ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵜⴷⵓⵙⵉ ⴷ ⵓⴼⵏⵉⵇ ⴰⵏⴰⵎⵓⵔ ⵉ ⵜⵏⴼⵔⵓⵜ ⵜⴰⵏⴰⵎⵓⵏⵜ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 13 ⵏⵓⵡⴰⵏⴱⵉⵔ 2023, ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵜⴷⵓⵙⵉ ⴷ ⵓⴼⵏⵉⵇ ⴰⵏⴰⵎⵓⵔ ⵉ ⵜⵏⴼⵔⵓⵜ ⵜⴰⵏⴰⵎⵓⵏⵜ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵉⵍⵉⵜ ⵏ ⵎⴰⵙⵙⴰ ⵅⴰⵍⵉⴷ ⴰⵢⵜ ⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ.
ⵉⵍⵍⴰ ⵓⵙⵏⴼⴰⵔ ⵏ ⵓⵙⵍⴳⵏ 07.22 ⵉⵥⵍⵉⵏ ⵙ ⵓⵙⴽⵔ ⵏ ⵜⴳⵔⴰⵡⵜ ⵜⴰⵎⴰⵜⵜⵓⵢⵜ ⵉ ⵜⴷⵓⵙⵉ, ⵍⵍⵉ ⵉⵙⵖⵣⵏ ⵓⵙⵇⵇⵉⵎ ⵙ ⵜⵓⴳⵜ ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⴳ ⵓⵙⴰⵜⵉ ⵏ ⵓⵙⴰⵡⵓⵔ ⵏ ⵓⴼⵔⴰⴳ ⴰⵏⴰⵎⵓⵏ ⴷ ⵓⵎⵓⴽⵏ ⵏ ⵓⵏⴳⵔⴰⵡ ⴰⴷⵓⵙⴰⵏ, ⵔⴰⴷ ⵜⵉⵍⵉ ⵙ ⵓⵙⵡⵓⵜⵜⵓ ⴰⵜⵉⵇⵏⵉ ⵏ ⵓⵙⴼⵍⵙ ⵓⵛⵛⵉⵍ ⴰⵙⵉⵍⴰⵏ ⵙⴳ ⵜⵎⴰⴹⵓⵏⵜ, ⴷ ⵓⵣⵣⵔⴰⵢ ⵏ ⵜⵉⵕⵡⵉ ⵏ ⵜⵏⵓⴼⴰ ⵏ ⵎⵔⵙⴰⵍ ⵜⵉⴷⵓⵙⴰⵏⵉⵏ ⴳ ⵉⴳⵔ ⴰⵎⴰⵜⴰⵢ ⴷ ⵓⵙⵍⵉⴳ, ⴷ ⵜⵉⴽⴽⵉ ⵏ ⵜⴰⵏⵏⴰⵢⵜ ⵅⴼ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵢⵉⴳⵔ ⴰⴷⵓⵙⴰⵏ.
ⴰⵔ ⵉⵙⴰⵡⴰⵍ ⵓⴹⵕⵉⵚ ⴰⵣⵔⴼⴰⵏ ⴼ ⵜⵎⵥⵍⴰⵢ ⴷ ⵜⵉⵍⴰⵍ ⵏ ⵜⴳⵔⴰⵡ ⵜⴰⵎⴰⵜⵜⵓⵢⵜ ⵉ ⵜⴷⵓⵙⵉ ⴳ ⵎⴰⴷ ⵉⵥⵍⵉⵏ ⵓⵍⴰ ⵙ ⵓⵙⵖⵣⵏ ⵏ ⵜⵎⵔⵙⴰⵍ ⵜⵉⴷⵓⵙⴰⵏⵉⵏ ⴷ ⵜⵡⵓⵔⵉ ⵏ ⵜⵎⴰⵣⵣⴰⵍⵜ ⴳ ⵉⵎⴰⵖⵏ ⵊⴰⵔ ⵉⵎⵣⵣⵓⵍⵍⴰⵏⵏ ⵏ ⵜⴷⵓⵙⵉ.
ⵔⴰⴷ ⵢⴰⵡⵙ ⵓⵙⴽⵔ ⵏ ⵜⴳⵔⴰⵡⵜ ⴰⴷ ⴳ ⵜⵉⴽⴽⵉ ⵏ ⵓⵏⴼⵓⵙ ⴰⵎⴰⵢⵏⵓ ⵉ ⵉⴳⵔ ⴰⴷⵓⵙⴰⵏ ⵙ ⵜⵙⵜⵔⴰⵜⵉⵊⵉⵜ ⵉⴼⴰⵡⵉⵏ ⴷ ⵜⵉⵍⵉⵜ ⴼ ⵓⵎⵓⴽⵏ ⵉⴷⵔⴰⵏ ⵏ ⵓⵏⴳⵔⴰⵡ ⴰⴷⵓⵙⴰⵏ.
ⵉⵍⵍⴰ ⵓⵍⴰ ⵓⵙⵖⵣⵏ ⵙ ⵓⵎⴽⵕⴰⴹ ⵏ ⵓⵙⵏⴼⴰⵔ ⵏ ⵓⵙⵍⴳⵏ 41.23 ⴼ ⵓⵙⵉⵜⵜⵉ ⵏ ⵉⵕⵟⵟⴰⵍⵏ ⴳⴰⵏⵉⵏ ⵡⵉⵏ ⵓⴼⵏⵉⵇ ⴰⵏⴰⵎⵓⵔ ⵉ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵙ ⵓⵏⴳⵔⴰⵡ ⵓⵛⵛⵉⵍ ⴰⵙⵉⵍⴰⵏ ⵙⴳ ⵜⵎⴰⴹⵓⵏⵜ, ⵍⵍⵉ ⵉⵣⴷⵉⵏ ⴷ ⵜⵖⵔⴰⴷ ⴷ ⵜⵏⴼⴳⵓⵔⵉⵏ ⵍⵍⴰⵏⵉⵏ ⴼ ⵉⵎⵣⵣⵓⵍⴰⵏⵏ ⴷ ⵉⵎⵙⵡⵓⵔⵉⵢⵏ ⵉⵏⵙⵉⵎⴰⵏⵏ ⴷ ⵉⵡⴷⴰⵏ ⵓⵔ ⵜⵜⴰⵎⵥⵏⵉⵏ ⵜⵉⵖⵔⴰⴷ ⵍⵍⵉ ⵙⴽⴰⵔⵏⵉⵏ ⵜⴰⵡⵡⵓⵔⵉ ⵉⵥⵍⵉⵏ.
ⵉⵡⴰⵜⵜⵙ ⵓⴹⵕⵉⵚ ⴰⵣⵔⴼⴰⵏ ⴰⴼⵓⴽⴽⵓ ⵏ ⵜⵎⵓⴽⵔⵉⵙⵜ ⵏ ⵜⴼⵔⵖⵉ ⵜⴰⵥⵕⴼⴰⵏⵜ ⴷ ⵓⵙⵉⵜⵜⵉ ⵏ ⵉⵕⵟⵟⴰⵍⵏ ⴳⴰⵏⵉⵏ ⵚⴰⵃⴰ ⵏ ⵓⴼⵏⵉⵇ ⴰⵏⴰⵎⵓⵔ ⵉ ⵜⵏⴼⵔⵓⵜ ⵜⴰⵏⴰⵎⵓⵏⵜ, ⵙ ⵜⴼⴰⴷⵉⵡⵉⵏ ⴷ ⵓⵙⴰⵏⵉⵏ, ⵔⴰⴷ ⵢⴰⵡⵙ ⴳ ⵓⵙⵉⵜⵜⵉ ⵏ ⵜⵎⵓⴽⵔⵉⵙⵜ ⵏ ⵓⴳⴳⵓⴷⵉ ⵏ ⵉⵕⵟⵟⴰⵍⵏ ⴷ ⴰⵏⵛⴽⵏ ⵏ ⵓⴹⴼⵓⵕ ⴷ ⵜⵏⴼⴳⵓⵔⵉⵏ, ⴷ ⵓⵙⴱⴷⴷⵉ ⵏ ⵜⵏⵓⴼⴰ ⵏ ⵓⵙⴼⵍⵙ ⴰⴷⵓⵙⴰⵏ ⵉ ⵚⴰⵃⴰ ⵏ ⵉⵎⵍⵜⴰⵖⵏ ⴷ ⵉⴷ ⴱⴰⴱ ⵏ ⵉⵣⵔⴼⴰⵏ.
ⵔⴰⴷ ⵢⴰⵡⵙ ⵓⵙⵜⴰⵢ ⵏ ⵓⴼⵓⴽⴽⵓ ⵉ ⵉⵡⴷⴰⵏ ⵉⵎⵏⵜⴰⵢⵏ ⴳ ⵓⵕⵥⵥⵓⵎ ⵏ ⵜⴼⵔⵜ ⵜⴰⵎⴰⵢⵏⵓⵜ ⴰⴽⴷ ⴰⴼⵏⵉⵇ ⵉ ⵓⵙⵔⵅⵓ ⵏ ⵓⵙⵏⵙⵉ ⵏ ⵜⵓⵎⴰⵢⵜ ⵏ ⵓⵙⵍⴳⵏ ⴰⴰⵜⵉ ⵉⵣⴷⵉⵏ ⴷ ⵓⴼⵔⴰⴳ ⴰⵏⴰⵎⵓⵏ, ⴰⵢⵍⵍⵉ ⵔⴰⴷ ⵉⴹⵎⵏ ⴰⵎⵢⴰⵙ ⴰⵥⵕⴼⴰⵏ ⵏ ⵓⴼⵏⵉⵇ ⴰⵏⴰⵎⵓⵔ ⵉ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴳ ⵉⵙⵡⵉⵔⵏ ⴰⵏⴰⵎⵎⴰⵙ ⴷ ⵓⵎⴰⴳⴳⵓⴳ.