ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵙⴰⵇⴰⴷ ⵏ ⵚⴱⴰⵏⵢⴰ ⴳ ⵕⵕⴱⴰⵟ
ⵉⵙⴽⵔ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⴽⵡⴰⵙ 30 ⵉⵏⵏⴰⵢⵔ 2020 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵉⵎⴹⴰⴽⴰⵕⵏ ⴷ ⵎⴰⵙⵙ Ricardo Diez- Hochleitner Rodriguez ⵉⴳⴰⵏ ⴰⵎⵙⵇⴰⴷ ⵏ ⵚⴱⴰⵏⵢⴰ ⴳ ⵍⵎⵖⵔⵉⴱ, ⵉⵡⵉⵏ ⴷ ⴼ ⵜⵖⴰⵔⴰⵙⵉⵏ ⵏ ⵓⵙⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵙⵏⴰⵜ ⵜⵎⵉⵣⴰⵔ ⴰⴽⴽⵯ: ⵍⵎⵖⵔⵉⴱ ⴷ ⵚⴱⴰⵏⵢⴰ.
ⴳ ⵜⵣⵡⵉⵔⵉ ⵏ ⵓⵏⵎⵓⵇⵇⴰⵔ, ⵉⵙⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵍⵎⵖⵔⵉⴱ ⴷ ⵚⴱⴰⵏⵢⴰ ⴳ ⵉⵍⵍⴰ «ⵓⵎⵛⴰⵡⴰⵕ ⴷ ⵓⵏⵢⴰⵍⴽⴰⵎ ⴰⵙⵓⵍⴰⵏ», ⵉⵎⵍⵉ ⴷ ⵎⴰⵙ ⵉⵣⵣⵎⵉⵎ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⴽⵉⴳⴰⵏ ⵏ ⵓⴷⴳⵉ ⴰⵎⵙⴰⵡⴰⵍ ⴰⵚⴽⵡⴰⵏ ⴷ ⵓⵎⵏⵉⴳ ⵉⵙⵎⵓⵏⵏ ⵉⵎⵙⵜⴳⴳⴰⵔⵏ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵙⵏⴰⵜ ⵜⵎⵉⵣⴰⵔ ⵜⵉⴳⵉⵔⴰ ⵍⵍⵉⵖ ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵉⵎⴰⵍⴰⵙⵙ ⵉⵣⵔⵉⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴽⵛⵎⵏⵉⵏ ⴳ ⵓⵙⵎⴰⵢⵏⵓ ⵏ ⵉⵙⵍⴳⵏⵏ ⵉⵣⴷⵉⵏ ⴷ ⵉⴳⵔⴰⵏ ⴷ ⵉⵡⵜⵜⴰ ⴰⵢⵍⴰⵏⵏ ⵏ ⵜⴳⵍⴷⵉⵜ ⵎⴽ ⵉⵍⵍⴰⵏ ⴳ ⵓⵙⵍⴳⵏ ⴰⴳⵔⴰⵖⵍⴰⵏ ⵏ ⵢⵉⵍⵍⵏ.
ⴳ ⵜⵙⴳⴰ ⵏⵏⵙ, ⵉⵙⵙⵓⵜⴳ ⵎⴰⵙⵙ ⴰⵎⵙⵇⴰⴷ ⵏ ⵚⴱⴰⵏⵢⴰ ⵉⵙⵔⵓⵙⵏ ⵓⵎⵏⵉⴳⵏ ⴳ ⵍⵍⴰⵏⵜ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵏ ⵙⵏⴰⵜ ⵜⵎⵉⵣⴰⵔ, ⵉⵎⵍⵉ ⴷ ⵜⴰⵣⵣⵉⴳⵣⵜ ⵉⵍⵍⴰⵏ ⴳ ⵓⵎⵏⵉⴷ ⵏ ⵓⵙⵖⵏⵣⵉ ⴷ ⵜⴷⴰⵎⵙⴰ ⵏⴳⵔⴰⵜⵜⵙⵏⵜ, ⵢⵉⵏⵉ:«ⵉⴳⴰ ⵓⵙⵏⴼⵍ ⵏ ⵓⵙⵖⵏⵣⵉ ⵊⴰⵔ ⵚⴱⴰⵏⵢⴰ ⴷ ⵍⵎⵖⵔⵉⴱ ⴰⵏⴰⵡ ⵏ ⵓⵙⵖⵏⵣⵉ ⴰⵏⵙⵙⵓⵎⵓ ⴷ ⵓⵏⵙⵎⴰⴷ ⵏⴳⵔ ⵜⵎⵉⵣⴰⵔ, ⵍⵎⵖⵔⵉⴱ ⵉⴳⴰ ⴰⵎⴷⵔⴰⵡ ⵡⵉⵙ ⵙⵉⵏ ⵏ ⵚⴱⴰⵏⵢⴰ ⴱⵕⵕⴰ ⵏ ⵜⵎⵓⵏⵜ ⵏ ⵓⵕⵓⴱⴱⴰ ⴳ ⵓⵎⵏⵉⴷ ⵏ ⵓⵙⵖⵏⵣⵉ ».
ⵖⵎⴽ ⵍⵍⵉ ⵉⵙⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵙ ⵜⵓⴳⴳⴰⵙ ⵏ ⵜⴳⵍⴷⵉⵜ ⵏ ⵍⵎⵖⵔⵉⴳ ⴳ ⵓⵙⴱⴷⴷⵉ ⵏ ⵜⵣⵡⴰⴳⵜ ⵜⴰⵡⴰⵔⵍⴳⴰⵎⴰⵏⵜ ⵙ ⵓⵕⵓⴱⴱⴰ, ⵉⵣⵎⵎⴻⵎ ⵎⴰⵙ ⵢⵓⴽⵉ ⵓⵏⵛⴽ ⵏ ⵉⵎⵣⵡⴰⴳⵏ ⵉⵡⴰⵔⵍⴳⴰⵎⴰⵏⵏ ⵏⵏ ⵉⴽⴽⴰⵏ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵉⵣⵔⵉⵏ.
ⵙⴰⵡⵍⵏ ⵙⵉⵏ ⵉⵎⵙⵜⴳⴳⴰⵔⵏ ⴼ ⴽⵉⴳⴰⵏ ⵏ ⵓⴷⵎⴰⵡⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵙⵏⴰⵜ ⵜⵎⵉⵣⴰⵔ, ⵖⵎⴽ ⴰⵏⵏ ⴷ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ-ⴰⵚⴱⵍⵢⵓⵏⵉ ⵍⵍⵉ ⵔⴰⴷ ⵢⵉⵍⵉ ⴳ ⵕⵕⴱⴰⵟ ⴳ ⵎⴰⴷ ⵢⴰⵥⵏ, ⵖⵎⴽ ⵍⵍⵉ ⵙⵏⴼⵍⵏ ⵙⵉⵏ ⵉⵎⵙⵜⵜⴳⴳⴰⵔⵏ ⵜⴰⵏⵏⴰⵢⵉⵏ ⴼ ⵜⵖⴰⵔⴰⵙⵉⵏ ⵏ ⵓⵙⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵙⵏⴰⵜ ⵜⵎⵉⵣⴰⵔ.
ⵙⴷⴷⵉⴷⵏ ⵙⵉⵏ ⵉⵎⵙⵜⴳⴳⴰⵔⵏ ⵓⵍⴰ ⴼ ⵡⴰⵜⵉⴳ ⵉⵍⵍⴰⵏ ⴷⴰⵔ ⵓⵙⵙⴷⵓⵙ ⵏ ⵓⵙⵏⴼⵍ ⴰⴷⵍⵙⴰⵏ ⴷ ⵓⵙⵉⵙⵙⵏ ⵙ ⵡⴰⵢⴷⴰ ⴰⵎⵣⵔⴰⵢ ⴷ ⵓⵖⵔⵎⴰⵏ ⵉⵙⵎⵓⵏⵏ ⵙⵏⴰⵜ ⵜⵎⵉⵣⴰⵔ ⵜⴰⵙⵓⵜⵉⵏ ⴼ ⵜⴰⵙⵓⵜⵉⵏ.