ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵙⴳ ⵜⴳⴷⵓⴷⴰⵏⵜ ⵏ ⴽⵓⵍⵓⵎⴱⵢⴰ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 4 ⴷⵓⵊⴰⵏⴱⵉⵔ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴰⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵙⴳ ⵜⴳⴷⵓⴷⴰⵏⵜ ⵏ ⴽⵓⵍⵓⵎⴱⵢⴰ, ⵍⵍⵉ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵓⵔⵉ ⵉ ⵍⵎⵖⵔⵉⴱ ⵙⴳ 3 ⴰⵔ 9 ⵏ ⵡⴰⵢⵢⵓⵔ ⴰⴷ, ⵉ ⵓⵙⴷⵓⵙ ⵏ ⵓⵎⵢⴰⵡⴰⴹ ⴷ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵍⵎⵖⵔⵉⴱ ⴷ ⴽⵓⵍⵓⵎⴱⵢⴰ ⴷ ⵓⵙⴷⵓⵙ ⵏ ⵜⴷⴷⵓⴽⴽⵯⵍⴰ ⵉⵍⵍⴰⵏ ⵊⴰⵔ ⵏⵏⵙⵏ.

ⵢⵓⵎⴰ ⵓⴽⴰⴱⴰⵕ ⴰⴽⵓⵍⵓⵎⴱⵉ ⵎⴰⵙⵙ  GERMAN BLANCO ALVAREZ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴽⵓⵍⵓⵎⴱⵢⴰ-ⵍⵎⵖⵔⵉⴱ ⴷ ⵎⴰⵙⵙ JOSE LUIZ PEREZ OYUELA ⴷ ⵎⴰⵙⵙⴰ PAOLA HOLGUIN MORENO ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ.

ⵉⵃⴰⴹⵕ ⴳ ⵓⵙⵏⵓⴱⴳ ⴰⴷ ⵎⴰⵙⵙ ⵕⴰⴼⵉⵇ ⵎⵊⵄⵉⵟ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴽⵓⵍⵓⵎⴱⵢⴰ, ⵢⵉⵍⵉ ⵓⵎⴹⴰⴽⴰⵕ ⵅⴼ ⵜⵉⵣⴷⴰⵢⵉⵏ ⵊⴰⵔ ⵉⵙⵇⵇⵉⵎⵏ ⵏ ⵉⵎⵓⵔⴰ ⴳ ⵍⵎⵖⵔⵉⴱ ⴷ ⴽⵓⵍⵓⵎⴱⵢⴰ, ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ ⴷ ⵓⵙⵏⴼⵍ ⴷ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ.

ⵢⵉⵍⵉ ⵓⵎⵙⴰⵙⴰ ⴳ ⵓⵏⵎⵓⵇⵇⴰⵔ ⴰⴷ ⴼ ⵓⵙⵉⴳⵓⵜ ⵏ ⵓⵎⵛⴰⵡⴰⵕ ⴷ ⵓⵣⴷⴰⵢ ⴰⴱⵕⵍⴰⵎⴰⵏⵉ ⴳ ⵓⵙⴰⵜⵉ ⵏ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵜⵅⵅⵓⵜⵔⴰ ⵏ ⵉⵡⴰⵏⴽⵏ, ⴰⵢⵍⵍⵉ ⴼ ⵜⵙⴷⴷⵉⴷ ⵜⵓⵜⵔⴰ ⵍⵍⵉ ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴰⴽⵓⵍⵓⵎⴱⵉ ⴰⵙⵙ ⵏ ⵡⴰⵢⵏⴰⵙ 27 ⵏⵓⵡⴰⵏⴱⵉⵔ 2023 ⵍⵍⵉ ⵉⵣⵎⵎⵉ 65 ⵙⴳ 106, ⵖ ⵉⵍⵍⴰ ⵓⵙⴷⴷⵉⴷ ⴼ ⵜⵢⴰⵏⵜ ⴷ ⵜⵅⵅⵓⵜⵔⴰ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵎⴰⵕⵕⴰ ⴰⴽⴰⵍ ⵏⵏⵙ.

ⴷⴼⴼⵉⵔ ⵏ ⵓⵙⵎⵏⵉⴷ ⵏ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴷ ⵜⴽⵓⵍⵓⵎⴱⵉⵜ, ⵉⵍⵍⴰ ⵓⵎⴹⴰⴽⴰⵕ ⴼ ⵜⵎⵙⴰⵔⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ ⵛⵛⴰⵔⵏⵉⵏ, ⴷ ⵉⵎⵏⴰⴷⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⵃⵎⴰ ⴰⴷ ⵉⵎⵍ ⵜⵉⵣⴷⴰⵢⵉⵏ ⴷⵔⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵉⵙⵙⵕⵚⵓ ⴰⵣⴷⴰⵢ ⴰⴱⵕⵍⴰⵎⴰⵏⵉ ⵉⴼⴼⵓⵙ-ⵉⴼⴼⵓⵙ ⵉ ⵚⴰⵃⴰ ⵏ ⵜⵏⵓⴼⴰ ⵜⵉⵙⵉⵏⵔⴰⵏⵉⵏ ⵛⵛⴰⵔⵏⵉⵏ.