ⴰⵙⵎⵏⵉⴷ ⵏ ⵓⵙⵓⵔⵙ ⵏ ⵢⵉⴳⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵖ ⵓⵣⵎⵣ ⵏ ⴽⵓⵕⵓⵏⴰ ⵖ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ

ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⴽⵕⴰⵙ 16 ⵛⵓⵜⴰⵏⴱⵉⵔ 2020 ⵜⴰⵙⵎⵓⵏⵉ ⵍⵍⵉ ⵜⵙⵙⵉⵅⴼ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵎⴰⵙⵙⴰ ⵙⴰⵄⵉⴷⴰ ⴰⵢⵜ ⴱⵓⵄⵍⵉ ⴷ ⵜⵉⵍⵉⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⴰⵎⴽⵔⴰⵣ ⴰⵎⴰⵡⵙⴰⵙ ⵏ ⵓⵙⵡⵓⵔⵉ ⴷ ⵓⵙⵉⴷⴼ ⴰⵣⵣⵓⵍⴰⵏ ⵉ ⵜⵖⵔⵉ ⵏ ⵉⵎⵔⵙⵉⵡⵏ ⵣⴷⵉⵏⵉⵏ ⴷ ⵉⴷⵖⴰⵔⵏ ⵏ ⵓⴱⴰⵢⵢⵓⵕ ⵖ ⴽⵔⴰ ⵏ ⵜⴼⵔⴽⵉⵏ ⴷ ⵉⴼⵔⴷⴰⵙ ⵏ ⵓⴼⴰⵔⵙ ⴷ ⵜⵎⴳⵓⵔⵉ, ⴷ ⵜⵎⵔⵉⵙⵜ ⵏ ⵉⴷ ⴱⴰⴱ ⵏ ⵜⵡⵓⵔⵉ ⵙ ⵉⵙⵡⵓⴷⴷⵓⵜⵏ ⵏ ⵡⴰⵔⴰⵢ, ⵖⵎⴽ ⴰⵏⵏ ⴷ ⵜⵎⵙⴽⴰⵔ ⵏ ⵜⵉⴹⴰⴼ ⵏ ⵜⵎⴰⵡⴰⵙⵜ ⵖ ⵓⵎⵏⵉⴷ ⵏ ⵜⵉⴹⴰⴼ ⵏ ⵜⵎⵔⵉⵙⵜ ⵏ ⵉⴷ ⴱⴰⴱ ⵏ ⵜⵡⵓⵔⵉ ⵙ ⵓⵣⵎⵎⴻⵎ ⵏ ⵉⵎⵙⵡⵓⵔⵉⵢⵏ ⴷⴰⵔ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ, ⴷ ⵓⵙⵎⵖⵔ ⵏ ⵓⵙⴼⵍⵙ ⴰⴷⵓⵙⴰⵏ ⴷ ⵓⵏⴰⵎⵓⵏ ⵖⵎⴽ ⵍⵍⵉ ⴷ ⵢⵓⵛⴽⴰⵏ ⵖ ⵉⵏⴰⵡ ⴰⴳⵍⴷⴰⵏ, ⵖⵎⴽ ⴰⵏⵏ ⴷ ⵓⵙⵓⵔⵙ ⵏ ⵜⵙⴷⵡⴰⵙ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵜⵉⵍⴰⵍⵜ ⵏⵏⵙⵏⵜ ⵖ ⵓⵣⵎⵣ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ.

ⵖ ⵎⴰ ⴷ ⵉⵥⵍⵉⵏ ⵙ ⵜⵎⵙⴽⴰⵔ ⵏ ⵓⵃⵟⵟⵓ ⴰⵏⴰⵎⵓⵏ, ⵉⵏⵏⴰ ⵎⴰⵙⵙ ⴰⵎⴰⵡⵙⴰⵙ “ ⵎⴰⵙ ⵜⵙⵡⵓⵔⵉ ⵜⵏⴱⴰⴹⵜ ⴼ ⵓⵙⵎⵀⵍ ⵏ ⵜⵎⵙⴽⴰⵔ ⵏ ⵓⵙⵎⴰⵜⴰ ⵏ ⵓⵙⴼⵍⵙ ⴰⴷⵓⵙⴰⵏ ⴼ ⵉⵎⵙⵡⵓⵔⵉⵢⵏ ⵙ ⵓⵙⴷⵓⵙ ⵏ ⵓⵏⴳⵎⴰⵎ ⵏ ⵜⵎⴳⴳⵉⵡⵙⵜ ⵏ ⵜⵡⵓⵔⵉ ⴷ ⵜⵏⴼⵔⵓⵜ ⵜⴰⵏⴰⵎⵓⵏⵜ, ⴷ ⵡⴰⵣⵣⴰⵣ ⵏ ⵓⵙⴽⵔ ⴷ ⵓⵙⵎⵖⵔ ⵏ ⵓⵙⴼⵍⵙ ⴰⵏⴰⵎⵓⵏ ⵉⵥⵍⵉⵏ ⵙ ⵉⵎⵙⵡⵓⵔⵉⵢⵏ ⴳⴰⵏⵉⵏ ⵉⵙⵉⵎⴰⵏⵏ”.

ⵖ ⵎⴰⴷ ⵉⵥⵍⵉⵏ ⵙ ⵉⵙⵡⵓⴷⴷⵓⵜⵏ ⴷ ⵜⵎⵙⴽⴰⵔ ⵥⵍⵉⵏⵉⵏ ⵏ ⵓⴹⴼⵕ ⵏ ⵜⵎⵙⵙⵏⵜⴰⵢ ⵜⵜⵓⴹⵕⵕⴰⵏⵏⵉⵏ ⵙ ⵓⴱⴰⵢⵢⵓⵕ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ (ⴽⵓⴼⵓⴷ-19), ⵉⵏⵏⴰ ⵎⴰⵙⵙ ⴰⵎⴽⵔⴰⵣ “ ⵎⴰⵙ ⵜⵍⵍⴰ ⵜⴼⵔⴽⴰ ⵜⴰⵎⴰⵢⵏⵓⵜ ⵍⵍⵉ ⵉⵙⵜⴰⵡⵀⵎⵎⴰⵏ ⵙ ⵉⴳⵔⴰⵏ ⵍⵍⵉ ⴱⴰⵀⵔⴰ ⵜⵜⵓⴹⵕⵕⴰⵏⵏⵉⵏ ⵡⵉⵍⵍⵉ ⵙⵖⴰⵡⵙⴰⵏⵉⵏ ⵙ ⵓⵙⵏⴰⵍ ⴷ ⵓⴹⴼⵕ”.  

ⵖ ⵜⵙⴳⴰ ⵢⴰⴹⵏⵉⵏ, ⵉⴱⴷⵔ ⵎⴰⵙⵙ ⴰⵎⴽⵔⴰⵣ “ ⴽⵓ ⵜⵉⵎⵙⴽⴰⵔ ⵏ ⵜⵎⴰⵡⴰⵙⵜ ⵖ ⵓⵎⵏⵉⴷ ⵏ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴷ ⵉⴷⵔⵉⵣⵏ ⵏ ⵉⴷⵖⴰⵔⵏ ⵖ ⵉⵍⵍⴰ ⵓⴱⴰⵢⵢⵓⵕ ⵖ ⴽⵔⴰ ⵏ ⵜⴼⵔⴽⵉⵏ, ⴷ ⵜⵎⵙⴽⴰⵔ ⵍⵍⴰⵏⵉⵏ ⵖ ⵓⵎⵏⵉⴷ ⵏ ⵓⵣⵎⵎⴻⵎ ⵏ ⵉⵎⵙⵡⵓⵔⵉⵢⵏ ⴷⴰⵔ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ, ⴷ ⵓⵙⵓⵔⵙ ⵏ ⵜⵙⴷⵡⴰⵙ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵜⵉⵍⴰⵍⵜ ⵏⵏⵙⵏⵜ ⵖ ⵓⵣⵎⵣ ⵏ ⵓⴱⴰⵢⵢⵓⵉⵕ”.  

ⵍⵍⵉⵖ ⵉⵜⵜⵓⵕⵥⴰⵎ ⵓⵎⴹⴰⴽⴰⵕ, ⵙⵎⵏⵉⴷⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⵜⵉⵙⵓⵎⴰⵔ ⴷ ⵜⴰⵏⵏⴰⵢⵉⵏ ⴼ ⵓⵙⵎⵏⵉⴷ ⵏ ⵎⴰⵙⵙ ⴰⵎⴰⵡⵙⴰⵙ, ⵖⵔⵉⵏ ⵃⵎⴰ ⴰⴷ ⵢⵉⵍⵉ “ⵓⵙⴽⵔ ⵏ ⵜⵉⵔⴰⵜ ⵜⴰⴳⵍⴷⴰⵏⵜ ⵜⴰⵎⴰⵜⵜⵓⵢⵜ ⵉⵡⴰⵜⵜⵙⵏ ⴰⵙⵎⴰⵜⴰ ⵏ ⵓⵃⵟⵟⵓ ⴰⵏⴰⵎⵓⵏ ⴼ ⴽⵓ ⵉⵎⵖⵔⵉⴱⵉⵢⵏ ⵖ ⵙⵎⵎⵓⵙ ⵉⵙⴳⴳⵯⴰⵙⵏ ⴷ ⵓⵛⴽⴰⵏⵉⵏ, ⵙ ⵓⵔⵣⵣⵓ ⵏ ⵜⵖⴰⵔⴰⵙⵉⵏ ⵏ ⵓⵙⴱⵓⵖⵍⵓ ⴷ ⵓⵙⵎⵖⵔ ⵏ ⵓⵙⴼⵍⵙ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵉⵏⴳⵔⴰⵡⵏ ⵏ ⵓⵃⵟⵟⵓ ⴰⵏⴰⵎⵓⵏ ⴼ ⴽⵓ ⵜⵉⴷⵓⵍⴰ ⵜⵉⵏⴰⵎⵓⵏⵉⵏ ⴷ ⵜⵣⵣⵓⵍⴰⵏⵉⵏ”.

ⵖ ⵓⵙⴰⵜⵉ ⴰⴷ, ⵖⵔⴰⵏ ⵉⴳⵎⴰⵎⵏ ⴷ ⵜⴳⵎⴰⵎⵉⵏ ⵏ ⵜⵙⵇⵇⵉⵎⵜ ⵃⵎⴰ ⴰⴷ ⵢⵉⵍⵉ ⵓⵅⵎⵎⴻⵎ ⴰⵅⴰⵜⴰⵔ ⵖ ⵉⵎⴳⴳⵉⵡⴰⵙ ⵏ ⵜⵡⵓⵔⵉ ⵍⵍⵉⵖ ⴷⴰⵔⵙⵏ ⵢⴰⵜ ⵜⵉⵍⴰⵍⵜ ⵜⴰⵎⵇⵔⴰⵏⵜ ⵖ ⵢⵉⴳⵔ ⵏ ⵓⵃⵟⵟⵓ ⴰⵏⴰⵎⵓⵏ ⵙⵍⴰⵡⴰⵏ ⴰⴽⴽⵯ ⴷⴼⴼⵉⵔ ⵏ ⵜⵣⵣⵉⴳⵣⵜ ⵏ ⵓⵙⵓⵔⵙ ⴰⴷⵓⵙⴰⵏ ⵏ ⵜⴼⵔⴽⵉⵏ ⴷ ⵉⴼⵔⴷⴰⵙ ⵏ ⵓⴼⴰⵔⵙ, ⵖⵎⴽ ⵍⵍⵉ ⵖⵔⴰⵏ ⵉ ⵓⵙⵎⵖⵔ ⵏ ⵜⵡⵓⵔⵉⵡⵉⵏ ⵏ ⵜⵉⴹⴰⴼ ⴷ ⵓⵙⴼⵔⴽ ⵙ ⵓⵙⵓⵊⴷ ⵏ ⵜⵙⵜⵔⴰⵜⵉⵊⵉⵜ ⵢⵓⵎⴰⵏ ⵏ ⵓⵙⴳⵉⴷⴷⵉ ⵏ ⵜⵡⵓⵔⵉⵡⵉⵏ ⵏ ⵓⵣⵎⵎⴻⵎ ⵏ ⵉⵎⵙⵡⵓⵔⵉⵢⵏ.

ⵖⵎⴽ ⵍⵍⵉ ⵙⴰⵡⵍⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⴼ ⵓⵙⵓⵔⵙ ⵏ ⵜⵙⴷⵡⴰⵙ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ  ⴷ ⵜⵉⵍⴰⵍⵜ ⵏⵏⵙⵏⵜ ⵖ ⵓⵣⵎⵣ ⵏ ⵓⴱⴰⵢⵢⵓⵕ ⵙ ⵓⵍⵜⴰⵖ ⵏⵏⵙⵏⵜ ⵖ ⵓⵙⵎⵓⵙⵙⵓ ⴰⵏⴰⵎⵓⵔ ⵏ ⵓⵙⴱⴷ