ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⵏⵓⴱⴳ ⴰⵎⵙⵇⵇⴰⴷ ⵏ ⵛⵛⵉⵍⵉ ⴳ ⵕⵕⴱⴰⵟ
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⵖ ⵓⵙⵖⵉⵎ ⵏ ⵓⵙⵇⵇⵉⵎ ⴰⵙⵙ ⵏ ⵓⴽⵕⴰⵙ 15 ⵢⵓⵍⵢⵓⵣ 2020 ⵎⴰⵙⵙ Alex Geiger Soffia ⴰⵎⵙⵇⵇⴰⴷ ⵏ ⵛⵛⵉⵍⵉ ⵖ ⵕⵕⴱⴰⵟ, ⵍⵍⵉⵖ ⵙⵎⴷⵏⵜ ⵜⵙⵖⴰⵏ ⵏⵏⵙ ⵜⵉⴷⵉⴱⵍⵓⵎⴰⵙⵉⵢⵉⵏ ⵖ ⵜⴳⵍⴷⵉⵜ.
ⵙ ⵜⵎⵍⴷⴰ ⴰⴷ, ⵉⵙⵓⵜⴳ ⵓⵎⵙⵇⵇⴰⴷ ⴰⴱⵓⵖⵍⵓ ⵉⵕⵡⴰⵏ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵖ ⵉⵙⴳⴳⵯⴰⵙⵏ ⴰⴷ ⴳⴳⵓⵔⴰⵏⵉⵏ ⵍⵍⵉ ⵔⴰⴷ ⵉⵙⴼⵓⴳⵍⵓ ⴰⴽⵜⵜⴰⵢ ⵡⵉⵙ 60 ⵏ ⵓⵙⵏⵜⵉ ⵏ ⵜⵣⴷⴰⵢⵉⵏ ⴰⴷ ⵜⵉⴷⵉⴱⵍⵓⵎⴰⵙⵉⵢⵉⵏ ⵖ ⵓⵙⴳⴳⵯⴰⵙ ⴷ ⵢⵓⵛⴽⴰⵏ, ⴰⵢⵍⵍⵉ ⵔⴰⴷ ⵉⴳ ⵜⴰⴼⵔⴽⴰ ⵏ ⵓⵙⴷⵓⵙ ⵏ ⵓⴱⵔⵉⴷ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴷ ⵡⴰⵍⴰⵢ ⵏⵏⵙⵏⵜ ⵙ ⵉⵙⵡⵉⵔⵏ ⵢⴰⴹⵏⵉⵏ ⴰⵜⵜⵓⵢⵏⵉⵏ. ⵉⵏⵏⴰ:”ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ ⴷⴰⵔ ⵛⵛⵉⵍⵉ”.
ⵉⵙⵓⵜⴳ ⵓⵎⵙⵇⵇⴰⴷ ⵓⵍⴰ ⵜⵉⵣⴷⴰⵢⵉⵏ ⵏⴳⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ, ⴷ ⵜⵉⵍⵍⵓⴳⵏⴰ ⵏ ⵓⵎⵛⴰⵡⴰⵕ ⴷ ⵓⵣⴷⴷⵓⵢ ⵏⴳⵔ ⵉⴱⵕⵍⴰⵎⴰⵏⵏ ⵏ ⵙⵏⴰⵜ ⵜⵎⵉⵣⴰⵔ, ⵉⵙⵙⴽⵜⵉ ⴷ ⵖ ⵓⵎⵏⵉⴷ ⴰⴷ ⴰⵔⵣⴰⴼ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵛⵛⵉⵍⵉ ⵉ ⵍⵎⵖⵔⵉⴱ ⵖ ⵜⵣⵡⵉⵔⵉ ⵏ ⵓⵙⴳⴳⵯⴰⵙ ⴰⴷ, ⵖ ⵉⵍⵍⴰ ⵓⵣⵎⵎⴻⵎ ⵏ ⵓⵎⵛⴰⵛⴽⴰ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⵍⵎⵖⵔⵉⴱ-ⵛⵛⵉⵍⵉ.
ⵖ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵜⵉⴳ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵉⵎⵢⴰⵡⴰⵙⵏ ⵏⴳⵔ ⵙⵏⴰⵜ ⵜⵎⵉⵣⴰⵔ, ⵉⴱⴷⵔ ⴰⵎⵛⴰⵛⴽⴰ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⵏⴳⵔ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⴷⵓⴷⴰⵏⵜ ⵏ ⵛⵛⵉⵍⵉ, ⵍⵍⵉ ⵉⴳⴰⵏ ⴰⵎⵣⵡⴰⵔⵓ ⵖ ⵓⵎⵏⵉⴷ ⴰⴷ.
ⵉⴱⴷⴷ ⵎⴰⵙⵙ ⵍⵎⴰⵍⴽⵉ ⵓⵍⴰ ⴼ ⵓⵙⴼⵓⴳⵍⵓ ⵏ ⵓⴽⴽⵜⵓⵢ ⵡⵉⵙ 60 ⵏ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⵏⴳⵔ ⵍⵎⵖⵔⵉⴱ ⴷ ⵛⵛⵉⵍⵉ ⵖ ⵓⵙⴳⴳⵯⴰⵙ ⴷ ⵢⵓⵛⴽⴰⵏ, ⴰⵢⵍⵍⵉ ⵔⴰⴷ ⵉⴳ ⵜⴰⵎⵍⴷⴰ ⴰⴷ ⵉⵜⵜⵓⴼⴽⵉ ⵓⵏⴼⵓⵙ ⴰⵎⴰⵢⵏⵓ ⵉ ⵓⵎⵢⴰⵡⴰⵙ ⵏⴳⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ, ⴷ ⵏⴳⵔ ⵙⵏⴰⵜ ⵜⵎⵉⵣⴰⵔ ⴰⴽⴽⵯ.
ⵉⵣⵎⵎⵉⵎ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⴷⵓⴷⴰⵏⵜ ⵏ ⵛⵛⵉⵍⵉ ⵖ ⴱⵕⴰⵢⵕ 2020 ⵢⴰⵏ ⵓⵎⵛⴰⵛⴽⴰ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ, ⵉ ⵓⵙⵎⵔⵙⵍ ⵏ ⵢⴰⵜ ⵜⵙⵇⵇⵉⵎⵜ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⵏⴳⵔ ⵙⵉⵏ ⵉⵙⵇⵇⵉⵎⵏ, ⴷ ⵓⵙⴽⵔ ⵏ ⵢⴰⵏ ⵓⵙⴰⵢⵔⵓⵔ ⵏ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵖ ⵢⵉⴳⵔ ⴰⵣⵣⵔⴰⴼ, ⴷ ⵓⵙⵏⴼⵍ ⵏ ⵉⵔⵣⴰⴼⵏ ⵏ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵏ ⴷ ⵉⵎⵙⵖⴰⵏⵏ ⵏ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ, ⵖⵎⴽ ⴰⵏⵏ ⴷ ⵓⵙⴷⵓⵙ ⵏ ⵜⵡⵉⵙⵉ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵓⴱⵓⵖⵍⵓ ⵏ ⵜⵣⴷⴰⵢⵉⵏ ⵜⵓⵏⵚⵉⴱⵉⵏ ⵏⴳⵔ ⵜⵏⴱⴰⴹⵉⵏ ⵏ ⵙⵏⴰⵜ ⵜⵎⵉⵣⴰⵔ.