ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵕⵥⵥⵓⵎ ⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⴽⵔⴰ ⵏ ⵉⴱⵕⵍⴰⵎⴰⵏⵏ ⵏ ⵓⵕⵓⴱⴱⴰ. ⵜⴰⴳⵓⵔⵉ ⵏ ⵓⵏⵙⵙⵉⵅⴼ

ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ 23 ⵛⵓⵜⴰⵏⴱⵉⵔ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⴰⵕⵥⵥⵓⵎ ⵏ ⵓⵙⵏⴼⴰⵔ ⵏ ⵜⴳⵎⴰⵜ ⵜⴰⵎⵔⵙⵍⴰⵏⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵎⴷⵉⵜ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⴷ ⵉⵙⵇⵇⵉⵎⵏ ⵏ ⵉⵎⵓⵔⴰ ⴳ ⵜⴳⴷⵓⴷⴰⵏⵜ ⵏ ⵜⵛⵉⴽ ⴷ ⵜⴳⵍⴷⵉⵜ ⵏ ⴱⵉⵍⵊⵉⴽ ⵍⵍⵉ ⵙⵏⴰⵍⵏⵜ ⴽⴽⵓⵥⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵉⵟⴰⵍⵢⴰ ⴷ ⵍⵢⵓⵏⴰⵏ ⴷ ⵀⴰⵏⵖⴰⵔⵢⴰ ⴷ ⵍⴱⵓⵔⵜⵓⵖⴰⵍ ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ. ⵜⴰⴳⵓⵔⵉ ⵏ ⵓⵏⵙⵙⵉⵅⴼ:

ⵎⴰⵙⵙⴰ, Eliane Tillieuxⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⴱⵉⵍⵊⵉⴽ,

ⵎⴰⵙⵙⴰ Valérie Rabaultⵜⴰⵎⴰⵔⵉⵜ ⵜⴰⵎⵣⵡⴰⵔⵓⵜ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ

ⵎⴰⵙⵙ JaroslavBŽOCH ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ,

ⵜⵉⵏⴳⴳⵯⴰ ⴷ ⵉⵏⴳⴳⵯⴰ ⵉⴳⵎⴰⵎⵏ ⵏ ⵉⴽⴰⴱⴰⵕⵏ,

ⵎⴰⵙⵙ ⵃⴰⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵔⵖⵔⵉⴱ-ⴼⵕⴰⵏⵚⴰ,

ⵜⵉⵏⴳⴳⵯⴰ ⴷ ⵉⵏⴳⴳⵯⴰ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⴰⴱⵕⵍⴰⵎⴰⵏⵉⵜ

ⵎⴰⵙⵙⴰ ⵜⴰⵎⵙⵇⵇⴰⴷⵜ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ,

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵙⵇⵇⴰⴷⵏ

ⴷⴰⵔⵉ ⵜⵓⵎⵔⵜ ⵉⴳⴳⵓⵜⵏ ⴳ ⵓⵏⵏⵓⵕⵥⵎ ⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⴷⵓⴷⴰⵏⵜ ⵏ ⵜⵛⵉⴽ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⴱⵉⵍⵊⵉⴽⴰ ⵙ ⵓⵙⵏⴰⵍ ⵏ ⴽⴽⵓⵥⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵉⵟⴰⵍⵢⴰ ⴷ ⵍⵢⵓⵏⴰⵏ ⴷ ⵀⴰⵏⵖⴰⵔⵢⴰ ⴷ ⵍⴱⵓⵔⵜⵓⵖⴰⵍ ⵙ ⵓⵙⵙⵥⵕⴼ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ.

ⴳ ⵜⵣⵡⵉⵔⵉ, ⵔⵉⵖ ⴰⴷ ⵙⵔⵓⵏ ⵙⴱⵔⵔⴽⵖ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵙⵓⵜⴳⵖ ⴰⵙⵜⴰⵢ ⵏ ⵜⵎⵔⵙⴰⵍ ⵏⵏⵓⵏ ⵜⵉⵣⵣⵔⴰⴼⵉⵏ ⴰⴳ ⴳⵉⵏⵜ ⴳ ⵜⴳⵯⵎⴰⵜ ⴰⴷ ⵜⴰⵎⵔⵙⵍⴰⵏ ⵜⵉⵙ ⵙⵏⴰⵜ ⴰⴽⴷ ⴰⵙⵇⵇⵉⵎ ⵏⵏⵖ, ⵙⵏⵉⵎⵎⵔⵖ ⴰⵎⴷⵔⴰⵡ ⵏⵏⵖ ⴰⵎⵣⵔⴰⵢ ⴷ ⵓⵙⵜⵔⴰⵜⵉⵊ ⵜⴰⵎⵓⵏⵜ ⵏ ⵓⵕⵓⴱⴱⴰ ⴼ ⵓⵙⵏⴰⵍ ⵏ ⵜⵡⵡⵓⵔⵉⴰ ⴷ ⵜⴰⵎⵔⵙⵍⴰⵏⵜ ⵉⴳⴰⵏ ⴰⵙⴽⵔ ⵏ ⵎⴰⴷ ⴰⵖ ⵉⵙⵎⵓⵏⵏ ⴳ ⵡⴰⵜⵉⴳⵏ ⵥⵉⵍⵏⵉⵏ ⵥⵡⴰⵔⵉⵏⵉⵏ ⵉⵚⴰⵃⴰⵜⵏ ⵉⴷⵎⵙⴰⵏⵏ.

ⵙⵙⵓⵔⴼⴰⵜ ⵉⵢⵉ ⴰⴷⴷ ⵙⵙⴽⵜⵉⵖ ⵜⴰⵢⵢⴰⴼⵓⵜ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵜⴰⵎⵣⵡⴰⵔⵓⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵙⵎⵎⵓⵙⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵓⵕⵓⴱⴱⴰ ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵉⴳⴰ ⵉⵢⵉ ⴰⴷⴷⵓⵔ ⴰⴷ ⵉⵍⵉⵖ ⴼ ⵓⵕⵥⵥⵓⵎ ⵏⵏⵙ ⴳ ⵜⴷⴰⵍⴰ ⴰⴷ ⵏⵉⵜ ⴰⴽⴷ ⴰⵏⴳⴳⵯⵓ ⵏⵏⵡ ⵎⴰⵙⵙ Claude Batoloneⴰⵏⵙⵙⵉⵅⴼ ⵉⵣⵔⵉⵏ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⴰⵙⵙ ⵏ 13 ⵢⵓⵏⵢⵓ 2016. ⴷ ⵉⵙⵏⴼⵍⵏ ⴷ ⵉⵔⵣⴰⴼⵏ ⴷ ⵜⵙⵎⵉⴳⴰⵍ ⵏ ⵜⵖⵓⵔⵉ ⵍⵍⴰⵏⵉⵏ ⴳ ⵓⵙⵡⵉⵔ ⴰⵙⵔⵜⴰⵏ ⴷ ⵡⵉⵏ ⵉⵙⴳⵓⵏ ⵉⵏⴼⴳⴰⵏⵏ ⵊⴰⵔ ⵉⵙⵇⵇⵉⵎⵏ ⵏ ⵜⴳⵯⵎⴰⵜ, ⵢⵉⵍⵉ ⵓⴼⴰⵔⵙ ⵏ ⴽⵉⴳⴰⵏ ⵏ ⵉⵎⴰⵏⴰⵔⵏ ⵅⴼ ⵜⵉⵎⵥⵍⴰⵢ ⵏ ⵉⴱⵕⵍⴰⵎⴰⵏⵏ ⵙ ⵜⴱⵔⵉⴷⵜ ⵜⴰⵎⴷⵔⴰⵡⵜ ⴷ ⵜⴰⵏⵏⴰⵢⵜ ⵏ ⵓⵎⵣⴰⵣⴰⵍ, ⴳⴰⵏ ⴰⵙⵙ ⴰⴷ ⵜⵉⵜⴳⴰⵔⵉⵏ ⵙⵜⴰⵡⵀⵎⵎⴰⵏⵉⵏ ⵍⵍⵉ ⵔⴰⴷ ⵉⵙⵖⵏⵓ ⵜⴰⴽⴰⴼⵓⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ, ⴰⵔ ⵜⵏ ⵉⴷⵔⵔⵓ ⵓⵙⵇⵇⵉⵎ ⵏⵏⵖ ⴰⴽⴷ ⵉⴱⵕⵍⴰⵎⴰⵏⵏ ⵢⴰⴹⵏⵉⵏ.

ⵜⴰⵎⴰ ⵏ ⵜⵙⴳⴰ ⴰⴷ ⵉⵙⵜⴰⵡⵀⵎⵎⴰⵏ ⴳ ⵓⵙⵖⵏⵓ ⵏ ⵜⴷⵍⵙⴰ ⵜⴰⴱⵕⵍⴰⵎⴰⵏⵉⵜ, ⵓⵎⴰⵏⵜ ⵜⵉⵍⴰⵍ ⵏ ⵜⴳⵯⵎⴰⵜ ⵜⴰⵙⴳⴳⵉⵡⵉⵏ ⵏ ⵓⴱⵕⵍⴰⵎⴰⵏ ⴰⵎⵓⵟⵟⵓⵏ ⴷ ⵓⵏⵜⴰⵎ, ⵏⵙⵓⵜⴳ ⴰⵢⵍⵍⵉ ⵉⵙⴽⵔ ⵓⵙⵇⵇⵉⵎ ⵏⵏⵖ ⴳ ⵓⵏⵉⴷ ⵏ ⵓⵙⵏⵎⴰⵍⴰ ⴷ ⵓⵙⵎⵓⵟⵟⵓⵏ ⵉ ⵓⴼⵔⴰⴳ ⵏ ⵜⵎⴽⵯⵜⵉⵜ ⵜⴰⴱⵕⵍⴰⵎⵏⵉⵜ ⴷ ⵓⵙⵎⵖⵔ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵖⵏⵓ ⵏ ⵜⵙⴷⵍⵉⵙⵜ ⵜⴰⴱⵕⵍⴰⵎⴰⵏⵉⵜ.

ⵙ ⵓⵙⴳⵓⴷⵉ ⴰⴷ ⵉⵥⵉⵍⵏ, ⵉⵍⵍⴰ ⵓⵙⵓⵊⴷ ⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵜⵉⵙ ⵙⵏⴰⵜ ⵍⵍⵉ ⵏⵕⵥⵎ ⴰⵙⵙ ⴰⴷ, ⴰⵢⵍⵍⵉ ⵉⵎⵎⴰⵍⴰⵏ ⵜⴰⵢⵢⴰⴼⵓⵜ ⵉⵥⵉⵍⵏ ⵏ ⵜⵎⴷⵔⴰⵡⵜ ⵏⵏⵖ ⴷ ⵉⵎⵉⵖ ⵏⵏⵖ ⵉⵛⵛⴰⵔⵏ ⵏ ⵜⵙⵓⵍⴰⵏⵜ ⵏ ⵜⵎⵙⴽⵔⵜ ⴰⴷ ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵖⵓⴷⵓ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵜⵉⵜ, ⵉⵙⵎⵢⵉⵏⵉⵡ ⵉⵙⴷⵓⵙ ⴰⵎⵙⴰⵡⴰⵍ ⵊⴰⵔ ⵜⵎⵔⵙⴰⵍ ⵏ ⵜⴳⵯⵎⴰⵜ, ⵙ ⵜⵎⴷⵔⴰⵡⵜ ⴷ ⵓⵏⵢⴰⵍⴽⴰⵎ ⴷ ⵓⵙⴼⵙⵉ ⵏ ⵓⵎⵣⴰⵣⴰⵍ ⴷ ⵓⵚⴽⵓ ⵉⵛⵛⴰⵔ.

ⵜⵓⵎⴰ ⵜⴳⵯⵎⴰⵜ ⴰⴷ ⵙⵉⵏ ⵉⴳⵣⵣⵓⵎⵏ ⵉⵎⵏⴰⴳⴰⵔⵏ, ⵡⴰⵜⵜⵙⵏⵜ ⵜⵉⵍⴰⵍ ⵍⵍⴰⵏⵉⵏ ⴳ ⵓⵎⵣⵡⴰⵔⵓ ⴰⵙⴷⵓⵙ ⵏ ⵜⵙⵓⴳⴰⵔ ⵏ ⵉⵙⴳⵓⵎⵏ ⵉⵏⴼⴳⴰⵏⵏ ⴳ ⵜⵎⵙⵙⵓⴳⵓⵔⵜ ⵜⴰⴱⵕⵍⴰⵎⴰⵏⵉⵜ, ⵡⵉⵙ ⵙⵉⵏ ⵉⵡⴰⵜⵜⵙ ⴰⵙⴷⵓⵙ ⵏ ⵜⵉⵕⵡⵉ ⵏ ⵓⵙⵇⵇⵉⵎ ⴳ ⵓⵙⴽⵔ ⵏ ⵜⵎⵥⵍⴰⵢ ⴷ ⵜⵡⵡⵓⵔⵉⵡⵉⵏ ⵏⵏⵙ ⵜⵉⵎⵥⵍⴰⵢ.

ⵉ ⵜⵉⵕⵡⵉ, ⵉⵜⵜⵓⵙⵙⴰⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵙ ⵓⴼⵔⴷⵉⵙ ⵉⵙⵜⴰⵡⵀⵎⵎⴰⵏ ⵉⵣⴷⵉⵏ ⴷ ⵓⵙⵡⵓⵔⵉ ⴰⵏⴰⵎⵓⵏ ⴰⵏⴰⵎⵎⴰⵙ ⴳ ⵍⵎⵖⵔⵉⴱ, ⴰⵎ ⵎⴰⵕⵕⴰ ⵏ ⵜⵎⵉⵣⴰⵔ,ⵉⵣⴷⵉ ⴷ ⵓⵙⴷⵓⵙ ⵏ ⵜⵉⵍⵉⵜ ⵏ ⵜⵎⵖⴰⵔⵉⵏ ⴳ ⵉⴱⵕⵍⴰⵎⴰⵏⵏ.

ⴳ ⵜⵙⴳⴰ ⵢⴰⴹⵏ, ⵉⵡⴰⵜⵜⵙ ⵓⵙⵏⴼⴰⵔ ⵏ ⵜⴳⵯⵎⴰⵜ ⴰⴷ ⵉⵙⵙⵏ ⵓⵙⵇⵇⵉⵎ ⵜⵉⵎⵙⴽⴰⵔ ⵥⵉⵍⵏⵉⵏ ⴳ ⵓⵎⵏⵉⴷ ⵏ ⵜⵎⵏⵏⴰⵡⵜ ⵜⴰⵙⵏⵉⵍⵙⵜ ⴳ ⵜⵎⵔⵙⴰⵍ ⴷ ⵜⵓⴷⵔⵜ ⵜⴰⵎⴰⵜⴰⵢⵜ ⵙ ⵓⵣⴷⴰⵢ ⴷ ⵓⵎⵓⴽⵏ ⴰⵏⴰⵎⵎⴰⵙ ⴰⵎⵔⵙⵍⴰⵏ ⴷ ⵓⴷⵍⵙⴰⵏ ⵉⵍⴰⵏⴰ ⴷⴷⵓⵔ ⴳ ⵜⵎⴰⵣⵉⵔⵜ ⵏⵏⵖ, ⴰⴷ ⵜ ⵉⴳⴰⵏ ⴷ ⵓⵙⵎⵔⵙ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵓⵙⵉⴷⴼ ⵏⵏⵙ ⴳ ⵓⵙⵙⵍⵎⴷ ⴷ ⵉⴳⵔⴰⵏ ⵉⵎⵣⵡⵓⵔⴰ ⵏ ⵜⵓⴷⵔⵜ ⵜⴰⵎⴰⵜⴰⵢⵜ.

ⵓⵔ ⴳⵉⵙ ⵜⵓⵔⴷⴰ, ⵎⴰⵙ ⴷ ⵜⵉⵎⵙⴽⵔⵜ ⵜⴰⴱⵉⵍⵊⵉⴽⵉⵜ ⴳ ⵓⵎⵏⵉⴷ ⵏ ⵜⵎⵏⵏⴰⵡⵜ ⵜⴰⵙⵏⵉⵍⵙⵜ ⵜⴳⴰ ⴰⵏⴰⵡ ⵉⴼⵓⵍⴽⵉⵏ ⵍⵍⵉ ⵔⴰⴷ ⵢⴰⵡⵙ ⵉ ⵓⵙⵇⵇⵉⵎ ⵏ ⵉⵎⵓⵔⴰ. ⵖⵎⴽ ⴰⵏⵏ ⴰⴼ ⵙⵓⵜⴳⵖ ⵜⵉⵍⵉⵜ ⵏ ⵓⴼⵔⴷⵉⵙ ⴰⴷ ⴳ ⵜⵉⵍⴰⵍ ⵏ ⵜⴳⵯⵎⴰⵜ ⴰⴷ.

ⵉⴳⴰ ⵍⵃⴰⵍ ⵢⴰⵏ ⵓⵎⵓⴽⵏ ⴰⵅⴰⵜⴰⵔ ⵉⵍⵍⴰⵏ ⴳ ⵓⵎⵏⴰⴹ ⵏ ⵉⵎⵓⴽⵏⵏ ⵉⵎⵔⵙⵍⴰⵏⵏ ⵍⵍⵉ ⵜⵙⴽⵔ ⵜⵎⴰⵣⵉⵔⵜ ⵏⵏⵖ ⵙⴳ ⵓⴳⴳⴰⵔ ⵏ ⵙⵏⴰⵜ ⵜⵎⵔⴰⵡⵉⵏ ⵏ ⵉⵙⴳⴳⵯⴰⵙⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵄⵣⵣⵓ ⵕⴱⴱⵉ ,ⵉⴳⴰ ⵓⴷⵓⵙⵜⵓⵔ ⵏ 2011 ⵢⴰⵏ ⴳ ⵉⴳⵣⵎⴰⵏⵏ ⵏⵏⵙ ⵉⴷⵙⵍⴰⵏⵏ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵓⵔ ⵏⵎⵎⵣⵔⵉ ⵎⴰⵙⴰ ⵜⵜⵉⵍⵉ ⵜⴷⵉⵎⵓⵇⵔⴰⵟⵉⵜ ⴳ ⵓⵙⴰⵜⵉ ⵏ ⵓⴼⵔⴰ ⴷ ⵓⵔⴳⴳⵉⴳ ⴷ ⵜⵓⴷⵔⵜ ⵜⴰⵎⵔⵙⵍⴰⵏⵜ ⵉⵥⵉⵍⵏ, ⵙ ⵓⵙⴷⴷⴻⴷ ⵜⴳⴰ ⵜⴷⵉⵎⵓⵇⵔⴰⵟⵉⵜ ⵉⴱⴷⴷⵏ ⵙⴳ ⵉⴼⵔⴷⴰⵙ ⵏ ⵓⵔⴳⴳⵉⴳ ⴷ ⵜⴳⵎⵉ ⴷ ⵓⵙⵎⵖⵔ. ⵎⴰⵛⵛ ⵜⴰⴼⴰⴷⴰ ⵜⴰⴷⵙⵍⴰⵏⵜ ⵏⵏⵙ ⵉⴳⴰ ⵜⵜ ⵓⵡⵇⵔ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴷ ⵜⵢⴰⵏⵜ ⵏ ⵉⴽⴰⵍⵉⵡⵏ ⵏⵏⵙⵏ ⴷ ⵜⴼⴰⵜⵉⵜ ⵏ ⵉⵡⵜⵜⴰ ⵏⵏⵙⵏ. ⴳ ⵓⵎⵏⴰⴷ ⴰⴷ ⴰⴳⵔⴰⵖⵍⴰⵏ, ⵍⵍⵉ ⵎⵓ ⵜⵙⵙⵏⵎ ⵜⵉⵎⵉⵜⴰⵔ ⵏⵏⵙ, ⴷ ⵜⵏⴰⵥⴰⵕⵉⵏ ⵏⵏⵙ ⴷⴰⵜ ⵏ ⵜⵔⴰⴱⴱⵓⵜ ⵜⴰⴳⵔⴰⵖⵍⴰⵏⵜ, ⵉⵍⵍⴰ ⵓⵙⵖⵉⵡⵙ ⴰⴷ ⵜⴳ ⵜⵔⵙⵍⵜ ⴰⴷ ⵜⴰⴷ ⵉⵅⴰⵜⵔⵏ ⴳ ⵜⵣⴷⴰⵢⵉⵏ ⵏ ⴱⵕⵕⴰ.

ⵉⵏⴳⴳⵯ ⴷ ⵜⵏⴳⴳⵯⴰ, ⵜⵙⵙⵏⵎ ⴰⴽⴽⵯ ⵎⴰⵙ ⵉⴳⴰ ⵍⵎⵖⵔⵉⴱ ⵙⴳ ⵜⵉⵔⵙⴰⵍ ⵏ ⵓⵔⴳⴳⵉⴳ, ⵉⴳ ⵜⴰⴷⵓⵙⵉ ⵜⴰⴷⵉⵎⵓⵇⵔⴰⵜⵉⵜ ⵉⵜⵜⵉⵎⵖⵓⵔⵏ ⵉⵣⵣⵉⴳⵣⵏ ⴳ ⵜⵙⴳⴰ, ⵢⵉⵡⵉ ⵜⵜⵍⵎⵉⵜ ⵜⴰⵎⵣⵔⴰⵢⵜ ⵍⵍⵉⴱ ⴰⵙ ⵜⵜⵓⵙⴽⴰⵔ ⵢⴰⵜ ⵜⵎⴰⵖⵜ ⴳ ⵜⵎⵏⴰⴹⵉⵏ ⵏⵏⵙ ⵏ ⵉⴼⴼⵓⵙ ⴳ ⵓⵎⵏⴰⴹ ⵏ ⵜⵎⴰⵖⵜ ⵜⴰⵚⵎⵎⴰⴹⵜ ⴳ ⵉⵙⴳⴳⵯⴰⵙⵏ ⵏ 70 ⴳ ⵜⴰⵙⵓⵜ ⵉⵣⵔⵉⵏ, ⴳ ⵜⵉⵣⵉ ⴳ ⵉⵍⵍⴰ ⵢⵉⵍⵉ ⵓⴽⴰⵏ ⵙ ⵜⵖⴰⵔⴰⵙⵜ ⵜⴰⵏⵉⵎⴰⵏⵜ, ⵙ ⵓⵙⵜⴰⵢ ⵉⴼⵔⴽⵏ ⴳ ⵜⵙⴳⴰ ⵏ ⵜⵍⴻⵍⵍⵉ ⴷ ⵜⴷⵉⵎⵓⵇⵔⴰⵟⵉⵜ ⴷ ⵜⵎⵏⵏⴰⵡⵜ.

ⵉⴳⴰ ⵍⵎⵖⵔⵉⴱ ⴰⵏⴳⴰⵙ ⵏ ⵓⵙⴷⴷⵓⵔⵔⵓⵢ, ⵢⵉⵡⵉ ⴷ ⵜⴰⵙⵉⵎⴰⵏⵜ ⵏⵏⵙ ⴷ ⵜⵅⵅⵓⵜⵔⴰ ⵏⵏⵙ ⴳ 1956, ⵉⵙⵎⴷ  ⵜⴰⵢⴰⵏⵜ ⵏⵏⵙ ⵜⴰⴽⴰⵎⴰⵏⵜ ⴳ ⵜⴼⵔⴽⵉⵡⵉⵏ ⴳ ⵓⵙⴰⵜⵉ ⵏ ⵓⵎⴷⵉⵡⴰⵍ ⵙ ⵓⵍⵓⴳⵏ ⴷ ⵜⵍⵍⵓⴳⵏⴰ ⵜⵉⴳⵔⴰⵖⵍⴰⵏⵉⵏ, ⵜⵉⵍⵉ ⴳⵉⵙ ⵜⵅⵅⵓⵜⵔⴰ ⵏⵏⵙ ⴼ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⴳ 1975. ⴳ 47 ⵉⵜⵜⵓⵙⵏⴼⴰⵍ ⴰⵙⵙ ⴰⴷ ⵓⴷⵎ ⵏ ⵜⵙⴳⴳⵉⵡⵉⵏ ⴰⴷ ⵙ ⵜⵖⴰⵔⴰⵙⵜ ⵎⵇⵇⵓⵔⵏ, ⴳⵏⵜ ⴰⵎⵎⴰⵙⵏ ⵏ ⵓⵙⵙⴰⵔⵓ, ⵖⵓⵔⵙⵏⵜ ⴰⵎⴰⵡⴰ ⴰⴷⵙⵍⴰⵏ ⴰⵅⴰⵜⴰⵔ ⴷ ⵜⵏⵓⴼⴰ ⵜⵉⵏⴰⵎⵓⵏⵉⵏ, ⵍⵍⵉ ⵢⴰⴽⴽⴰⵏ ⵜⵓⵎⵔⵜ ⵉ ⵓⴼⴳⴰⵏ, ⴰⵡⵙⵏ ⵉⵎⵣⴷⴰⵖⵏ ⵏ ⵜⵙⴳⴳⵉⵡⵉⵏ ⴰⴷ ⵙ ⵜⵓⴳⵜ ⴳ ⵓⵙⵜⴰⵢ ⵏ ⵜⵎⵔⵙⴰⵍ ⴷ ⵓⵙⵡⵓⴷⴷⵓ ⵏⵏⵙⵏⵜ ⴷ ⵜⵓⴷⵔⵜ ⵜⴰⵏⴰⵎⵓⵔⵜ ⵙ ⵜⵖⴰⵔⴰⵙⵜ ⵢⵓⵎⴰⵏ. ⵙ ⵓⵙⴷⴷⴻⴷ ⵉⴳⴰ ⵓⵙⵉⴷⴼ ⴰⴷ ⵉⴼⵓⵍⴽⵉⵏ ⵊⴰⵔ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱ ⵙ ⵓⵚⴽⵓ ⴷ ⵜⵎⵔⵙⴰⵍ ⵜⵉⴷⵉⵎⵓⵇⵔⴰⵟⵉⵢⵉⵏ ⵍⵍⵉ ⵉⵙⴽⵔ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴷ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵏ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ ⴰⴷ ⵜ ⵉⵕⵃⵎ ⵕⴱⴱⵉ. ⵉⴳⴰ ⵍⵃⴰⵍ ⴰⵏⴰⵡ ⵏ ⵓⵙⵎⵖⵔ ⴷ ⵡⴰⵍⴰⵢ ⵉⵎⵓⵏⵏ ⴷ ⵜⵍⴻⵍⵉ ⴷ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵍⵍⴰⵏⵉⵏ ⴳ ⵓⴷⵓⵙⵜⵓⵔ ⴷ ⵉⵙⵍⴳⵏⵏ ⴷ ⵜⵎⵔⵙⴰⵍ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ,

ⵓⵔ ⴷ ⵉⵙ ⴰⴽⴽⴰⵖ ⵜⴰⵎⵙⵉⵔⵜ ⴳ ⵓⵎⵣⵔⵓⵢ, ⵎⴰⵛⵛ ⴰⵔ ⴱⴷⴰ ⵥⵕⵕⴰⵖ ⵎⴰⵙ ⵉⴳⴰ ⵙⴳ ⵓⵛⵛⵉⵍ ⵉⵏⵓ, ⴷ ⴰⵏⵙⵙⵉⵅⴼ ⵏ ⵜⵎⵔⵙⵍⴰⵏ ⵏ ⵜⵅⵅⵓⵜⵔⴰ ⵜⴰⵎⴷⵏⴰⵏⵜ, ⴳ ⵍⵍⴰⵏ ⴽⵓ ⵓⴷⴷⵓⵔⵏ ⵉⵙⵔⵜⴰⵏⵏ ⵉⵏⴰⵎⵎⵓⵔⵏ, ⴰⵔ ⵜⵜⵉⵏⵉⵖ ⵎⴰⵙ ⵉⴳⴰ ⵙⴳ ⵓⵅⵅⵉⵍ ⵉⵏⵓ ⴰⴷ ⵙⵙⵎⴽⵯⵜⵉⵖ ⵉⵎⴷⴷⵓⴽⴽⵯⴰⵍ ⵏⵏⵖ, ⵎⴰⵙ ⵓⵔ ⵔⴰⴷ ⵉⵇⴱⵍ ⵍⵎⵖⵔⵉⴱ ⵓⵔ ⵉⵇⴱⵉⵍ ⴰⴷ ⵉⴳ ⴰⵏⴳⴰⵙ ⵏ ⵜⵕⵥⵉ, ⴷ ⵓⵔ ⵉⵇⴱⵍ ⴷ ⵓⵔ ⵔⴰⴷ ⵉⵇⴱⵍ, ⴽⵔⴰ ⵏ ⵜⵓⵔⴷⴰ ⴳ ⵜⵢⴰⵏⵜ ⵏ ⵡⴰⴽⴰⵍ ⵏⵏⵙ ⴰⵏⴰⵎⵓⵔ ⵙⴳ ⵟⴰⵏⵊⴰ ⴰⵔ ⵍⴳⵡⵉⵔⴰ. ⵉⵖ ⵔⴰⴷ ⵉⵇⴱⵍ ⵢⴰⵏ ⵙⴳ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⴳⵔⴰⵖⵍⴰⵏⵜ ⴰⴷ ⵉⴳ ⴰⵏⴳⴰⵙ ⵏ ⵜⵔⴰⵄⵉⵜ ⴰⴷ ⵖ ⵜⵍⵍⴰ ⵜⵓⴳⵔⴰ ⵏ ⵡⴰⴽⴰⵍ ⵏⵏⵙ ⴰⵏⴰⵎⵓⵔ, ⵉⵇⵇⴰⵏ ⴷ ⴼ ⵉⵎⴷⴷⵉⴽⴽⵯⴰⵍ ⵏⵏⵖ ⴰⴷ ⵉⵍⵉⵏ ⵜⴰⵎⴰ ⵏ ⵜⵉⴷⵜ ⵜⴰⵎⵣⵔⴰⵢⵜ. ⵙ ⵓⵣⴳⵣⵍ, ⵓⵔ ⵉⵍⵍⵉ ⴽⵔⴰ ⵏ ⵡⴰⵡⴰⵍ ⵉⴼⴰⵡⵏ, ⴷ ⵓⵔ ⵉⵍⵍⵉ ⵎⴰⴷ ⵉⵖⵣⴰⵏⵏ ⴼ ⵡⴰⵡⴰⵍ ⴰⵏⴰⵎⵓⵔ ⵉⵙⴰⵡⵍ ⴼ ⵡⴰⴷⴷⴰⴷ ⴰⵏⴰⵎⵓⵔ ⵏ ⵖⵉⵍⴰⴷ ⴰⵢⵍⵍⵉ ⵙ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ: “ⵉⴳⴰ ⵓⵙⴷⴰⵡ ⵏ ⵚⵚⵃⵕⴰ ⵜⴰⵙⵎⴰⵇⵇⵍⵜ ⵍⵍⵉ ⵙ ⵉⵥⵕⵕⴰ ⵍⵎⵖⵔⵉⴱ ⴰⵎⴰⴹⴰⵍ, ⵉⴳ ⴰⵙⵖⵍ ⵉⴼⴰⵡⵏ ⵉⴳⴰⵏ ⴰⴼⵔⴰⵔ ⵍⵍⵉ ⵙ ⵉⵜⵜⵙⵖⴰⵍ ⴰⵖⵣⴰⵏ ⵏ ⵜⴷⴷⵓⴽⴽⵯⵍⴰ ⴷ ⵜⵉⵕⵡⵉ ⵏ ⵜⵎⴷⵔⴰⵡⵉⵏ”.

ⴳ ⵓⵎⵏⵉⴷ ⵢⴰⴹⵏⵉⵏ, ⴳ ⵓⵎⵏⴰⴷ ⴰⴷ ⵏⵉⵜ ⵏ ⵜⵎⴷⵔⴰⵡⵜ, ⵜⴼⵔⴽⵎ ⵉ ⵜⵉⵍⴰⵍⵜ ⴷ ⵓⴷⵖⴰⵔ ⴷ ⵓⵖⵣⴰⵏ ⵏ ⵍⵎⵖⵔⵉⴱ ⴳ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴳ ⵜⵙⴳⴰ ⵏⵏⵖ ⵓⵕⵓⵜⴰⵏⴰⵎⵎⴰⵙⵜ ⴷ ⵓⵎⴰⴹⴰⵍ ⴰⵎ ⵜⴰⵏⴰⵥⴰⵕⵜ ⵏ ⵓⴱⵔⵙⵙⵉⵡⴷ ⴷ ⵜⵉⵍⴰⵍⵜ ⵏ ⵜⵎⴰⵣⵉⵔⵜ ⵏⵏⵖ ⴳ ⵓⵙⴱⴷⴷⵉ ⵏⵏⵙ, ⴷ ⵉⵎⵓⴽⵔⵉⵙⵏ ⵏ ⵓⵏⵣⵡⵉ ⴷ ⵜⵉⵍⴰⴰⵍⵜ ⵏ ⵜⴳⵍⴷⵉⵜ ⴳ ⵓⵚⴽⵓ ⵏ ⵜⵙⵔⵜⵉⵜ ⵜⴰⴳⵔⴰⵖⵍⴰⵏⵜ ⴳ ⵓⵎⵏⵉⴷ ⴰⴷ, ⴷ ⵓⴼⵔⴰ ⴷ ⵜⵏⴼⵔⵓⵜ ⴷ ⵓⵣⵡⴰⴳ ⵡⴰⵔⵓⵍⴳⵉⵏ ⴷ ⵓⵥⴰⵥⵓ ⵏⵏⵙ ⵉⵥⵥⴰⵢⵏ, ⵓⵔ ⴷ ⵎⵏⵉⴷ ⵏ ⵉⵎⵣⵡⴰⴳⵏ, ⵎⴰⵛⵛ ⴳ ⵜⵎⴰⵖⵜ ⵎⴳⴰⵍ ⵏ ⵉⵥⵟⵡⴰⵏ ⵏ ⵓⵙⵖⵏⵣⵉ ⴳ ⵓⴼⴳⴰⵏ ⵍⵍⵉ ⵙⵎⵔⴰⵙⵏⵉⵏ ⵉⵙⵓⵔⵙⵏ ⵏ ⵉⴷ ⵍⵎⵏⴰⵢⵏ ⵏ ⵉⵄⵔⵔⵉⵎⵏ ⵎⵓ ⵍⴰⵃ ⴰⵏⴰⵔⵓⵣ ⵔⴰⵏⵉⵏ ⵜⵓⴷⵔⵜ ⵉⵥⵉⵍⵏ. ⴷⵉⴷⵏⵖ ⵎⴰⵙⵙⴰ  CUSSACⵃⵎⴰ ⴰⴷ ⵜⵙⴷⴷⴻⴷ ⴰⵜⵉⴳ ⵏ ⵓⵙⵏⴰⵍ ⵏ ⵓⵕⵓⴱⴱⴰ ⵉ ⵜⵎⴰⵣⵉⵔⵜ ⵏⵏⵖ ⴳ ⵓⵙⴱⴷⴷⵉ ⵏ ⵉⵥⵟⵡⴰⵏ ⴰⴷ ⴳ ⵓⵏⵛⴽ ⵏ ⵜⵎⴽⵕⴰⴹ ⵜⵉⴳⴷⵓⴷⴰⵏⵉⵏ ⵥⵍⵉⵏⵉ (ⵎⴰⴷ ⵉⴷⵔⵓⵙⵏ ⴼ 20%, ⵖⵎⴽ ⴰⵏⵏ ⵓⵍⴰ ⴷ ⵓⵥⴰⵥⵓ ⵏ ⵓⵙⵉⴷⴼ ⵏ ⵉⵎⵣⵡⴰⴳ ⴳ ⵡⴰⵎⵓⵏ ⴰⵎⵖⵔⵉⴱⵉ ⵙ ⵜⵙⵔⵜⵉⵜ ⵏ ⵜⵉⵔⴰⵜ).

ⴱⴷⴷⵏⵜ ⵜⵉⵍⴰⵍ ⴰⴷ ⵜⵉⵎⵖⵔⵉⴱⵉⵢⵉⵏ ⴼ ⵜⵎⵢⵉⵎⴰⵏⵜ ⴷ ⵜⵎⴰⵙⴰⵢⵜ ⴷ ⵓⵙⵖⵡⵏ ⵉⵖⵣⴰⵏ ⵙ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏ, ⵜⵣⵣⵉⴳⵣ ⵜⵎⴰⵣⵉⵔⵜ ⵏⵏⵖ ⵓⵍⵓⵢ ⵏⵏⵙ ⴰⴷⵎⵙⴰⵏ ⴷ ⵜⴰⴷⵓⵙⵉ ⵉⵣⵣⵉⴳⵣⵏ ⵉⵏⵏⵓⵕⵥⵎⵏ, ⵙ ⵜⴷⵎⵙⴰ ⵜⵉⵍⴻⵍⵍⵉ ⵉⴳⴰⵏ ⵜⴰⵎⵏⵏⴰⵡⵜ, ⵉⴷⵔⵓⵏ ⵜⵉⵙⵓⴳⴰⵔ ⵏⵏⵙ ⴷⵓⵙⴷⵓⵙ ⵏ ⵜⵎⴷⵔⴰⵡⵉⵏ ⵏⵏⵙ ⴷ ⵜⵙⴳⴳⵉⵡⵉⵏ ⵜⵉⵊⵢⵓⵙⵔⵜⴰⵏⵉⵏ ⵙⵍⴰⵡⴰⵏ ⴰⴽⴽⵯ ⴰⴽⴷ ⵉⴼⵔⵉⵇⵢⴰ ⵍⵍⵉ ⵜⵓⵎⵥ ⵜⴰⵎⵙⴰⵢⵜ ⴼ ⵓⵙⴽⵔ ⵏ ⵜⴳⵎⵉ ⵉⵛⵛⴰⵔⵏ ⵉⴱⴷⴷⵏ ⴼ ⵚⴰⵃⴰ ⵉⵛⵛⴰⵔⵏ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵙⴳ 2018, ⴰⴽⵓⴷ ⵏ ⵓⵙⵎⴰⴷ ⵏ ⵓⵙⵏⴼⴰⵔ ⴰⵎⵣⵡⴰⵔⵓ ⵏ ⵜⴳⵯⵎⴰⵜ, ⵜⵙⴽⵔ ⵜⵎⴰⵣⵉⵔⵜ ⵏⵏⵖ ⴽⵉⴳⴰⵏ ⵜⵎⵙⴽⴰⵔ ⵙⵜⴰⵡⵀⵎⵎⴰⵏⵉⵏ ⴳ ⵢⵉⴳⵔ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵓⵙⵕⵚⵓ ⵏ ⵜⵔⵙⴰⵍ ⵏ ⵓⵡⴰⵏⴽ ⵏ ⵜⵎⵔⵙⴰⵍ.

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵄⵣⵣⵓ ⵕⴱⴱⵉ ⴰⵙⵏⴼⴰⵔ ⴰⵎⵔⵙⵍⴰⵏ ⵍⵍⵉ ⵢⴰⴽⴽⴰⵏ ⵉ ⵜⴷⵉⵎⵓⵇⵔⴰⵟⵉⵜ ⴰⵏⴰⵎⴽ ⵏⵏⵙ ⴰⵏⴰⵎⵓⵏ, ⵉⴳⴰ ⵜ ⵡⵉⵏ ⵓⵙⴰⵡⵓⵔ ⵏ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ ⴷ ⵓⵙⴼⵙⵍ ⴰⴷⵓⵙⴰⵏ ⵉⵜⵜⵓⵙⴽⴰⵔⵏ ⵙ ⵜⵣⵣⵉⴳⵣⵜ ⵜⴰⵅⴰⵜⴰⵔⵜ, ⵢⴰⵡⵙ ⴳ ⵓⵓⵙⴽⵔ ⵏ ⵓⵙⵉⴷⴼ ⴷ ⵓⵎⵛⴰⴱⴱⴰⴽ ⴰⵏⴰⵎⵓⵏ.

ⴳ ⵓⵙⵡⵉⵔ ⴰⵎⵔⵙⵍⴰⵏ, ⵜⵙⵏⴰⵎⴰⵍⴰ ⵜⵎⴰⵣⵉⵔⵜ ⵏⵏⵖ ⵚⴹⵉⵚ ⵉⵙⵜⴰⵢⵏ, ⵉⴷⵖⴰⵔⴰⵏⵏ ⴷ ⵉⵏⵎⵏⴰⴹⵏ ⴷ ⵉⵏⴰⵎⵓⵔⵏ, ⵙ ⵜⵎⴰⴼⴰⵡⵜ ⴷ ⵓⵎⵃⵉⵣⵡⴰⵔ ⵊⴰⵔ ⵉⴽⴰⴱⴰⵕⵏ ⵉⵙⵔⵜⴰⵏⵏ, ⴼⴽⵉⵏⴷ ⵜⵓⴳⵜ ⵜⴰⵎⴰⵢⵏⵓⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⵜⴰⵏⴱⴰⴷⵜ ⵜⴰⵎⴰⵢⵏⵓⵜ ⵙ ⵜⵉⵢⵢⴰⴼⵓⵜⵉⵏ ⵏ ⵉⴼⵏⵉⵇⵏ ⵏ ⵓⵙⵜⴰⵢ.

ⵉⵣⵔⵉ ⵎⴰⵢⴰⵏⵏ ⴳ ⵓⵎⵏⴰⴹ ⴰⴳⵔⴰⵖⵍⴰⵏ ⵍⵍⵉ ⴰⴽⴽ ⵜⵙⵙⵏⵎ, ⴰⵎⵏⴰⴹ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⵖⵓⵔⵏ ⴰⴷⴷⵓⵔ ⵙ ⵜⵖⴰⵔⴰⵙⵜ ⵍⵍⵉ ⵙ ⵜⵙⵡⵓⴷⴷⴰ ⵜⴳⵍⴷⵉⵜ ⵏ ⵎⵖⵔⵉⴱ ⴰⵙⵓⵔⵙ ⴰⴷ, ⵙ ⵜⵉⵍⵉⵜ ⵏ ⵉⴳⵣⵣⴰⵢⵏ ⴷ ⵜⵖⴰⵡⵙⵉⵡⵉⵏ ⵏ ⵡⴰⵔⴰⵢ ⴷ ⵓⵙⵎⵏⵉⴷ ⵏ ⵓⵙⵏⴰⵍ ⵉ ⵉⵡⴷⴰⵏ ⴷ ⵉⴷ ⴱⴰⴱ ⵏ ⵜⵣⵣⵓⵍⵉⵏ ⵜⵜⴰⵡⴹⵕⵕⴰⵏⵏⵉⵏ ⵙ ⵓⵥⵍⴰⵢ ⴰⴷⵓⵙⴰⵏ, ⵏⴱⴷⴷ ⴼ ⵜⵥⴹⴰⵕⵉⵏ ⵏ ⵜⵎⴰⵣⵉⵔⵜ ⵏⵏⵖ ⴷ ⵡⴰⵜⵉⴳ ⵏ ⵜⵡⵉⵣⵉ, ⵓⵔ ⵏⵔⵡⵍ ⴼ ⵜⵎⴰⵙⴰⵢⵉⵏ ⵏⵏⵙ ⵜⵉⴳⵔⴰⵖⴰⵍⵏⵉⵏ ⵎⵏⵉⴷ ⵏ ⴰⵢⵜⵎⴰⵜⵏⵖ ⴳ ⵉⴼⵔⵉⵇⵢⴰ ⴳ ⵓⵣⵎⵣ ⵏ ⵜⵣⵣⵉⴳⵣⵜ ⵏ ⵜⵏⵉⵎⴰⵏⵉⵏ ⵜⵉⵏⴰⵎⵓⵔⵉⵏ ⴽⵕⵕⵓⵥⵏⵉⵏ ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⴳ ⵓⵎⴰⴹⴰⵍ.

ⴰⵔ ⴷⴰⵖ ⵉⵎⵎⴰⵍⴰ ⵓⵙⵡⵓⴷⴷⵓ ⴰⴷ ⴰⵜⵉⴳ ⵏ ⵜⵏⴰⵔⴰ ⴷ ⵓⵙⵎⴰⵇⵇⵍ ⵉⴷⵔⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵉⴷ, ⵢⴰⵡⵙ ⵀ ⵓⵙⵖⵔⵜ ⵏ ⵍⵎⵖⵔⵉⴱ ⵃⵎⴰ ⴰⴷ ⵢⴰⵡⵉ ⵜⵉⵏⴰⵥⴰⵕⵉⵏ ⵏ ⵓⵙⵉⵊⵊⵉ ⴰⴷⵎⵙⴰⵏ ⵎⵇⵇⴰⵔ ⵉⵍⵍⴰ ⵓⵎⵏⴰⴹ ⴰⴳⵔⴰⵖⵍⴰⵏ ⵉⵛⴷⴷⴰⵏ ⵉⵣⴷⵉⵏ ⴷ ⵜⵎⵏⵜⵍⵉⵏ ⵍⵍⵉ ⴰⴽⴽⵯ ⵏⵙⵙⵏ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ

ⵜⴳⴰ ⵜⴳⵯⵎⴰⵜ ⵎⵎⵉ ⵏⵕⵥⵎ ⴰⵙⵙ ⴰⴷ - ⵏⵙⵙⵏ ⵎⴰⵙ ⵜⵙⵙⵏⵜⵉ ⵙⴳ ⴽⵕⴰⴹ ⵉⵢⵉⵔⵏ- ⴰⴽⴷ ⵙⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵓⵕⵓⴱⴱⴰ, ⵜⵙⵎⵓⵏ ⴰⵖ ⴷ ⵜⵎⵉⵣⴰⵔ ⵏⵏⵙ ⵜⵉⵎⴷⵔⴰⵡⵉⵏ ⴷ ⵜⵣⴷⴰⵢⵉⵏ ⴷⵓⵙⵏⵉⵏ, (ⵜⴰⴳⵯⵎⴰⵜ ⴰⴷ) ⵜⵎⵖⵇⵓⵔ ⵜⴰⴳⵔ ⴰⴷ ⵜⵉⵍⵉ ⵖⴰⵙ ⴳ ⵓⵙⵏⴰⵍ ⴰⵥⵕⴼⴰⵏ. ⵜⴳⴰ ⴰⵎⵙⴰⵡⴰⵍ ⴷ ⵉⵙⵏⴼⵍⵏ ⴷ ⵓⵙⵖⵏⵓ ⵉⵜⵜⵓⵙⵏⴼⴰⵍⵏ ⵏ ⵜⵎⵙⴽⴰⵔ ⵜⵉⴷⵉⵎⵓⵇⵔⴰⵟⵉⵢⵉⵏ, ⵜⴳ ⵉⵎⵉⵙⵙ ⵏ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⴷ ⵓⵙⵡⴰⵍⴰ ⵎⴳⵔⵓ ⵉ ⵉⵎⴰⵍ, ⵙ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⵍⵍⵉ ⴷ ⵉⵇⵇⴰⵏ ⴰⴷ ⴷⴰⵔⵏⵖ ⵢⵉⵍⵉ ⴷ ⵜⴰⵔⵙⵍⵜ ⴳ ⵉⵏⵢⴰⵍⴰⴽⵎⵏ ⵏⵏⵖ, ⴰⵡⵇⵇⵔ ⵉ ⵜⵓⴼⵔⴰⵢⵉⵏ ⵏ ⵓⴳⴷⵓⴷ ⴰⵎⴰⵔⵢ ⴳ ⵜⵎⵉⵣⴰⵔ ⵏⵏⵖ ⴷ ⵉⵎⴰⴷⴰⵏ ⵏⵏⵖ, ⵙ ⵓⵙⵓⵜⴳ ⵏ ⵜⵎⵙⴰⵔⵉⵏ ⵏⵏⵖ ⵜⵓⴷⴷⵉⵔⵉⵏ ⴷ ⵓⵙⵉⵜⵜⵉ ⵏ ⵎⴰ ⵔⴰⴷ ⴰⵖ ⵉⵙⵙⵀⵔⵛ ⴳ ⵓⵎⵏⴰⴹ ⴰⴳⵔⴰⵖⵍⴰⵏ ⴳ ⵍⵍⴰⵏ ⵉⵙⵏⴼⵍⵏ ⵉⵅⴰⵜⴰⵔⵏ ⴷ ⵜⵉⵍⵉⵜ ⵏ ⵉⵙⴷⵓⴷⴷⵉⵢⵏ ⵏ ⵓⵔⴳⴳⵉⴳ ⴰⵎⴰⴹⵍⴰⵏ.

ⴰⵔ ⴽⵏ ⴷⴰⵖ ⵙⵏⵉⵎⵎⵉⵔⵖ ⵍⵍⵉⵖ ⴷ ⵜⵓⵛⴽⴰⵏ, ⴰⵢⵍⵍⵉ ⵉⴳⴰⵏ ⵜⴰⵎⴰⵜⴰⵔⵜ ⵏ ⵜⴷⴷⵉⴽⴽⵯⵍⴰ ⵉⵙⵎⵓⵏⵏ ⵜⵉⵎⵉⵣⴰⵔ ⵏⵏⵖ ⴷ ⵓⵙⴷⴷⴻⴷ ⵏ ⵓⵎⵛⴰⴱⴱⴰⴽ ⵏⵏⵖ ⵉⵛⵛⴰⵔⵏ ⵙ ⵓⵏⴳⵔⴰⵡ ⵏ ⵡⴰⵜⵉⴳⵏ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⵍⴻⵍⵍⵉ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵔ ⵙⵓⵜⴳⵖ ⴽⵓ ⵍⴰⴷ ⵉⴱⴷⴷⵏ ⴷ ⵉⴱⴷⴷ ⵓⴽⴰⵏ ⵜⴰⵎⴰ ⵏ ⵜⵡⵡⵓⵔⵉ ⴰⴷ ⵉⵛⵛⴰⵔⵏ, ⴳ ⵜⵣⵡⵉⵔⵉ ⵜⴰⵎⵙⵇⵇⴰⴷⵜ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⵜⵎⴰⵡⴰⵙⵜ ⵏ ⵓⵥⵕⴼ, ⴷ ⵉⵎⴰⵙⴰⵢⵏ ⴼ ⵓⵙⵏⴼⴰⵔ ⴳ ⵉⵙⵇⵇⵉⵎⵏ ⵏⵏⵖ ⴰⴽⴽⵯ ⴷ ⵉⵎⵓⵣⴰⵢⵏ ⵜⵜⵓⵙⵎⴰⵙⵙⵏⵉⵏ ⴳ ⵓⵙⴰⵜⵉ ⵏ ⵉⵙⵏⴼⵍⵏ ⴰⴷ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ