ⵉⵎⴹⴰⴽⴰⵕⵏ ⵏ ⵜⵔⵓⴱⴱⴰ ⵏ ⵜⴷⴷⵓⴽⵍⴰ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ-ⵛⵛⵉⵍⵉ

ⵉⵙⴽⵔ ⵎⴰⵙⵙ ⵛⵛⵕⵇⴰⵡⵉ ⵣⵏⴰⵢⴷⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵛⵛⵉⵍⵉ ⴰⵙⵙ ⵏ ⵓⴽⵕⴰⵙ 05 ⴱⵕⴰⵢⵕ 2020 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ ⵉⵎⴹⴰⴽⴰⵕⵏ ⴷ ⵓⵏⴳⴳⵓ ⵏⵏⵙ ⴰⵛⵉⵍⵉ ⵎⴰⵙⵙ Gonzalo Fuenzalida Figueroa ⵉⵍⵍⴰⵏ ⴳ ⵓⵔⵣⴰⴼ ⵉ ⵜⵎⴰⵣⵉⵔⵜ ⵏⵏⵖ.

ⵉⵙⵎⵓⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵛⵉⵍⵉ : ⵎⴰⵙⵙ ⴰⵎⴰⵔⵉ Gonzalo Fuenzalida Figueroa, ⵎⴰⵙⵙⴰ ⵜⴰⵎⴰⵔⵉⵜ Marisela Del Carmen Santibanez Novoa, ⵎⴰⵙⵙ ⴰⵎⴰⵔⵉ Pablo Esteban Vidal Rojas, ⵎⴰⵙⵙⴰ ⵜⴰⵎⴰⵔⵉⵜ Cicardini Milla Daniella Valentina.

ⵍⵍⴰⵏ ⵉⵎⵟⴰⴽⴰⵕⵏ ⴰⴷ ⴼ ⵓⵙⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵖ ⵉⴳⵔⴰⵏ ⴰⴷⵎⵙⴰⵏ, ⴰⵏⴰⵎⵓⵏ ⴷ ⵓⴷⵍⵙⴰⵏ. ⴳ ⵓⵏⵎⵓⵇⵇⴰⵔ ⴰⴷ, ⵉⵙⵙⵉⵜⵎ ⵎⴰⵙⵙ ⵛⵛⵕⵇⴰⵡⵉ ⵣⵏⴰⵢⴷⵉ ⴰⴷ  ⵜⵙⵡⵓⵔⵉ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵜⴰⴱⵕⵍⴰⵎⴰⵏⵉⵜ ⵉ ⵜⵣⵣⵉⴳⵣⵜ ⵉⵥⵉⵍⵏ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴷ ⴰⴷ ⵜⵚⴰⵃⴰ ⵜⵢⴰⴼⵓⵜ ⵉ ⴽⵔⴰⵢⴳⴰⵜⵜ ⵜⴰⵙⴳⴰ ⵖ ⵜⵉⵔⵎⵉⵜ ⵏ ⵜⴰⵢⵢⴰⴹ, ⵢⵉⵏⵉ ⵎⴰⵙ ⵏⵏ ⵜⴱⴱⵉ ⵛⵛⵉⵍⵉ ⵉⵥⵎⵓⵥⵥⴰⵍ ⵎⵇⵓⵔⵏⵉⵏ ⴳ ⵉⵙⵡⵉⵔⵏ ⵏ ⵜⴷⴰⵎⵙⴰ ⴷ ⵜⴷⵉⵎⵓⵇⵔⴰⵟⵉⵜ.

ⵉⵙⵙⵓⵜⴳ ⵎⴰⵙⵙ ⵛⵛⵕⵇⴰⵡⵉ ⵣⵏⴰⵢⴷⵉ ⴰⵔⵣⴰⴼ ⵉⵙⴽⵔ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵛⵉⵍⵉ ⵉ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⵃⵎⴰ ⴰⴷ ⵉⴱⴷⴷ ⴼ ⵜⴳⵎⵉ ⴷ ⵓⴱⵓⵖⵍⵓ ⵉⵍⵍⴰⵏ ⴳ ⵜⵙⴳⴳⵉⵡⵉⵏ ⴰⴷ ⴳ ⵉⴳⵔⴰⵏ ⴽⵓⵍⵍⵓⵜⵏ, ⵉⵥⵕ ⵓⵍⴰ ⴰⵎⵢⴰⵏⴰⵡ ⴰⴷⵍⵙⴰⵏ ⴷ ⵓⵊⵢⵓⵖⵔⴰⴼⵉ ⵏ ⵜⵎⴰⵣⵉⵔⵜ ⵏⵏⵖ.

ⵖ ⵜⴽⵛⵛⵓⵎⵉⵏ ⵏⵏⵙⵏ, ⵉⴱⴷⵔ ⵎⴰⵙⵙ ⵎⵓⵃⴰⵎⵎⴰⴷ ⴼⴰⴹⵉⵍⵉ ⴷ ⵎⴰⵙⵙ ⵎⵓⵃⴰⵎⵎⴰⴷ ⵍⵃⴰⴼⵉⴹ, ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵍⵎⵖⵔⵉⴱ-ⵛⵛⵉⵍⵉ ⵉⵃⴰⴹⵕⵏ ⴳ ⵓⵏⵎⵓⵇⵇⴰⵔ ⴰⴷ, ⵜⵉⵍⴰⵍⵜ ⵜⴰⵅⴰⵜⴰⵔⵜ ⵍⵍⵉ ⵜⵙⴽⴰⵔ ⵜⵎⴰⵣⵉⵔⵜ ⵏ ⵛⵛⵉⵍⵉ ⵖ ⴰⵎⵔⵉⴽⴰ ⵜⴰⵍⴰⵜⵉⵏⵉⵜ ⵙ ⵜⵉⵔⵎⵉⵜ ⵏⵏⵙ ⵜⴰⴷⵉⵎⵓⵇⵔⴰⵟⵉⵜ ⴷ ⵜⵥⵉⴹⴰⵕ ⵏⵏⵙ ⵜⵉⴷⵎⵙⴰⵏⵉⵏ ⵙⵜⴰⵡⵀⵎⵎⴰⵏⵉⵏ, ⵎⴽ ⵍⵍⵉ ⵏⵉⵜ ⵉⴳⴰ ⵍⵎⵖⵔⵉⴱ ⴳ ⵓⵙⵡⵉⵔ ⴰⴼⵔⵉⵇⵉ, ⵉⵏⵉⵏ ⵎⴰⵙ ⵜⵔⴰ ⵜⵉⵣⵉ ⴰⴷ ⵜⵉⵍⵉ ⵜⵣⵣⵉⴳⵣⵜ ⵙ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵓⵙⵎⵀⵍ ⵏ ⵜⵎⵢⵇⵇⴰⵏⵉⵏ ⵉⵜⵜⵓⵣⵎⵎⴰⵎⵏ ⵊⴰⵔ ⵙⵏⴰⵜ ⵜⵎⵉⵣⴰⵔ. 

ⵖ ⵜⵙⴳⴰ ⵏⵏⵙ, ⵉⵙⴷⴷⵉⴷ ⵎⴰⵙⵙ Gonzalo Fuenzalida Figuero, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⵍⴰ ⵛⵛⵉⵍⵉ-ⵍⵎⵖⵔⵉⴱ, ⵎⴰⵙ ⵢⵉⵡⵙ ⵓⵔⵣⴰⴼ ⵍⵍⵉ ⵉⵙⴽⵔ ⵓⴽⴰⴱⴰⵕ ⵏ ⵛⵛⵉⵍⵉ ⵉ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ, ⴰⴷ ⵉⴱⴷⴷ ⴼ ⴽⵉⴳⴰⵏ ⵏ ⵜⵎⵓⵛⴰ ⵖ ⵉⵏⵎⵓⵇⵇⴰⵔⵏ ⵉⵙⴽⵔ ⴷ ⵜⵏⴱⴰⴹⵉⵏ ⴷ ⵉⵏⵎⵖⵓⵔⵏ ⵏ ⵜⵙⴳⴳⵉⵡⵉⵏ ⴰⴷ, ⵉⵎⵍⵉ ⴷ ⵎⴰⵙ ⵍⵍⴰⵏⵜ ⵜⵏⵥⴰⵕ ⵏ ⵉⵎⴰⵍ ⵉⵛⵛⴰⵔⵏ ⴷⴰⵜ ⵏ ⵙⵏⴰⵜ ⵜⵎⵉⵣⴰⵔ ⵀⵎⵎⴰⵏⵜ ⵜⴰⵣⵣⵉⴳⵣⵜ ⵏ ⵜⵥⴹⴰⵕⵜ ⴷ ⵜⴷⵉⵎⵓⵇⵔⴰⵟⵉⵜ.

ⵖⵎⴽ ⵍⵍⵉ ⵉⵙⵙⵓⵜⴳ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵛⵉⵍⵉ ⵙ ⵜⵓⴳⴳⴰⵙ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ ⵖ ⵓⴱⴰⵔⴰⵣ ⵏ ⵜⵣⵣⵉⴳⵣⵜ ⵙ ⵜⵣⴷⴰⵢⵉⵏ ⵊⴰⵔ ⵜⵎⵉⵣⴰⵔ ⵜⵉⵎⴷⴷⵓⴽⴽⴰⵍ ⵙ ⴽⵉⴳⴰⵏ ⵏ ⵓⵎⵢⴰⵡⴰⵙ ⴷ ⵜⵡⵉⵣⵉ.