ⴰⵎⴹⴰⴽⴰⵕ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵜⵎⵖⴰⵔⵉⵏ ⴳ ⵍⵉⴱⵢⴰ ⴼ ⵜⵎⵙⴰⵔⵉⵏ ⵏ ⵜⵎⵖⴰⵔⵜ

ⵜⵙⴽⵔ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⵙⵉⵎⵡⴰⵙ 27 ⵏⵓⵡⴰⵏⴱⵉⵔ 2020 ⵖ ⵓⵙⵖⵉⵎ ⵏ ⵓⵙⵇⵇⵉⵎ, ⵉⵎⴹⴰⴽⴰⵕⵏ ⴷ ⵜⴱⴰⵕⵍⴰⵎⴰⵏⵉⵢⵉⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵉⴱⵢⴰ, ⵖ ⵓⵙⴰⵜⵉ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵙⵉⵏ ⵉⵙⵇⵇⵉⵎⵏ ⴷⴼⴼⵉⵔ ⵏ ⵓⵣⵎⵎⴻⵎ ⵏ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⵊⴰⵔ ⵏⵏⵙⵏ ⵖ ⵢⵓⵍⵢⵓⵣ 2020.

ⵃⴰⴹⵕⵏⵜ ⵜⴳⵎⴰⵎⵉⵏ ⵏ ⵜⵔⴰⴱⴱⵓⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⴼⴰⵟⵉⵎⴰ ⵥⵥⴰⵀⵕⴰ ⵏⴰⵣⵉⵀ, ⴷ ⵙⵎⵎⵓⵙⵜ ⴷ ⵎⵔⴰⵡⵜ ⵏ ⵜⵎⴰⵔⵉⵜ ⵙⴳ ⵓⴱⵕⵍⴰⵎⴰⵏ ⴰⵍⵉⴱⵉ.

ⵖ ⵓⵏⵎⵓⵇⴰⵔ ⴰⴷ, ⵉⵜⵜⵓⴱⴷⴰⵔ ⵓⵛⵛⵉⵍ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴰⴱⵕⵍⴰⵎⴰⵏⵉ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⴷⵔⴰⵡ ⵏ ⵜⵎⵓⵣⴰⵢⵉⵏ ⴷ ⵓⵣⴷⴷⵓⵢ ⵉ ⵓⵙⵎⵀⵍ ⵏ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⵉⵜⵜⵓⵣⵎⵎⴰⵎⵏ ⵎⵏⵏⴰⵡ ⵢⵢⵉⵔⵏ ⴰⴷ ⵏⴳⵔ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴰⵍⵉⴱⵉ.

ⵏⵏⴰⵏⵜ ⵜⴱⴰⵕⵍⴰⵎⴰⵏⵉⵢⵉⵏ ⵜⵉⵍⵉⴱⵉⵢⵉⵏ « ⴰⵙⵎⵖⵔ ⵏⵏⵙⵏⵜ ⵉ ⵜⵖⵓⵔⵉ ⵜⴰⵎⵖⵔⵉⴱⵉⵜ, ⵙⵓⵜⴳⵏⵜ ⵜⵉⵍⴰⵍⵜ ⵏ ⵍⵎⵖⵔⵉⴱ ⵖ ⵓⴼⵙⵙⴰⵢ ⵏ ⵜⴰⵙⵙⴰⵙⵜ ⵜⴰⵍⵉⴱⵉⵜ ⴷ ⵡⴰⴷⴷⴰⴷ ⵏⵏⵙ ⵖ ⵓⵎⵣⴰⵖ ⵏ ⵜⵢⴰⵏⵜ ⴷ ⵓⵔⴳⴳⵉⴳ ⵏ ⵍⵉⴱⵢⴰ ».  ⵖⵎⴽ ⵍⵍⵉ ⴱⴷⵔⵏⵜ ⴰⵅⵎⵎⴻⵎ ⵏⵏⵙⵏⵜ ⵖ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⵖ ⵢⵉⴳⵔ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ.

ⵉⴳⴰ ⵓⵏⵎⵉⵇⵇⴰⵔ ⴰⴷ ⵜⴰⵎⵍⴷⴰ ⵏ ⵜⵓⵙⵙⵏⴰ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⴷ ⵉⵙⵏⴼⴰⵔⵏ ⵏⵏⵙ ⴷ ⵓⵣⴷⴰⵢ ⵏⵏⵙ ⴷ ⵡⴰⵎⵓⵏ ⴰⵖⵔⵎⴰⵏ ⴷ ⵜⵡⵓⵔⵉ ⵉⵍⵍⴰⵏ ⵉ ⵓⵙⴷⵓⵙ ⵏ ⵓⵙⴰⵎⵓ ⵖ ⵡⴰⵎⵓⵏ ⴰⵎⵖⵔⵉⴱⵉ.

ⵜⵙⵎⵏⵉⴷ ⵜⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵎⴰⵙⵙⴰ ⴼⴰⵟⵉⵎⴰ ⵥⵥⴰⵕⴰ ⵏⴰⵣⵉⵀ  ⴷ ⵜⴳⵎⴰⵎⵉⵏ ⵏ ⵜⵔⴰⴱⴱⵓⵜ ⵉⵙⵉⵙⴼⵉⵡⵏ  ⴼ ⵜⵔⴰⴱⴱⵓⵜ ⴰⴷ ⵖ ⵓⵎⵏⵉⴷ ⵏ ⵓⵏⵄⴰⵔ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⵖ ⵜⵎⴰⵣⵉⵔⵜ ⵏⵏⵖ.

ⵜⵜⵓⴱⴷⴰⵔ ⵓⵍⴰ ⵜⵣⵣⵉⴳⵣⵜ ⵏ ⵜⴳⵏⵙⴰⵙⵜ ⵏ ⵜⵎⵖⴰⵔⵉⵏ ⵖ ⵓⴱⵕⵍⴰⵎⴰⵏ, ⵙⴳ ⵙⵏⴰⵜ ⵜⵎⵖⴰⵔⵉⵏ ⵖ 1993 ⴰⵔ 35 ⵖ 2002, ⵙ 34 ⵖ 2007, ⴰⵔ 67 ⵖ 2011, ⵜⵍⴽⵎ ⵖⵉⵍⴰ ⴷ 82 ⵏ ⵜⵎⵖⴰⵔⵜ ⵙ 21 %.

ⵖⵎⴽ ⵍⵍⵉ ⵙⴰⵡⴰⵍⵏ ⵜⴳⵎⴰⵎⵉⵏ ⵏ ⵜⵔⴰⴱⴱⵓⵜ ⴼ ⵜⵎⵙⴰⵙⵜⵍⵜ ⵉⵥⵍⵉⵏ ⵙ ⵡⴰⵏⴰⵡ ⴷ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵀⵎⵎⴰⵏⵉⵏ ⵜⴰⵎⵖⴰⵔⵜ ⴰⵎ ⴰⵙⵍⴳⵏ ⴼ ⵜⴽⵕⴹⵉ ⴰⵎⵏⵉⴷ ⵏ ⵜⵎⵖⴰⵔⵉⵏ, ⴷ ⵉⵙⵍⴳⵏⵏ ⵀⵎⵎⴰⵏⵉⵏ ⵜⵉⵍⵉⵜ ⵏ ⵜⵎⵖⴰⵔⵜ ⵖ ⵜⵣⵣⵓⵍⵉⵏ ⵏ ⵜⵎⴰⵙⴰⵢⵜ.

ⵖⵎⴽ ⵍⵍⵉ ⵏⵏⴰⵏⵜ ⵜⴳⵎⴰⵎⵉⵏ ⵎⴰⵙ ⵉⵙⵏⴼⵍ ⵓⵙⵎⴰⵇⵍ ⵏ ⵡⴰⵎⵓⵏ ⴰⵎⵖⵔⵉⴱⵉ ⵎⴳⴰⵍ ⵏ ⵜⵎⵙⴰⵔⵜ ⵏ ⵜⵎⵖⴰⵔⵜ ⵙ ⵜⵉⵍⵉⵜ ⵏ ⵓⵙⵍⴳⵏ ⵏ ⵜⴰⵡⵊⴰ, ⴱⴷⵔⵏⵜ ⵓⵍⴰ ⵜⴰⵡⵓⵔⵉ ⵜⴰⴷⵎⵙⴰⵏⵜ ⵏ ⵜⵎⵖⴰⵔⵜ ⴷ ⵜⵡⵉⵙⵉ ⵏⵏⵙ ⵖ ⵓⴼⴰⵔⵙ ⴰⴳⵯⵏⵙⴰⵏ ⵖ ⵍⵎⵖⵔⵉⴱ.

ⵖ ⵜⴳⵉⵔⴰ, ⵙⵓⵜⴳⵏⵜ ⵜⴱⴰⵕⵍⴰⵎⴰⵏⵉⵢⵉⵏ ⵃⴰⴹⵕⵏⵉⵏ ⴰⵏⵢⴰⵍⴽⴰⵎ ⴰⴷ ⵉⵥⵉⵍⵏ, ⵎⴹⴰⴽⴰⵕⵏⵜ ⵓⵍⴰ ⴼ ⵓⵙⴽⵔ ⵏ ⵜⵎⵓⵏⵜ ⵏ ⵜⴱⴰⵕⵍⴰⵎⴰⵏⵉⵢⵉⵏ ⵖ ⵍⵎⴰⵖⴰⵔⵉⴱ.