ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⵏⵓⴱⴳ ⴰⵎⵙⵇⴰⴷ ⵏ ⵎⴰⵔⵉⴽⴰⵏ ⴳ ⵕⵕⴱⴰ
ⵉⵙⵏⵓⴱⴳ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⴽⵡⴰⵙ 06 ⴱⵕⴰⵢⵕ 2020 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙ DAVID FISCHER ⴰⵎⵙⵇⴰⴷ ⵏ ⵜⵎⴰⵣⵉⵔⵜ ⵏ ⵎⴰⵔⵉⴽⴰⵏ ⴳ ⵕⵕⴱⴰⵟ ⴷ ⵢⵓⵛⴽⴰ ⵏ ⴳ ⵓⵔⵣⴰⴼ ⵏ ⵓⵎⵢⴰⵙⵙⴰⵏ ⵍⵍⵉⵖ ⵉⴳⴰ ⴰⵎⵙⵇⴰⴷ ⴰⵎⴰⵢⵏⵓ ⵏ ⵜⵎⴰⵣⵉⵔⵜ ⵏⵏⵙ ⴳ ⵜⴳⵍⴷⵉⵜ.
ⴳ ⵜⵣⵡⵉⵔⵉ, ⵉⵙⴰⵡⵍ ⵓⵎⵙⵇⴰⴷ ⵏ ⵜⵎⵣⴰⵉⵔⵜ ⵏ ⵎⴰⵔⵉⴽⴰⵏ ⵅⴼ ⵓⴱⵓⵔⵣ ⵏⵏⵙ ⵍⵍⵉⵖ ⵉⴳⴰ ⴰⵎⵙⵇⴰⴷ ⵏ ⵜⵎⴰⵣⵉⵔⵜ ⵏⵏⵙ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⵎⵍ ⴰⵙⵡⵉⵔ ⵉⵥⵉⵍⵏ ⴳ ⵍⵍⴰⵏⵜ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵉⵙⵎⵓⵏⵏ ⵊⴰⵔ ⵙⵏⴰⵜ ⵜⵎⵉⵣⴰⵔ. ⵢⵉⵏⵉ:«ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⴽⵓⵍⵍⵓ ⵉⵣⵡⴰⵔⵏ ⵉⵙ ⵜⵙⵙⵏ ⵙ ⵜⵙⵉⵎⴰⵏⵜ ⵏ ⵎⴰⵔⵉⴽⴰⵏ».
ⵉⵙⴷⴷⵉⴷ ⵎⴰⵙⵙ DAVID FISCHER ⵎⴰⵙ ⵜⵎⵎⴰⵖ ⵜⵎⴰⵣⵉⵔⵜ ⵏⵏⵙ ⵃⵎⴰ ⴰⴷ ⵜⵙⵙⴷⵓⵙ ⵜⵉⵣⴷⴰⵢⵉⵏ ⵏⵏⵙ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵙⵍⵉⵀⵡⴰⴷⴷ ⵎⴰⴷ ⵉⵣⴷⵉⵏ ⴷ ⵉⵙⵏⴼⵍⵏ ⴳ ⵉⴳⵔⴰⵏ ⵏ ⵜⴷⴰⵎⵙⴰ ⴷ ⵓⵙⵖⵏⵣⵉ ⴷ ⵓⵙⴳⵎⵉ. ⵢⵉⵏⵉ ⵎⴰⵙ ⵔⴰⴷ ⵉⵙⵡⵡⵓⵔⵉ , ⴳ ⵓⵎⵏⵉⴷ ⵏ ⵜⵎⵙⴽⴰⵔ ⵏⵏⵙ, ⴼ ⵉⵎⵔⵙⵉⵡⵏ ⵏ ⵜⵄⵓⵔⵔⵎⴰ ⴷ ⵓⵙⵍⵎⴷ ⴷ ⵜⴷⵍⵙⴰ.
ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵎⴰⵙⵙ ⵍⵎⴰⵍⴽⵉ ⴼ ⵓⵙⵡⵉⵔ ⵉⵥⵉⵍⵏ ⴳ ⵍⵍⴰⵏⵜ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵎⴰⵔⵉⴽⴰⵏ ⴳ ⵉⴳⵔⴰⵏ ⴽⵓⵍⵍⵓⵜⵏ: ⵜⴰⵙⵔⵜⵉⵜ, ⵜⴰⴷⴰⵎⵙⴰ, ⵜⴰⴷⵉⴱⵍⵓⵎⴰⵙⵉⵜ, ⵜⴰⴷⵍⵙⴰ ⴷ ⵜⵏⴼⵔⵓⵜ. ⵉⵙⵙⴽⵜⵉ ⴷ ⴳ ⵓⵎⵏⵉⴷ ⴰⴷ ⵎⴰⵙ ⵜⵙⵎⵓⵏ ⵜⵎⵢⴰⵇⵇⴰⵏⵜ ⵏ ⵓⵙⵏⴼⵍ ⵉⵍⴻⵍⵍⵉ ⵊⴰⵔ ⵙⵏⴰⵜ ⵜⵎⵉⵣⴰⵔ.
ⵉⵖⵔ ⵎⴰⵙⵙ ⵍⵎⴰⵍⴽⵉ ⵃⵎⴰ ⴰⴷ ⵢⵉⵎⵖⵓⵔ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵙⵏⴰⵜ ⵜⵎⵉⵣⴰⵔ, ⵍⵍⵉⵖ ⵜⵥⴹⴰⵕ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴰⴷ ⵜⵕⵥⵎ ⵉⴷⵉⵔⵏ ⵉⵎⴰⵢⵏⵓⵜⵏ, ⵜⵣⵣⵉⴳⵣ ⵓⵍⴰ ⵙ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵙ ⵓⵙⵡⵉⵔ ⵉⵥⵉⵍⵏ ⵏ ⵓⵎⵢⴰⵡⴰⵙ ⴷ ⵓⵎⵛⴰⵡⴰⵕ.