ⵉⵙⵙⵉⵅⴼ  ⵎⴰⵙⵙ  ⵍⴰⵃⴱⵉⴱ  ⵍⵎⴰⵍⴽⵉ, ⴰⵏⵙⵙⵉⵅⴼ  ⵏ ⵓⵙⵇⵇⵉⵎ  ⵏ  ⵉⵎⵓⵔⴰ, ⵜⴰⵙⵎⵓⵏⵉ  ⵉⵥⵍⵉⵏ  ⵙ  ⵜⵙⵏⵜⴰⵢⵜ  ⵜⴰⵣⵣⵔⴰⴼⵜ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴷ ⵡⴰⵎⵎⴰⴽⵏ ⵏ ⵓⵙⵎⵀⵍ ⵏ ⵓⵏⵎⵓⵇⵇⴰⵔ ⴰⵢⵢⵓⵔⴰⵏ  ⵏ ⵓⵣⵣⵔⴰⵢ ⵏ ⵜⵙⵓⵎⴰⵔ ⵏ ⵉⵙⵍⴳⵏⵏ,  ⵢⵉⵍⵉ  ⴳⵉⵙ  ⵎⴰⵙⵙ ⴰⵎⴰⵡⵙⴰⵙ ⵏ ⵓⵡⴰⵏⴽ ⵉⵜⵜⵓⵙⵎⴰⴳⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵓⵇⵇⵏⵉⵏ ⴷ ⵓⴱⵕⵍⴰⵎⴰⵏ, ⴷ  ⵉⵙⵜ  ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ  ⴷ ⵉⵙⵜ  ⵎⴰⵙⵙⴰ  ⴷ ⵉⴷ  ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ  ⵜⵉⵎⵖⵍⴰⵍⵉⵏ.

ⵎⵛⴰⵛⴽⴰⵏ   ⵉⵎⴷⵔⴰⵡⵏ   ⵖ  ⵜⵙⵎⵓⵏⵉ  ⴰ  ⴼ ⵡⴰⵜⵉⴳ  ⵏ  ⵜⵎⵜⵜⴰ  ⵜⴰⵣⵣⵔⴰⴼ ⵉⴳⴰⵏ ⵜⴰⵢⴰⴼⵓⵜ ⵏ ⵜⵙⵏⵜⴰⵢⵜ  ⵜⴰⵣⵣⵔⴰⴼⵜ, ⵜⴳ ⴰⵣⵣⵔⴰⵢ ⵏ ⵉⵙⵍⴳⵏⵏ ⵙⵓⵍⵏⵉⵏ  ⵏⵖ  ⵜⴳⴰ ⵜⴰⵙⵓⵎⵔⵜ ⵜⴰⵎⴰⵢⵏⵓⵜ. ⵜⵉⵙⵏⵜⴰⵢ ⴰⴷ ⵍⵍⴰⵏⵜ ⴼ ⴽⵉⴳⴰⵏ ⵏ ⵉⴳⵔⴰⵏ ⵏ ⵜⵓⴷⵔⵜ ⵏ ⵉⵏⵎⵓⵔⴰ : ⵜⴰⴷⴰⵎⵙⴰ, ⴰⵎⵓⵏ, ⵉⵣⵔⴼⴰⵏ, ⵜⵉⵎⵔⵙⴰⵍ, ⴰⵡⵏⴰⴹ, ⵜⴰⴷⵍⵙⴰ... ⴰⵙⵖⵣⵏ ⵏ ⵜⵙⵏⵜⴰⵢ ⴰⴷ ⵖⵓⵔⵙ ⴰⵜⵉⴳ ⴰⵏⴼⵔⴰⵔ ⵖ ⵓⵙⵙⴷⵓⵙ ⵏ ⵓⵏⴳⵔⴰⵡ ⴰⵣⵣⵔⴰⴼ ⵏ ⵜⵎⴰⵣⵉⵔⵜ ⵏⵏⵖ.

ⵜⴳⴰ  ⵜⵙⵎⵓⵏⵉ  ⴰ  ⵢⴰⵏ  ⵓⵣⵎⵣⵣⵓ  ⵜⴻⵜⵜⵓⵥⵕⴰ  ⴷⵉⴳⵙ  ⵜⵢⴰⴼⵓⵜ  ⴰⴷ  ⵜⴰⵣⵣⵔⴰⴼⵜ, ⵖⵉⴽ ⴰⵏⵏ ⴷ ⵡⴰⴷⴷⴰⴷⵏ  ⵏ ⵉⴼⵔⴷⵉⵙⵏ ⵏ ⵓⵙⵇⵇⵉⵎ ⴼ ⵓⵙⵓⵔⵙ ⵉⵣⴷⵉⵏ ⵙ ⵡⴰⵏⵢⴰ ⵏ ⵓⵙⵖⵉⵡⵙ ⴷ ⵓⵙⵖⵣⵏ ⵏ ⵜⵙⵓⵎⴰⵔ ⵏ ⵉⵙⵍⴳⵏⵏ. ⵜⴰⵡⵉ ⴷ ⵜⵙⵎⵓⵏⵉ ⴰ ⴼ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵎⵏⴰⴹ ⵉⵜⵜⴰⵡⵉⵏ ⵙ ⵓⵙⵓⵔⵙ ⴰⵎⴰⵢⵏⵓ ⵖ ⵟⵟⴰⴼⵏⵜ ⵜⵙⵓⵎⴰⵔ ⴰ ⵢⴰⵏ ⵓⴷⵖⴰⵔ ⴰⴽⵙⵡⴰⵜ ⵖ ⵜⵉⴳⴰⵡⵜ ⵜⴰⴱⵕⵍⴰⵎⵏⵉⵜ.

ⵖ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵎⴰⵙⵙ ⴰⵎⴰⵡⵙⴰⵙ ⵏ ⵓⵡⴰⵏⴽ ⵉⵜⵜⵓⵙⵎⴰⴳⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵓⵇⵇⵏⵉⵏ ⴷ ⵓⴱⵕⵍⴰⵎⴰⵏ ⴼ ⵡⴰⴷⴷⴰⴷ ⵏ ⵜⵏⴱⴰⴹⵜ ⵅⴼ 114 ⵏ ⵓⵙⵏⴼⴰⵔ ⵏ ⵓⵙⵍⴳⵏ. ⵢⵉⵏⵉ ⵎⴰⵙ ⵔⴰⴷ ⵢⵉⵍⵉ ⵓⵎⵢⴰⵡⴰⵙ ⵖ ⵓⴹⴼⴼⵓⵕ ⵏ ⵉⵖⴰⵡⴰⵙⵏ ⵏ ⵜⵡⵓⵔⵉ ⵏ ⵜⵙⵇⵇⵉⵎⵉⵏ ⴷ ⵓⵏⵢⴰⵍⴽⴰⵎ ⴷⵉⴷⵙⵏⵜ, ⵉⴳ ⵖ ⵡⴰⵡⵜⵜⴰⵙ ⴰⴷ ⵜⵜⵓⵙⴽⵉⵔⵏ ⵉⵏⵎⵓⵇⵇⴰⵔⵏ ⵉⵢⵢⵓⵔⴰⵏⵏ ⵙ ⵓⵎⵓⵔⵙ, ⵉⵣⵣⵉⴳⵣ ⵓⵍⴰ ⵡⴰⵏⵢⴰ ⵏ ⵜⵢⴰⴼⵓⵜ ⵜⴰⵣⵣⵔⴰⴼⵜ ⵏ ⵉⵎⵓⵔⴰ. ⵖⵎⴽⵍⵍⵉ ⵉⵙⴷⴷⵉⴷ ⴼ ⵓⵎⵢⴰⵡⴰⵙ ⵏⴳⵔ ⵜⵏⴱⴰⴹⵉⵏ ⵜⴰⵎⵣⵣⴳⴰⵔⵜ ⴷ ⵜⵣⵣⵔⴰⴼⵜ ⴼ ⵉⴱⵖⵓⵔⵏ ⵢⴰⵜⵜⵓⵢⵏ ⵏ ⵜⵎⵓⵔⵜ ⵏⵏⵖ.

ⵍⵍⵉⵖ ⵉⵣⵔⵉ ⵓⵎⴹⴰⴽⴰⵕ ⵖ ⵍⵍⴰⵏⵜ ⵜⵙⵓⵎⴰⵔ, ⵢⵉⵡⵉ ⴷ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ, ⴰⵙⵖⵉⵡⵙ ⵍⵍⵉ ⵔⴰⴷ ⵉⵙⴱⴷⴷ ⵢⴰⵜ ⵜⴷⵍⵙⴰ ⵜⴰⵎⴰⵢⵏⵓⵜ ⵙ ⵓⵎⵢⴰⵡⴰⵙ ⵏⴳⵔ ⵓⵙⵇⵇⵉⵎ ⴷ ⵜⵏⴱⴰⴹⵜ, ⵉⵍⵉⵏⵜ ⴷⵉⴳⵙ ⵜⵎⵙⴽⴰⵔ ⴰⴷ :

-  ⴰⴷ ⵢⵉⵍⵉ ⵓⵙⵖⵉⵡⵙ ⴰⵍⵓⴳⴰⵏ ⵏ ⵜⵙⵓⵎⴰⵔ ⵏ ⵉⵙⵍⴳⵏⵏ ⵎⴽⴷ ⵢⵉⵡⵉ ⵓⵙⴰⴽⵓⴷ ⵉⵍⵍⴰⵏ ⵖ ⵓⵙⵍⴳⵏ ⴰⴳⵯⵏⵙⴰⵏ ;

-  ⴰⴷ ⵜⵙⵎⴷ ⵜⴱⵔⵉⴷⵜ ⵜⴰⵣⵣⵔⴰⴼⵜ ⵏ ⵜⵙⵓⵎⴰⵔ ⵏ ⵉⵙⵍⴳⵏⵏ ⵎⵓ ⵙⵙⵏⵜⵉⵏⵜ ⵜⵙⵇⵇⵉⵎⵉⵏ ⵜⴰⵖⵓⵔⵉ ;

-  ⴰⴷ ⵉⴳ ⵡⴰⴽⵕⴰⵙ ⵉⴳⴳⵓⵔⴰⵏ ⵖ ⴽⵔⴰⵢⴳⴰⵜ ⴰⵢⵢⵓⵔ ⴰⴽⵓⴷ ⴰⴷⵙⵜⴰⵔ ⵏ ⵜⵖⵓⵔⵉ ⵏ ⵜⵙⵓⵎⴰⵔ ⵉⵙⵎⴷⵏ, ⵢⵉⵥⴹⵉⵕ ⴰⴷ ⵜⵜⵓⵙⴽⵉⵔⵏⵜ ⵜⵖⵉⵎⴰ ⵢⴰⴹⵏⵉⵏ ⵖ ⵡⴰⵢⵢⵓⵔ ;

-  ⴰⴷ ⵙⵔⵙⵏⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴰⵖⴰⵡⴰⵙ ⴰⵢⵢⵓⵔⴰⵏ ⵉⵥⵍⵉⵏ ⵙ ⵜⵙⵓⵎⴰⵔ ⵏ ⵉⵎⵓⵔⴰ, ⵙⴷⵖⵉⵏⵜ ⵜⵔⵓⴱⴱⴰ ⴷ ⵜⴳⵔⵔⵓⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵓⵎⴰⵔ ⵏⵏⵙⵏⵜ.