ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴰⴽⴰⴱⴰⵕ ⵏ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⴳ ⴱⵓⵕⴽⵉⵏⴰⴼⴰⵚⵓ

ⵜⵙⵏⵓⴱⴳ ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⵜⴰⵎⴰⵔⵉⵜ ⵚⵓⴼⵢⴰ ⵟⵟⴰⵀⵉⵔⵉ ⴷ ⵎⴰⵙⵙⴰ ⵜⴰⵎⴰⵔⵉⵜ ⵛⴰⴼⵉⵇⴰ ⵍⵛⵔⴼ ⵜⵉⴳⵎⴰⵎⵉⵏ ⵏ ⵜⵙⵇⵇⵉⵎⵜ, ⴷ ⵎⴰⵙⵙ ⵉⴱⵕⴰⵀⵉⵎ ⴱⵏ ⴷⵉⴷⵉ ⴰⵏⵙⵙⵉⵅⴼ ⵏ ⵜⴰⵢⵢⴰⵡⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴱⵓⵕⴽⵉⵏⴰⴼⴰⵚⵓ, ⴰⵙⵉⵏⴰⵙ 7 ⵏⵓⵡⴰⵏⴱⵉⵔ 2023 ⴳ ⵜⵉⵙ 15, ⴰⴽⴰⴱⴰⵕ ⵙⴳ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⵏ ⴱⵓⵕⴽⵉⵏⴰⴼⴰⵚⵓ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵙⴰⵏⵓ ⵢⴰⵢⴰ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ.

ⴳ ⵜⵣⵡⵉⵔⵉ, ⵜⵙⴱⵔⵔⴽ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⴰⴽⴰⴱⴰⵕ ⵏ ⴱⵓⵕⴽⵉⵏⴰⴼⴰⵚⵓ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ. ⵜⴼⴽ ⴰⵙⵎⵏⵉⴷ ⵅⴼ ⵜⵉⴹⴰⴼ ⵜⴰⵥⵕⴼⴰⵏⵜ ⵉⵣⴷⵉⵏ ⴷ ⵓⵙⵕⵚⵓ ⵏ ⵜⵔⵙⴰⵍ ⵏ ⵜⵏⵏⵓⴱⴹⴰ ⵉⵥⵉⵍⵏ ⴷ ⵓⵣⴷⴰⵢ ⵏ ⵜⵎⴰⵙⴰⵢⵜ ⴷ ⵓⵙⵉⵟⵏ ⴷ ⵓⵙⴼⴰⵍⴽⵉ ⵏ ⵜⵓⴷⵔⵜ ⵜⴰⵎⴰⵜⴰⵢⵜ ⵍⵍⵉ ⵉⵙⵙⵕⵚ ⵓⴷⵓⵙⵜⵓⵔ ⵏ ⵜⴳⵍⴷⵉⵜ, ⵜⵙⴰⵡⵍ ⵉⵍⵎⵎⴰ ⴼ ⵜⵙⵎⵉⴳⴰⵍ ⵏ ⵜⵙⵇⵇⵎⵜ ⵅⴼ ⵜⵉⴹⴰⴼ ⵜⴰⵥⵕⴼⴰⵏⵜ, ⴳ ⵎⴰⴷ ⵉⵥⵍⵉⵏ ⵙ ⵓⵖⴰⵡⴰⵙ ⴰⵙⴳⴳⵯⵙⴰⵏ ⵏ ⵜⵉⴹⴰⴼ ⴷ ⵜⵖⵔⵉ ⵏ ⵉⵏⵇⵇⵉⵙⵏ ⵏ ⵜⵙⵏⴱⴹⴰⵢⵜ ⵏ ⵓⵙⵉⵟⵏ ⴷ ⵜⵖⵔⵉ ⴷ ⵓⵙⵜⴰⵢ ⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵏ ⵓⴼⵓⴽⴽⵓ. ⴳ ⵓⵎⵏⵉⴷ ⵏⵏⵙ, ⵉⵙⵏⵉⵎⵎⵔ ⵎⴰⵙⵙ ⵙⴰⵏⵓ ⵢⴰⵢⴰ ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⴼ ⵓⵙⵎⵏⵉⴷ ⵏⵏⵙ ⵉⵎⵍⴰⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ, ⵖⵎⴽ ⵍⵍⵉ ⴼⴽⴰⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⵍⵍⵉ ⴼⴽⴰⵏⵉⵏ ⵉⵙⵇⵙⵉⵜⵏ ⵅⴼ ⵜⵉⴹⴰⴼ ⵜⴰⵥⵔⴼⴰⵏⵜ.

ⴳ ⵜⴳⵉⵔⴰ, ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴼ ⵜⵉⵔⴰⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴷ ⵓⵙⵕⵚⵓ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵜⵎⵎⵓⵏⵜ ⵜⴰⵣⵣⵔⴰⴼⵜ ⵏ ⴱⵓⵕⴽⵉⵏⴰⴼⴰⵚⵓ ⵅⴼ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵙⴽⴰⵕ ⵥⵉⵍⵏⵉⵏ ⵅⴼ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ. ⴳ ⵓⵎⵏⵉⴷ ⵏⵏⵙ, ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵓⴽⴰⴱⴰⵕ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⴷ ⵉⴳⵎⴰⵎⵏ ⵏⵏⵙ ⴼ ⵓⵙⴱⴱⵔⴽ ⴷ ⵜⵎⵔⴰⵔⵓⵜⵉⵏ ⵅⴼ ⵉⵙⵇⵙⵉⵜⵏ ⵏⵏⵙⵏ.