ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵜⴰⵎⵙⵇⴰⴷⵜ ⵏ ⵀⵓⵍⴰⵏⴹⴰ ⴳ ⵕⵕⴱⴰⵟ

ⵉⵙⵏⵓⴱⴳ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⴽⵕⴰⵙ 19 ⴱⵕⴰⵢⵕ 2020 ⵖ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙⴰ Désirée Bonis ⵜⴰⵎⵙⵇⴰⴷⵜ ⵏ ⵀⵓⵍⴰⵏⴹⴰ ⴳ ⵕⵕⴱⴰⵟ.

ⵙ ⵓⵣⵎⵣⵣⵓ, ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵜⵉⴳ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵖ ⵓⵙⵙⴷⵓⵙ ⵏ ⵡⴰⴷⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⵖⵎⴽ ⴰⵏⵏ ⴷ ⵜⵓⵙⵙⵏⴰ ⵏ ⵉⵙⵏⴼⵍⵏ ⵉⵍⵍⴰⵏ ⵖ ⴽⵔⴰⵢⴳⴰⵜⵜ ⵜⴰⵎⴰⵣⵉⵔⵜ. ⵉⵙⵙⵉⵙⴼⵉⵡ ⴷ ⵎⴰⵙ ⵏⵏ ⵉⴱⴱⵉ ⵍⵎⵖⵔⵉⴱ ⵉⵥⵎⵎⵓⵥⵥⴰⵍ ⵎⵇⵓⵔⵏⵉⵏ ⵖ ⵓⵙⵕⵚⵓ ⵏ ⵓⵡⴰⵏⴽ ⴰⵎⴰⵢⵏⵓ ⵉⵜⵜⵓⵚⴽⴰⵏ ⴼ ⵜⴷⵉⵎⵓⵇⵔⴰⵟⵉⵜ ⴷ ⵍⵓⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵎⵍⵉ ⴷ ⵓⵍⴰ ⵜⴰⵣⵣⵉⴳⵣⵜ ⵉⵍⵍⴰⵏ ⵖ ⵜⴳⵍⴷⵉⵜ ⵖ ⴽⵉⴳⴰⵏ ⵏ ⵉⴳⵔⴰⵏ: ⵜⵉⵎⵔⵙⴰⵍ, ⴰⵙⵍⴳⵏ, ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ, ⵜⵉⵏⵓⴼⴰ ⴷ ⵡⵉⵢⵢⴰⴹ, ⵢⵉⵏⵉ:«ⵍⵎⴰⵖⵔⵉⴱ ⵏ ⵡⴰⵙⵙ ⴰⴷ ⵓⵔ ⵉⴳⵉ ⴰⵎ ⵡⴰ ⴷ ⵉⵣⵔⵉⵏ, ⵉⵍⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵖ ⵢⵉⵅⴼ ⵏ ⵜⴳⵎⵉ ⵜⴰⵖⵣⵓⵔⴰⵏⵜ ⵖ ⴽⵓ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ».

ⵢⴰⵡⵉ ⴷ ⵎⴰⵙⵙ ⵍⵎⴰⵍⴽⵉ ⴼ ⵡⴰⵜⵉⴳ ⵉⵍⵍⴰⵏ ⴷⴰⵔ ⵓⵙⵏⴼⵍ ⵏ ⵉⵔⵣⴰⴼⵏ ⵊⴰⵔ ⵉⴱⵕⵍⴰⵎⴰⵏⵉⵢⵉⵏ ⵏ ⵍⵎⵖⵔⵉⴱ ⴷ ⵀⵓⵍⴰⵏⴹⴰ, ⵖⵎⴽ ⵍⵍⵉ ⵉⵖⵔⴰ ⵉ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵀⵓⵍⴰⵏⴹⴰ ⵉ ⵓⵔⵣⴰⴼ ⵏ ⵜⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ ⵖ ⵔⴰⴷ ⵢⵉⵍⵉ ⵓⵙⵉⴳⴳⵍ ⵏ ⵜⴱⵔⵉⴷⵉⵏ ⵏ ⵓⵙⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵙ ⴽⵉⴳⴰⵏ ⵏ ⵓⵎⵢⴰⵡⴰⵙ ⴷ ⵜⵡⵉⵣⵉ ⵖ ⵔⴰⴷ ⵜⵚⵉⵃⵉ ⵍⴼⴰⵢⵜⵜ ⵉ ⵜⵏⵓⴼⴰ ⵉⵛⵛⴰⵔⵏ ⵏ ⵙⵏⴰⵜ ⵜⵎⵉⵣⴰⵔ.

ⵖ ⵓⵎⵏⵉⴷ ⵏⵏⵙ, ⵜⵙⴷⴷⵉⴷ ⵎⴰⵙⵙⴰ ⵜⴰⵎⵙⵇⴰⴷⵜ ⵎⴰⵙ ⵜⵓⵙⵉ ⵀⵓⵍⴰⵏⴹⴰ ⴰⵏⵣⴳⵓⵎ ⵃⵎⴰ ⴰⴷ ⵜⵙⵙⴷⵓⵙ ⵜⵉⵣⴷⴰⵢⵉⵏ ⵏⵏⵙ ⴷ ⵜⴳⵍⴷⵉⵜ, ⵜⵎⵍⵉ ⴷ ⵎⴰⵙ ⵉⴷⴷⵔ 500.000 ⵏ ⵓⵏⵎⵓⵔⵉ ⴰⵎⵖⵔⵉⴱⵉ ⵖ ⵀⵓⵍⴰⵏⴹⴰ, ⵜⵙⵙⵓⵜⴳ ⵖ ⵓⵎⵏⴰⴹ ⴰⴷ ⵜⵉⵍⵉⵜ ⵏⵏⵙⵏ ⵉⵥⵉⵍⵏ ⴷ ⵓⵙⵉⴷⴼ ⵏⵏⵙⵏ ⵖ ⵡⴰⵎⵓⵏ ⵏ ⵀⵓⵍⴰⵏⴹⴰ.

ⵖⵎⴽ ⵍⵍⵉ ⵜⵙⴷⴷⵉⴷ ⵎⴰⵙⵙⴰ Désirée Bonis ⴼ ⵡⴰⵜⵉⴳ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵖ ⵓⵕⵥⵥⵓⵎ ⵏ ⵉⵎⵏⵉⴷⵏ ⵉⵎⴰⵢⵏⵓⵜⵏ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵜⵎⵍⵉ ⴷ ⵎⴰⵙ ⵔⴰⴷ ⵢⴰⵛⴽ ⵢⴰⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵙⴳ ⵀⵓⵍⴰⵏⴹⴰ ⵖ ⵓⵔⵣⴰⴼ ⵍⵍⵉ ⵏⵏ ⵓⵔ ⵢⴰⴳⴳⵓⴳⵏ ⵖ ⵔⴰⴷ ⵉⵍⵉⵏ ⵉⵎⴹⴰⴽⴰⵕⵏ ⵊⴰⵔ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⴷ ⵉⵎⵙⵜⴳⴳⴰⵔⵏ ⵉⵎⵖⵔⵉⴱⵉⵢⵏ.