ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵙⵉⵡⴹ ⴼ ⵜⵙⵎⵓⵏⵉ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ
|
ⵉⵙⴳⵓⵎⵏ ⵏ ⵓⵏⵎⵓⵇⴰⵔ: ⵜⴰⵎⵙⴰⵔⵜ ⵏ ⵜⵢⴰⵏⴽ ⵜⴰⵏⴰⴽⴰⵍⵜ ⴷ ⵉⵙⵇⵙⵉⵜⵏ ⵏ ⵜⵉⴹⴰⴼ ⴷ ⵓⵙⵓⵔⵙ ⵏ ⵓⴱⴰⵢⵢⵓⵕ ⴷ ⵜⵎⵙⴽⴰⵔ ⵏ ⵡⴰⵔⴰⵢ |
ⵉⵙⴽⵔ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴰⵙⵙ ⵏ ⵡⴰⵢⵏⴰⵙ 2 ⵏⵓⵡⴰⵏⴱⵉⵔ 2020, ⵜⵥⵍⵉ ⵉ ⵜⵎⵙⴰⵔⵜ ⵜⴰⵏⴰⵎⵓⵔⵜ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ ⵖ ⵜⵉⴹⴰⴼ ⴷ ⵓⵣⵣⵔⴰⴼ.
ⵖ ⵓⵙⵏⵓⴱⴳ ⴷ ⵓⵙⴼⵓⴳⵍⵓ ⵏ ⵓⵎⴰⴷⴰⵏ ⴰⵎⵖⵔⵉⴱⵉ ⵏ ⵓⴽⵜⵜⴰⵢ ⵏ ⵜⵡⴰⴷⴰ ⵜⴰⵣⴳⵣⴰⵡⵜ ⵉⵍⴰⵏ ⴰⴷⴷⵓⵔ, ⴷ ⵍⵍⵉⵖ ⴷ ⵜⴼⴼⵓⵖ ⵜⵖⵜⴰⵙⵜ ⵏ ⵓⵙⵇⵇⵉⵎ ⵏ ⵜⴼⵔⵓⵜ ⵓⵟⵟⵓⵏ 2548 ⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⵉⵙⵎⴰⵢⵏⵓ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⴰⵎⵙⴰⵙⴰ ⴰⵏⴰⵎⵓⵔ ⴼ ⵜⵎⵙⴰⵔⵜ ⵜⴰⵏⴰⵎⵓⵔⵜ ⵉⵍⴰⵏ ⴰⵣⵔⴼ, ⵙⴷⴷⵉⴷⵏ ⴼ ⵓⵕⵚⵓ ⵏ ⵜⴱⵔⵉⴷⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵙⴱⴷⴷⵉ ⵏ ⴳⴰⵔ ⵉⵡⴰⵍⵉⵡⵏ ⴷ ⴳⴰⵔ ⵜⵎⵙⴽⴰⵔ ⵏ ⵡⴰⵄⴷⵉⵡⵏ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵍⵎⵖⵔⵉⴱ.
ⴼ ⵜⵖⵜⴰⵙⵜ ⵜⴰⵎⴳⴳⴰⵔⵓⵜ ⵏ ⵓⵙⵇⵇⵉⵎ ⵏ ⵜⴼⵔⵓⵜ ⵓⵟⵟⵓⵏ 2548, ⵉⵙⴷⴷⵉⴷ ⵓⵏⵙⵙⵉⵅⴼ ⴷ ⵉⴼⵔⴷⴰⵙ ⵏ ⵓⵙⵇⵇⵉⵎ ⵎⴰⵙ ⴷ ⵜⴰⵖⵜⴰⵙⵜ ⴰⴷ ⴰⵔ ⵜⵎⵎⴰⵍ ⴰⵙⵖⵡⵏ ⵏ ⵓⵏⴳⵔⴰⵡ ⴰⴳⵔⴰⵖⵍⴰⵏ ⵃⵎⴰ ⴰⴷ ⵢⵉⵍⵉ ⵓⴼⵙⵙⴰⵢ ⴰⵙⵔⵜⴰⵏ ⴷ ⵡⵉⵏ ⵜⵉⵍⴰⵡⵜ ⴰⴱⵔⴰⴳⵎⴰⵜⵉ ⵉⵙⵓⵍⵏ, ⵖⵎⴽ ⵍⵍⵉ ⵉⵙⵏⴰⵍ ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵃⵎⴰ ⴰⴷ ⵢⵉⵍⵉ ⵓⵏⴱⴰⴹ ⴰⵏⵉⵎⴰⵏ ⵉ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⴷⴷⵓ ⵏ ⵓⴱⴰⴹ ⴰⵎⵖⵔⵉⴱⵉ.
ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⴷ ⵉⴼⵔⴷⴰⵙ ⵏ ⵓⵙⵇⵇⵉⵎ ⵙ ⵓⵙⵓⵜⴳ ⵜⴰⵣⵣⵉⴳⵣⵜ ⵏ ⵜⵓⴳⴳⴰⵙ ⵏ ⵍⵎⵖⵔⵉⴱ ⵖ ⵢⵉⴳⵔ ⵏ ⵜⴳⵎⵉ ⴷ ⵓⵙⵉⵙⵙⵏ ⵉⵣⵣⵉⴳⵣⵏ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⵖ ⵓⵕⵥⵥⵓⵎ ⵉⵣⵣⵉⴳⵣⵏ ⵏ ⵜⵙⵇⵓⵏⵙⵓⵜⵉⵏ ⵜⵉⵎⴰⵜⴰⵢⵉⵏ ⵖ ⵜⵙⴳⴳⵉⵡⵉⵏ ⵏ ⵉⴼⴼⵓⵙ.
ⵖⵎⴽ ⵍⵍⵉ ⵉⴱⴷⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴰⵙⵓⵜⴳ ⵏⵏⵙⵏ ⵏ ⵓⵙⵎⵓⵙⵙⵓ ⵢⵓⵎⴰⵏ, ⴷ ⵓⵍⵜⴰⵖ ⵉⵙⵎⴷⵏ ⵏ ⴽⵓ ⵉⵎⵙⵜⴳⴳⴰⵔⵏ ⵓⴷⴷⵉⵔⵏ ⵏ ⵜⵎⵜⵜⵉ ⵉ ⵓⵎⵣⴰⵖ ⵏ ⵜⵔⵙⴰⵍ ⵜⵉⵏⴰⵎⵓⵔⵉⵏ ⵜⵉⵣⵡⵉⵔ ⵜⵏⵜ ⵜⵎⵙⴰⵔⵜ ⵜⴰⵏⴰⵎⵓⵔⵜ ⵉⵍⴰⵏ ⴰⵣⵔⴼ.
ⵖ ⵜⵣⵣⵉⴳⵣⵜ ⵏ ⵓⵙⵓⵔⵙ ⵏ ⵓⴱⴰⵢⵢⵓⵕ ⴷ ⵓⵛⵛⵉⵍ ⵏ ⵓⵙⴼⵔⵓⵔⵜ ⵏⵏⵙ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙ ⴷ ⵇⵇⴰⵏⵜ ⵜⵓⴳⴳⴰⵙ ⵏ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⵉ ⵜⵡⵓⵔⵉ ⴱⴰⵀⵔⴰ ⵉⵣⵣⵉⴳⵣⵏ, ⵙⵍⴰⵡⴰⵏ ⴰⴽⴽⵯ ⵖ ⵜⵉⵣⵉ ⵖ ⵍⵍⴰⵏⵜ ⵜⵉⵡⵓⵔⵉⵡⵉⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ.
ⵖⵎⴽ ⵍⵍⵉ ⴷ ⵙⵙⴽⵜⵉⵏ ⵉⵎⴷⵔⴰⵡⵏ ⵖ ⵜⵙⵎⵓⵏⵉ ⵜⵉⵕⵡⵉ ⵏ ⵜⵎⵢⴰⴷⴰⵙⵜ ⵏ ⵓⵙⵇⵇⵉⵎ ⵎⵍⵍⵉⵖ ⵉⵍⵍⴰ ⵓⵥⵍⴰⵢ ⴰⴷⵓⵙⴰⵏ ⴷ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⵓⵙⴰⵏⵏ ⴷ ⵉⵙⵡⵓⴷⴷⵓⵜⵏ ⴼ ⵉⵍⵍⴰ ⵓⵎⵙⴰⵙⴰ ⴰⵎⴳⵔⵓ.
ⵖ ⵜⵡⵓⵔⵉ ⵏ ⵜⵉⴹⴰⴼ, ⵎⴷⴰⵡⴰⵍⵏ ⵉⵎⴷⵔⴰⵡⵏ ⵖ ⵜⵙⵎⵓⵏⵉ ⴼ ⵓⵙⴷⵓⵙ ⵏ ⵜⵉⵍⵉⵜ ⵏ ⵉⵅⵎⵎⵉⵎⵏ ⵏ ⵡⴰⵎⵓⵏ ⵖ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵙ ⵉⵙⵇⵙⵉⵜⵏ ⵉⵎⵉⵡⴰⵏⵏ ⵉⵏⵎⵍⴰⵙⵙⵏ, ⵙ ⵓⵙⴽⵛⵎ ⵏ ⵜⵎⵙⴰⵔ ⵜⵉⵎⴰⵢⵏⵓⵜⵉⵏ ⵍⵍⵉ ⴷ ⵉⵇⵇⴰⵏ ⵓⵎⴹⴰⴽⴰⵕ.
ⵜⵙⴷⴷⵉⴷ ⵜⵏⵙⵙⵉⵅⴼⵜ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵎⴰⵙ ⴷ ⵉⵇⵇⴰⵏ ⴰⴷ ⵜⵉⵍⵉ ⵜⴱⵔⵉⴷⵜ ⵉⵜⵜⴰⵡⵙⵏ ⵖ ⵓⵅⵎⵎⴻⵎ ⴰⴷ ⴰⴱⵕⵍⴰⵎⴰⵏⵉ ⵉⴳⴰⵏ ⵓⵛⵛⵉⵍ, ⵙ ⴰⴷ ⵉⵍⵉⵏⵜ ⵜⵎⵔⴰⵔⵓⵜⵉⵏ ⴼ ⵜⵓⵜⵔⵉⵡⵉⵏ ⵉ ⵓⵎⴹⴰⴽⴰⵕ ⵏ ⴽⵔⴰ ⵏ ⵉⵎⵔⵙⵉ ⵏⵖ ⴰⵙⵖⵉⵡⵙ ⵏ ⵉⵙⵇⵙⵉⵜⵏ ⴳⴰⵏⵉⵏ ⵡⵉⵏ ⵖⵉⵍⴰⴷ ⵖ ⵜⵣⵡⵉⵔⵉ ⵏ ⵜⵖⵉⵎⵉⵜ.