ⴰⵙⵉⵔⴰ(2016-2021):
ⵉⵎⴹⴰⴽⴰⵕⵏ ⵏ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵎⵓⵃⴰⵎⵎⴰⴷ ⵜⵜⵡⵉⵎⵉ ⴱⵏ ⵊⵍⵍⵓⵏ ⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴱⴰⵏⴰⵎⴰ
ⵉⵎⴹⴰⴽⴰⵕ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵎⵓⵃⴰⵎⵎⴰⴷ ⵜⵜⵡⵉⵎⵉ ⴱⵏ ⵊⵍⵍⵓⵏ ⴰⵙⵙ ⵏ ⵓⴽⵡⴰⵙ 27 ⴱⵕⴰⵢⵕ 2020 ⵖ ⵓⵙⵖⵉⵎ ⵏ ⵓⵙⵇⵇⵉⵎ ⵖ ⵕⵕⴱⴰⵟ ⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴱⴰⵏⴰⵎⴰ ⵎⴰⵙⵙ Tito Rodriguez Mena ⵍⵍⵉ ⴷ ⵉⵔⵣⴼⵏ ⵙ ⵜⵎⴰⵣⵉⵔⵜ ⵏⵏⵖ.
ⵖ ⵓⵏⵎⵓⵇⴰⵔ ⴰⴷ, ⵉⵙⴰⵡⵍ ⵎⴰⵙⵙ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵉⵔⴰⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵜⵣⵣⵉⴳⵣⵜ ⵏ ⵜⵣⴷⴰⵢⵉⵏ ⵜⵉⵙⵏⵔⴰⵏⵉⵏ ⴷ ⵜⴳⴷⵓⴷⴰⵏⵜ ⵏ ⴱⴰⵏⴰⵎⴰ, ⵙ ⴰⵢⵍⵍⵉ ⵔⴰⴷ ⵢⵉⵍⵉ ⵖ ⵚⴰⵃⴰ ⵏ ⵜⵏⵓⴼⴰ ⵏ ⵙⵏⴰⵜ ⵜⵎⵉⵣⴰⵔ ⴷ ⵉⵎⴰⴷⴰⵏⵏ ⵏⵏⵙⵏⵜ ⴳⴰⵏⵉⵏ ⵉⵎⴷⴷⵓⴽⴽⴰⵍ. ⵉⵙⵙⴽⵯⵜⵉ ⴷ ⵙ ⵓⵣⵎⵣⵣⵓ ⴰⴷ ⵙ ⵉⵎⵓⴽⵏⵏ ⵖ ⵜⴽⵛⵉⵎ ⵜⴳⵍⴷⵉⵜ ⵖ ⵉⵙⴳⴳⵯⴰⵙⵏ ⴰⴷ ⴳⴳⵓⵔⴰⵏⵉⵏ, ⴷ ⵓⵎⵖⵉⵏⵏ ⵙⵜⴰⵡⵀⵎⵎⴰⵏⵉⵏ ⵍⵍⵉ ⴷ ⵢⵉⵡⵉ ⵓⴷⵓⵙⵜⵓⵔ ⵏ 2011 ⵉ ⵓⵙⵙⵓⵕⵚⵓ ⵏ ⵓⵡⴰⵏⴽ ⵏ ⵓⵣⵔⴼ ⴷ ⵓⵙⵍⴳⵏ, ⵖⵎⴽ ⵍⵍⵉ ⵜⵜⵓⴼⴽⴰ ⵢⴰⵜ ⵜⵉⵍⴰⵍⵜ ⵜⴰⴷⵙⵍⴰⵏⵜ ⵉ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵍⵍⵉⵖ ⵉⴳⴰ ⵜⴰⵏⴱⴰⴹⵜ ⵜⴰⵣⵣⵔⴰⴼⵜ ⵉⵙⴽⴰⵔⵏ ⴽⵓ ⵜⵉⵎⵙⴰⴽⵔ ⵏⵏⵙ ⵜⵉⴷⵙⵜⴰⵔⵉⵏ.
ⵉⵙⴷⴷⵉⴷ ⵎⴰⵙⵙ ⵜⵜⵡⵉⵎⵉ ⴱⵏ ⵊⵍⵍⵓⵏ ⵖ ⵓⵏⵎⵓⵇⵇⴰⵔ ⴰⴷ ⴼ ⵜⵣⵣⵉⴳⵣⵜ ⵏ ⵜⵎⵣⵉⵔⵜ ⵏⵏⵖ ⵖ ⵢⵉⴳⵔ ⵏ ⵓⵙⵙⴷⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵥⵍⴰⵢ ⵊⴰⵔ ⵜⵏⴱⴰⴹⵉⵏ ⴷ ⵜⵙⵉⵎⴰⵏⵜ ⵏ ⵜⵣⵔⴼⵜ ⴷ ⵓⵙⵙⴷⵓⵙ ⵏ ⵜⵉⵍⵉⵜ ⵏ ⵜⵎⵖⴰⵔⵉⵏ ⴷ ⵉⵄⵔⵔⵉⵎⵏ ⵖ ⵜⵎⵔⵙⴰⵍ ⵉⵜⵜⵓⵙⵜⴰⵢⵏ, ⵖⵎⴽ ⴰⵏⵏ ⵖ ⵜⵣⵣⵉⴳⵣⵜ ⵏ ⵍⵎⵖⵔⵉⴱ ⵖ ⵓⵙⵙⵕⵚⵓ ⵏ ⵉⵛⵓⵎⴰⵛ ⵏ ⵜⵏⵎⵏⴰⴹⵜ ⵜⴰⵎⵉⵔⵉⵡⵜ ⵉⴳⴰⵏ ⴰⵙⵏⴼⴰⵔ ⴰⵎⴰⴼⴰⵢ ⵍⵍⵉ ⵔⴰⴷⴷ ⵢⴰⵡⵉ ⵜⵉⴳⵎⵉ ⵉⵙⵎⴷⵏ ⴷ ⵉⴳⴰⴷⴷⴰⵏ ⵖ ⴽⵓ ⵜⵉⵙⴳⴳⵉⵡⵉⵏ ⵏ ⵜⴳⵍⴷⵉⵜ.
ⵖ ⵓⵙⴷⴰⵡ ⵏ ⵜⵢⴰⵏⵜ ⵏⵏⵖ ⵜⴰⴽⴰⵍⴰⵏⵜ, ⵉⵙⵙⴽⵯⵜⵉ ⴷ ⵎⴰⵙⵙ ⵜⵜⵡⵉⵎⵉ ⴱⵏ ⵊⵍⵍⵓⵏ ⵙ ⵓⵙⵏⴼⴰⵔ ⵏ ⵓⵏⴱⴰⴹ ⴰⵏⵉⵎⴰⵏ ⵍⵍⵉ ⵜⴼⴽⴰ ⵜⵎⴰⵣⵉⵔⵜ ⵏⵏⵖ ⵉ ⵓⴼⵙⵙⴰⵢ ⵏ ⵓⵎⵏⵣⴰⵖ ⵉⵜⵜⵓⵙⴽⴰⵔⵏ ⴼ ⵜⵎⵖⵔⵉⴱⵉⵜ ⵏ ⵚⵚⵃⵕⴰ, ⵙ ⵓⵎⵛⴰⵡⴰⵕ ⴷ ⵜⵎⵜⵜⴰ ⵉⵎⵓⵏⵏ.
ⵖ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⵉⵙⴷⴷⵉⴷ ⵎⴰⵙⵙ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵜⵉⴳ ⵉⵍⵍⴰⵏ ⴷⴰⵔ ⵓⵙⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ, ⴷ ⵓⵙⵙⴷⵓⵙ ⵏ ⵓⵙⵏⴼⵍ ⵏ ⵉⵔⵣⴰⴼⵏ ⵃⵎⴰ ⴰⴷ ⵢⵉⵍⵉ ⵓⵙⵏⴰⵍ ⵏ ⵡⴰⴷⴰⵙ ⵊⴰⵔ ⵉⵎⴰⴷⴰⵏⵏ ⵏ ⵙⵏⴰⵜ ⵜⵎⵉⵣⴰⵔ, ⵉⵙⴷⴷⵉⴷ ⵖ ⵓⵎⴰⵏⴹ ⴰⴷ ⵓⵍⴰ ⴼ ⵜⵉⵍⴰⵍⵜ ⵉⵙⵜⴰⵡⵀⵎⵎⴰⵏ ⵍⵍⵉ ⵙ ⵥⴹⴰⵕⵏ ⴰⵙ ⵜⵜ ⵙⴽⵔⵏ ⵉⴱⵕⵍⴰⵎⴰⵏⵉⵢⵏ ⵉ ⵓⵙⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵖ ⵉⵙⵡⵉⵔⵏ ⴰⴽⴽⵯ.
ⵖ ⵜⵙⴳⴰ ⵏⵏⵙ, ⵉⵙⴷⴷⵉⴷ ⵎⴰⵙⵙ Tito Rodriguez Mena ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵏⵏⵙ ⵉ ⵍⵎⵖⵔⵉⴱ ⵢⴰⵏ ⵖ ⵜⵓⴳⴳⴰⵙ ⵏ ⵜⵎⴰⵣⵉⵔⵜ ⵏⵏⵙ ⵃⵎⴰ ⴰⴷ ⵢⵉⵍⵉ ⵓⵙⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵏⴳⵔ ⵜⵎⴰⵣⵉⵔⵜ ⵏⵏⵙ ⴷ ⵍⵎⵖⵔⵉⴱ ⵙⵍⴰⵡⴰⵏ ⴰⴽⴽⵯ ⵖ ⵢⵉⴳⵔ ⵏ ⵓⵙⵏⵖⵏⵣⵉ, ⵉⵙⵙⴽⵯⵜⵉ ⴷ ⵜⵉⵔⴰⵜ ⵉⴷⵓⵙⵏ ⵏ ⵜⵏⴱⴰⴹⵜ ⵏ ⵜⵎⴰⵣⵉⵔⵜ ⵏⵏⵙ ⵉ ⵓⵙⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⵍⴰ ⴷ ⵓⵎⵢⴰⵡⴰⵙ ⴰⴽⴷ ⵍⵎⵖⵔⵉⴱ.