ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵖ ⵓⵙⵏⵓⴱⴳ ⵏⵏⵙ ⵙⴳ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ...ⴰⵏⵙⵙⵉⵅⴼ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵖ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏ ⴼⵕⴰⵏⵚⴰ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⵚⴰⵡⵉⵜ-ⵜⴰⵎⵖⵔⵉⴱⵉⵜ ⵉⵙⴷⴷⵉⴷ:”ⴼⵕⴰⵏⵚⴰ ⴷⴰ ⵜⵜⵓⵇⴰⵔ ⵜⵙⵓⵜⴳ ⵍⵉⵙⵍⴰⵎ ⴷ ⵓⵎⴰⵣⴰⵏ ⵏⵏⵙ, ⴰⵙⵙⵀⵔⵛ ⵏⵏⵙⵏ ⵓⵔ ⵉⴳⵉ ⵜⴰⵏⵏⴰⵢⵜ ⵏ ⵓⵎⴰⴷⴰⵏ
ⵉⵙⵏⵓⴱⴳ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵡⴰⵢⵏⴰⵙ 09 ⵏⵓⵡⴰⵏⴱⵉⵔ 2020 ⵖ ⵓⵙⵖⵉⵎ ⵏ ⵓⵙⵇⵇⵉⵎ , ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⴼⵕⴰⵏⵚⴰⵡⵉ ⵖ ⵉⵍⵍⴰ ⵎⴰⵙⵙ Christian Cambon ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵖ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴰⴼⵕⴰⵏⵚⴰⵡⵉ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⵚⴰⵡⵉⵜ-ⵜⴰⵎⵖⵔⵉⴱⵉⵜ,; ⴷ ⵎⴰⵙⵙ Mjid El Guerrab ⴰⵎⴰⵔⵉ ⵖ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⴼⵕⴰⵏⵚⴰⵡⵉⵜ ⵙⴳ “ⵉⴼⵕⴰⵏⵚⴰⵡⵉⵏ ⵏ ⴱⵕⵕⴰ”.
ⵖ ⵜⵣⵡⵉⵔⵉ, ⵉⵙⵙⵉⵙⴼⵉⵡ ⵎⴰⵙⵙ Christian Cambon ⵎⴰⵙ ⴷⴷ ⴰⵔⵣⴰⴼ ⴰⴷ ⵏⵏⵙ ⵉⵎⵎⴰⵇⵇⴰⵔ ⴷ ⵓⵔⵣⴰⴼ ⵏ ⵓⵎⴰⵡⵙⴰⵙ ⵏ ⴱⵕⵕⴰ ⵏ ⴼⵕⴰⵏⵚⴰ ⵉ ⵍⵎⵖⵔⵉⴱ, “ⵉⴳⴰ ⴰⵔⵣⴰⴼ ⵏ ⵜⴷⴷⵓⴽⵍⴰ ⴷ ⵓⵙⵉⵙⴼⵉⵡ ⵏ ⵉⵡⴰⵍⵉⵡⵏ ⵍⵍⵉ ⵓⵔ ⵜⵜⵓⵎⵔⴰⵙⵏⵉⵏ ⵣⴷⵉⵏⵉⵏ ⴷ ⵜⵎⵙⴰⵔⵉⵏ ⵏ ⵓⴱⵔⵙⵙⵉⵡⴷ ⵍⵍⴰⵏⵉⵏ ⵖ ⴼⵕⴰⵏⵚⴰ ⵖ ⵜⴳⴰⵔⵉⵡⵉⵏ ⴰⴷ”. ⵉⵙⴷⴷⵉⴷ ⵎⴰⵙ ⴰ ⵜⵜⵓⵇⵇⴰⵔ ⴼⵕⴰⵏⵚⴰ ⴰⵙⴳⴷ ⵏ ⵍⵉⵙⵍⴰⵎ ⴷ ⵓⵎⴰⵣⴰⵏ ⵏⵏⵙ, ⵍⵍⵉⵖ ⵉⴳⴰ ⵍⵉⵙⵍⴰⵎ ⵢⴰⵏ ⵓⴼⵔⴷⵉⵙ ⴰⴷⵙⵍⴰⵏ ⵏ ⵡⴰⵎⵓⵏ ⴰⴼⵕⴰⵏⵚⴰⵡⵉ , ⵖⵎⴽ ⴰⵏⵏ ⴷ ⵓⵎⴰⵣⴰⵏ ⵏⵏⵙ ⵉⴳⴰⵏ ⵜⴰⵎⴰⵜⴰⵔⵜ ⵜⴰⵅⴰⵜⴰⵔⵜ ⵏ ⵍⵉⵙⵍⴰⵎ, ⵢⵉⵏⵉ ⵎⴰⵙ ⵜⵍⵍⴰ ⵜⴷⵔⴼⵉⵜ ⵏ ⵓⵙⴳⴷ ⵖ ⴼⵕⴰⵏⵚⴰ ⵙ ⵓⵡⵇⵇⵔ ⵏ ⵉⵙⵍⴳⵏⵏ ⵍⵍⴰⵏⵉⵏ.
ⵉⵣⵎⵎⵉⵎ ⵎⴰⵙⵙ Christian Cambon ⵜⴰⴷⵓⵙⵉ ⵏ ⵜⵣⴷⴰⵢⵉⵏ ⵏⴳⵔ ⵍⵎⵖⵔⵉⴱ ⴷ ⴼⵕⴰⵏⵚⴰ, ⵢⵉⵏⵉ “ⵜⵉⵣⴷⴰⵢⵉⵏ ⵏⴳⵔ ⵙⵏⴰⵜ ⵜⵎⵉⵣⴰⵔ ⵎⵇⵇⵓⵔⵏⵜ ⴱⴰⵀⵔⴰ, ⵉⴳⴰ ⴱⴷⴷⴰ ⵍⵎⵖⵔⵉⴱ ⴰⵏⵎⵓⵇⵇⴰⵔ ⵏ ⵜⵖⵔⵎⵉⵡⵉⵏ ⴷ ⵜⵣⴷⴰⵢⵜ ⵏⴳⵔ ⵓⵕⵓⴱⴱⴰ ⴷ ⵉⴼⵔⵉⵇⵢⴰ, ⵏⴷⵔⵓ ⴰⴽⴽⵯ ⴰⵜⵉⴳⵏ”. ⵉⵙⵓⵜⴳ ⵓⵍⴰ ⴰⵙⵡⵉⵔ ⵏ ⵓⵎⵢⴰⵡⴰⵙ ⵏⴳⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵖ ⵙⵏⴰⵜ ⵜⵎⵉⵣⴰⵔ, ⵉⵙⴰⵡⵍ ⴼ ⵜⵉⵔⴰⵜ ⵉ ⵓⵙⴷⵓⵙ ⵏⵏⵙ ⵖ ⵜⴼⵔⴽⴰ ⴷ ⵢⵓⵛⴽⴰⵏ.
ⵉⵙⵓⵜⴳ ⵎⴰⵙⵙ Mjid El Guerrab ⵜⵉⵣⴷⴰⵢⵉⵏ ⵥⵉⵍⵏⵉⵏ ⵉⵙⵎⵓⵏⵏ ⵙⵏⴰⵜ ⵜⵎⵉⵣⴰⵔ, ⵉⴱⴷⴷ ⴼ ⵓⴱⵓⵖⵍⵓ ⴷ ⵓⵎⵢⴰⵏⴰⵡ ⵏ ⵓⵎⵢⴰⵡⴰⵙ ⴰⴼⵕⴰⵏⵚⴰⵡⵉ ⴰⵎⵖⵔⵉⴱⵉ ⵖ ⵓⵙⵡⵉⵔ ⴰⴷⵍⵙⴰⵏ ⴷ ⵓⴷⵎⵙⴰⵏ ⴷ ⵓⵄⴰⵙⴽⴰⵔⵉ ⴷ ⵓⵏⴰⵎⵓⵏ, ⵉⴱⴷⵔ ⴰⵎⵏⴰⴹ ⴰⵏⴼⴳⴰⵏ ⵖ ⵜⵣⴷⴰⵢⵉⵏ ⵏⴳⵔ ⵙⵏⴰⵜ ⵜⵎⵉⵣⴰⵔ, ⵍⵍⵉⵖ ⵉⵍⵍⴰ ⵓⴳⴳⴰⵔ ⵏ ⵙⵉⵏ ⵉⴷ ⵎⵍⵢⵓⵏ ⵏ ⵓⵎⵖⵔⵉⴱⵉ ⵖ ⴼⵕⴰⵏⵚⴰ ⴷ ⵜⵉⵎⵉⴹⵉ ⵏ ⵉⴼⴹ ⵏ ⵓⴼⵕⴰⵏⵚⴰⵡⵉ ⵖ ⵍⵎⵖⵔⵉⴱ.
ⵖ ⵜⵙⴳⴰ ⵏⵏⵙ, ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⴷ ⵜⵉⴷⴷⵓⴽⵍⴰ ⵜⴰⵎⵖⵔⵉⴱⵉⵜ ⵜⴰⴼⵕⴰⵏⵚⴰⵡⵉⵜ ⵜⵍⵍⴰ ⴼ ⵜⵔⵙⴰⵍ ⴱⴰⵀⵔⴰ ⴷⵓⵙⵏⵉⵏ, “ⴳⴰⵏⵜ ⵜⴼⵔⴽⵉⵡⵉⵏ ⵛⴷⴷⴰⵏⵉⵏ ⵜⴰⵎⵍⴷⴰ ⵏ ⵜⴰⴼⵉⵜ ⵏ ⵉⵣⵎⴰⵣ ⵉⵎⴰⵢⵏⵓⵜⵏ ⵏ ⵓⵎⵢⴰⵡⴰⵙ”.
ⵉⵙⴷⴷⵉⴷ ⵎⴰⵙ ⴷ ⵍⵉⵙⵍⴰⵎ ⵉⴳⴰ ⴰⵙⴳⴷ ⵉⴳⴰⵏ ⵎⴳⴰⵍ ⵏ ⵜⴽⵕⴹⵉ ⴷ ⵜⴻⵟⵟⵜⵓⵕⴼⴰ, ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵓⵉⵚ ⴰⴳⵍⴷⵓⵏ ⵏ ⵉⵎⵓⵎⵏⵏ, ⴰⵔ ⵉⵙⵙⴷⵓⵙ ⴰⵡⵍⴰⴼ ⵏ ⵜⵉⴷⵜ ⵏ ⵍⵉⵙⵍⴰⵎ ⵍⵍⵉ ⵢⴰⵇⵔⴰⵏ ⵉ ⵜⵏⴰⵎⵎⴰⵙⵜ ⴷ ⵓⵙⵓⵔⴼ ⴷ ⵓⵏⵏⵓⵕⵥⵎ ⴼ ⵡⵉⵢⵢⴰⴹ ⴰⵢⵏⵏⴰ ⵉⴳⴰ ⵡⴰⵥⵓⵕ ⵏⵏⵙ ⴷ ⵓⵙⴳⴷ ⵏⵏⵙ.