ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳ ⵓⵎⴹⴰⴽⴰⵕ ⵊⴰⵔ ⵍⵎⵖⵔⵉⴱ ⴷ ⵍⴰⵕⵊⵓⵏⵜⵉⵏ
ⵉⵍⵍⴰ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵍⴰⵕⵊⵓⵏⵜⵉⵏ ⴳ ⵓⵎⴹⴰⴽⴰⵕ ⵍⵍⵉ ⵉⵙⴽⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵜⵎⴰⵡⵙⴰⵙⵜ ⵏ ⵍⴰⵕⵊⵓⵏⵜⵉⵏ ⴷⵢⴰⵏⴰ ⵎⵓⵏⴷⵉⵏⵓ.
ⵉⵍⵍⴰ ⵓⵏⵎⵓⵇⵇⴰⵔ ⴰⴷ ⴳ ⵓⵎⴰⵍⵓ ⵏ ⵜⵉⵍⵉⵜ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵙ ⵉⵙⵎ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⴱⵡⵉⵏⵓⵚ ⴰⵢⵕⵉⵚ ⴳ ⵜⴼⵓⴳⵍⴰ ⵏ ⵉⴳⵉⵡⵔ ⵏ ⵎⴰⵙⵙ ⵅⴰⴼⵢⵉⵕ ⵎⵉⵍⵉ ⴰⵏⵙⵙⵉⵅⴼ ⴰⵎⴰⵢⵏⵓ ⵏ ⵍⴰⵕⵊⵓⵏⵜⵉⵏ.
ⵜⵏⵏⴰ ⵎⴰⵙⵙⴰ ⵎⵓⵏⴷⵉⵏⵓ ⵉ ⵎⴰⴱ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⴰⴽⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵡⴰ ⴷ ⵉⵍⴰⵏ ⵜⴰⵢⵢⴰⴼⵓⵜ, ⵖ ⵉⵍⵍⴰ ⵓⵎⴹⴽⴰⵕ ⵏ ⵜⵓⴳⵜ ⵏ ⵜⵎⵙⴰⵔⵉⵏ ⵛⵛⴰⵔⵏⵉⵏ, ⵜⵉⵏⵉ ⵎⴰⵙ ⵜⵡⴰⵜⵜⵙ ⵜⵎⵉⵣⴰⵔⵜ ⵏⵏⵙ ⴰⵙⴷⵓⵙ ⵏ ⵜⵣⴷⴰⵢⵉⵏ ⵏⵏⵙ ⵜⵉⵏⵙⴱⴰⴱⵉⵏ ⴷ ⵜⴷⵍⵙⴰⵏⵉⵏ ⴷ ⵍⵎⵖⵔⵉⴱ, ⵍⵍⵉⵖ ⴰⴽⴽⵯ ⵟⵟⴰⴼⵏⵜ ⵙⵏⴰⵜ ⵜⵎⵉⵣⴰⵔ ⵜⴰⴷⵎⵙⴰ ⵉⵙⵎⴷⵏ.
ⵜⵉⵏⵉ ⵎⴰⵙ ⵜⵟⵟⴰⴼ ⵍⴰⵕⵊⵓⵏⵜⵉⵏ ⴷ ⵍⵎⵖⵔⵉⴱ ⵜⴰⴷⵍⵙⴰ ⵉⴳⴰⵏ ⵜⴰⵎⵏⵏⴰⵡⵜ, ⵜⵉⵏⵉ ⵎⴰⵙ ⵥⴹⴰⵕⵏⵜ ⵙⵏⴰⵜ ⵜⵎⵉⵣⴰⵔ ⴰⴷ ⵙⴽⵔⵏⵜ ⵜⵉⵖⴰⵡⵙⵉⵡⵉⵏ ⵥⵉⵍⵏⵉⵏ.
ⵖ ⵓⵎⵏⵉⴷ ⵏⵏⵙ, ⵉⵏⵏⴰ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⵎⴰⵙ ⵉⵍⵍⴰ ⵓⵏⵎⵓⵇⵇⴰⵔ ⴰⴷ ⴼ ⴽⵉⴳⴰⵏ ⵏ ⵜⵎⵙⴰⵔⵉⵏ ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵣⴷⵉⵏ ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵍⴰⵕⵊⵓⵏⵜⵉⵏ.
ⵍⵍⵉⵖ ⵉⵙⴷⴷⵉⴷ ⴼ ⵉⵎⴰⵙⵙⵏ ⵍⵍⵉ ⵔⴰⴷ
ⵉⵙⵙⴷⵓⵙ ⵜⵉⵣⴷⴰⵢⵉⵏ ⴰⴷ ⵉⵙⵖⵓⴷⵓ ⵜⵏⵜ ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⵏ ⵜⵙⴱⴱⴰⴱⵜ, ⵉⵙⴰⵡⵍ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴼ ⵉⵏⴰⵡ ⵏ ⵜⵡⴰⴷⴰ ⵜⴰⵣⴳⵣⴰⵡⵜ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵜⴰⵙⵏⵜⴰⵢⵜ ⵉⵙⵜⴰⵡⵀⵎⵎⴰⵏ ⴼ ⵓⵙⴷⵙⵓ ⵏ ⵓⵎⵢⴰⵡⴰⵙ ⴰⵏⵎⵏⴰⴹ ⴷ ⵜⴳⵎⵉ ⵜⴰⴷⵎⵙⴰⵏⵜ ⴳ ⵓⴼⵜⴰⵙ ⵏ ⴰⵟⵍⴰⵚ ⵃⵎⴰ ⴰⴷ ⵉⵣⴷⵉ ⵊⴰⵔ 23 ⵏ ⵓⵡⴰⵏⴽ ⴰⴼⵔⵉⵇⵉ, ⵉⵏⵏⵓⵕⵥⵎ ⵓⵍⴰ ⴼ ⵜⵖⵣⵔⵜ ⵢⴰⴷⵏⵉⵏ ⵏ ⴰⵟⵍⴰⵚ ⴳ ⵍⵍⴰⵏⵜ ⵜⵎⵉⵣⴰⵔ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴳ ⵏⵉⵜ ⵜⵍⵍⴰ ⵍⴰⵕⵊⵓⵏⵜⵉⵏ.
ⵉⵍⵍⴰ ⵓⵎⴹⴰⴽⴰⵕ ⵓⵍⴰ ⴼ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵉⴳⵔⴰⵏ ⵏ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⵎⴳⵓⵔⵉ ⵏ ⵍⴼⵓⵚⴼⴰⵟ ⴷ ⵍⴰⵏⴳⵔⵉⵢⴰⵜ ⴳ ⵓⵙⴰⵜⵉ ⵏ ⵓⵏⵎⵓⵓⵇⴰⵔ ⴰⴽⴷ ⵜⴰⵎⴰⵡⵙⴰⵙⵜ ⵏ ⵍⴰⵕⵊⵓⵏⵜⵉⵏ ⵉⴳⴰⵏ ⵜⴰⵎⴰⵣⵉⵔⵜ ⵜⴰⵏⴼⵍⴰⵃⵜ.
ⵉⵙⴰⵡⵍ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴼ ⵓⵎⵙⴰⵙⴰ ⵏ ⵜⴰⵏⵏⴰⵢⵢⵉⵏ ⵉⵍⵍⴰⵏ ⵊⴰⵔ ⵍⵎⵖⵔⵉⴱ ⴷ ⵍⴰⵕⵊⵓⵏⵜⵉⵏ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ, ⵉⵙⵓⵜⴳ ⴰⵏⵏⵍ ⵉⵜⵜⵓⵙⵏⴼⴰⵍⵏ ⵍⵍⵉ ⵜⴽⴰ ⵜⴰⵎⴰⵣⵉⵔⵜ ⵉ ⵜⴰⵢⵢⴰⴹ ⴳ ⵉⵏⵎⵓⵇⵇⴰⵔⵏ ⵉⴳⵔⴰⵖⵍⴰⵏⵏ ⴷ ⵉⵣⵔⴼⴰⵏⵏ ⴷ ⵉⴱⵕⵍⴰⵎⴰⵏⵉⵢⵏ .