Skip to main content

ⴰⵙⵓⵜⴳ ⴷ ⵓⵙⵏⴰⵍ ⵏ ⴽⵓ ⵉⴳⵏⵙⴰⵙⵏ ⵏ ⵜⵎⵜⵜⵉ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵉⵥⵎⵓⵥⵥⴰⵍ ⵏ ⵜⵎⴰⵙⴰⵢⵜ ⴷ ⵜⵣⵓⵍⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵃⴼⴹ ⵕⴱⴱⵉ ⵉ ⵓⵎⵣⴰⵖ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ

ⵍⵍⵉⵖ ⵜⴳⴰ ⵜⵎⵙⴰⵔⵜ ⵜⴰⵏⴰⵎⵓⵔⵜ ⵜⴰⵎⵣⵡⴰⵔⵓⵜ ⵜⴰⵎⵙⴼⵓⵥⵥⵕⵜ, ⵜⴰⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉ, ⵉⵟⵟⴰⴼⵏ ⵜⵓⵍⴳⵉⵏⵜ ⵜⴰⵎⵣⴰⵔⴰⵢⵜ ⴷ ⵜⵣⵔⴼⴰⵏⵜ ⴷ ⵜⵉⵏ ⵜⵉⵍⴰⵡⴰⵜ ⵍⵍⵉ ⵉⵎⵎⴰⵍⴰⵏ ⴰⵖⵣⴰⵏ ⵏ ⵡⴰⴷⴷⴰⴷ ⴰⵎⵖⵔⵉⴱⵉ ⵉⵎⵓⵏⵏ ⴷ ⵓⵎⴰⴽⵕⴰⴹ ⴰⵏⴰⵎⵓⵔ ⵉⴱⴷⴷⵏ ⴷ ⵉⵙⵓⵍⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵔ ⵜⵜⵙⴷⴷⵉⴷⵏ ⵉⴳⵏⵙⴰⵙⵏ ⵏ ⵜⵎⵜⵜⵉ ⴰⵙⵓⵜⴳ ⵏⵏⵙⵏ ⴷ ⵓⵙⵏⴰⵍ ⵏⵏⵙⵏ ⵉ ⵉⵥⵎⵓⵥⵥⴰⵍ ⵏ ⵜⵎⴰⵙⴰⵢⵜ ⴷ ⵜⵣⵓⵍⵜ ⵍⵍⵉ ⵙⴽⴰⵔⵏⵜ ⵜⴰⴳⴳⴰⵍⵉⵏ ⵏⵏⵖ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵙⵙⵉⵅⴼ ⴰⵏⴰⴼⵍⵍⴰ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵓⵏⵙⵙⵉⵅⴼ ⵏ ⵜⵔⵙⴰⵍ ⵏ ⵜⵎⴰⵖⵜ ⵜⴰⵎⴰⵜⴰⵢⵜ ⵉ ⵓⵎⵣⴰⵖ ⵏ ⵜⵓⵍⴳⵉⵏⵜ ⴷ ⵜⵉⵍⵉⵜ  ⵏ ⵜⴼⵔⵓⵜ ⴷ ⵓⵔⴳⴳⵉⴳ ⵖ ⴽⵓ ⵜⴰⵙⴳⵉⵡⵉⵏ ⵏ ⵜⵎⵏⴰⴹⵉⵏ ⵏ ⵉⴼⴼⵓⵙ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ.

ⵖⵎⴽ ⵍⵍⵉ ⵉⵜⵜⵣⵎⵎⵉⵎ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⴱⵓⵔⵣ ⵜⵉⵖⵜⴰⵙⵉⵏ ⵏ ⵜⴳⵍⴷⵉⵜ ⵃⵎⴰ ⴰⴷ ⵜⵙⴱⵉⴷⴷ ⴳⴰⵔ ⵙⵙⴽⴽⵉⵔ ⵖ ⵜⵙⴳⴰ ⵏ ⵍⴳⵔⴳⴰⵔⴰⵜ. ⵉⵙⵏⴰⵍ ⵓⵍⴰ ⵜⴰⵡⵓⵔⵉ ⵜⵓⵍⴳⵉⵏⵜ ⵉ ⵓⵚⵚⴼⴹ ⵏ ⵜⵙⴳⴰ ⵎⴳⴰⵍ ⴽⵓ ⵜⵉⵔⵎⵉⵜ ⵏ ⵓⵙⵙⵉⵡⴷ ⵏ ⵉⵏⵎⵓⵔⴰⵏ ⴷ ⵓⵙⴼⵍⵙ ⵏ ⵓⵣⵣⵔⴰⵢ ⵉⵙⵓⵍⵏ ⵏ ⵓⵙⵖⵏⵣⵉ ⵖ ⵉⵡⵜⵜⴰ ⵏⴳⵔ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ.

ⵖⵎⴽ ⵍⵍⵉ ⵉⵙⴷⴷⵉⴷ ⴼ ⵜⵡⵓⵔⵉ ⵜⵓⵍⴳⵉⵏⵜ ⵍⵍⵉ ⵉⵙⴽⴰⵔ ⵍⵎⵖⵔⵉⴱ ⵖ ⵓⵙⴰⵜⵉ ⵏ ⵜⵙⵓⵖⵍⵜ ⵜⴰⵣⵔⴼⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵙⴽⵔ ⵙ ⵓⵣⵔⴼ ⵏ ⵓⵔⴳⴳⵉⴳ ⵏ ⵜⴼⵔⵓⵜ ⵖ ⵜⵙⴳⴰ ⵖ ⵜⵉⵣⵉ ⴰⴷ ⵉⴳⴳⵓⵔⴰⵏ.

ⵉⵍⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⴽⵓ ⵜⵉⵖⵜⴰⵙⵉⵏ ⵔⴰⵏⵉⵏ ⴰⴷ ⵓⵔⵔⵉⵏⵜ ⵜⵖⴰⵡⵙⵉⵡⵉⵏ ⵙ ⵜⵣⵡⵉⵔⵉ ⵏⵏⵙⵏⵜ, ⵖⵎⴽ ⵍⵍⵉ ⵉⵙⵓⵜⴳ ⵜⴰⵡⵓⵔⵉ ⵉⴳⴳⵓⵔⴰⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵖ ⵓⵔ ⵉⵍⵍⵉ ⵜⵜⴰⵄⴰⴷⴷⵉ ⵉⵍⵍⴰⵏ ⵙ ⵜⵖⵜⴰⵙⵜ ⵜⵓⵏⵥⵉⵥⵜ ⵏ ⵓⴱⴰⴹ, ⵙ ⴰⵢⵍⵍⵉ ⵉⵎⵙⴰⵙⴰⵏ ⴷ ⵜⵖⵜⴰⵙⵜ ⵏ ⵓⵙⵇⵇⵉⵎ ⵏ ⵜⴼⵔⵓⵜ ⵓⵟⵟⵓⵏ 2548 ⵍⵍⵉ ⵉⵙⴰⵡⵍⵏ ⴼ ⵜⴰⵕⵥⵉⵡⵉⵏ ⵜⵜⵓⵙⴽⴰⵔⵏⵉⵏ ⵖ ⵜⵙⴳⴰ ⵙ ⴽⵓ ⵉⴷⵔⵉⵣⵏ ⵏⵏⵙⵏⵜ.

ⵉⵙⴷⴷⵉⴷ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⴷ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵃⴼⴹ ⵕⴱⴱⵉ, ⵔⴰⴷ ⴱⴷⴷⴰ ⵉⵎⵓⵏ ⵖ ⴽⵓ ⵜⵉⵔⵎⵉⵜⵉⵏ ⵍⵍⵉ ⵔⴰⴷ ⵉⴳ ⵎⴳⵍⴰ ⵏ ⵜⵣⵣⵉⴳⵣⵜ ⵉⴼⴰⵡⵏ ⵏⵖ ⴰⵙⵏⴼⵍ ⵏ ⵓⵙⵓⵔⵙ ⴰⵣⵔⴼⴰⵏ ⴷ ⵓⵎⵣⴰⵔⴰⵢ ⵖ ⵓⵙⵏⵇⵔ ⵏ ⵓⵖⵔⴰⴱ ⵏ ⵜⴼⵔⵓⵜ.

ⵍⵍⵉⵖ ⴹⴼⵕⵏ ⵉⴳⵏⵙⴰⵙⵏ ⵏ ⵜⵎⵜⵜⵉ ⵜⵉⵣⵣⵉⴳⵣⵉⵏ ⴰⴷ ⵙ ⵓⵅⵎⵎⴻⵎ ⵉⴳⴳⵓⵜⵏ, ⴰⵔ ⵜⵜⵙⴷⴷⵉⴷⵏ ⴰⵙⴱⴷⴷⵉ ⵏⵏⵙⵏ ⵏ ⴽⵓ ⵜⵉⵔⵎⵉⵜⵉⵏ ⴷ ⵓⵙⵙⴰⵔⵓ ⵏ ⴽⵓ ⵜⵉⵥⴹⴰⵕⵉⵏ ⵍⵍⴰⵏⵉⵏ ⵖ ⵓⵙⵡⵉⵔ ⴰⴱⵕⵍⴰⵎⴰⵏⵉ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵃⵎⴰ ⴰⴷ ⵉⵖⵍⵉ ⵡⴰⵡⴰⵍ ⴰⵣⵔⴼⴰⵏ ⵏ ⵍⵎⵖⵔⵉⴱ ⵉⵖⵥⴰⵏⵏ ⵉⴳⴰⵏ ⴰⵣⵔⴼⴰⵏ ⴷⴰⵔ ⴽⵓ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⴳⴰⵡⴰⵏⵉⵏ ⴷ ⵜⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ.