ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵎⴹⴰⴽⴰⵕ ⴷ ⵉⵎⵉⵔⵉ ⵏ ⵓⵡⴰⵏⴽ ⴰⵕⵓⵡⴰⵏⴷⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵔⴰⴱⴱⵓⵜ ⵏ ⵉⴼⵔⵉⵇⵢⴰ ⵏ ⵍⵇⴱⵍⵜ, ⴷ ⵉⵙⴷⴷⵉⴷ ⴼ ⵓⵜⵜⵓ ⵏ ⵜⵎⵓⴽⵔⵉⵙⵉⵏ ⵏ ⵉⵎⵏⵖⵉ ⴰⵚⵎⵎⴰⴹ
ⵉⵎⴹⴰⴽⴰⵕ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⴽⵕⴰⵙ 15 ⵉⵏⵏⴰⵢⵔ 2020 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴷ ⵎⴰⵙⵙ OLIVIER NDUHUNGIREHE, ⵉⵎⵉⵔⵉ ⵏ ⵓⵡⴰⵏⴽ ⴰⵕⵓⵡⴰⵏⴷⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵔⴰⴱⴱⵓⵜ ⵏ ⵉⴼⵔⵉⵇⵢⴰ ⵏ ⵍⵇⴱⵍⵜ, ⴷ ⵢⵓⵛⴽⴰⵏ ⵙ ⵜⵎⴰⵣⵉⵔⵜ ⵏⵏⵖ ⴳ ⵜⵉⴳⴳⵉⵜ ⵏ ⵜⵡⵓⵔⵉ.
ⵉⵙⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ, ⴳ ⵓⵏⵎⵓⵇⵇⴰⵔ ⴰ, ⵙ ⵜⵓⵇⵇⵏⵉⵏ ⵥⵉⵍⵏⵉⵏ ⵉⵙⵎⵓⵏⵏ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵙⵏⴰⵜ ⵜⵎⵉⵣⴰⵔ, « ⴰⵔ ⵎⵎⴰⵍⵏⵜ ⴰⴷⴰⵙ ⵉⵍⵍⴰⵏ ⵊⴰⵔ ⵍⵎⵖⵔⵉⴱ ⴷ ⵕⵓⵡⴰⵏⴷⴰ ⴳ ⴽⵉⴳⴰⵏ ⵏ ⵉⵙⵡⵉⵔⵏ ⵙ ⵜⵉⵔⴰⵜ ⵎⵇⵇⵓⵔⵏ ⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵓⵏⵙⵙⵉⵅⴼ ⴰⵅⴰⵜⴰⵔ ⴱ. ⴽⴰⴳⴰⵎⵉ ».
ⵉⵙⴷⴷⵉⴷ ⵎⴰⵙⵙ ⵍⵎⴰⵍⴽⵉ ⵎⴰⵙ ⵉⴳⴰ ⵍⵎⵖⵔⵉⴱ ⴷ ⵕⵓⵡⴰⵏⴷⴰ ⵉⵎⵣⵡⵓⵔⴰ ⵉⵍⵍⴰⵏ ⴷ ⵜⵡⵓⵔⵉ ⵜⴰⴼⵔⵉⵇⵉⵜ ⵉⵛⵛⴰⵔⵏ, ⵉⵔⵉⵏ ⴰⴷ ⵙⵙⴷⵓⵙⵏ ⴰⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵖⵎⴽ ⴰⵏⵏ ⵓⵍⴰ ⵜⴰⵎⵓⵏⵜ ⵊⴰⵔ ⵜⵎⵉⵣⴰⵔ ⵏ ⵉⴼⵔⵉⵇⵢⴰ. ⴳ ⵓⵎⵏⴰⴹ ⴰⴷ, ⵉⵎⵍⴰ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵙⵙⵉⵃⵍⵏ ⵉⵎⵍⵖⵓⵖⴰⵙ ⵏ ⵉⵎⵏⵖⵉ ⴰⵚⵎⵎⴰⴹ ⵜⴰⵙⴳⴰ ⵏ ⵍⵎⵖⵔⵉⴱ ⴰⵎⵇⵔⴰⵏ, ⵍⵍⵉⵖ ⵉⵜⵜⵓⵙⴽⴰⵔ ⵓⵎⵏⵣⴰⵖ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⵉⵙⵙⵉⵙⴼⵉⵡ ⵎⴰⵙ ⵇⵍⵏ ⵉⵎⴰⴷⴰⵏⵏ ⵏ ⵜⵙⴳⴰ ⴰⴷ ⵉⵀⵢⵢⵓ ⵓⵎⵓⴽⵔⵉⵙ ⴰⴷ ⵉⵜⵜⵓⵙⴽⴰⵔⵏ, ⵉⵔⵉⵏ ⴰⴷ ⵜⵉⵍⵉ ⵜⵓⵚⴽⴰ ⵜⴰⵎⵖⴰⵔⵉⴱⵉⵜ.
ⴳ ⵜⵙⴳⴰ ⵏⵏⵙ, ⵉⵎⵍⴰ ⴷ ⵉⵎⵉⵔⵉ ⵏ ⵓⵡⴰⵏⴽ ⴰⵕⵓⵡⴰⵏⴷⵉ ⵉⵜⵜⵓⵙⵎⴰⴳⴰⵍⵏ ⵙ ⵉⴼⵔⵉⵇⵢⴰ ⵏ ⵍⵇⴱⵍⵜ ⵎⴰⵙ ⵜⴳⴰ ⵜⵉⴳⴳⵉⵜ ⵏⵏⵙ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵢⴰⵏ ⵓⵙⵙⴷⵓⵙ ⵏ ⵜⵓⵇⵇⵏⵉⵏ ⵜⵉⵙⵉⵏⵔⴰⵏⵉⵏ. ⵢⵉⵏⵉ : « ⵉⵎⵇⵇⵓⵔ ⵓⵙⵡⵉⵔ ⵏ ⵜⵓⵇⵇⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵙⴳ ⵜⵉⴳⴳⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵕⵓⵡⴰⵏⴷⴰ ⴳ 2016 ⴷ ⵜⵉⴳⴳⵉⵜ ⵉⵙⴽⵔ ⵓⵏⵙⵙⵉⵅⴼ ⴰⵅⴰⵜⴰⵔ ⴱ.ⴽⴰⴳⴰⵎⵉ ⵉ ⵍⵎⵖⵔⵉⴱ ». ⵉⵙⵙⴽⵯⵜⵉ ⴷ ⴽⵉⴳⴰⵏ ⵏ ⵜⵓⵇⵇⵏⵉⵏ ⵉⵙⵎⵓⵏⵏ ⵙⵏⴰⵜ ⵜⵎⵉⵣⴰⵔ ⴳ ⵉⴳⵔⴰⵏ ⵉⵛⵛⴰⵔⵏ ⴳⴳⵓⵜⵏⵉⵏ, ⵉⵙⴷⴷⵉⴷ ⵎⴰⵙ ⵔⴰⵏⵜ ⵙⵏⴰⵜ ⵜⵎⵉⵣⴰⵔ ⴰⴷ ⴹⴼⵕⵏⵜ ⴰⵙⵓⴼⵖ ⴷ ⵓⵣⵣⴳⵉⵔ ⵏⵏⵙⵏⵜ.
ⵖⵎⴽ ⵍⵍⵉ ⵉⵙⵙⵎⵖⵔ ⵎⴰⵙⵙ OLIVIER NDUHUNGIREHE ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵉⴼⵔⵉⵇⵢⴰ, ⵢⵉⵏⵉ ⵎⴰⵙ ⵜⵍⵍⴰ ⵕⵓⵡⴰⵏⴷⴰ ⴷ ⵡⴰⴱⴰⴹ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ :« ⵖⵓⵔⵏⵖ ⵜⵉⵔⴰⵜ ⵜⴰⴽⵙⵡⴰⵜ ⴰⴷ ⵏⵙⵙⴷⵓⵙ ⵜⵓⵇⵇⵏⵉⵏ ⵏ ⵓⵎⵢⴰⵡⴰⵙ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ».