ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⵉ ⵜⵉⴽⴽⵉ ⵏ ⵓⴼⵔⵉⵙ ⵏ ⵉⴳⵉⴳⵍⵏ ⵏ ⵜⵎⵜⵜⵉ ⵉ ⵜⴰⵣⵣⴰⵏⵉⵏ ⵓⵏⴳⵉⵙⵏ ⵏ ⵓⵎⴷⵓⴷⵉ ⵏ ⵍⵃⴰⵡⵣ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ 3 ⵏⵓⵡⴰⵏⴱⵉⵔ 2023, ⵙ ⵓⵎⴽⵕⴰⴹ ⴰⵙⵏⴼⴰⵔ ⵏ ⵓⵙⵍⴳⵏ 50.23 ⵉ ⵜⵉⴽⴽⵉ ⵏ ⵜⴰⵣⵣⴰⵏⵉⵏ ⵓⵏⴳⵉⵙⵏ ⵏ ⵓⵎⴷⵓⴷⵉ ⵏ ⵍⵃⴰⵡⵣ ⴰⴼⵔⵉⵙ ⵏ ⵉⴳⵉⴳⵍⵏ ⵏ ⵜⵎⵜⵜⵉ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰⵙ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵍⵓⴷⵉⵢⵉ, ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍ ⵙ ⵜⵎⵙⵙⵓⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ.
ⵉⵍⵍⴰ ⵓⵙⵏⴼⴰⵔ ⴰⴷ ⴳ ⵓⵙⴰⵜⵉ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⵉ ⵉⵎⵉⵥ ⵏ ⵉⴳⵉⴳⵍⵏ ⵓⵔ ⵟⵟⴰⴼⵏⵉⵏ ⵜⴰⵡⵊⵉⵡⵉⵏ, ⵖⴰⵎⴰⵏ ⴷ ⵜⴰⵔ ⵜⵉⵖⵔⴰⴷ ⴷⴼⴼⵉⵔ ⵏ ⵓⵎⴷⵓⴷⵉ ⵍⵍⵉ ⵢⵓⵜⵏ ⵜⴰⵎⵏⴰⴹⵜ ⵏ ⵍⵃⴰⵡⵣ ⴳ 8 ⵛⵓⵜⴰⵏⴱⵉⵔ 2023.
ⵉⵙⵔⵙ ⵓⴹⵕⵉⵚ ⵜⵉⴼⴰⴷⵉⵡⵉⵏ ⵥⵍⵉⵏ ⵙ ⵜⵉⴽⴽⵉ ⵏ ⵓⴼⵔⵉⵙ ⴰⴷ, ⴷ ⵓⵙⵔⵙ ⵏ ⵜⵍⴳⴰⵎⵉⵏ ⵏ ⵜⴰⵣⵣⴰⵏⵉⵏ ⴳⴰⵏⵉⵏ ⵉⵎⵏⵜⴰⵢⵏ, ⵔⴰⴷ ⵜⵡⴰⵍⴰ ⵜⵎⵔⵙⵍⵜ ⵏ ⵍⵃⴰⵙⴰⵏ ⵡⵉⵙ ⵙⵉⵏ ⵉ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵉⵇⴱⵓⵔⵏ ⵏ ⵉⵙⵔⴷⴰⵙⵏ ⴷ ⵉⵇⴱⵓⵔⵏ ⵏ ⵉⵎⵃⴰⵔⴽⴰⵏ ⴰⵣⵣⴳⵉⵔ ⵏ ⵓⵙⵍⴳⵏ ⴰⴷ.
ⵙ ⵓⵙⵍⴳⵏ ⴰⴷ, ⵔⴰⴷ ⵉⵚⴰⵃⴰ ⵉ ⵜⴰⵣⵣⴰⵏⵉⵏ ⵓⵏⴳⵉⵙⵏ ⴰⵙⵏⴰⵍ ⴰⵥⵕⴼⴰⵏ ⵙⴳ ⵉⵡⴰⵏⴽ ⴳ ⵍⵍⴰⵏⵜ ⵜⵉⵖⵔⴰⴷ ⵍⴽⵎⵏⵉⵏ 1250 ⴷⵀ, ⴷ ⵜⵙⵏⵉⵊⵊⵉⵜ ⴳ ⵉⵙⴳⵏⴰⴼⵏ ⴰⵖⵔⵎⴰⵏ ⴷ ⵓⵙⵔⴷⴰⵙ ⵉⴹⴼⵕⵏ ⴰⵡⴰⵏⴽ, ⴷ ⵓⵙⵉⵣⴷⵔ ⵏ ⵡⴰⵜⵉⴳ ⵏ ⵓⵎⵓⴷⴷⵓ ⴳ ⵉⵎⴰⵙⵙⵏ ⵏ ⵡⴰⵙⵙⴰⵢ ⴳ ⵓⴱⵔⵉⴷ ⵏ ⵓⵣⵣⴰⵍ.
ⵖⵎⴽ ⵍⵍⵉ ⴰⵙⵏ ⵉⵜⵜⵚⵉⵃⵉ ⵓⵙⵏⴰⵍ ⴰⵥⵕⴼⴰⵏ ⴳ ⵓⴽⵛⵓⵎ ⴰⵏⵎⵍⴰⵏ ⴷ ⵜⴼⵓⴳⵍⴰ ⵏ ⵜⴼⴰⵙⴽⴰ ⴷ ⵜⵣⵡⵉⵔⵉ ⴳ ⵓⴽⵛⵓⵎ ⵙ ⵜⵎⵔⵙⴰⵍ ⵏ ⵓⵙⵙⵍⵎⴷ ⴷ ⵓⵙⵎⵓⵜⵜⴳ ⴷ ⵜⵣⵣⵓⵍⵉⵏ ⴳ ⵜⵎⵙⵙⵓⴳⵓⵔⵉⵏ ⵏ ⵓⵡⴰⵏⴽ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ.