ⵜⵙⴽⵔ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⵉⵏⵎⵓⵇⵇⴰⵔⵏ ⴳ ⵓⴱⵕⵍⴰⵎⴰⵏ ⵏ ⵕⵓⵎⴰⵏⵢⴰ
ⵜⵙⴽⵔ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⴰⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ, ⴰⵙⵉⵏⴰⵙ 12 ⴷⵓⵊⴰⵏⴱⵉⵔ 2023, ⵜⵓⴳⵜ ⵏ ⵉⵏⵎⵓⵇⵇⴰⵔⵏ ⵏⵜⵜⴰ ⴷ ⵜⵎⴰⵔⵉⵜ ⵎⴰⵙⵙⴰ ⵄⵉⵛⴰ ⵍⴽⵔⵊⵉ ⴷ ⵜⵎⴰⵔⵉⵜ ⵎⴰⵙⵙⴰ ⵕⵕⴼⵄⴰ ⵎⴰⵍⵄⵉⵏⵉⵏ ⵜⵉⴳⵎⴰⵎⵉⵏ ⵏ ⵓⵙⵉⵔⴰ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⵙⴰⵜⵉ ⵏ ⵓⵔⵣⴰⴼ ⵉ ⵓⴱⵕⵍⴰⵎⴰⵏ ⵏ ⵕⵓⵎⴰⵏⵢⴰ ⵙ ⵜⵖⵔⵉ ⵏ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵎⴰⵙⵙⴰ ⵕⵓⵥⴰⵍⵢⴰ ⴱⵉⵔⵓ.
ⴳ ⵜⵣⵡⵉⵔⵉ, ⵉⵍⵍⴰ ⵓⵏⵎⵓⵇⵇⴰⵔ ⴰⴽⴷ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⴱⵕⵍⴰⵎⴰⵏ ⵏ ⵕⵓⵎⴰⵏⵢⴰ, ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵜⵉⵙⵇⵇⵉⵎⵉⵏ ⴷ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⴳⵔⴰⵏ ⵏ ⵜⵥⴹⴰⵕⵜ ⴷ ⵓⵙⵙⵍⵎⴷ ⴼ ⵜⴷⵍⵙⴰ ⴷ ⵜⵎⴰⵍⵍⴰⵢⵜ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵏ ⵉⵎⵔⵙⵉⵡⵏ ⴰⵎ ⴰⵙⵙⴰⵔⵓ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⵉⴼⴰⵡⵜ ⵏ ⵓⵎⵇⵇⵏ ⴰⵏⴰⵎⵓⵔ ⴰⵎⴰⵢⵏⵓ ⵏ ⵓⵙⵙⴰⵔⵓ, ⵉⵙⴰⵡⵍ ⵓⴽⴰⴱⴰⵕ ⵏ ⵍⵎⵖⵔⵉⴱ ⴼ ⵜⵥⴹⴰⵕⵉⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⴳ ⵓⵎⵏⵉⴷ ⴰⴷ.
ⵉⵎⵎⴰⵇⵇⴰⵔ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⵓⵍⴰ ⴷ ⵎⴰⵙⵙ ⵜⵔⵢⴰⵏ ⵍⵓⵔⵉⵏⵜⵢⵓ ⵉⵔⵉⵙⵜⵢⴰ, ⴰⵎⴰⵔⴰ ⵏ ⵓⵡⴰⵏⴽ ⴰⵕⵓⵎⴰⵏⵉ ⵉ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⴼ ⵜⵣⴷⴰⵢⵉⵏ ⵜⵉⵙⵏⵉⵔⴰⵏⵉⵏ ⵏⴳⵔ ⵙⵏⴰⵜ ⵜⵎⵉⵣⴰⵔ, ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵉⴳⵔⴰⵏ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⴳⵎⵉ ⴷ ⵓⵙⵙⵍⵎⴷ ⴷ ⵜⴷⵍⵙⴰ. ⵢⵉⵍⵉ ⵓⵙⴷⴷⵉⴷ ⴼ ⵓⵙⵏⴼⵍ ⵏ ⵉⵔⵣⴰⴼⵏ ⵙ ⵓⵙⵔⵓⵙ ⵏ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ.
ⵉⵙⴷⴷⵉ ⵓⵎⴰⵔⴰ ⵏ ⵓⵡⴰⵏⴽ ⵉ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴼ ⵡⴰⵜⵉⴳ ⵏ ⵍⵎⵖⵔⵉⴱ ⴷ ⴰⵎⴷⵔⴰⵡ ⴰⵙⵉⵍⴰⵏ ⵉ ⵕⵓⵎⴰⵏⵢⴰ ⴳ ⵉⴼⵔⵉⵇⵢⴰ, ⵍⵍⵉⵖ ⴳⵉⵙ ⴰⵔⴳⴳⵉⴳ ⴷ ⵉⵎⵏⴰⴷⵏ ⵉ ⵓⵙⵙⴰⵔⵓ ⵉⴳ ⵓⵍⴰ ⴰⵎⴷⵔⴰⵡ ⴰⵙⵉⵍⴰⵏ ⵏ ⵓⵕⵓⴱⴱⴰ ⴳ ⵉⴼⵔⵇⵢⴰ.
ⵉⵃⴰⴹⵕ ⵎⴰⵙⵙ ⵃⴰⵙⴰⵏ ⴰⴱⵓ ⴰⵢⵢⵓⴱ, ⴰⵎⵙⵇⵇⴰⴷ ⵏ ⵍⵎⵖⵔⵉⴱ ⴳ ⴱⵓⵅⴰⵕⵉⵚⵜ, ⴳ ⵉⵏⵎⵓⵇⵇⴰⵔⵏ ⴰⴷ.