ⵖ ⵜⵙⵎⵓⵏⵉ ⵉⵛⵛⴰⵔⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⵜⵙⴷⴷⵉⴷ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⴹⴼⵕ ⵏ ⵓⵎⵓⵍⵍⵉ ⵏ ⵍⵎⵓⵃⵉⵟ ⵍⵀⴰⴷⵉ ⴼ ⵓⵙⵏⴰⵍ ⵏ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵖ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ

ⵜⵙⴷⴷⵉⴷ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⴹⴼⵕ ⵏ ⵓⵎⵓⵍⵍⵉ ⵏ ⵍⵎⵓⵃⵉⵟ ⵍⵀⴰⴷⵉ ⴰⵙⵏⴰⵍ ⵏⵏⵙ ⵉ ⵜⵙⵏⵜⴰⵢⵜ ⵏ ⵓⵏⴱⴰⴹ ⴰⵏⵉⵎⴰⵏ ⵖ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⵖ ⵓⵡⵇⵇⵔ ⵏ ⵓⴱⴰⴹ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵍⵍⵉ ⵉⴼⴽⴰ ⵍⵎⵖⵔⵉⴱ ⵖ ⵓⵙⴳⴳⵯⴰⵙ ⵏ 2007, ⵜⴰⵡⵉ ⴰⵙⵓⵜⴳ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵉⴹⴼⵕⵏ ⵜⵉⵎⵜⵜⴰ ⵉⵎⵓⵏⵏ ⴷ ⵓⵙⵓⵜⴳ ⵏ ⴽⵉⴳⴰⵏ ⵏ ⵉⵡⴰⵏⴽⵏ ⵏ ⵓⵎⴰⴹⴰⵍ.

ⵉⵍⵍⴰ ⵖ ⵓⵙⵡⵉⴹ ⵉⵛⵛⴰⵔ, ⴷⴼⴼⵉⵔ ⵏ ⵉⵎⴹⴰⴽⴰⵕⵏ ⵙⵎⵓⵏⵏⵉⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⴹⴼⵕ ⵏ ⵓⵎⵓⵍⵍⵉ ⵏ ⵍⵎⵓⵃⵉⵟ ⵍⵀⴰⴷⵉ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ Miguel Ángel Calisto  ⴰⵙⵙ ⵏ ⵡⴰⵢⵏⴰⵙ 19 ⴽⵟⵓⴱⵕ ⴰⴷ ⵙ ⵜⴻⵜⵉⵇⵏⵉⵜ ⵏ ⵓⴼⵉⵣⵢⵓⵏⴽⵓⵏⴼⵉⵕⵓⵏⵚ, ⵎⴰⵙ ⵔⴰⴷ ⵉⵙⵡⵓⵔⵉ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⴹⴼⵕ ⵏ ⵓⵎⵓⵍⵍⵉ ⵏ ⵍⵎⵓⵃⵉⵟ ⵍⵀⴰⴷⵉ ⴼ ⵓⵙⵓⵊⴷ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵉⵙⴽⵔⵏ ⵜⴰⵣⴷⴰⵢⵜ ⵉⵙⵓⵍⵏ ⴷ ⵜⵉⵍⴰⵍ ⵉⵛⵛⴰⵔⵏ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⴳⴰ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴰⴳⵎⴰⵎ ⵉⵎⵥⵕⵉ ⵖ ⵜⵙⵇⵇⵉⵎⵜ.

ⵙ ⵜⵎⵍⴷⴰ ⴰⴷ, ⵉⵏⵏⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⵎⴰⵙ ⵜⴳⴰ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵜⴰⵎⴰⵣⵉⵔⵜ ⵜⴰⵄⵕⴰⴱⵜ ⴷ ⵜⴰⴼⵔⵉⵇⵉⵜ ⵜⴰⵎⵣⵡⴰⵔⵓⵜ ⵉⴽⵛⵎⵏ ⵜⴳ ⴰⴳⵎⴰⵎ ⵉⵎⵥⵕⵉ ⵖ ⵜⵙⵏⵜⴰⵢⵜ ⴰⴷ ⵜⴰⵙⵉⴷⴼⴰⵏⵜ ⵖ ⵍⵍⴰⵏ ⵉⵏⵓⵔⴰⵣ ⵉⵜⵜⵓⵙⴽⴰⵔⵏ ⵙⴳ ⵛⵛⵉⵍⵉ ⴷ ⴽⵓⵍⵓⵎⴱⵢⴰ ⴷ ⵍⵎⵉⴽⵙⵉⴽ ⴷ ⵍⴱⵉⵔⵓ, ⵜⵜⵓⵙⵎⵎⴰ ⴰⵎⵓⵍⵍⵉ ⵏ ⵍⵎⵓⵃⵉⵟ ⵍⵀⴰⴷⵉ. ⴷ ⵜⵙⵜⵉ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴰⴷ ⵉⴳ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵉ ⵜⴳⵎⵉ ⵢⴰⵜ ⵜⵔⵙⵍⵜ ⵜⴰⴷⵙⵍⴰⵏⵜ ⵖ ⵜⵙⵔⵜⵉⵜⵉ ⵏⵏⵙ ⵏ ⴱⵕⵕⴰ. “ ⵎⴰⵢⴰ ⴷ ⴰⵔ ⴰⵖ ⵉⵜⵜⴰⵊⵊⴰ ⴰⴷ ⵏⴽⵛⵎ ⵙ ⵜⵖⴰⵔⴰⵙⵜ ⵜⴰⵙⵓⵍⴰⵏⵜ ⵙ ⵉⴼⵔⵉⵇⵢⴰ ⵍⵍⵉⵖ ⵏⵍⵍⴰ, ⴷ ⵓⵏⵏⵓⵕⵥⵎ ⴼ ⵜⵙⴳⴰ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⵍⵍⵉ ⴷ ⵏⴷⵔⵓ ⵢⴰⵏ ⵡⴰⵢⴷⴰ ⴰⵎⵣⵔⴰⵢ ⵉⵛⵛⴰⵔⵏ ⴷ ⵉⵏⴰⵔⵓⵣⵏ ⵎⵙⴰⵙⴰⵏⵉⵏ ⵉ ⵉⵎⴰⵍ”.

ⵖ ⵓⵎⵏⵉⴷ ⵏⵏⵙ, ⵉⵎⵍⴰ ⴰⴷ ⵎⴰⵙⵙ  Miguel Ángel Calisto ⵎⴰⵙ ⵉⵜⵜⵓⵙⴽⴰⵔ ⵓⵎⵓⵍⵍⵉ ⵏ ⵍⵎⵓⵃⵉⵟ ⵍⵀⴰⴷⵉ ⵙⴳ ⴽⴽⵓⵥ ⵉⵡⴰⵏⴽⵏ: ⵛⵛⵉⵍⵉ ⴷ ⴽⵓⵍⵓⵎⴱⵢⴰ ⴷ ⵍⵎⵉⴽⵙⵉⴽ ⴷ ⵍⴱⵉⵔⵓ, ⴳⵉⵙ 59 ⵏ ⵓⵡⴰⵏⴽ  ⵉⵎⵥⵕⵉ, ⵉⴳⴰ ⵡⵉⵙ ⵙⴰ ⵖ ⵜⴷⵎⵙⴰ ⵏ ⵓⵎⴰⴹⴰⵍ ⵙ 40% ⵏ ⵜⵢⴰⴼⵓⵜ ⵜⴰⴳⵯⵏⵙⴰⵏⵜ ⵜⴰⵎⵙⴰⵔⵉⵜ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ. ⵢⵉⵏⵉ ⵎⴰⵙ ⵉⵔⴰ ⵓⵎⵓⵍⵍⵉ ⴰⴷ ⵉⵙⵙⴷⵓⵙ ⵜⵉⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴷ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵖ ⵓⵙⴰⵜⵉ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⵢⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⵜⴰⵣⵍⵖⴰ ⵏ ⵓⵣⴷⴰⵢ ⴷ ⵜⵎⵉⵣⴰⵔ ⵏ ⵓⵎⵏⵥⴰⵡ ⵏ ⵉⴼⵔⵉⵇⵢⴰ, “ⴰⵢⵍⵍⵉ ⵉⵜⵜⵕⵥⵓⵎⵏ ⵉⵎⵏⴰⴷⵏ ⵏ ⵓⵙⵎⴰⴷ ⵏⴳⵔ ⵙⵏⴰⵜ ⵜⵙⴳⴳⵉⵡⵉⵏ”.

ⵖ ⵓⵎⵏⵉⴷ ⵏⵏⵙⵏ, ⵙⴰⵡⵍⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⴼ ⵡⴰⵜⵉⴳ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵍⵎⵖⵔⵉⴱ ⵍⵍⵉ “ⴷⴰⵔ ⵜⵉⵍⴰⵍⵜ ⵜⴰⵎⵣⵡⴰⵔⵓⵜ ⵖ ⵜⵙⴳⴰ, ⵉⵜⵜⵓⵥⵍⴰⵢ ⵓⵍⴰ ⵙ ⵜⴷⵎⵙⴰ ⵏⵏⵙ ⵜⵓⴷⴷⵉⵔⵜ ⵜⴰⵎⵢⴰⵏⴰⵡⵜ, ⵖⵎⴽ ⵍⵍⵉ ⵉⴳⴰ ⴰⵙⴽⵛⵎ ⵉ ⵓⴳⴰⴷⴰⵣ ⴰⴼⵔⵉⵇⵉ”.

ⵜⵃⴰⴹⵕ ⵖ ⵓⵏⵎⵓⵇⴰⵔ ⴰⴷ ⵓⵍⴰ ⵎⴰⵙⵙⴰ ⴽⴰⵏⵣⴰ ⵍⵖⴰⵍⵉ ⵉⴳⴰⵏ ⵜⴰⵎⵙⵇⴰⴷⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵖ ⵛⵛⵉⵍⵉ.