴷ ⵜⵣⵣⵉⴳⵣⵜ ⵏⵏⵙ, ⵓⵔ ⵜⵍⵍⵉ ⵜⴳⵎⵉ ⴷ ⵜⴷⵉⵎⵓⵇⵔⴰⵟⵉⵜ ⵜⴰⵔ ⵜⴰⵏⴼⵔⵓⵜ ⵉⵛⵛⴰⵔⵏ ⴷ ⵓⴼⵔⴰ ⵉⵙⵓⵍⵏ.

ⵜⵉⵙ ⵙⵏⴰⵜ ⵜⵖⴰⵡⵙⵉⵡⵉⵏ, ⵉⵇⵇⴰⵏ ⴷ ⴰⴷ ⵏⵣⵣⵔⵉ ⵜⵉⵙⵡⵉⵏⴳⵉⵎⵏ ⵏⵖ ⵅⴼ ⴽⵉⴳⴰⵏ ⵏ ⵓⴷⵎⴰⵡⵏ ⵉⵏⴰⵎⵓⵏⵏ, ⴳ ⵜⵣⵡⵉⵔⵉ ⵏⵏⵙⵏ ⵡⵉⵏ ⵓⵣⵡⴰⴳ ⵡⴰⵓⵍⴳⵉⵏ. ⵉⵇⵇⴰⵏ ⴷ ⴰⴷ ⵏⴼⵔⴽ ⵙ ⵜⵉⵍⴰⵍⵜ ⵏ ⵜⵎⵉⵣⴰⵔ ⵏ ⵉⴼⴼⵓⵙ ⴳ ⵓⵙⴱⴷⴷⵉ ⵏ ⵓⵣⵡⴰⴳ, ⴷ ⵓⵥⴰⵥⵓ ⵍⵍⵉ ⴷⵉⴷⵙ ⵉⵥⵍⵉⵏ, ⴷ ⵓⵙⵓⵜⴳ ⵏ ⵜⵓⴳⴳⵯⴰⵙ ⴷ ⵓⵥⴰⵥⵓ ⵏ ⵓⵙⵉⴷⴼ ⵏ ⵉⵎⵣⵡⴰⴳ ⴷ ⵓⴼⵓⴽⴽⵓ ⵏ ⵉⵙⵓⵔⵙⵏ ⵏⵏⵙ (ⵉⵙⵓⴳ ⵓⵏⵇⵇⵉⵙ ⵏ ⵉⵎⴰⵍⴰⵙⵙ ⵉⵣⵔⵉⵏ ⵍⵍⵉⴷ ⵜⵙⴼⴼⵖ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵉⵙⵓⵜⴳ ⵜⵓⴳⴳⵯⴰⵙ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵣⵡⴰⴳ). ⵉⵇⵇⴰⵏ ⴷ ⴰⴷ ⵏⵙⵡⵓⵔⵉ ⵎⵏⵉⴷ ⵏ ⵜⵎⵓⴽⵔⵉⵙⵜ ⴰⴷ, ⵏⵙⵙⵏ ⵉⵙ ⵏⵍⵍⴰ ⵎⵏⵉⴷ ⵏ ⵜⵎⴰⵖⵜ ⴰⴽⴷ ⵜⵉⴱⴱⴰⵏⴹⵉⵢⵢⵉⵏ ⵏ ⵓⵙⵖⵏⵣⵉ ⴳ ⵓⴼⴳⴰⵏ ⴷ ⵢⴰⵙⵙⴰⵙⵉⵏ ⵏ ⵉⵡⴷⴰⵏ, ⵓⵔ ⴷ ⵎⵏⵉⴷ ⵏ ⵉⵎⵣⵡⴰⴳⵏ ⵣⵓⴳⵏⵉⵏ ⵙ ⵓⵥⵍⴰⴹ ⴷ ⵡⴰⵔⵓⴼⵔⴰⴽ ⵙ ⵜⵏⴼⵔⵓⵜ.

ⴳ ⵓⵎⵏⵉⴷ ⵢⴰⴹⵏⵉⵏ, ⴳⴰⵏ ⵉⵎⵙⵜⴰⵢⵏ ⵉⵙⵔⵜⴰⵢⵏ ⴷⴰⵜ ⵏ ⵓⵙⴱⴷⴷⵉ ⵏ ⵓⵖⵉⵍⵓⴼ ⵍⵍⵉ ⵙⴽⴰⵔⵏⵉⵏ ⴳ ⵓⵣⵡⴰⴳ ⴰⵎⴹⴰⴽⴰⵕ ⵏ ⵉⵙⵜⴰⵢⵏ.

ⵜⵉⵙ ⴽⵕⴰⴹⵜ, ⴳ ⵎⴰⵕⵕⴰ ⵏ ⵉⵎⵏⴰⴹⵏ, ⵉⵇⵇⴰⵏ ⴷ ⴰⴷ ⵏⵎⵎⴰⵖ ⴼ ⵜⴷⵉⵎⵓⵇⵔⴰⵟⵉⵜ ⵜⴰⵎⵔⵙⵍⴰⵏⵜ ⵉⴱⴷⴷⵏ ⴼ ⵜⵎⵏⵏⴰⵡⵜ ⵜⴰⵙⵔⵜⴰⵏⵜ ⴷ ⵉⴷⵙⵜⴰⵔⵏ ⴷ ⵉⵙⵍⴳⵏⵏ ⵏ ⵓⵎⵙⴰⵙⴰ, ⴷ ⵉⴼⵏⵉⵇⵏ ⵏ ⵓⵙⵜⴰⵢ ⵉⵍⴻⵍⵍⵉ ⴰⵎⴰⴼⴰⵡ. ⵜⵉⵎⵔⵙⴰⵍ ⵜⵉⴷⵉⵎⵓⵇⵔⴰⵟⵉⵢⵉⵏ ⴰⴷ ⵉⵜⵜⵓⵎⴰⵏ ⴽⵓⵢⴰⵏ, ⴰⵔⴰⵏ ⵜ ⵙⴳ ⵜⴻⵜⵟⵟⵓⵕⴼⴰ ⴷ ⵓⵃⴹⵓ ⴷ ⵜⴰⵏⵏⴰⵢⵢⵉⵏ ⵓⵎⴰⵏⵉⵏ ⵍⵍⵉ ⵣⵣⵉⴳⵉⵣⵏⵉⵏ ⴳ ⵉⵎⵏⴰⴷⵏ ⵏ ⵜⴰⵙⵙⴰⵙⵉⵏ ⴷ ⵉⵙⴷⵉⴷⴷⵉⵢⵏ.

ⴳ ⵓⵎⵏⴰⴷ ⵢⴰⴹⵏⵉⵏ, ⵜⴰⵖⴰⵡⵙⴰ ⵉⵙⵜⴰⵡⵀⵎⵎⴰⵏ, ⴰⴷ ⵏⵙⴱⴷⴷ ⴰⵙⵡⴰⵍⴰ ⴰⵙⵔⵜⴰⵏ ⴷ ⵓⵎⵓⵙⵙⵓ ⵉⴳⴰⵏ ⴰⴱⵔⵙⵙⵉⵡⴷ ⵉ ⵜⵏⴼⵔⵓⵜ ⴷ ⵜⴼⴰⵜⵉⵜ ⵏ ⵉⴽⴰⵍⵉⵡⵏ ⵏⵏⵙ ⴷⵜⵢⴰⵏⵜ ⵏⵏⵙ ⵜⴰⵏⴰⴽⴰⵍⵜ ⴷ ⵜⵅⵅⵓⵜⵔⴰ ⵏⵏⵙ, ⵓⵔ ⵉⵍⵍⵉ ⵓⴱⵔⵙⵙⵉⵡⴷ ⵉⵛⵇⵇⴰⵏ ⴰⴱⵍⴰ ⵡⵉⵏ ⵉⵎⵥⵍⵉ, ⴷ ⵉⵖⴰⵡⴰⵙⵏ ⵏ ⵓⴼⵓⴽⴽⵓ ⵏ ⵉⵡⴰⵏⴽⵏ. ⵜⴳⴰ ⴰⴽⴰⵍ ⵉⵕⵡⴰⵏ ⵉ ⵜⵣⵣⵉⴳⵣⵜ ⵏ ⵓⴱⵔⵙⵙⵉⵡⴷ ⴷ ⵜⴻⵟⵟⵓⵕⴼⴰ ⴷ ⵜⵉⵍⵉⵜ ⵏ ⵜⴽⵕⴹⵉ ⴷ ⵡⴰⴷⴷⴰⴷⵏ ⵏ ⵡⴰⵔⴰⵡⴰⵏⴽ.

 ⵓⵔ ⴳⵉⵙ ⵜⵓⵔⴷⴰ ⵎⴰⵙ ⴷ ⴰⵏⴰⵡ ⴰⵎⵏⵏⴰⵡ ⵏ ⵜⵎⴰⴷⴷⴰⵙⵜ ⵏⵏⵖ ⵜⴰⴳⵜⵉⵔⴰⵏⵜ ⵉⵟⵟⴰⴼⵏ ⵜⵉⵍⵍⵓⴳⵏⴰ ⵜⴰⴷⵉⵎⵓⵇⵔⴰⵟⵉⵜ, ⵙ ⵜⵎⵔⵙⴰⵍ ⵜⵉⵎⵔⵙⵍⴰⵏⵉⵏ ⴷ ⵜⵉⵏ ⵓⵙⵓⵜⴳ ⴷ ⵜⵎⴰⵜⴰⵔⵉⵏ ⴷ ⵜⵎⵏⵏⴰⵡⵡⵜ ⵏ ⵉⴼⵔⴷⴰⵙ ⵏⵏⵙ ⵉⵙⵔⵜⴰⵏⵏ, ⵔⴰⴷ ⵢⴰⵡⵙ ⴳ ⵜⵉⵍⵉⵜ ⵏ ⵜⵙⵏⵜⴰⵢⵉⵏ ⵜⵉⵎⵣⵡⵓⵔⴰ ⴳ ⵓⵎⵏⴰⴷ ⵍⵍ ⴼ ⵙⴰⵡⵍⵖ ⵙ ⵓⵎⵛⴰⵡⴰⵕ ⴰⴽⴷ ⵜⵉⵏⴱⴰⴹⵉⵏ ⴷ ⵓⴷⵔⴰⵡ ⵏ ⵡⴰⵎⵓⵏⵏ ⵉⵖⵔⵎⴰⵏⵏ ⴷ ⵓⵎⵏⵉⴷ ⴰⵎⴰⵜⴰⵢ.

ⵜⵉⵏⴳⴳⵯⴰⴷⵉⵏⴳⴳⵯⴰ

ⵉⵇⵇⴰⵏ ⴷ ⴰⴷ ⵏⴼⵔⴽ ⵉⵖ ⵜⵙⵓⵔⵔⵉ ⵜⵙⴳⴰ ⵏ ⵓⵏⴰⵎⵎⴰⵙ ⵜⵉⵍⴰⵍⵜ ⵏⵏⵙ ⵜⴰⵎⵣⵔⴰⵢⵜ ⴷ ⵜⵖⵔⵎⴰⵏⵜ ⵉⴳⴰⵏ ⵜⴰⴷⵙⵍⴰⵏⵜ ⴳ ⵉⵙⵏⴼⵍⵏ, ⴷ ⵓⵔⴳⴳⵉⴳ ⴰⵎⴰⴹⵍⴰⵏ ⴷ ⵓⵖⵓⵍ ⵏ ⵜⵎⵢⵉⵎⴰⵏⵜ ⴳ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵓⵎⵏⴰⴹ ⵉⵔⵡⵉⵏ ⴷ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⵓⵔ ⴱⴷⴷⵏⵉⵏ.

ⵉⵖ ⵜⵣⵣⵉⴳⵣ ⵜⵎⵢⵉⵎⴰⵏⵜ ⴰⴷ ⴷ ⵜⵉⵍⵉⵜ ⵏ ⵓⵏⴳⵔⴰⵡ ⵎⵓ ⴳⴳⵓⵜⵏ ⵉⵛⵓⵎⴰⵛ, ⵀⴰ ⵏⵏ ⵜⵙⵜⴰⵡⵀⵎⵎⴰ ⵓⵍⴰ ⵜⵡⵉⵣⵉ ⵊⴰⵔ ⵉⵥⵥⵍⵎⴹ ⴷ ⵉⴼⴼⵓⵙ ⴷ ⵓⵙⵡⵓⵔⵉ ⵙ ⵜⵎⴰⵙⴰⵢⵜ ⵉⵛⵛⴰⵔⵏ . ⵉⵇⵇⴰⵏ ⴷ ⴰⴷ ⴰⵖ ⵓⵔ ⵢⴰⵡⵉ ⵓⵅⵎⵎⴻⵎ ⵏ ⵉⵎⴷⵔⴰⵡⵏ ⵏⵏⵖ ⴳ ⵉⵥⵥⵍⵎⴹ ⵙ ⵜⵎⵙⴰⵔⵉⵏ ⵍⵍⴰⵏⵉⵏ ⴳ ⵍⵇⴱⵍⵜ ⵏ ⵓⵕⵓⴱⴱⴰ ⵙ ⵓⵅⵎⵎⴻⵎ ⵏⵏⵙⵏ ⴳ ⵜⵎⴷⵔⴰⵡⵜ ⵓⵕⵓⵜⴰⵏⴰⵎⵎⴰⵙⵜ ⵍⵉ ⴷ ⵉⵇⵇⴰⵏ ⵓⵙⵎⴰⵢⵏⵓ ⴳ ⵉⵎⵏⴰⴹⵏ ⵉⵎⴰⵢⵏⵓⵜⵏ. ⵉⴳⴰ ⵓⵔⴳⴳⵉⴳ ⴷ ⵜⵣⵣⵉⴳⵣⵜ ⵏ ⵜⵎⵉⵣⴰⵔ ⵏ ⵉⴼⴼⵓⵙ ⵙⴳ ⵜⵉⵔⵙⴰⵍ ⵏ ⵜⵣⵣⵉⴳⵣⵜ ⴷ ⵓⵔⴳⴳⵉⴳ ⵏ ⵓⵕⵓⴱⴱⴰ.

ⵉⵇⵇⴰⵏ ⴰⵖ ⴷ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴰⴷ ⵏⵙⵓⵔⵔⵉ ⴰⵏⴰⵔⵓⵣ ⵉ ⵜⵎⴷⵔⴰⵡⵜ ⴰⴷ ⴷ ⵉⵙⵏⴼⴰⵔⵏ ⵏⵏⵙ ⵟⵟⴰⴼⵏⵉⵏ ⴰⴷⵔⵉⵣ ⵥⵕⵏ ⵉⵎⴰⴷⴰⵏⵏ ⵜⴰⵢⵢⴰⴼⵓⵜ ⵏⵏⵙ. ⵉⵇⵇⴰⵏ ⴷ ⴰⴷ ⵏⵙⵡⵓⵔⵉ ⴷ ⵓⵙⵡⵉⵔ ⴰⵙⵔⵜⴰⵏ ⴷ ⵓⵖⵔⵎⴰⵏ ⴷ ⵓⵎⵔⵙⵍⴰⵏ, ⵃⵎⴰ ⴰⴷ ⵜⵙⵡⵓⵔⵔⵉ ⵜⵙⴳⴰ ⵏⵏⵖ ⵉⵎⴰⵏ ⵏ ⴼⴰⵙ ⴷ ⵖⴰⵔⵏⴰⵟⴰ ⴷ ⵍⵉⵙⴽⴰⵏⴷⴰⵔⵉⵢⵢⴰ ⴷ ⵇⵓⵕⵟⵓⴱⴰ ⴷ ⴰⵜⵉⵏⴰ, ⴷ ⵉⵎⴰⵏ ⴰⵜⵔⴰⵔ ⴷ ⵉⵏⴰⵔⵓⵣⵏ ⵏ ⴱⴰⵕⵛⴰⵍⵓⵏⴰ.

ⴰⵔⴷⴰⵖⵙⵔⵓⵏⵙⴱⵔⴰⴽⵖ, ⵙⵏⵉⵎⵎⵔⵖⴽⵏⴼⵓⵙⵙⴼⵍⴷⵏⵏⵓⵏ.