ⴰⵙⵏⵎⴰⵍⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵉⵏⴰⵡⵜ ⵜⴰⵏⴰⵎⵓⵔⵜ ⵅⴼ ⵓⵙⵙⵥⵕⴼ ⵏ ⵜⴷⴰⵎⵙⴰ ⵜⴰⵏⴰⵎⵓⵔⵜ
ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵔⴰⴷ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⴽⵕⴰⵙ 29 ⵉⵏⵏⴰⵢⵔ 2020 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵜⵉⵏⴰⵡⵜ ⵜⴰⵏⴰⵎⵓⵔⵜ ⵅⴼ : « ⴰⵙⵙⵥⵕⴼ ⵏ ⵜⴷⴰⵎⵙⴰ ⵜⴰⵏⴰⵎⵓⵔⵜ : ⵉ ⵜⴳⵎⵉ ⵜⴰⵙⵉⴷⴼⴰⵏⵜ » (ⵜⴰⴷ ⵉⵜⵜⵓⵖⴰⵡⴰⵙⵏ ⴳ 22 ⵉⵏⵏⴰⵢⵔ 2020).
ⴰⵙⵏⵎⴰⵍⴰ ⵏ ⵜⵉⵏⴰⵡⵜ ⴰ ⵉⵣⵣⵉⴳⵣ ⴷ ⵎⴰⴷ ⵢⵉⵡⵉ ⵢⵉⵏⴰⵡ ⴰⴳⵍⴷⴰⵏ ⴰⵎⴰⵜⵜⴰⵢ ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵙ ⵓⵣⵎⵣⵣⵓ ⵏ ⵓⵕⵥⵥⵓⵎ ⵏ ⵓⵙⴳⴳⵯⴰⵙ ⴰⴷ ⴰⵣⵣⵔⴰⴼ, ⵍⵍⵉⴳ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ, ⴰⴷ ⵜ ⵉⵃⴼⴹ ⵕⴱⴱⵉ, ⵉ ⵍⴰⴱⵏⴰⴽ ⵉⵏⴰⵎⵓⵔⵏ ⴰⴷ ⴼⴽⵉⵏ ⴽⵉⴳⴰⵏ ⵏ ⵓⵙⵓⵖⵏ ⴷ ⵓⵍⵜⴰⵖ ⵓⵎⵏⵉⴳ ⵉ ⵜⴷⵉⵏⴰⵎⵉⵜ ⵏ ⵜⴳⵎⵉ ⵉⵍⵍⴰⵏ ⴳ ⵜⵎⴰⵣⵉⵔⵜ ⵏⵏⵖ, ⵙⵍⵉⵀⵡⴰⴷⴷ ⵎⴰⴷ ⵉⵥⵍⵉⵏ ⵙ ⵓⵙⵙⵥⵕⴼ ⵏ ⵓⵙⵙⴰⵔⵓ ⴷ ⵡⴰⵏⵏⴰⵍ ⵏ ⵜⵡⵓⵔⵉⵡⵉⵏ ⵜⵉⵙⵢⴰⴼⵓⵜⵉⵏ ⵢⴰⴽⴽⴰⵏ ⴰⵙⵡⵓⵔⵉ ⴷ ⵓⵏⵖⵓⵍ.
ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⵉ ⵍⴰⴱⵏⴰⴽ ⵃⵎⴰ ⴰⴷ ⵙⴽⵔⵏ ⵜⵉⵎⵍⴰⵍⵉⵏ ⵏⵏⵙⵏ ⴳ ⵜⴳⵎⵉ ⵙ ⵡⴰⵏⵏⴰⵍ ⴷ ⵓⵙⵙⵥⵕⴼ ⵏ ⵜⵎⵏⵙⵙⵏⵜⴰⵢ ⵜⵉⵅⴰⵜⴰⵔⵉⵏ, ⵙⵍⵉⵀⵡⴰⴷⴷ ⵎⴰⴷ ⵉⵥⵍⵉⵏ ⵙ ⵓⵙⵀⵡⵏ ⵏ ⵜⵉⴽⴽⵉ ⵏ ⵉⵕⵟⵟⴰⵍⵏ, ⵖⵎⴽ ⴰⵏⵏ ⴷ ⵓⵏⵏⵓⵕⵥⵎ ⴼ ⵜⵎⵏⵙⵙⵏⵜⴰⵢ ⵜⵉⵢⵉⵎⴰⵏⵉⵏ ⴷ ⵓⵙⵙⵥⵕⴼ ⵏ ⵜⵎⵙⵙⵓⵔⵉⵏ ⵎⵥⵥⵉⵏⵉⵏ ⴷ ⵜⵎⵊⵀⴷⴰⵢ.
ⵉⴼⴼⵖ ⴰⴷⵍⵍⵉ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵏⵏⵙ ⵉⴳⴳⵓⵔⴰⵏ ⵉⵙⴽⵔ ⴳ 14 ⵉⵏⵏⴰⵢⵔ 2020, ⴰⴷ ⵉⵍⵉⵏ ⵉⵙⴰⵡⵓⵔⵏ ⴷ ⵓⵙⵙⴰⵏ ⵏ ⵜⵖⵓⵔⵉⵡⵉⵏ ⴳ ⵉⵖⴰⵡⴰⵙⵏ ⵏ ⵓⵙⵇⵇⵉⵎ ⵍⵍⵉ ⵙ ⴷ ⵉⵇⵇⴰⵏ ⴰⴷⴷ ⵜⵜⴰⴳⵯⵎⵏ ⴳ ⵉⵏⴰⵡⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ, ⵃⵎⴰ ⴰⴷ ⵜⵉⵍⵉ ⵜⵙⴰⵔⵡ ⵏ ⵜⵥⵉⴹⴰⵕ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ ⴷⵉⴳⵙⵏ ⵉⵍⵍⴰⵏ ⴳ ⵉⵙⵡⵉⵔⵏ ⵉⴷⵎⵙⴰⵏⵏ, ⵉⵏⴰⵎⵓⵏⵏ, ⵉⴷⵍⵙⴰⵏⵏ ⴷ ⵉⵡⵏⴹⴰⵏⵏ.
