ⴰⵙⵇⵇⵉⵎ ⵏ ⵉⵎⵓⵔⴰ ⵉⵙⵖⵣⵏ ⵙ ⵓⵎⴰⴽⵕⴰⴹ ⵜⵥⴰⵜ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵎⵎⴰⵍⴰⵏⵉⵏ ⵜⴰⴷⵉⵏⴰⵎⵉⵜ ⵉⵣⵣⵉⴳⵣⵏ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴰⴽⵕⴰⴹ, ⴰⵢⵏⴰⵙ 16 ⵏⵓⵡⴰⵏⴱⵉⵔ 2020, ⵜⵥⴰⵜ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ, ⴳⵉⵙⵏⵜ ⵙⵏⴰⵜ ⵜⵉⴳⵜⵉⵔⴰⵏⵉⵏ ⴼ ⵉⵙⴰⴼⴰⵔⵏ ⴷ ⵉⴳⵔ ⵏ ⵉⵔⴳⴰⵢⵏ, ⴷ ⵙⴰⵜ ⴳⴰⵏⵉⵏ ⵜⵉⵙⵉⵏⵔⴰⵏⵉⵏ ⴷ : ⵍⵎⴰⵊⴰⵕ, ⵜⴰⴳⵍⴷⵉⵜ ⵏ ⵍⵓⵕⴹⵓⵏ, ⵜⵓⵔⴽⵎⴰⵏⵉⵙⵜⴰⵏ, ⵍⵢⴰⴱⴰⵏ, ⴱⵕⵉⵟⴰⵏⵢⴰ. ⵖ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵉⵍⵉⵜ ⵏ ⵎⴰⵙⵙⴰ ⵏⵣⵀⴰ ⵍⵡⴰⴼⵉ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ, ⵉⵜⵜⵓⵙⵎⴰⴳⴰⵍⵏ ⵙ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ.

ⴳⴰⵏⵜ ⵜⵎⵢⴰⵇⵇⴰⵏⵉⵏ ⴰⴷ ⵉⵙⵏⴼⴰⵔⵏ ⵏ ⵉⵙⵍⴳⵏⵏ :

1-   ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 09.20 ⵉ ⵓⵙⵖⵣⵏ ⵏ ⵜⵎⵢⴰⵇⵇⴰⵏⵜ ⵉⵙⴽⵔⵏ ⵜⴰⵙⵏⵓⵔⴰⵢⵜ ⵜⴰⴼⵔⵉⵇⵉⵜ ⵏ ⵉⵙⴰⴼⴰⵔⵏ, ⵉⵜⵜⵓⵙⵖⵣⴰⵏⵏ ⵖ ⴰⴷⵉⵙ ⴰⴱⴰⴱⴰ (ⵉⵜⵢⵓⴱⵢⴰ) ⵖ 11 ⴱⵕⴰⵢⵕ 2019,

2-   ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 75.19 ⵉ ⵓⵎⵙⴰⵛⴽⴰ ⴼ ⵜⵎⴰⵢⴰⵇⵇⴰⵏⵜ ⵜⴰⴳⵜⵉⵔⴰⵏⵜ ⵉ ⵓⵣⵣⴳⵉⵔ ⵏ ⵜⵎⵙⴽⴰⵔ ⵣⴷⵉⵏⵉⵏ ⴷ ⵜⵎⵢⴰⵇⵇⴰⵏⵉⵏ ⵏ ⵓⵔⴳⴰⵢ, ⵉⵜⵜⵓⵙⵖⵣⴰⵏⵏ ⵖ ⴱⴰⵔⵉⵣ ⵖ 24 ⵏⵓⵡⴰⵏⴱⵉⵔ 2016 ⵍⵍⵉ ⴼ ⵜⵣⵎⵎⵉⵎ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵖ 25 ⵢⵓⵏⵢⵓ 2019,

3-   ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 65.19 ⵉ ⵓⵎⵙⴰⵛⴽⴰ ⴼ ⵜⵎⵢⴰⵇⵇⴰⵏⵜ ⴼ ⵓⵎⵢⴰⵡⴰⵙ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⵏⴱⴰⴹⵜ ⵏ ⵍⵓⵕⴹⵓⵏ ⵖ ⵢⵉⴳⵔ ⴰⵄⵚⴽⵕⵉ ⴷ ⵓⵜⵉⵇⵏⵉ, ⵉⵜⵜⵓⵣⵎⵎⴰⵎⵏ ⵖ ⵄⴰⵎⵎⴰⵏ ⵖ 20 ⵢⵓⵍⵢⵓ 2019,

4-   ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 11.20 ⵉ ⵓⵎⵙⴰⵛⴽⴰ ⴼ ⵜⵎⵢⴰⵇⵇⴰⵏⵜ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⵏⴱⴰⴹⵜ ⵏ ⵜⵓⵔⴽⵓⵎⴰⵏⵉⵙⵜⴰⵏ ⴼ ⵓⵎⵢⴰⵡⴰⵙ ⵏ ⵓⵙⵖⵏⵣⵉ ⴷ ⵓⴷⵎⵙⴰⵏ ⴷ ⵓⵜⵉⵇⵏⵉ ⴷ ⵓⵎⴰⵙⵙⴰⵏ ⴷ ⵓⴷⵍⵙⴰⵏ,

5-   ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 33.20 ⵉ ⵓⵎⵙⴰⵛⴽⴰ ⴼ ⵜⵎⵢⴰⵇⵇⴰⵏⵜ ⵏⴳⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵍⵢⴰⴱⴰⵏ ⵉ ⵓⵙⵉⵜⵜⵉ ⵏ ⵓⵙⵉⵏⵔⴰⵏ ⵖ ⵢⵉⴳⵔ ⵏ ⵉⵔⴳⴰⵢⵏ ⴷ ⵓⵙⵉⵜⵜⵉ ⵏ ⵜⵓⴽⴽⵕⴹⴰ ⵖ ⵢⵉⴳⵔ ⵏ ⵉⵔⴳⴰⵢⵏ, ⵉⵜⵜⵓⵣⵎⵎⴰⵎⵏ ⵖ ⵕⵕⴱⴰⵟ ⵖ 8 ⵉⵏⵏⴰⵢⵔ 2020,

6-   ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 34.20 ⵉ ⵓⵎⵙⴰⵛⴽⴰ ⴼ ⵜⵎⵢⴰⵇⵇⴰⵏⵜ ⵏⴳⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵍⵢⴰⴱⴰⵏ ⵉ ⵓⵙⵙⵔⵇⴱ ⴷ ⵓⴼⵔⴰⴳ ⵏ ⵓⵙⵙⴰⵔⵓ, ⵉⵜⵜⵓⵣⵎⵎⴰⵎⵏ ⵖ ⵕⵕⴱⴰⵟ ⵖ 8 ⵉⵏⵏⴰⵢⵔ 2020,

7-   ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 15.20 ⵉ ⵓⵎⵙⴰⵛⴽⴰ ⴼ ⵜⵎⵢⴰⵇⵇⴰⵏⵜ ⴼ ⵓⵙⵎⴰⵜⵜⵉ ⵏ ⵉⵡⴷⴰⵏ ⴼ ⵉⵍⵍⴰ ⵓⵚⵕⴰⴹ ⵏ ⵜⵙⵏⴱⴹⴰⵢⵉⵏ ⵏⴳⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⵏⴱⴰⴹⵜ ⵏ ⵍⵎⴰⵊⴰⵕ, ⵉⵜⵜⵓⵣⵎⵎⴰⵎⵏ ⵖ ⵎⵕⵕⴰⴽⵛ ⵖ 21 ⴽⵟⵓⴱⵕ 2019,

8-   ⴰⵙⵏⴼⵔⴰⵔ ⵏ ⵓⵙⵍⴳⵏ ⵓⵟⵟⵓⵏ 37.20 ⵉ ⵓⵎⵙⴰⵛⴽⴰ ⴼ ⵜⵎⵢⴰⵇⵇⴰⵏⵜ ⴼ ⵜⵎⴰⴷⵔⴰⵡⵜ ⵏⴳⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⴱⵕⵉⵟⴰⵏⵢⴰ ⴷ ⵉⵕⵍⴰⵏⴹⴰ, ⵉⵜⵜⵓⵣⵎⵎⴰⵎⵏ ⵖ ⵍⵓⵏⴹⵓⵏ ⵖ 26 ⴽⵟⵓⴱⵕ 2019,

9-   ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 14.20 ⵉ ⵓⵎⵙⴰⵛⴽⴰ ⴼ ⵜⵎⵢⴰⵇⵇⴰⵏⵜ ⵏ ⵜⵉⴽⴽⵉ ⵏ ⵉⴷ ⴱⵓ ⵉⴱⴽⴽⴰⴹⵏ ⵏⴳⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵍⵎⴰⵊⴰⵕ, ⵉⵜⵜⵓⵣⵎⵎⴰⵎⵏ ⵖ ⵎⵕⵕⴰⴽⵛ ⵖ 21 ⴽⵟⵓⴱⵕ 2019, ⵃⵎⴰ ⴰⴷ ⵢⵉⵍⵉ ⵓⵎⵢⴰⵡⴰⵙ ⵉⵕⵡⴰⵏ ⵏⴳⵔ ⵙⵏⴰⵜ ⵜⵎⵉⵣⴰⵔ ⵖ ⵢⵉⴳⵔ ⵏ ⵓⵙⴱⴷⴷⵉ ⵏ ⵉⴱⴽⴽⴰⴹⵏ.

ⵖ ⵓⵙⵎⵏⵉⴷ ⵏ ⵉⵙⵏⴼⴰⵔⵏ ⴰⴷ, ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⴰⵙⴰⵙⵜ ⵎⴰⵙ ⴰ ⵎⵎⴰⵍⴰⵏ ⵜⴰⴷⵉⵏⴰⵎⵉⵜ ⵉⵣⵣⵉⴳⵣⵏ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ ⴰⴼⴰⴷ ⴰⴷ ⵢⵉⵍⵉ ⵓⵎⵢⴰⵏⴰⵡ ⵏ ⵜⵎⴰⴷⵔⴰⵡⵉⵏ ⵖ ⴽⵓ ⵉⴳⵔⴰⵏ, ⴰⵢⵍⵍⵉ ⵔⴰⴷ ⵉⵙⵙⴷⵓⵙ ⴰⴷⵖⴰⵔ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵖ ⵉⵙⵡⵉⵔⵏ ⵉⴷⵉⴱⵍⵓⵎⴰⵙⵉⵢⵏ ⴷ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⵖ ⵓⵙⵡⵉⵔ ⴰⵏⵎⵏⴰⴹ ⴷ ⵓⴼⵔⵉⵇⵉ ⴷ ⵓⴳⵔⴰⵖⵍⴰⵏ, ⵙ ⵓⵣⵣⴳⵉⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⵜⵉⵏⵉ ⵎⴰⵙⵙⴰ ⵍⵡⴰⴼⵉ ⵎⴰⵙ ⵉⵙⵡⵓⵔⵉ ⵍⵎⵖⵔⵉⴱ ⵖ ⵉⵙⴳⴳⵯⴰⵙⵏ ⴰⴷ ⴳⴳⵓⵔⴰⵏⵉⵏ ⵖ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵖ ⴰⵙⵢⴰ ⴷ ⵉⴼⵔⵉⵇⵢⴰ, ⵉⴳ ⵜⴰⵙⵉⵍⴰ ⵏ ⵓⵎⵢⴰⵡⴰⴹ ⵏⴳⵔ ⵉⵎⴰⵥⵓⵏⵏ ⴰⴷ ⵍⵍⵉⵖ ⴷⴰⵔⵙ ⵜⵉⵍⴰⵍⵜ ⵜⴰⵎⵣⵡⴰⵔⵓⵜ.

ⵡⴰⵜⵜⵙⵏⵜ ⵜⵎⵢⴰⵇⵇⴰⵏⵉⵏⵉ ⵜⵉⵙⵉⵏⵔⴰⵏⵉⵏ ⴷ ⵉⵡⴰⵏⴽⵏ ⵉⵎⴷⴷⵓⴽⴽⵯⴰⵍ ⴰⵙⴷⵓⵙ ⵏ ⵜⵎⴰⴷⵔⴰⵡⵜ ⴷ ⵓⵙⴰⵢⵔⴰⵔ ⴰⵄⵕⴰⴱ ⴷ ⵓⵕⵓⴱⴱⵉ ⴷ ⴰⵙⵢⴰⵡⵉ, ⴳⵉⵏⵜ ⵜⵎⵢⴰⵇⵇⴰⵏⵉⵏ ⵜⵉⴳⵜⵉⵔⴰⵏⵉⵏ ⴰⵙⴷⵓⵙ ⵏ ⵜⵉⵍⵉⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵖ ⵓⵙⴰⵜⵉ ⵏⵏⵙ ⴰⴼⵔⵉⵇⵉ ⴷ ⵓⵙⴷⵓⵙ ⵏ ⵓⵏⴱⴰⴹ ⵏ ⵉⵔⴳⴰⵢⵏ ⵉ ⵓⵎⵙⴰⵙⴰ ⴷ ⴰⵢⵍⵍⵉ ⴷ ⵜⵉⵡⵉ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⵜⴰⴷⵎⵙⴰⵏⵜ.