ⴰⵙⵉⵡⴹ ⵉⵛⵛⴰⵔⵏ ⴼ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵜⵎⴰⴷⵔⴰⵡⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵓⵙⵖⵉⵡⵙ

ⴰⵙⵉⵡⴹ ⴰⵏⵖⵎⴰⵙ ⵉⵛⵛⴰⵔⵏ

ⴰⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵜⵎⴰⴷⵔⴰⵡⵜ

ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵉⵙⵖⵉⵡⵙ

ⵉⵣⵎⵎⵉⵎ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵓⵙⵖⵉⵡⵙ ⵜⴰⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴷ ⵜⵎⴰⴷⵔⴰⵡⵜ ⵖ ⵢⵉⴳⵔ ⵏ ⵓⵏⵜⴰⵎ ⵏ ⵓⵎⵍⴰⵏ ⴷ ⵜⵎⵓⵛⴰ, ⴷ ⵓⵙⵓⵊⴷ ⵏⵏⵙⵏ ⵉ ⵓⴳⴷⵓⴷ ⵙ ⴰⵢⵍⵍⵉ ⵔⴰⴷ ⵢⴰⵡⵙ ⵖ ⵓⵃⵟⵟⵓ ⵏ ⵜⵎⴽⵜⵉⵜ ⵜⴰⵏⴰⵎⵓⵔⵜ.

ⵖ ⵡⴰⵙⵙ ⵏ ⵓⴽⵡⴰⵙ 02 ⵢⵓⵍⵢⵓⵣ 2020, ⵉⵣⵎⵎⵉⵎ ⵜⴰⵎⵢⴰⵇⵇⴰⵏⵜ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⴰⵃⵎⴰⴷ ⵍⴰⵃⵍⵉⵎⵉ ⵄⴰⵍⴰⵎⵉ ⴰⵎⴰⵔⵉ ⴰⵎⴰⵜⵜⴰⵢ ⵏ ⵓⵙⵖⵉⵡⵙ. ⵜⵡⴰⵜⵜⵙ ⴰⵙⵎⵔⵙⵍ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ ⵖ ⵢⵉⴳⵔ ⵏ ⵓⵏⵜⴰⵎ ⴷ ⵓⵔⵣⵣⵓ ⵏ ⵓⵎⵍⴰⵏ, ⴷ ⵓⵙⵎⴰⵢⵏⵓ ⵏ ⵜⵏⵓⴼⴰ ⵜⵜⵓⴼⴽⴰⵏⵉⵏ ⵉ ⵉⵎⵔⵣⵓⵜⵏ ⴷ ⵓⴳⴷⵓⴷ, ⴷ ⵓⵙⵙⵔⵅⵓ ⵏ ⵓⴽⵛⵎ ⵙ ⵓⵎⵍⴰⵏ ⵖ ⵜⵉⴳⴳⵓⴳⵜ. ⵙ ⵓⵎⵙⴰⵙ ⴷ ⵜⵓⵎⴰⵢⵉⵏ ⵏ ⵓⵙⵍⴳⵏ ⵓⵟⵟⵓⵏ 31.13 ⵉⵣⴷⵉⵏ ⴷ ⵓⵣⵔⴼ ⵏ ⵉⵎⵉⵥ ⵏ ⵓⵎⵍⴰⵏ, ⴷ ⵓⵡⵇⵇⵔ ⵏ ⵜⵓⵎⴰⵢⵉⵏ ⵏ ⵓⵙⵍⴳⵏ ⵓⵟⵟⵓⵏ 08-09 ⵉⵣⴷⵉⵏ ⵙ ⵓⵃⵟⵟⵓ ⵏ ⵉⵡⴷⴰⵏ ⵉⵏⵉⵎⴰⵏⵏ ⵎⵏⵉⴷ ⵏ ⵓⵙⵎⴽⵍ ⵏ ⵜⵎⵓⵛⴰ ⵍⴰⵏⵉⵏ ⴰⴼⵔⵉⵙ ⴰⵏⵉⵎⴰⵏ.

ⵙ ⵜⵎⵢⴰⵇⵇⴰⵏⵜ ⴰⴷ, ⵔⴰⴷ ⵉⴼⴽ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵡⴰⵎⵎⴰⵙ ⴰⵏⴰⵎⵓⵔ ⵏ ⵓⵏⵜⴰⵎ ⵉⴹⴼⵕⵏ ⵜⴰⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵓⵙⵖⵉⵡⵙ ⴽⵓ ⵜⵉⵥⵕⵉⴳⵉⵏ ⵏⵏⵙ ⴷ ⵡⴰⵔⵔⴰⵜⵏ ⵍⵍⵉ ⴷ ⵉⵙⵙⴼⵓⵖ ⴷ ⵡⵉⵍⵍⵉ ⵉⵣⵓⵣⵣⵓⵔ ⵃⵎⴰ ⴰⴷ ⵍⴽⵎⵏ ⴰⴳⴷⵓⴷ ⵙ ⵜⵙⵉⵍⴰ ⵏ ⵜⵔⵓⵙⵉ ⵜⴰⵍⵉⴽⵟⵕⵓⵏⵉⵜ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵍⵍⵉ ⵉⵙⵡⵓⴷⴷⵓ ⵡⴰⵎⵎⴰⵙ.

ⵙ ⵜⵎⵢⴰⵇⵇⴰⵏⵜ ⴰⴷ, ⵔⴰⴷ ⵉⵙⵎⵔⵙ ⵓⵙⵇⵇⵉⵎ ⵜⵉⵙⴰⵍⵉⵡⵉⵏ ⵏ ⵜⵎⵓⵛⴰ ⴷ ⵉⵙⵉⵜⵏ ⵍⵍⵉ ⵉⵙⵡⵓⴷⴷⵓ ⵡⴰⵎⵎⴰⵙ ⴰⴷ, ⴷ ⵜⵙⵉⵍⴰ ⵏ ⵓⵙⵔⵓⵙ ⴰⵍⵉⴽⵟⵕⵓⵏⵉ ⴰⵎⵔⵙⵍⴰⵏ ⵏ ⵡⴰⵔⵔⴰⵜⵏ:(e-dépôt.cnd.hcp.ma) ⵍⵍⵉ ⵉⴳⴰⵏ ⵢⴰⵜ ⵜⵙⵉⵍⴰ ⵏ ⵓⵙⵎⵓⵏ ⵏ ⵡⴰⵔⵔⴰⵜⵏ ⴷ ⵓⵙⵎⴽⵍ ⵏⵏⵙⵏ ⴷ ⵓⵣⵓⵣⵣⵔ ⵏⵏⵙⵏ ⴷ ⵓⵙⵓⵊⴷ ⵏⵏⵙⵏ ⵉ ⵓⴳⴷⵓⴷ, ⵃⵎⴰ ⴰⴷ ⴳⵉⵙ ⵢⵉⵍⵉ ⵚⴰⵃⴰ.

ⵉⵜⵜⵓⵙⵙⴰⵏ ⵎⴰⵙ ⴰ ⵉⵙⴽⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴰⴼⴰⵔⵙ ⵏ ⴽⵉⴳⴰⵏ ⵏ ⵡⴰⵔⵔⴰⵜⵏ, ⵖⵎⴽ ⵍⵍⵉ ⴷⴰⵔⵙ ⵢⴰⵏ ⵡⴰⵢⴷⴰ ⵏ ⵡⴰⵔⵔⴰⵜⵏ ⴼ ⵜⵓⴷⵔⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⵙⴳ ⵓⵣⵎⵣ ⵏ ⵜⵙⵉⵎⴰⵏⵜ, ⵖⵎⴽ ⵍⵍⵉ ⴷ ⵉⵙⴼⴼⵓⵖ ⵜⵓⴳⵜ ⵏ ⵉⴷⵍⵉⵙⵏ ⴼ ⵜⵎⵥⵍⴰⵢ ⵏ ⵓⵙⵇⵇⵉⵎ ⴷ ⵜⵡⵓⵔⵉⵡⵉⵏ ⵏⵏⵙ ⴷ ⵜⵙⵎⵉⴳⴰⵍ ⵏⵏⵙ.

ⵙ ⵜⵎⵢⴰⵇⵇⴰⵏⵜ ⴰⴷ, ⵔⴰⴷ ⵉⴼⴽ ⵡⴰⵎⵎⴰⵙ ⴰⵏⴰⵎⵓⵔ ⵏ ⵓⵏⵜⴰⵎ ⴰⵙⵏⴰⵍ ⴰⵜⵉⵇⵏⵉ ⵉ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵢⵉⴳⵔ ⵏ ⵜⵙⴰⵔⵡⴰ  ⵏ ⵜⵙⴰⵍⵉⵡⵉⵏ ⵏ ⵜⵎⵓⵛⴰ ⴷ ⵉⵙⵉⵜⵏ ⵍⵍⵉ ⴷⴰⵔⵙ ⵙ ⵉⵙⴰⵏⵓⵏⵏ ⵓⵙⵏⵉⵙⵏ ⵖ ⵢⵉⴳⵔ ⵏ ⵓⵏⵜⴰⵎ ⵏ ⵜⵎⵓⵛⴰ.