ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵜⴰⵙⵎⵓⵏⵉ ⵏ ⵜⵔⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵔⵜ ⵜⴰⴼⵉⵍⵉⵙⵟⵉⵏⵉⵜ
ⵜⵙⵏⵎⴰⵍⴰ ⵜⵔⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵔⵜ ⵜⴰⴼⵉⵍⵉⵙⵟⵉⵏⵉⵜ ⵜⴰⵙⵎⵓⵏⵉ ⵏⵏⵙ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⴽⵡⴰⵙ 6 ⵛⵓⵜⴰⵏⴱⵉⵔ 2018.
ⵜⴽⵛⵎ ⵜⵙⵎⵓⵏⵉ ⴰⴷ ⵏ ⵜⵔⴰⴱⴱⵓⵜ ⵖ ⵓⵙⵎⵀⵍ ⵏ ⵜⵓⵎⴰⵢⵉⵏ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⴰⵎⴰⵢⵏⵓ ⵍⵍⵉ ⴷ ⵢⵉⵡⵉⵏ ⴰⴷ ⵜⵜⵓⵙⴽⵉⵔⵉⵏⵜ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵏ ⵜⵡⵓⵔⵉ ⵍⵍⵉ ⵔⴰⴷ ⵉⴳ ⵉⵎⴰⵙⵙⵏ ⵏ ⵓⵔⵣⵣⵓ ⴷ ⵜⵖⵔⵉ ⴷ ⵓⴹⴼⵕ ⵏ ⴽⵉⴳⴰⵏ ⵏ ⵜⵎⵙⴰⵔⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⵍⵍⵉ ⵉⵡⵉⵏⵉⵏ ⴰⵅⵎⵎⴻⵎ ⴰⵅⴰⵜⴰⵔ ⵏ ⴽⵓ ⵉⵏⴱⴷⴰⴷⵏ ⵓⴷⴷⵉⵔⵏ ⵖ ⵜⵎⴰⵣⵉⵔⵜ ⵏⵏⵖ.
ⵖ ⵜⵣⵡⵉⵔⵉ ⵏ ⵜⵙⵎⵓⵏⵉ, ⵉⵏⵏⴰ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙ ⵜⴳⴰ ⵜⵎⵙⴰⵔⵜ ⵜⴰⴼⵉⵍⵉⵙⵟⵉⵏⵉⵜ ⵜⴰⵣⵔⴼⴰⵏⵜ ⵢⴰⵏ ⵖ ⵉⵙⴰⵡⵓⵔⵏ ⵜⵜⵓⴱⴷⴰⵔⵏⵉⵏ ⵖ ⵓⵏⴳⵔⴰⵡ ⴰⴳⵯⵏⵙⴰⵏ, ⵜⵜⵓⴼⴽⵉⵏⵜ ⴰⵙ ⵜⵓⵎⴰⵢⵉⵏ ⵎⵓⵏⵏⵉⵏ ⴷ ⵜⵎⵙⴽⴰⵔ ⵏ ⵜⵡⵓⵔⵉ ⵖ ⵜⵖⵔⵉ ⴷ ⵓⵔⵣⵣⵓ ⴷ ⵓⵍⴽⵎ ⵏ ⵜⵢⴰⴼⵓⵜⵉⵏ.
ⵖ ⵜⵙⵎⵓⵏⵉ ⴰⴷ, ⵜⵙⵙⴽⵜⵉ ⴷ ⵜⵔⴰⴱⴱⵓⵜ ⴰⴱⵔⵉⴷ ⴰⵎⵣⵔⴰⵢ ⵉⵣⴷⵉⵏ ⵍⵎⵖⵔⵉⴱ ⴷ ⵜⵎⵙⴰⵔⵜ ⵜⴰⴼⵉⵍⵉⵙⵟⵉⵏⵉⵜ ⴷ ⵜⵓⴳⴳⴰⵙ ⵣⵣⵉⴳⵣⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉⵖ ⵉⴳⴰ ⴰⵏⵙⵙⵉⵅⴼ ⵏ ⵜⵙⵇⵇⵉⵜ ⵏ ⵍⵇⵓⴷⵙ ⵉⴱⴷⴷⵏ ⴰⴷ ⵢⵉⵍⵉ ⵓⴼⵔⴰ ⴰⵣⵔⴼⴰⵏ ⴷ ⵢⵓⵎⴰⵏ ⵖ ⵜⵙⴳⴰ ⵙ ⵓⵎⵙⴰⵙⴰ ⴷ ⵉⵎⵏⵣⴰⵢⵏ ⵏ ⵜⵍⵍⵓⴳⵏⴰ ⴷ ⵜⵖⵜⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⵍⵍⵉ ⵍⵍⴰⵏⵉⵏ ⵖ ⵓⵎⵏⵉⴷ ⴰⴷ.
ⵜⵙⵙⴽⵜⵉ ⴷ ⵜⵔⴰⴱⴱⵓⵜ ⵖ ⵜⵙⵎⵓⵏⵉ ⴰⴷ ⴽⵉⴳⴰⵏ ⵏ ⵉⵎⵏⵣⴰⵢⵏ ⴷ ⵉⵙⵡⴰⵍⴰⵢⵏ ⵉⵎⴰⵜⴰⵢⵏ ⵖ ⵜⵍⵍⴰ ⵜⵡⵓⵔⵉ ⵏⵏⵙ ⵙ ⵓⵎⵙⴰⵙⴰ ⴷ ⵜⵓⵎⴰⵢⵉⵏ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⴷ ⵓⵣⴷⴷⵓⵢ ⴷ ⴽⵓ ⵉⵏⴳⵎⴰⵎⵏ ⵏⵏⵙ, ⵙ ⵓⵥⵍⴰⵢ ⵏ ⵜⵙⵎⵉⴳⵍⵜ ⵏⵏⵙ ⴷ ⵜⵎⴰⵎⴽⵉⵏ ⵏ ⵓⵙⵡⵓⵔⵉ ⵏⵏⵙ ⵖ ⵓⵙⵡⵉⵔ ⴰⵎⴰⴷⴷⵓⴷ ⴷ ⵓⴱⵕⵍⴰⵎⴰⵏⵉ ⴷ ⵓⵎⴰⴷⵏⴰⵏ. ⵖⵎⴽ ⵍⵍⵉ ⵜⵎⴷⴰⵡⴰⵍ ⵜⵔⴰⴱⴱⵓⵜ ⴼ ⵓⵙⵏⴼⴰⵔ ⵏ ⵜⴱⵔⵉⴷⵜ ⵏ ⵜⵡⵓⵔⵉⵡⵉⵏ ⵏⵏⵙ ⴷ ⵜⵙⵏⵜⴰⵢⵉⵏ ⵍⵍⵉ ⵔⴰⴷ ⵢⴰⵡⵙ ⵖ ⵓⵙⵏⴰⵍ ⵏ ⵜⵎⵙⴰⵔⵜ ⵜⴰⴼⵉⵍⵉⵙⵟⵉⵏⵉⵜ ⴷ ⵜⵡⵉⵙⵉ ⵖ ⵓⵙⵉⵜⵜⵉ ⵏ ⵉⵎⵉⵣⵉⵢⵏ ⵍⵍⵉ ⵜⵜ ⵙⵙⵉⵡⵉⴷⵏⵉⵏ.