ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵏⵏⵓⵕⵥⵎ ⵏ ⵓⴱⵕⵍⴰⵎⴰⵏ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⴳ ⵕⵕⴱⴰⵟ

ⵙ ⵉⵙⵎ ⵏ ⵉⵕⴱⴱⵉ ⴷ ⵜⵥⴰⵍⵍⵉⵜ ⴷ ⵓⴼⵔⴰ ⴼ ⵓⵔⵇⵇⴰⵚ ⵏⵏⵙ

* ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵡⴰⵕ ⵉⵜⵜⴰⵡⵇⴰⵔⵏ, 

* ⵎⴰⵙⵙ ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵉⵜⵜⴰⵡⵇⴰⵔⵏ,

* ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⵉⵜⵜⴰⵡⵇⴰⵔⵏ,

* ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵉⵡⴰⵏⴽⵏ ⴰⵄⵕⴰⴱⵏ ⵉⵜⵜⴰⵡⵇⴰⵔⵏ,

* ⵎⴰⵙⵙ ⴰⴳⵯⵏⵙⴰⵙ ⵏ ⵉⵡⴰⵏⴽ ⵉⵜⵜⴰⵡⵇⴰⵔⵏ,

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵙⵇⴰⴷⵏ ⵜⵜⴰⵡⵇⴰⵔⵏⵉⵏ, 

* ⵡⵉⴷⴰ ⵃⴰⴹⵕⵏⵉⵏ.

ⵉⴳⴰ ⵜⵓⵎⵔⵜ ⴷ ⵡⴰⴷⴷⵓⵔ ⴰⴷ ⵙⴰⵡⵍⵖ ⴳ ⵓⵏⵏⵓⵕⵥⵎ ⵏ ⵜⵡⵡⵓⵔⵉⵡⵉⵏ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵙⵇⵇⵉⵎ ⴰⵎⴰⴹⵍⴰⵏ ⵉ ⵓⵎⵙⵓⵔⵓⴼ ⴷ ⵓⴼⵔⴰ ⴳ ⵜⵙⵓⵜⵍⵜ ⵜⵉⵙ ⵜⵎⵔⴰⵡⵜ, ⵍⵍⵉ ⵜⵙⵜⵉⵎ - ⵙ ⵓⴼⵔⴰⴽ ⴷ ⵜⵉⵔⴰⵜ ⵖⵣⴰⵏⵉⵏ- ⴰⴷ ⵜⵉⵍⵉⵜ ⵖ ⵕⵕⴱⴰⵟ, ⵜⴰⵎⴰⵥⵓⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴳ ⵓⵙⴳⴳⵯⴰⵙ ⵍⵍⵉⵖ ⵏⵉⵜ ⵜⴳⴰ ⵕⵕⴱⴰⵟ ⵜⴰⵎⴰⵥⵓⵏⵜ ⵏ ⵜⴷⵍⵙⴰ ⵜⵓⵙⵍⵉⵎⵜ ⵙⴳ ⵜⵎⴰⴷⴷⴰⵙⵜ ⵏ ⵉⵙⵉⵙⴽⵓ, ⵜⴰⵎⴰⵥⵓⵏⵜ ⵍⵍⵉ ⵉⵙⴼⵓⴳⵍⴰⵏ, ⴰⵢⵢⵓⵔ ⵉⵣⵔⵉⵏ, ⴳ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵓⴷⵍⵉⵙ ⴷ ⵜⵥⵕⵉⴳⵜ ⵜⴰⵎⴰⵥⵓⵏⵜ ⵏ ⵜⴷⵍⵙⴰ ⵜⴰⴼⵔⵉⵇⵉⵜ. ⵏⵙⵙⴽⵯⵜⵉ ⴷ ⵓⵍⴰ ⴰⵜⵉⴳ ⴰⵅⴰⵜⴰⵔ ⵍⵍⵉ ⵜⴻⵟⵟⴰⴼ ⵜⵎⴰⵥⵓⵏⵜ ⴰⴷ ⵜⴰⵄⵕⴰⴱⵜ ⵜⵓⵙⵍⵉⵎⵜ ⵜⴰⴼⵔⵉⵇⵉⵜ ⵍⵍⵉⵖ ⴳⵉⵙ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵜⴰⵎⴰⵥⵓⵏⵜ ⵏ ⵜⵉⴼⴰⵡⵉⵏ, ⵙ ⵎⴰⴷ ⵉⵟⵟⴰⴼ ⵉⵙⵎ ⴰⴷ ⴳ ⵉⵎⵏⴰⴷⵏ ⵜⵜⴰⵡⵙⴽⴰⵔⵏⵉⵏ ⵍⵍⵉ ⴰⴽⴽⵯ ⴼⴰⵡⵏ ⵉⵙⴰⵢⴰⵔⵓⵔⵏ ⵏ ⵕⵕⴱⴰⵟ, ⴷ ⵜⵎⵉⵜⴰⵔ ⵙⴰⵡⵍⵏⵉⵏ ⴼ ⵓⵙⵜⴰⵢ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵓⵙⵎⵖⵔ ⵏ ⵓⵙⵡⵉⵏⴳⵎ ⵏ ⵜⵉⴼⴰⵡⵉⵏ ⴷ ⵓⵙⵏⵍⵍⵉ ⴷ ⵜⴷⵉⵎⵓⵇⵔⴰⵟⵉⵜ ⴷ ⵓⵙⵎⴰⵢⵏⵓ ⴷ ⵡⴰⵜⵉⴳⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⴷ ⵜⵣⵔⴼⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵢⵉⵙⴽⵉⵍ. 

ⴰⵔ ⵜⵜⵕⵣⵓⵎⵖ ⵜⴰⵙⵓⵜⵍⵜ ⴰⴷ ⵙ ⵜⵉⵍⵉⵜ ⵏ ⵓⴷⵎⴰⵡⵏ ⵄⵣⵣⴰⵏⵉⵏ ⴷ ⵉⵎⴷⴷⵓⴽⴽⵯⴰⵍ ⴷ ⴰⵢⵜⵎⴰⵜⵏ ⵜⵜⴰⵡⵇⴰⵔⵏⵉⵏ, ⵙ ⵉⵙⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵎⴰⵣⵉⵔⵜ ⵏⵏⵖ, ⴰⵔ ⵙⵔⵓⵏ ⵙⴱⵔⵔⴰⴽⵖ ⵙⵔⵓⵏ ⵎⴰⵕⵕⴰ ⴳ ⵜⵎⴰⵣⵉⵔⵜ ⵏⵏⵓⵏ ⵜⵉⵙ ⵙⵏⴰⵜ, ⵙⵓⵜⴳⵖ ⵍⵍⵉⵖ ⴷ ⵜⵓⵛⴽⴰⵏ ⵙ ⵕⵕⴱⴰⵟ, ⵙⵓⵜⴳⵖ ⵉⵎⴰⵏ ⵏ ⵜⴰⴳⵯⵎⴰⵜ ⵉⵣⵉⵍⵏ ⵍⵍⵉⵖ ⵜⵙⵜⵉⵎ ⵕⵕⴱⴰⵟ ⴷ ⴰⵙⴰⵢⵔⵓⵔ ⵏ ⵜⵙⵓⵜⵍⵜ ⴰⴷ ⵉⵙⵜⴰⵡⵀⵎⵎⴰⵏ. ⴼⵔⴽⵖ ⵎⴰⵙ ⵔⴰⴷ ⵜⴳ ⵜⴰⵙⵓⵜⵍⵜ ⵏ ⵜⵢⵢⴰⴼⵓⵜ, ⵔⴰⴷ ⵜⵖⴰⵎⴰ ⴳ ⵜⵎⴽⵯⵜⵉⵜ ⵏ ⵡⵉⴷⴰ ⵃⴰⴹⵕⵏⵉⵏ, ⵓⵍⴰ ⵖ ⵜⵎⴽⵯⵜⵉⵜ ⵏ ⵜⵎⵔⵙⵍⵜ ⴰⴷ ⵉⵜⵜⴰⵡⵇⴰⵔⵏ, ⴰⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ.  

ⵙ ⵓⵙⴷⴷⴻⴷⵏ ⵜⴰⵙⵓⵜⵍⵜ ⴰⴷ ⵉⵍⵍⴰⵏ ⴳ ⵕⵕⴱⴰⵟ, ⵔⴰⴷ ⵜⵉⵍⵉ ⴼ ⵉⵅⵎⵎⵉⵎⵏ ⵓⴷⴷⵉⵔⵏ ⴼ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵥⵍⵉⵏⵉⵏ ⴷ ⵜⵎⵙⴰⵔⵉⵏ ⵢⴰⴹⵏⵉⵏ ⵜⵉⴷⵙⵍⴰⵏⵉⵏ: ⴰⵙⴷⵓⵙ ⵏ ⵓⴼⵔⴰ, ⵜⴰⵎⵖⴰⵔⵜ ⴷ ⵉⵄⵔⵔⵉⵎⵏ, ⵜⵉⵖⴰⵡⵙⵉⵡⵉⵏ ⵏ ⴱⵕⵕⴰ, ⵜⵉⴳⵎⵉ ⵜⴰⵙⵓⵍⴰⵏⵜ, ⵜⵉⵖⴰⵡⵉⵙⵉⵡⵉⵏ ⵜⵉⵣⵔⴼⴰⵏⵉⵏ, ⴰⵙⴱⴷⴷⵉ ⵏ ⵓⴱⵔⵙⵙⵉⵡⴷ, ⴰⵢⵍⵍⵉ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ ⵉⴳⴰ ⵜ ⴰⵎⵏⴰⴷ ⵏⵏⵙⵏⵜ ⴰⵙⵔⵜⴰⵏ ⴷ ⵓⵏⴼⴳⴰⵏ ⴷ ⵓⴷⵍⵙⴰⵏ ⴷ ⵓⵖⵔⴰⵏ ⵍⵍⵉ ⵟⵟⴰⴼⵏⵜ ⵙ ⵜⵉⵍⵉⵜ ⴰⴷ, ⵖ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⴷ ⵜⴰⴼⵔⵉⵇⵉⵜ ⴷ ⵜⵏⴰⵎⵎⴰⵙⵜ ⵉⵍⵍⵏ ⵉⵍⵉⵏ ⴱⴷⴷⴰ ⵉⴳⵍⴷⴰⵏ ⵏⵏⵙ ⴷ ⵡⴰⵜⵉⴳⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴳⵍⵍⵉⵏ ⵏ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ ⴰⴷ ⵜ ⵉⵕⵃⵎ ⵕⴱⴱⵉ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵍⵍⵉ ⵉⵙⴽⵔⵏ ⴳ ⵓⴼⵔⴰ ⴰⵙⴽⴷ ⵏ ⵜⵎⵜⵜⵉ ⴷ ⵜⵎⴰⵣⵉⵔⵜ ⵏⵏⵙ, ⴷ ⵜⴷⵍⵙⴰ ⵜⴰⵙⵔⵜⴰⵏⵜ ⵉⵙⵙⴰⵜⵉⵏ ⵉⵙⵡⴰⵍⴰⵢⵏ ⵉⵎⴰⴷⴷⵓⴷⵏ ⵏ ⵜⵎⵔⵙⴰⵍ ⵏ ⵓⵡⴰⵏⴽ ⴷ ⵓⵙⴽⵔ ⵏ ⵜⵖⵜⴰⵙⵉⵏ. 

ⵓⵔ ⵙⵖⴰⵡⵙⴰⵖ ⴰⴷ ⵙⵙⴽⵯⵜⵉⵖ ⵜⵉⵍⴰⵍⵜ ⵜⴰⵅⴰⵜⴰⵔⵜ ⵍⵍⵉ ⵜⵙⴽⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵣⵓⵣⵣⵔ ⵏ ⵜⵎⵢⵉⵎⴰⵏⵜ ⴷ ⵓⵙⵔⵓⵙ ⵏ ⵓⵎⵙⴰⵡⴰⵍ ⵊⴰⵔ ⴽⵕⴰⴹ ⵉⵙⴽⴷⵏ ⵏ ⵕⴱⴱⵉ, ⴷ ⵎⴰⴷ ⵜⵙⴳⵓⴷⵉ ⵜⴳⵍⴷⵉⵜ ⴳ ⵉⴳⵔⴰⵡⵏ ⴷ ⵉⵏⵎⵓⵇⵇⴰⵔⵏ ⴳ ⵓⵙⵡⵉⵔ ⴰⴷ, ⴷ ⵓⵔⵣⴰⴼ ⵏ ⵍⴱⴰⴱ ⵢⵓⵃⴰⵏⵏⴰ ⴱⵓⵍⵓⵚ ⵡⵉⵙ ⵙⵉⵏ ⵉ ⵜⴳⵎⵉ ⵜⵓⵎⵍⵉⵍⵜ ⴰⵏⴱⴷⵓ 1985 ⴳ ⵓⵣⵎⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⵙ ⵍⵃⴰⵙⴰⵏ ⵡⵉⵙ ⵙⵉⵏ, ⴷ ⵍⴱⴰⴱⴰ ⴼⵔⴰⵏⵙⵉⵙ ⵉ ⵕⵕⴱⴰⵟ ⴳ 2019 ⴷ ⵓⵏⵎⵓⵇⵇⵓⵔ ⵏⵏⵙ ⴰⵅⴰⵜⴰⵔ ⴷ ⵓⴳⵍⴷⵓⵏ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵙ ⴰⴷ ⵜ ⵉⵃⴼⴹ ⵕⴱⴱⵉ ⴷ ⵜⵉⵍⴰⵍⵜ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵓⵙⵏⴰⵍ ⵏ ⵉⵙⵏⴼⴰⵔⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵙⵍⴰⵡⴰⵏ ⴰⴽⴽⵯ ⵉ ⵚⴰⵃⴰ ⵏ ⵍⵇⵓⴷⵙ ⴰⵛⴰⵔⵉⴼ ⴷ ⵜⵎⵙⴼⵓⵥⵥⵓⵕⵉⵏ ⵏⵏⵙ ⵜⵉⵙⴽⴷⴰⵏⵉⵏ ⴷ ⵜⵏⵉⵎⴰⵏⵉⵏ ⴷ ⵓⵡⵓⵔⵉ ⵉⵖⵣⴰⵏ ⵏ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⵉⵣⵔⴼⴰⵏⵏ ⵉ ⵜⵎⵙⴰⵔⵜ ⴰⴷ ⵃⵎⴰ ⴰⴷ ⵢⵉⵍⵉ ⵢⴰⵏ ⵓⴼⵙⵙⴰⵢ ⴰⵣⵔⴼⴰⵏ ⵓⵙⵎⵉⴷ ⵉ ⵜⵎⵙⴰⵔⵜ ⵏ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⴳ ⵓⵣⵔⴼ ⵏⵏⵙ ⴳ ⵜⵙⵉⵎⴰⵏⵜ ⴷ ⵓⵚⴽⵓ ⵏ ⵓⵡⴰⵏⴽ ⵏⵏⵙ ⴰⵏⴰⵎⵓⵔ ⴰⵙⵉⵎⴰⵏ. 

ⵜⴰⵎⴰⴷⴷⴰⵙⵜ ⵏⵏⵓⵏ ⴷ ⵜⵎⴰⴷⴷⴰⵙⵜ ⵏⵏⵖ ⴰⴽⴽⵯ (ⴰⵙⵇⵇⵉⵎ ⴰⵎⴰⴷⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ)  ⵉⵖ ⵜⵙⵏⵎⴰⵍⴰ ⵜⴰⵙⵓⵜⵍⵜ ⵏⵏⵙ ⴳ ⵍⵎⵖⵔⵉⴱ, ⵜⴼⵔⴽ ⵎⴰⵙ ⵜⵙⵜⵉ ⵢⴰⵏ ⴳ ⵉⵙⴰⵢⵔⵓⵔⵏ ⵉⴱⵕⵍⴰⵎⴰⵏⵉⵢⵏ ⵙⵡⵓⵔⵉⵏⵉ ⴳ ⵓⵎⵏⴰ ⴷⵓⵙⵍⵉⵎ ⴷ ⵓⴳⵔⴰⵖⵍⴰⵏ ⵉⵙⵏⴰⵍⵏⵏ ⵜⴰⵖⵔⵎⴰ ⵏ ⵓⵎⵙⵓⵔⵓⴼ ⴷ ⵉⵙⵜⴰⵢⵏ ⵏ ⵓⴼⵔⴰ. 

ⵙ ⵓⵙⴽⵔ ⵙ ⵓⴼⵔⴰⴽ ⴰⴷ ⵉⵖⵣⴰⵏⵏ ⵉⴱⴷⴷⵏ ⴼ ⵜⵔⵙⴰⵍ ⴷ ⵜⴷⵍⵙⴰ ⴷ ⵉⵎⵏⴰⴷⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ, ⵏⵙⵏⵓⴱⴳ ⴰⴱⵕⵍⴰⵎⴰⵏ ⴰⴷ ⵙ ⴽⵉⴳⴰⵏ ⵏ ⵓⵙⵓⵜⴳ ⴷ ⵓⵙⵉⵙⵙⵏ, ⵜⴳⴰ ⵜⴰⵎⵍⴷⴰ ⵏ ⵓⵙⴷⴷⴻⴷ ⵎⴰⵙ ⴷ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵃⴼⴹ ⵕⴱⴱⵉ, ⵍⵍⵉ ⵉⴷⵔⵓⵏ ⴱⴰⵀⵔⴰ ⴳ ⵜⴷⵉⵏⴰⵎⵉⵜ ⵏ ⵓⴼⵔⴰ ⴰⵎⴰⴹⵍⴰⵏ, ⵉⵎⵍⴰ ⴱⴷⴷⴰ ⵜⵉⵡⵉⵣ ⵏⵏⵙ ⴳ ⵉⵍⵜⴰⵖⵏ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⵣⴷⵉⵏⵉⵏ ⴷ ⵓⴼⵔⴰ ⴷ ⵜⵏⴼⵔⵓⵜ ⴷ ⵓⵔⴳⴳⵉⴳ, ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵡⴰⵡⵏⴰⴹ, ⴷ ⵜⵎⵙⴰⵔⵉⵏ ⵏ ⵓⵣⵡⴰⴳ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⵔⴼⵜ ⴷ ⵜⵣⵔⴼⵜ ⵉⵎⵎⵓⵜⵜⵉⵏ, ⴷ ⵜⵎⵙⴰⵔⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵓⵙⵏⵉⵍⵙⵉⵏ, ⴷ ⵜⵎⵙⴰⵔⵉⵏ ⵏ ⵜⵏⴼⵔⵓⵜ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵜⴻⵟⵟⵓⵕⴼⴰ ⴷ ⵓⴱⴽⴽⴰⴹ ⵉⴳⴰⴷⴷⴰⵏ, ⴷ ⵜⵎⵙⴰⵔⵉⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵎⵙⴰⵔⵉⵏ ⵢⴰⴹⵏⵉⵏ ⵏ ⵓⵎⴰⴹⴰⵍ ⵟⵟⴰⴼⵏⵉⵏ ⵜⵉⵣⵡⵉⵔⵉ ⴷ ⵓⵅⵎⵎⴻⵎ.

ⵏⴽⴽⵏⵉ ⵖ ⵍⵎⵖⵔⵉⴱ ⵏⴼⵔⴽ ⵎⴰⵙ ⵜⵍⵍⴰ ⵜⵎⴰⵙⴰⵢⵜ ⵜⴰⵙⵔⵜⴰⵏⵜ ⴷ ⵜⵏⴼⴳⴰⵏⵜ ⴷ ⵜⵖⵔⵎⴰⵏⵜ, ⴷ ⵜⵎⴰⵙⴰⵢⵜ ⵜⴰⵣⵔⴼⴰⵏ ⴼ ⵉⵡⴰⵏⴽⵏ ⴷ ⵜⵎⵔⵙⴰⵍ ⵜⵉⴳⵔⴰⵖⵍⴰⵏⵉⵏ ⴷ ⵜⵎⵏⴰⴹⵉⵏ ⴷ ⵜⵙⴳⴰⵡⴰⵏⵉⵏ ⴷ ⵜⵏⴰⵓⵔⵉⵏ ⴳ ⵜⵉⵍⵉⵜ ⵏ ⵓⴼⵔⴰ ⴳ ⵓⵎⴰⴹⴰⵍ. ⵃⵎⴰ ⴰⴷ ⵉⵜⵜⵓⵙⴽⵉⵔ ⵎⴰ ⴰⵏⵏ, ⵜⵇⵇⴰⵏⴷ ⵜⵉⵔⴰⵜ ⵜⴰⵙⵔⵜⴰⵏⵜ ⵜⵓⵏⵥⵉⵥⵜ ⴷ ⵓⵍⵜⴰⵖ ⴰⵏⵍⵉ ⴷ ⵉⵎⴰⵏ ⵏ ⵢⵉⵙⴽⵉⵍ, ⴰⵢⵍⵍⵉ ⵎⵓ ⵉⵜⵜⵉⵏⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵖ ⴽⵔⴰ ⵏ ⵉⵏⴰⵡⵏ ⵏⵏⵙ ⵉⵎⴰⵜⵜⵓⵢⵏ, ⵜⴰⵖⵉⵢⵢⵉⵜ ⵏ ⵓⴼⵔⴰⴽ ⴰⵏⴰⵎⵓⵏ ⵍⵍⵉ ⵙ ⵉⵙⵖⴰⵡⵙⴰ ⵓⵎⴰⴹⴰⵍ ⵏⵏⵖ ⴰⵜⵔⴰⵔ ⵉ ⵓⴼⵔⴰⴳ ⵏ ⵡⴰⴽⴰⵍ ⵉⵙⵜⴰⵀⵍⵍⴰⵏ ⵜⵓⴷⵔⵜ, ⴷ ⵜⵉⵍⵉⵜ ⵏ ⵜⴼⴰⴷⵉⵡⵉⵏ ⵏ ⵜⵎⵢⵉⴷⵉⵔⵜ ⵜⴰⵏⴼⴳⴰⵏⵜ ⴼ ⵓⴳⴳⵓⴳ ⴳ ⵜⵎⴰⵖⵉⵏ ⴷ ⵡⴰⵔⴰⵏⴰⵔⵎⴰⵙ. 

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⴰⴼⵔⴰ ⵓⵔ ⵉⴳⵉ ⵖⴰⵙ ⵢⴰⵏ ⵡⴰⵜⵉⴳ ⵙⴳ ⵡⴰⵜⵉⴳⵏ ⵍⵍⴰⵏⵉⵏ, ⵓⵔ ⴷ ⵖⴰⵙ ⵢⴰⵜ ⵜⴳⵓⵔⵉ ⵉⵜⵜⵓⵏⵏⴰⵏ ⴷ ⵉⵜⵜⵓⵙⵎⵔⴰⵙⵏ, ⵉⴳⴰ ⵜⴰⵡⵡⵓⵔⵉ ⵜⴰⵙⵜⵔⴰⵜⵉⵊⵉⵜ ⵉⵔⴰⵏ ⵜⴰⴷⵍⵙⴰ ⵏ ⵓⵎⵙⵓⵔⵓⴼ ⴷ ⵜⴱⵔⵉⴷⵜ ⵉⴼⴰⵡⵏ ⴷ ⵉⵖⴰⵡⴰⵙⵏ ⵏ ⵜⵡⵡⵓⵔⵉ ⴷ ⵜⵙⵔⵜⴰⵢ, ⴷ ⵉⵖⴰⵡⴰⵙⵏ ⴷ ⵜⵖⵔⵓⵔⵉⵡⵉⵏ ⴷ ⵉⵔⵣⵣⵓⵜⵏ ⵉⵎⴰⵙⵙⴰⵏⵏ ⴳ ⵓⵙⴱⴷⴷⵉ ⵏ ⵜⵎⵏⵜⵍⵉⵏ ⵏ ⵓⵎⵣⵔⴰⵢ ⴷ ⵜⵎⴰⵖⵜ ⴼ ⵜⵏⴱⴰⴹⵜ ⴷ ⵉⴳⴰⴷⴰⵔⵏ ⴷ ⵉⵣⵔⴼⴰⵏ ⵓⴷⴷⵉⵔⵏ ⵏ ⵉⵡⴷⴰⵏ ⴷ ⵜⵔⵓⴱⴱⴰ ⴷ ⵜⵏⵓⴼⴰ ⵜⵉⴷⵎⵙⴰⵏⵉⵏ ⴷ ⵜⵊⵓⵖⵔⴰⴼⵉⵢⵉⵏ ⵜⵉⵙⵔⵜⴰⵏⵉⵏ ⴷ ⵜⵙⵔⵜⴰⵜⵉⵊⵉⵢⵉⵏ.. ⴰⵎⴰⴹⴰⵍⵍ ⵏⵏⵖ ⴰⵜⵔⴰⵔ ⵙⵙⵕⵎⵉⵏ ⵜ ⵉⵥⴰⵥⵓⵢⵏ ⴷ ⵜⴽⵕⴷⵉ ⴷ ⵡⴰⵔⴰⴼⵓⴽⴽⵓ ⵏ ⵉⵎⴰⵖⵏ, ⴷ ⵡⴰⴷⴷⴰⴷⵏ ⵀⵔⵛⵏⵉⵏ ⴳ ⴷⴷⵓⵔⵏ ⴽⵉⴳⴰⵏ ⵏ ⵉⵎⴰⴷⴰⵏⵏ ⴷ ⵉⵣⵔⴼⴰⵏ ⵏⵏⵙⵏ..ⴷ ⵜⵖⵡⴰⵙⵉⵡⵉⵏ ⵢⴰⴹⵏⵉⵏ. 

ⵙ ⵖⵎⴽⴰⴷ, ⵍⵍⴰⵏ ⵉⵎⴰⵖⵏ ⴳⴰⵏⵉⵏ ⵉⵎⵣⵔⵓⵢⵏ, ⵎⴰⵟⵍⵏⵉⵏ ⴱⵍⴰ ⵉⵥⴹⴰⵕ ⵓⵎⴰⴹⴰⵍ ⴰⵖⵔⵎⴰⵏ ⴰⵜⵔⴰⵔ ⴰⴷ ⴰⵙⵏ ⵢⴰⴼⵉ ⵉⴼⵙⵙⴰⵢⵏ, ⵉⵍⵉⵏ ⴷⴰⵖ ⵜⴼⵔⴽⵉⵡⵉⵏ ⵜⵉⵙ ⵙⵏⴰⵜ ⴷ ⵜⵉⵙ ⴽⵕⴰⴹⵜ ⵏ ⵉⵎⴰⵖⵏ ⵖⵉⴷ ⴷ ⵖⵉⵏ, ⵉⵍⵉⵏ ⵓⵍⴰ ⵉⵎⴰⵖⵏ ⵉⵎⴰⵢⵏⵓⵜⵏ ⴳⴰⵏⵉⵏ ⵎⴳⴰⵍ ⵏ ⵓⴼⵔⴰ ⴷ ⵓⵔⴳⴳⵉⴳ ⴷ ⵜⵏⴼⵓⵔⵜ ⴷ ⵓⵜⵛⵓ ⴷ ⵜⵓⴷⵔⵜ ⵏ ⵡⴰⴷⴷⵓⵔ. ⴰⵢⵍⵍⵉ ⵉⵜⵜⵉⵏⵉⵏ ⵎⴰⵙ ⴷ ⴰⵎⴰⴹⴰⵍ ⵜⵇⵇⵍ ⵙⵔⵙ ⵜⵡⵡⵓⵔⵉ ⵉⴳⴳⵓⵜⵏ ⵏ ⵓⵙⵕⵚⵓ ⵏ ⵡⴰⵡⵏⴰⴹ ⴰⵎⴰⴹⵍⴰⵏ ⵏ ⵓⴼⵔⴰ ⴷ ⵓⵎⵙⵓⵔⵓⴼ ⴷ ⵜⴳⵯⵎⴰⵜ ⴷ ⵜⴰⵢⵔⵉ ⴷ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⴷ ⵜⵡⵉⵣⵉ. ⵉⵖⵍⵜ ⵡⴰⴷ ⵉⵜⵜⵉⵏⵉⵏ ⵎⴰⵙ ⵉⵍⵍⴰ ⵓⴼⵔⴰ ⵙ ⵓⵙⵉⵜⵜⵉ ⵏⵜⵓⴷⵔⵜ. ⵉⵖⵍⵟ ⵡⴰⴷ ⵉⵜⵜⵉⵏⵉⵏ ⵎⴰⵙ ⵉⵍⵍⴰ ⵓⴼⵔⴰ ⴰⵙⵓⵍⴰⵏ ⵜⴰⵔ ⴰⵙⵡⵓⵔⵉ ⴰⴳⵔⴰⵖⵍⴰⵏ ⵉⵙⵓⵍⵏ ⵉⴱⴷⴷⵏ ⴼ ⵜⵔⵙⴰⵍ ⵏ ⵓⴼⵔⴰ ⵙⴳ ⴳⵉⵙⵏ ⴰⵙⵎⴽⵍ ⵏ ⵜⵎⵓⴽⵔⵉⵙⵉⵏ ⵍⵍⵉ ⵣⵔⵉⵏⵉⵏ ⴷ ⵓⵣⵓⵣⵣⵔ ⵏ ⵉⵎⴰⵏ ⵏ ⵢⵉⵙⴽⵉⵍ ⴳ ⵓⵎⴰⴹⴰⵍ, ⴷ ⵓⵙⵙⵏ ⵉⵣⵡⴰⵔⵏ ⵏ ⵉⵏⵎⵏⴰⴹⵏ ⵍⵍⵉ ⴷ ⵜⵜⴰⵡⵉⵏⵉⵏ ⵜⵉⴽⵕⴹⵉ ⴷ ⵉⵎⴰⵖⵏ ⵙ ⵉⵔⴱⴰⴱⵏ, ⴷ ⵉⵎⵏⴰⴹⵏ ⵍⵍⵉ ⵙⴽⴰⵔⵏⵉⵏ ⵜⴰⵙⵙⴰⵙⵉⵏ. 

ⵜⴰⵙⵓⵜⵉⵏ ⵏ ⵖⵉⵍⴰⴷ ⴷ ⵜⴰⵙⵓⵜⵉⵏ ⵏ ⵉⵎⴰⵍ ⴷⴰⵔⵙⵏⵜ ⴰⵣⵔⴼ ⵏ ⵓⵚⴽⵓ ⵏ ⵓⴼⵔⴰ ⴰⵙⵜⵔⴰⵜⵉⵊⵉ ⴷ ⵜⴷⵍⵙⴰ ⵏⵏⵙ ⴷ ⵜⵖⵔⵎⴰ ⵏⵏⵙ, ⵉⵟⵟⴰⴼ ⵜⵉⵎⵔⵙⴰⵍ ⵏⵏⵙ ⵜⵉⵎⵔⵙⵍⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷⵓⵙⵏⵉⵏ, ⵉⵟⵟⴰⴼⵏ ⵜⵉⵏⴼⴳⵓⵔⵉⵏⵏⵏⵙ ⴷ ⵓⵛⵛⵉⵍⵏ ⵏⵏⵙ ⵉⵎⴰⵜⵜⵉⵡⵏ ⴷ ⵉⵙⴽⵍⴰⵏⵏ. ⴼⵔⴽⵖ ⵎⴰⵙ ⴷ ⴰⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ  ⵉⴳⴰ ⵜⴰⵔⵙⵍⵜ ⵙⴳ ⵜⵔⵙⴰⵍ ⵍⵍⵉ ⵙⴽⴰⵔⵏⵉⵏ ⵜⴰⵖⵔⵎⴰ ⵏ ⵓⴼⵔⴰ ⴷ ⵉⵎⴰⵍ ⵏ ⵓⴼⵔⴰ.    

ⴰⵣⵓⵍ ⵏⵏⵓⵏ