ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵙⵇⵇⴰⴷ ⵏ ⵍⴱⵕⴰⵥⵉⵍ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 13 ⵏⵓⵡⴰⵏⴱⵉⵔ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ ⵎⴰⵙⵙ Alexandre Guido Lopes Parola ⴰⵎⵙⵇⵇⴰⴷ ⵏ ⵍⴱⵕⴰⵥⵉⵍ ⴳ ⵍⵎⵖⵔⵉⴱ, ⵙ ⵜⵎⵍⴷⴰ ⵏ ⵓⵔⵣⴰⴼ ⵏⵏⵙ ⵉ ⵓⵙⵇⵇⵉⵎ ⵏ ⵉⵎⵓⵔⴰ.
ⵉⵍⵍⴰ ⵓⵎⴹⴰⴽⴰⵕ ⴼ ⵜⴷⵓⵙⵉ ⵏ ⵜⵣⴰⴷⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵙⴳ 1884 ⵍⵍⵉⵖ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵜⴰⵎⵣⵡⴰⵔⵓⵜ ⵜⴰⴼⵔⵉⵇⵉⵜ ⵉⵙⵙⵏ ⵙ ⵜⵙⵉⵎⴰⵏⵜ ⵏ ⵍⴱⵕⴰⵥⵉⵍ ⴳ 1822. ⵢⵉⵍⵉ ⵓⵔⵣⵣⵓ ⵓⵍⴰ ⴼ ⵜⵉⵍⴰⵍⵜ ⵜⴰⵙⵜⵔⴰⵜⵉⵊⵉⵜ ⵏ ⵙⵏⴰⵜ ⵜⵎⵉⵣⴰⵔ ⴷ ⵡⴰⵜⵉⴳ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ ⵊⴰⵔ ⵉⵙⵇⵇⵉⵎⵏ ⵏ ⵉⵎⴰⵔⴰ ⴳ ⵍⵎⵖⵔⵉⴱ ⴷ ⵍⴱⵕⴰⵥⵉⵍ, ⴷ ⵓⵙⵏⴼⵍ ⴷ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ, ⴷ ⵓⵣⴷⴰⵢ ⴳ ⵉⵏⵎⵓⵇⵇⴰⵕⵏ ⵉⴱⵕⵍⴰⵎⴰⵏⵉⵢⵉⵏ ⵉⵙⴳⴰⵡⴰⵏⵏ ⴷ ⵉⴳⵔⴰⵖⵍⴰⵏⵏ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵉ ⵓⵙⴷⵓⵙ ⵏ ⵓⴼⵔⴰ ⴷ ⵜⵏⴼⵔⵓⵜ ⵜⴰⴳⵔⴰⵖⵍⴰⵏⵜ ⴷ ⵓⵙⴽⵔ ⵏ ⵓⵎⵙⴰⵡⴰⵍ ⴷ ⵓⵎⵢⴰⵡⴰⴹ ⵉⵙⵓⵍⴰⵏⵏ.