ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵜⴰⴳⴹⵡⵉⵜ ⵏ ⵜⴳⵓⵔⵉ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵖ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⵅⴼ:«ⵜⴰⴷⵉⵎⵇⵔⴰⵟⵉⵜ ⵜⴰⵎⴰⴷⵔⴰⵡⵜ: ⵉⵏⵎⵔⴰⵏ ⵏ ⵜⵉⵍⴰⵡⵜ ⴷ ⵉⵎⵏⵉⴷⵏ ⵏ ⵜⵣⵣⵉⴳⵣⵜ»
ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⵙⵉⵏⴰⵙ 25 ⴱⵕⴰⵢⵕ 2020 ⵖ ⵓⵙⵖⵉⵎ ⵏⵏⵙ ⵖ ⵕⵕⴱⴰⵟ, ⵜⵉⵏⴰⵡⵜ ⵜⴰⵎⴰⵙⵙⵏⵜ ⵅⴼ:«ⵜⴰⴷⵉⵎⵇⵔⴰⵟⵉⵜ ⵜⴰⵎⴰⴷⵔⴰⵡⵜ: ⵉⵏⵎⵔⴰⵏ ⵏ ⵜⵉⵍⴰⵡⵜ ⴷ ⵉⵎⵏⵉⴷⵏ ⵏ ⵜⵣⵣⵉⴳⵣⵜ». ⵃⴰⴹⵕⵏ ⴳⵉⵙ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⵏ ⵡⴰⵎⵓⵏ ⵓⵖⵔⵉⵎ, ⵉⵎⵓⵣⴰⵢⵏ ⵉⵏⴰⵎⵓⵔⵏ ⴷ ⵉⴱⵕⵕⴰⵏⵉⵢⵏ.
ⵉⵏⵏⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵖ ⵜⵣⵡⵉⵔⵉ ⵏ ⵓⵏⵎⵓⵇⵇⴰⵔ ⵢⴰⵜ ⵜⴳⵓⵔⵉ ⵢⵓⵛⴽⴰ ⴷ ⴳⵉⵙ ⵎⴰⵙ ⵉⴳⴰ ⵓⵙⵏⵎⴰⵍⴰ ⵏ ⵜⵉⵏⴰⵡⵜ ⴰⴷ ⵢⴰⵏ ⵓⵏⵢⴰⵍⴽⴰⵎ ⵢⴰⴹⵏⵉⵏ ⵍⵍⵉ ⵉⵙⵙⵕⵚⴰ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵜⵣⴷⴰⵢⵉⵏ ⵏⵏⵙ ⴷ ⵡⴰⵎⵓⵏ ⵓⵖⵔⵉⵎ ⵏ ⵜⵎⴰⵣⵉⵔⵜ ⵏⵏⵖ, ⵍⵍⵉⵖ ⵢⴰⴷ ⴰⴷⵍⵍⵉ ⵉⵙⵏⵎⴰⵍⴰ ⴰⵏⵎⵓⵇⵇⴰⵔ ⴰⵎⵣⵡⴰⵔ ⵖ 23 ⵎⴰⵢⵢⵓ 2019, ⵖ ⵜⵙⵏⵜⴰⵢⵜ ⵏⵏⵙ ⵏ ⵓⴱⵕⵍⴰⵎⴰⵏ ⵉⵏⵏⵓⵕⵥⵎⵏ. ⵉⵙⴱⵔⵔⴽ ⵎⴰⵙⵙ ⴰⵏⵙⵙⵉⵅⴼ, ⵖ ⵜⴳⵓⵔⵉ ⵏⵏⵙ, ⵙ ⵡⵉⵍⵍⵉ ⴷⵔⵓⵏⵉⵏ ⵖ ⵓⵏⵎⵓⵇⵇⴰⵔ ⴰⴷ, ⵉⵙⵙⵓⵜⴳ ⵓⵍⴰ ⵜⴰⵎⴰⴷⵔⴰⵡⵜ ⵉⵍⵍⴰⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ ⵉ ⵜⴷⵉⵎⵓⵇⵔⴰⵟⵉⵜ, ⵜⴳ ⵜⴰⵎⴰⵜⴰⵔⵜ ⵏ ⵜⴷⴷⵓⴽⵍⴰ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⵍⴷⵉⵜ ⵉⵎⵓⵏⵏ.
ⴰⵔ ⵉⵎⵎⴰⵍ ⵓⵙⵏⵎⴰⵍⴰ ⵏ ⵜⵉⵏⴰⵡⵜ ⴰⴷ ⴰⵙⵓⵖⵏ ⵏ ⵓⵙⵇⵇⵉⵎ ⵉⵎⵓⵔⴰ ⵃⵎⴰ ⴰⴷ ⵢⵉⵍⵉ ⵓⵙⵙⴷⵓⵙ ⵏ ⵜⵙⵏⵜⴰⵢⵜ ⵏ ⵜⵎⴷⵔⴰⵡⵜ ⵊⴰⵔ ⵓⵙⵇⵇⵉⵎ, ⵍⵍⵉⵖ ⵉⴳⴰ ⵜⴰⵏⴱⴰⴹⵜ ⵜⴰⵙⵔⵜⴰⵏⵜ, ⴷ ⵉⵏⴳⵎⴰⵎⵏ ⵏ ⵡⴰⵎⵓⵏ ⵓⵖⵔⵉⵎ ⵃⵎⴰ ⴰⴷ ⵢⵉⵍⵉ ⵓⵙⵙⵎⵖⵔ ⵙ ⵜⴷⵉⵎⴰⵇⵔⴰⵟⵉⵜ ⵜⴰⵎⴰⴷⵔⴰⵡⵜ. ⵖ ⵓⴱⴰⵔⴰⵣ ⴰⴷ, ⵉⵙⴷⴷⵉⴷ ⵎⴰⵙⵙ ⵍⵎⴰⵍⴽⵉ ⴼ ⵓⵎⵓⵔⵙ ⵏ ⵜⵎⴰⵣⵉⵔⵜ ⵏⵏⵖ ⵖ ⵓⵙⴷⵙⵜⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⵍⵍⵉⵖ ⵜⵍⵍⴰ ⵖ ⵓⴷⵓⵙⵜⵓⵔ ⵏ ⵜⵎⴰⵣⵉⵔⵜ ⵏⵏⵖ ⵉⵍⵉⵏ ⵓⵍⴰ ⵉⵙⵍⴳⵏⵏ ⵉⵎⴰⴷⴷⴰⵙⵏ ⵥⵍⵉⵏⵉⵏ ⵉ ⵜⵓⵍⴽⵉⵎⵉⵏ ⴷ ⵜⵓⵜⵔⵉⵡⵉⵏ.
ⵉⵏⵏⴰ ⵎⴰⵙⵙ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⵜⵍⴽⵎ ⵜⵉⵣⵉ ⵏ ⵓⵙⵎⵔⵙ ⵏ ⵜⵎⵙⴽⵔⵜ ⴰⴷ ⵜⴰⵏⵎⵓⵔⴰⵢⵜ ⵉⵀⵎⵎⴰⵏ ⴽⵓ ⵢⴰⵏ: ⵜⴰⵏⴱⴰⴹⵜ ⵜⴰⵣⵣⵔⴰⴼⵜ, ⵜⴰⵏⴱⴰⴹⵜ ⵜⴰⵎⵣⵣⴳⴰⵔⵜ, ⵜⵉⵎⵔⵙⴰⵍ ⵉⵜⵜⵓⵙⵜⴰⵢⵏ ⵖ ⵓⵙⵡⵉⵔ ⴰⴽⴰⵍⴰⵏ ⵍⵍⵉ ⴷⴰⵔ ⵜⴰⵣⴷⴰⵢⵜ ⴷ ⵓⵣⵔⴼ ⵏ ⵜⵏⴽⴷⴰ ⵏ ⵜⵓⵍⴽⵉⵎⵉⵏ, ⵖⵎⴽ ⴰⵏⵏ ⴷ ⵡⴰⵎⵓⵏ ⵓⵖⵔⵉⵎ ⵍⵍⵉ ⴷⴰⵔ ⵜⴰⵎⴰⵙⴰⵢⵜ ⴰⴷ ⵉⵙⴳⵉⴷⴷⵉ ⵜⵉⵙⵏⵜⴰⵢⵉⵏ ⵏ ⵉⵏⵎⵓⵔⴰⵏ ⵖ ⵓⵎⵏⵉⴷ ⴰⴷ.
ⵃⵎⴰ ⴰⴷ ⵉⵜⵜⵓⵙⴽⵉⵔ ⵡⴰⵡⴰⵜⵜⴰⵙ ⴰⴷ, ⵉⵎⵎⴰⵖ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵉⵙⵔⵙ ⵜⴰⵙⵉⵍⴰ ⴷ ⵢⵓⵙⴰⵏ ⴷ ⵉⵎⵥ ⵏ ⵜⵓⵍⴽⵉⵎⵉⵏ ⵏ ⵉⵏⵎⵓⵔⴰⵏ, ⵖⵉⴽ ⴰⵏⵏ ⴰⴼ ⵉⵙⴽⵔ ⵓⵙⵉⵔⴰ ⵏ ⵓⵙⵇⵇⵉⵎ ⵢⴰⵜ ⵜⵙⵇⵇⵉⵎⵜ ⵉⵥⵍⵉⵏ ⵙ ⵜⵓⵍⴽⵉⵎⵉ, ⵔⴰⴷ ⵉⵎⵖⵓⵔⵏⵜ ⵓⵍⴰ ⵜⵎⵙⴽⴰⵔ ⵏⵏⵙ ⴰⴷ ⴳⵉⵙⵏⵜ ⵉⵍⵉⵏⵜ ⵜⵓⵜⵔⵉⵡⵉⵏ ⵉ ⵓⵣⵣⵔⴰⴼ.
ⵖⵎⴽ ⵍⵍⵉ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵎⴷⵔⴰⵡⵜ ⴷ ⵜⵏⴱⴰⴹⵜ ⵢⴰⵏ ⵓⵏⵎⴰⵍⴰ ⵏ ⵜⵙⵏⵎⴰⵍⴰⵢⵜ ⵉⵥⵍⵉⵏ ⵙ ⵜⵏⴽⴷⴰ ⵏ ⵜⵓⵍⴽⵉⵎⵉⵏ, ⴰⵔ ⵢⴰⴽⴽⴰ ⵎⵏⵏⴰⵡ ⵉⵙⵜⴰⵢⵏ ⵉⵥⵍⵉⵏ ⵙ ⵜⵏⴱⴰⴹⵜ ⵎⵓ ⵜⵜⵓⴼⴽⴰ ⵜⵓⵍⴽⵉⵎⵜ ⵖⵎⴽ ⴰⵏⵏ ⴷ ⵓⵙⵡⵓⴷⴷⵓ ⵏⵏⵙ, ⵖⵎⴽ ⵍⵍⵉ ⵉⵡⴰⵜⵜⵙ ⵓⵙⵉⵜ ⴰⵍⵉⴽⵟⵕⵓⵏⵉ ⴰⵎⴰⵢⵏⵓ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵢⵉⵍⵉ ⵓⵏⵢⴰⵍⴽⴰⵎ ⵊⴰⵔ ⵓⵙⵇⵇⵉⵎ ⵖ ⵡⴰⵎⵓⵏ ⵓⵖⵔⵉⵎ ⵙ ⵜⵙⵓⵎⴰⵔ ⵏ ⵉⴹⵕⵉⵚⵏ ⴷ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵍⵍⵉ ⴷ ⵉⵍⴽⴽⵎⵏ ⴰⵙⵇⵇⵉⵎ.
ⵜⵍⵍⴰ ⴼ ⵜⵎⵙⵎⵓⵏⵉⵏ ⴷ ⵜⵎⴰⴷⴷⴰⵙⵉⵏ ⵜⴰⵎⴰⵙⴰⵢⵜ ⴰⴷ ⴰⵡⵙⵏⵜ ⵙ ⵜⵙⵓⵎⴰⵔ ⴷ ⵜⴰⵏⵏⴰⵢⵉⵏ ⵏⵏⵙⵏⵜ ⵖ ⵜⵣⵣⵉⴳⵣⵜ ⵏ ⵜⵏⵏⵓⴱⴹⴰ ⵏ ⵜⵖⴰⵡⵙⵉⵡⵉⵏ ⵜⵉⵎⴰⵜⴰⵢⵉⵏ ⴷ ⵜⵉⵕⵡⵉ ⵏ ⵜⵙⵔⵜⴰⵢⵉⵏ ⵜⵉⴳⴷⵓⴷⴰⵏⵉⵏ. ⵜⴰⵡⵓⵔⵉ ⵏ ⵡⴰⵎⵓⵏ ⵓⵖⵔⵉⵎ ⵓⵔ ⵙⵓⵍ ⵜⴳⵉ ⵜⴰⵖⵉⵢⵢⵉⵜ ⴷ ⵓⴼⵔⴰⵏ, ⵉⵇⵇⴰⵏⴷ ⴰⴷ ⵢⴰⴽⴽⴰ ⵜⵉⵙⵓⵎⴰⵔ ⵉⴳ ⴰⵎⴰⴷⵔⴰⵡ ⴷ ⵜⵎⵔⵙⴰⵍ.
ⵉⵏⵏⴰ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⴷ ⵉⵇⵇⴰⵏ ⴼ ⵡⴰⵎⵓⵏ ⵓⵖⵔⵉⵎ ⵃⵎⴰ ⴰⴷ ⵢⵉⵍⵉ ⵓⵎⵓⵔⵙ ⵏ ⵜⵎⵙⴽⴰⵔ ⵏⵏⵙ, ⴰⴷ ⵉⵎⵎⴰⵖ ⴼ ⵜⵙⵉⵎⴰⵏⵜ ⵏⵏⵙ ⵉⵙⵡⵓⵔⵉ ⵙ ⵉⵡⵜⵜⴰⵙⵏ ⵍⵍⵉ ⴰⵙ ⵉⴼⴽⴰ ⵓⴷⵓⵙⵜⵓⵔ ⵏ ⵜⵎⴰⵣⵉⵔⵜ, ⵖⵎⴽ ⵍⵍⵉ ⵓⵔ ⵜⵓⴼⵉ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴰⴷ ⵜⵉⵍⵉ ⵖ ⵓⴷⵖⴰⵔ ⵏ ⵜⴷⵉⵎⵓⵇⵔⴰⵟⵉⵜ ⵉⵣⴷⵉⵏ ⴷ ⵉⵙⵜⴰⵢⵏ, ⵉⵇⵇⴰⵏⴷ ⵓⵍⴰ ⴰⴷ ⵉⵍⵉⵏ ⵉⵡⵜⵜⴰ ⵊⴰⵔ ⵡⴰⵎⵓⵏ ⴰⵙⵔⵜⴰⵏ ⴷ ⵡⴰⵎⵓⵏ ⵓⵖⵔⵉⵎ, ⵢⵉⵍⵉ ⵓⵃⵟⵟⵓ ⵏⵏⵙⵏ.
ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵖ ⵜⴳⵓⵔⵉ ⵏⵏⵙ ⴼ ⴽⵔⴰ ⵏ ⵜⵎⵓⴽⵔⵉⵙⵉⵏ ⵉⵥⵍⵉⵏ ⵙ ⵓⵙⵎⵔⵙ ⵏ ⵜⵙⵏⵜⴰⵢⵜ ⴰⴷ, ⵢⵉⵍⵉ ⴳⵉⵙⵏⵜ: ⵜⵉⴱⵔⵉⴷⵉⵏ ⴷ ⵓⵏⵛⴽ ⵏ ⵉⵙⴳⵎⴰⴹ, ⵜⵉⵣⵎⵎⴰⵔ ⴷ ⵜⵙⵓⴳⴰⵔ ⵏ ⵡⴰⵎⵓⵏ ⵓⵖⵔⵉⵎ, ⴰⵎⵙⴰⵡⴰⴹ ⵊⴰⵔ ⵉⵏⴳⵎⴰⵎⵏ ⵏ ⵡⴰⵎⵓⵏ ⵓⵖⵔⵉⵎ ⴷ ⵜⵎⵔⵙⴰⵍ ⵀⵎⵎⴰⵏⵜ ⵜⵓⵍⴽⵉⵎⵉⵏ ⴷ ⵜⵓⵜⵔⵉⵡⵉⵏ, ⴰⴷⴰⴼ ⵙ ⵓⵎⵍⴰⵏ ⵉⵣⵣⵔⴰⴼⵏ.
