ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵜⴰⵙⵔⵜⴰⵏⵜ ⴷ ⵜⴷⵉⵎⵓⵇⵔⴰⵟⵉⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⴱⴰⵔⵉⵣ
ⴷⵔⵓⵏ ⵉⴳⵎⴰⵎⵏ ⵏ ⵜⴰⵢⵢⵡⴰⵜ ⵜⴰⴱⵕⵍⴰⴰⵎⵏⵉⵜ ⵜⴰⵎⵖⵔⵉⴱⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵏ ⵉⵙⵇⵙⵉⵜⵏ ⵉⵙⵔⵜⴰⵏⵏ ⴷ ⵜⴷⵉⵎⵓⵇⵔⴰⵟⵉⵜ, ⴰⵙⵉⵏⴰⵙ 12 ⴷⵓⵊⴰⵏⴱⵉⵔ 2023 ⴳ ⴱⴰⵔⵉⵣ, ⵜⵉⵡⵓⵔⵉⵡⵉⵏ ⵍⵍⵉ ⵔⴰⴷ ⵢⵉⵍⵉ ⴰⵔ 13 ⴷⵓⵊⴰⵏⴱⵉⵔ.
ⴳ ⵜⵙⵎⵓⵏⴰⵢ, ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴼ ⵜⵣⵣⵉⴳⵣⵜ ⵏ ⵉⵙⵓⵔⵙⵏ ⴳ ⵍⵉⴱⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⴷⵔⵉⵣⵏ ⵏⵏⵙⵏ ⴼ ⵓⵕⵓⴱⴱⴰ, ⵖⵎⴽ ⴰⵏⵏ ⴷ ⵉⴽⵛⵛⵓⵎⵏ ⵏ ⴱⵕⵕⴰ ⴳⴰⵏⵉⵏ ⵎⴳⴰⵍ ⵏ ⵜⵏⴼⵔⵓⵜ ⵜⴰⴷⵉⵎⵓⵇⵔⴰⵟⵉⵜ ⴳ ⵓⵔⵓⴱⴱⴰ, ⴷ ⵜⵉⵍⴰⵍⵜ ⵏ ⵉⵄⵔⵔⵉⵎⵏ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ , ⴷ ⵓⵣⵡⴰⴳ ⴷ ⵜⵙⵔⵜⵉⵜ ⵍⵍⵉ ⵙⵔⵙ ⵉⵥⵍⵉⵏ ⴳ ⵓⵣⵎⵣ ⵏ ⵉⵙⵜⴰⵢⵏ, ⴰⵙⵏⴰⵍ ⴷ ⵡⴰⵍⴰⵙ ⵏ ⵓⵚⴽⵓ ⵏ ⵓⴽⵕⴰⵏⵢⴰ ⴷ ⵉⵙⵇⵙⵉⵜⵏ ⵢⴰⴹⵏⵉⵏ ⵣⴷⵉⵏⵉⵏ ⴷ ⵓⵙⵏⵎⴰⵍⴰ ⵏ ⵜⵡⵓⵔⵉⵡⵉⵏ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ.
ⴰⵔ ⵉⴷⵔⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵎⵓⵏⴰⵢ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵍⵍⵉⵖ ⵉⴳⴰ ⴰⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ ⵍⵍⵉⵖ ⵜⵟⵟⴰⴼ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴼⵔⵉⵙ ⴰⴷ ⵉⵙⵜⴰⵡⵀⵎⵎⴰⵏ ⴷⴰⵔ ⵓⵙⵇⵇⵉⵎ ⴰⴱⵕⵍⴰⵎⴰⵏⵉ ⵏ ⵓⵕⵓⴱⴱⴰ ⵙⴳ 2011.