ⵉⵎⴹⴰⴽⴰⵕⵏ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵜⴳⴷⵓⴷⴰⵏⵜ ⵏ ⴰⵣⵉⵔⴱⵉⵊⴰⵏ: ⴰⵙⴷⴷⵉⴷ ⴼ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵓⵙⴽⵔ ⵏ ⵓⵙⴰⵢⵔⵓⵔ ⵏ ⵓⵎⵙⴰⵡⴰⵍ ⴷ ⵓⵡⵇⵇⵔ ⵉⵜⵜⵓⵙⵏⴰⴼⴰⵍⵏ ⵏ ⵜⵅⵅⵓⵜⵔⴰ

ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 13 ⵏⵓⵡⴰⵏⴱⵉⵔ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ ⴷ ⵎⴰⵙⵙ Jeyhun Bayramov ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⴰⵣⵉⵔⴱⵉⵊⴰⵏ, ⵍⵍⵉ ⵉⵍⵍⴰⵏ ⴳ ⵓⵔⵣⴰⴼ ⴰⵎⴰⴷⴷⵓⴷ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵓⵙⵙⴰⵏ ⵏ 13 ⴷ 14 ⵏⵓⵡⴰⵏⴱⵉⵔ, ⵙ ⵜⵎⵍⴷⴰ ⵏ ⵜⵙⵓⵜⵍⵜ ⵜⵉⵙ ⵙⵏⴰⵜ ⵏ ⵜⵙⵇⵇⵉⵎⵜ ⵉⵛⵛⴰⵔⵏ ⵍⵎⵖⵔⵉⴱ-ⴰⵣⵉⵔⴱⵉⵊⴰⵏ.

ⵉⵃⴰⴹⴰⵕ ⴳ ⵓⵏⵎⵓⵇⵇⴰⵔ ⵎⴰⵙⵙ Nazim Adil oglu Samadov ⴰⵎⵙⵇⵇⴰⴷ ⵏ ⴰⵣⵉⵔⴱⵉⵊⴰⵏ ⴳ ⵍⵎⵖⵔⵉⴱ, ⵉⵍⵍⴰ ⵓⵙⴷⴷⵉⴷ ⴼ ⵜⵉⵕⵡⵉ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵍⵍⵉ ⵉⴱⴷⴷⵏ ⴼ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⵏ ⵜⵅⵅⵓⵜⵔⴰ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵓⵙⵏⴰⵍ ⵉⵣⵣⵉⴳⵣⵏ ⴳ ⵉⵏⵎⵓⵇⵇⴰⵔⵏ ⵉⵙⴳⴰⵡⴰⵏⵏ ⴷ ⵉⴳⵔⴰⵖⵍⴰⵏⵏ.  

ⵉⵙⵎⴰⵢⵏⵓ ⵎⴰⵙⵙ Jeyhun Bayramov ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⴰⵣⵉⵔⴱⵉⵊⴰⵏ ⴰⵙⴷⴷⵉⴷ ⵏ ⵡⴰⴷⴷⴰⴷ ⵉⵙⵓⵍⵏ ⴷ ⵉⴱⴷⴷⵏ ⵉ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵅⵅⵓⵜⵔⴰ ⵏⵏⵙ ⴼ ⵡⴰⴽⴰⵍ ⵏⵏⵙ ⴰⴽⴽⵯ, ⴰⵢⵍⵍⵉ ⵉⵙⵏⵉⵎⵎⵔ ⴷ ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⵉⵖ ⵜⵙⵏⴰⵍ ⴰⵣⵉⵔⴱⵉⵊⴰⵏ ⵜⵉⵅⵅⵓⵜⵔⴰ ⵜⴰⵎⵖⵔⵉⴱⵉⵜ ⴼ ⵎⴰⵕⵕⴰ ⴰⴽⴰⵍ ⵏⵏⵙ ⴳ ⵉⵏⵎⵓⵇⵇⴰⵔⵏ ⵉⵙⴳⴰⵡⴰⵏⵏ ⴷ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ.  

ⵙ ⵜⵎⵍⴷⴰ, ⵙⴷⴷⵉⴷⵏ ⵙⵉⵏ ⵉⵎⵙⵜⴰⵢⵏ ⴼ ⵜⵣⵡⵉⵔⵉ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⵙⵡⵉⵔⵏ ⵉⴷⵎⵙⴰⵏⵏ ⴷ ⵉⵏⵙⴱⴰⴱⵏ, ⵜⵉⵣⴷⴰⵢⵉⵏ ⵍⵍⵉ ⵎⵇⵇⵓⵔⵏⵉⵏ ⵜⵉⴳⴰⵔⵉⵡⵉⵏ ⴰⴷ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⵎⵢⴰⵡⴰⴹ ⴷ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵓⵣⴷⴰⵢ ⴳ ⵉⴳⵔⴰⵏ ⵉⴱⵕⵍⴰⵎⴰⵏⵉⵢⵏ ⵛⵛⴰⵔⵏⵉⵏ.

ⵉⴳⴰ ⵓⵎⴹⴰⴽⴰⵕ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⴰⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵎⴰⵙⵙ Jeyhun Bayramov ⴰⵎⵡⴰⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵜⴳⴷⵓⴷⴰⵏⵜ ⵏ ⴰⵣⵉⵔⴱⵉⵊⴰⵏ, ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⵎⵙⴰⵔⵉⵏ ⵍⵍⴰⵏⵉⵏ ⴳ ⵓⵖⴰⵡⴰⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ.