ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⴼⴼⵓⴳⵍⴰ ⵏ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ

ⵙ ⵉⵙⵎ ⵏ ⵕⴱⴱⵉ, ⵜⴰⵥⴰⵍⵍⵉⵜ ⴷ ⵓⴼⵔⴰ ⴼ ⵓⵔⵇⵇⴰⵚ ⵏ ⵕⴱⴱⵉ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵜⵜⴰⵡⵇⴰⵔⵏⵉⵏ;

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ ⵜⵜⴰⵡⵇⴰⵔⵏⵉⵏ;

ⵎⴰⵙⵙ ⴰⵏⵙⵙⵉⵅⴼ ⵉⵜⵜⴰⵡⵇⴰⵔⵏ ⵏ ⵜⵙⵇⵇⵉⵎⵜ ⵜⴰⵏⴼⴳⵓⵔⵜ ⵎⴰⵙⵙ ⵄⴰⴱⴷⵓⵍⵍⴰⵀ ⵍⴱⵇⵇⴰⵍⵉ;

ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵙⵍⵎⴰⴷⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵏⴼⴳⵓⵔⵜ ⵜⵜⴰⵡⵇⴰⵔⵏⵉⵏ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵖⵎⴰⵙⵏ

ⵉⵏⴱⴳⵉⵡⵏ ⵄⵣⵣⴰⵏⵉⵏ

ⴰⴳⴷⵓⴷ ⵉⵃⴰⴹⵕⵏ.

ⵉⴳⴰ ⵉⵢⵉ ⴰⴷⴷⵓⵔ ⵙ ⵉⵙⵎ ⵉⵏⵓ ⴷ ⵉⵙⵎ ⵏ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵙⵔⵓⵏ ⵙⴱⵔⵔⴽⵖ , ⵙⴰⵡⵍⵖ ⴼ ⵜⵓⵎⵔⵜ ⵉⴳⴳⵓⵜⵏ ⴰⴷ ⴷⵔⵓⵖ ⴳ ⵜⴼⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⴳ ⵜⵙⵓⵜⵍⵜ ⵏⵏⵙ ⵜⵉⵙ ⵙⵏⴰⵜ ⵉ ⵓⵙⴳⴳⵯⴰⵙ ⵏ 2022, ⵍⵍⵉ ⵏⵙⵎⴰⵍⴰ ⵙ ⵓⵎⵙⴰⵙⴰ ⴷ ⵓⵎⵏⵏⵉ 136 ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⵉⵜⵜⵉⵏⵉⵏ ⵎⴰⵙ ⴰ ⵜⵜⵓⴼⴽⵉ ⵜⵙⵎⵖⵓⵔⵜ ⵜⴰⵙⴳⵯⵙⴰⵏⵜ ⵉ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵙ ⵜⴱⵔⵉⴷⵜ ⵉⵍⵍⴰⵏ ⵙ ⵜⵖⵜⴰⵙⵜ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⵍⵍⴰ ⵜⵙⵎⵖⵓⵔⵜ ⴰⴷ ⵃⵎⴰ ⴰⴷ ⵜⵙⵎⵖⵔ ⵉⵏⵖⵎⴰⵙⵏ ⵉⵎⵖⵔⵉⴱⵉⵢⵏ ⵏⵖ ⵜⵉⵎⵔⵙⴰⵍ ⵏ ⵓⵙⵏⵖⵎⵙ, ⵉ ⵜⵓⵙⵙⵏⴰ ⵏ ⵜⵓⴳⴳⵯⴰⵙ ⵏⵏⵙ ⵜⵓⴼⵔⵉⴷⵉⵏ ⴷ ⵜⵎⴳⵓⵔⴰ, ⴳ ⵜⵡⵉⵙⵉ ⴳ ⵓⵙⵎⵖⵔ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵉⵙⵙⵏ ⵙⵔⵙ ⴷ ⵓⵙⴷⵓⵙ ⵏ ⵜⵎⴷⵔⴰⵡⵜ ⵜⴰⵙⵔⵜⴰⵏⵜ ⴷ ⵓⵙⵕⵚⵓ ⵏ ⵓⵡⴰⵏⴽ ⵏ ⵜⵎⵔⵙⴰⵍ.

ⵙ ⵜⵎⵍⴷⴰ ⴰⴷ, ⴷⴰ ⵙⵏⵉⵎⵎⵉⵔⵖ ⴽⵉⴳⴰⵏ ⵉⵏⵖⵎⴰⵙⵏ ⴷ ⵜⵏⵖⵎⴰⵙⵉⵏ ⵍⵍⵉ ⵙⵎⵏⵉⴷⵏⵉⵏ ⵜⵉⵡⵡⵓⵔⵉⵡⵉⵏ ⵏⵏⵙⵏ ⵉ ⵜⵙⵎⵖⵓⵔⵜ, ⴰⵢⵍⵍⵉ ⵉⵎⵎⴰⵍⴰⵏ ⴰⵅⵎⵎⴻⵎ ⵏⵏⵙⵏ  ⴷ ⵓⴹⴼⵕ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴳ ⵜⵎⴰⵣⵉⵔⵜ ⵏⵏⵖ, ⴰⵔ ⴰⵇⵔⴰⵖ ⵉ ⵉⵏⵖⵎⴰⵙⵏ ⴰⴷ ⴷⵔⵓⵏ ⴽⵉⴳⴰⵏ ⴳ ⵜⵙⵓⵜⵍⵉⵏ ⴷ ⵓⵛⴽⴰⵏⵉⵏ. ⵙⵓⵜⴳⵖ ⵓⵍⴰ ⵜⴰⵡⵡⵓⵔⵉ ⵏ ⵉⴳⵎⴰⵎⴰⵏ ⵏ ⵜⵙⵇⵇⵉⵎⵜ ⵜⴰⵏⴼⴳⵓⵔⵜ: ⵎⴰⵙⵙ ⵄⴰⴱⴷⵓⵍⵍⴰⵀ ⵍⴱⵇⵇⴰⵍⵉ, ⵎⴰⵙⵙ ⵚⴰⴱⴰⵃ ⴱⵏ ⴷⴰⵡⵓⴷ, ⵎⴰⵙⵙ ⵎⵓⵃⴰⵎⵎⴰⴷ ⵎⴰⵎⵎⴰⴷ, ⵎⴰⵙⵙ ⵄⴰⴱⴷⵍⵡⴰⵀⵀⴰⴱ ⵕⵕⴰⵎⵉ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵜⵜⴰⵡⵇⴰⵔⵏⵉⵏ,

ⴰⴳⴷⵓⴷ ⵉⵃⴰⴹⵕⵏ

ⴰⵔ ⵏⵜⵜⵉⵏⵉ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⴳⴰⵏ ⵉⵏⵖⵎⴰⵙⵏ ⴰⵎⴷⵔⴰⵡ ⵏⵏⵖ ⴳ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵏⵎⵎⴰⵖ ⵖ ⵓⵎⵢⴰⵡⴰⴹ ⵉⵙⵓⵍⵏ ⴷ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵖⵎⴰⵙⵏ, ⵙ ⵉⵙⵉⵡⴹⵏ ⵉⵏⵖⵎⴰⵙⵏ ⴼ ⵜⵡⵡⵓⵔⵉ ⵏ ⵓⵙⵇⵇⵉⵎ, ⴷ ⵓⵙⵓⵊⴷ ⵏ ⵉⵏⵖⵎⵉⵙⵏ ⵉⴱⵕⵍⴰⵎⴰⵏⵉⵢⵏ ⴷ ⵜⴻⵜⴳⴰⵔⵉⵏ ⴷ ⵜⵎⵓⵛⴰ ⵙ ⵓⵍⴳⴳⵓⴷ ⴷ ⵉⵎⴰⵙⵙⵏⵏ ⵍⵍⴰⵏⵉⵏ, ⴷ ⵜⵖⵓⵔⵉ ⵏⵏⵙ ⵉ ⵜⵉⵍⵉⵜ ⴳ ⵜⵉⵍⴰⵍ ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵙ ⵓⵡⵇⵇⵔ ⵏ ⵉⴱⴹⵉⵢⵏ ⵏ ⵓⴷⵓⵙⵜⵓⵔ ⴷ ⵓⵏⴳⵔⴰⵡ ⴰⴳⵯⵏⵙⴰⵏ. ⵔⵉⵖ ⴰⴷ ⵉⵏⵉⵖ ⵖⵉⴷ ⵎⴰⵙ ⴷ ⴰⵙⵏⴼⴰⵔ ⵏ ⵓⵏⴳⵔⴰⵡ ⴰⴳⵏⵙⴰⵏ ⴰⵎⴰⵢⵏⵓ ⴰⵔ ⵜ ⵜⴰⵇⵔⴰ ⵢⴰⵜ ⵜⵙⵇⵇⵉⵎⵜ ⵉⵥⵍⵉⵏ, ⵔⴰⴷ ⴳⵉⵙ ⵉⵍⵉⵏⵜ ⵜⵓⴳⵜ ⵏ ⵜⵎⴰⵢⵏⵓⵜⵉⵏ ⵍⵍⵉ ⵔⴰⴷ ⵉⵙⵉⵙⴼⵉⵡ ⴽⵉⴳⴰⵏ ⵜⴰⵣⴷⴰⵢⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵎⴰⵙⵙⵏ ⵏ ⵓⵙⵏⵖⵎⵙ ⴳ ⵜⵎⴰⵣⵉⵔⵜ ⵏⵏⵖ, ⴰⵢⵍⵍⵉ ⵉⵙⴽⴰⵔⵏ ⴰⵣⵔⴼ ⵏ ⵉⵎⵉⵥ ⵏ ⵜⵎⵓⵛⴰ ⴷ ⵜⵎⵙⴽⵔⵜ ⵏ ⵓⵙⵏⵖⵎⵙ ⵉⵥⵉⵍⵏ ⵉⵜⵜⵓⵇⵇⴰⵔⵏ ⵉⵙⵍⴳⵏⵏ ⵍⵍⴰⵏⵉⵏ.

ⵙ ⵜⵎⵍⴷⴰ, ⴰⵔ ⴰⵡⵏ ⵏⵜⵜⵉⵏⵉ, ⴳ ⵓⵙⴰⵜⵉ ⵏ ⵓⵙⵓⵊⴷ ⵏ ⵜⴼⴰⴷⵉⵡⵉⵏ ⴷ ⵓⵙⴰⵏⵉⵏ ⴷ ⵜⵡⵡⵓⵔⵉ ⵜⴰⵏⵖⵎⴰⵙⵜ ⵜⴰⵣⵣⵓⵍⴰⵏⵜ ⴳ ⵜⵎⵔⵙⵍⵜ ⵜⴰⵣⵣⵔⴰⴼⵜ, ⵉⵎⵙⴰⵙⴰ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴼ ⵜⴱⵔⵉⴷⵜ ⵜⴰⵎⴰⵢⵏⵓⵜ ⵉ ⵓⵙⵖⵣⵏ ⵏ ⵜⵎⵔⵙⴰⵏ ⵜⵉⵏⵖⵎⴰⵙⵉⵏ ⴷ ⵉⵏⵖⵎⴰⵙⵏ ⴳ ⵓⴱⵕⵍⴰⵎⴰⵏ, ⵔⴰⴷ ⵢⵉⵍⵉ ⵓⵣⵣⴳⵉⵔ ⵏⵏⵙ ⵖ ⵎⴰⵏⵏ ⵓⵔ ⵢⴰⴳⴳⵓⴳⵏ. ⵏⵙⴷⴷⵉⴷ ⵖⵉⴷ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⵎⴷⵔⴰⵡⵜ ⴷ ⵓⵎⵢⴰⵡⴰⵙ ⴰⴽⴷ ⵉⵏⵖⵎⴰⵙⵏ ⴷ ⵜⴳⵔⴰⵡⵉⵏ ⵏ ⵓⵙⵏⵖⵎⵙ ⴳ ⵓⵙⵓⵊⴷ ⵏ ⵜⵎⵓⵛⴰ ⵜⵉⵎⵢⵉⵎⴰⵏⵉⵏ ⵎⵎⴰⵍⴰⵏⵉⵏ ⵜⵉⴷⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵜⴰⵡⵙ ⴳ ⵓⵣⵓⵣⵣⵔ ⵏ ⵓⵙⴼⵔⴽ ⴷ ⵡⴰⵜⵉⴳⵏ ⵏ ⵜⵏⵎⵓⵔⵉ, ⵍⵍⵉⵖ ⵏⴼⵔⴽ ⵎⴰⵙ ⴷ ⴰⵣⵓⵣⵣⵔ ⵏ ⴳⴰⵔ ⵉⵏⵖⵎⵉⵙⵏ ⴳ ⵓⵥⵟⵟⴰ ⵏ ⵓⵎⵢⴰⵡⴰⴹ ⴰⵏⴰⵎⵓⵏ ⴷ ⵍⴰⵏⵜⵉⵔⵏⵉⵜ ⴷ ⵉⵎⴰⵙⵙⵏ ⵏ ⵓⵙⵏⵖⵎⵙ, ⵖⵓⵔⵙ ⴳⴰⵔ ⵉⴷⵔⵉⵣⵏ ⵀⵔⵛⵏⵉⵏ ⴼ ⵜⵡⵡⵓⵔⵉ ⵜⴰⴷⵉⵎⵓⵇⵔⴰⵟⵉⵜ.

ⵖ ⵜⴳⵉⵔⴰ, ⴷⴰ ⵙⵙⵔⵖⵓⴷⵖ ⵡⵉⴷⴰ ⵎⵓ ⵜⵚⴰⵃⴰ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵏ 2022, ⵙⵉⵜⵉⵎⵖ ⴰⵙⵏ ⴽⵉⴳⴰⵏ ⵏ ⵓⵎⵓⵔⵙ ⴷ ⵜⵢⵢⴰⴼⵓⵜ, ⵉⵖ ⴰⴽⴽ ⵏⵙⵙⵏ ⵎⴰⵙ ⴷ ⴰⵔ ⵖⵉⵍⵉ ⵜⴰⵙⵇⵇⵉⵎⵜ ⵜⴰⵏⴼⴳⵓⵔⵜ ⴰⴷ ⵉⵙⵙⵏⵏ ⵡⵉⴷⴰ ⵉⵡⵉⵏⵉⵏ ⵜⴰⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⴳⴳⵯⴰⵙ ⴰⴷ ⴳ ⴽⴽⵓⵥ ⵉⴳⵔⴰⵏ, ⵏⵎⵎⴰⵖ ⴰⴷ ⵉⵍⵉⵏⵜ ⵜⴼⴰⴷⵉⵡⵉⵏ ⵃⵎⴰ ⴰⴷ ⵜⵚⵉⵃⵉ ⵜⵙⵎⵖⵓⵔⵜ ⵉ ⵡⵉⴷ ⵜⵜ ⵙⵜⴰⵀⵍⵍⴰⵏⵉⵏ.

ⵏⴻⵏⵏⵓⵔⵣ ⴰⴷ ⵜⴼⴽ ⵜⵙⵎⵖⵓⵔⵜ ⴰⴷ ⵜⴰⴷⵉⵏⴰⵎⵉⵜ ⵉ ⵜⵏⵖⵎⴰⵙⵉⵏ ⴷ ⵉⵏⵖⵎⴰⵙⵏ ⵙⵍⴰⵡⴰⵏ ⴰⴽⴽⵯ ⵡⵉⴷⴰ ⴳⴰⵏⵉⵏ ⵉⵄⵔⵔⵉⵎⵏ, ⵜⴰⵡⵙ ⴰⵙⵏ ⴳ ⵓⵙⵏⴼⵍⵓⵍ  ⴷ ⵜⵡⵡⵓⵔⵉ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵓⴱⵔⵉⴷ ⴰⴷⵉⵎⵓⵇⵕⴰⵟⵉ ⴳ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ