ⴰⵏⴳⵓⵍⴰ: ⵉⵎⴹⴰⴽⴰⵕ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙⴰ ⴽⴰⵔⵓⵍⵉⵏⴰ ⵙⵉⵔⵉⴽⵉⵔⴰ ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⴰⵏⴳⵓⵍⴰ

ⴳ ⵓⵙⴰⵜⵉ ⴳ ⵓⴷⵔⴰⵡ ⴳ ⵓⴳⵔⴰⵡ ⴰⵎⴰⵜⴰⵢ ⵡⵉⵙ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵙⵓⵜⵍⵜ ⵜⵉⵙ 22 ⵏ ⵓⵙⵇⵇⵉⵎ ⵉⵏⴱⴹⵏ ⴷ ⵜⵙⵎⵓⵏⴰⵢ ⵏⵏⵙ, ⵍⵍⵉ ⵜⵙⵏⵓⴱⴳ ⵜⵎⵙⵎⵓⵏⵜ ⵜⴰⵏⵎⵓⵔⵜ ⵏ ⴰⵏⴳⵓⵍⴰⴳ ⵜⵎⴰⵥⵓⵏⵜ ⵏⵏⵙ ⵍⵡⴰⵏⴷⴰ ⵙⴳ 23 ⴰⵔ 27 ⴽⵟⵓⴱⵕ 2023, ⵉⵙⵏⵎⴰⵍⴰ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⵏ ⵍⵎⵖⵔⵉⴱ ⴰⵏⵎⵓⵇⵇⴰⵔ ⴰⵙⵉⵏⵔⴰⵏ ⴷ ⵎⴰⵙⵙⴰ ⴽⴰⵔⵓⵍⵉⵏⴰ ⵙⵉⵔⵉⴽⵉⵔⴰ ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴰⵏⴳⵓⵍⴰ, ⴰⵙⵉⵎⵡⴰⵙ 27 ⴽⵟⵓⴱⵕ 2023.

ⵉⵍⵍⴰ ⵓⵏⵎⵓⵇⵇⴰⵔ ⴰⴷ ⵙ ⵜⵉⵍⵉⵜ ⵏ ⵎⴰⵙⵙ ⴰⵃⵎⴰⴷ ⵜⵜⵡⵉⵣⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ ⴷ ⵎⴰⵙⵙ ⵎⵓⵚⵟⴰⴼⴰ ⵔⴷⴷⴰⴷ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴷ ⵎⴰⵙⵙ ⵄⵓⵎⴰⵕ ⵃⵊⵉⵔⴰ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷⵢⵉⵙⴽⵉⵍ, ⴷ ⵎⴰⵙⵙⴰ ⵅⴰⴷⵉⵊⴰ ⵙⵙⵍⴰⵙⵉ ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ.

ⵙⴳ ⴰⵏⴳⵓⵍⴰ, ⵉⵃⴰⴹⵕ ⵎⴰⵙⵙ ⴰⵍⵙⵉⴷⵙ ⵙⴰⴽⴰⵍ ⵙⵉⵎⵓⵙ ⴰⵎⴰⵔⵉ ⵡⵉⵙ ⴽⵕⴰⴹ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵉⵎⵣⵡⴰⴳ ⴳ ⴱⵕⵕⴰ, ⴷ ⵎⴰⵙⵙ ⴷⴰⵎⴱⵓ ⵎⴰⵏⵢⵉⵍ ⴰⵏⴼⵍⵓⵙ ⴰⵎⴰⵜⴰⵢ ⴰⴱⵕⵍⴰⵎⴰⵏⵉ ⴰⵎⵣⵡⴰⵔⵓ ⵏ ⵓⵙⵉⵔⴰ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ.

ⴳ ⵜⵣⵡⵉⵔⵉ, ⵜⵙⵏⵉⵎⵎⴰⵔ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴰⵏⴳⵓⵍⴰ ⴰⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴼ ⵓⵙⵏⴰⵍ ⴰⵜⵉⵇⵏⵉ ⴷ ⵓⵎⵜⵜⵉⵡ ⴷ ⵓⵍⵉⵙⵜⵉⴽⵉ, ⴷ ⵓⵙⴼⵍⵙ ⵏ ⵉⵎⵙⵓⵖⵍⵏ ⴳ ⵓⵙⵏⵎⴰⵍⴰ ⵏ ⵜⵙⵓⵜⵍⵜ ⵜⵉⵙ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⵍⵡⴰⵏⴷⴰ ⵙⴳ 23 ⴰⵔ 27 ⴽⵟⵓⴱⵕ 2023. ⵜⵙⵓⵜⴳ ⴰⵙⵏⴰⵍ ⴰⴷ ⵜⵉⵏⵉ ⵎⴰⵙ ⵉⵎⵎⴰⵍ ⵉⵎⴰⵏ ⵏ ⵜⵡⵉⵣⵉ ⴷ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⵜⴰⵢⵜⵎⴰⵜⵉⵏ ⵙⴳ ⵉⴼⵔⵉⵇⵢⴰ.

ⵜⵙⴰⵡⵍ ⵓⵍⴰ ⴼ ⵜⵣⴷⴰⵢⵉⵏ ⵜⵉⵎⵣⵔⴰⵢ ⵍⵍⴰⵏⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⴰⵏⴳⵓⵍⴰ, ⵜⵙⵓⵜⴳ ⴰⵙⵏⴰⵍ ⵉⵚⴰⵃⴰⵏ ⵉ ⵓⵎⵓⵙⵙⵓ ⵏ ⵓⵙⵍⴻⵍⵍⵉ ⴳ ⴰⵏⴳⵓⵍⴰ ⴳ ⵓⵣⵎⵣ ⵏ ⵓⵙⴷⵓⴷⴷⵓⵢ ⴳ ⵓⵣⵎⵣ ⵏ ⵉⴳⵍⵍⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ ⴰⴷ ⵉⵕⵃⵎ ⵕⴱⴱⵉ, ⵍⵍⵉⵖ ⵜⴼⴽⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⴰⵣⴷⵓⵖⵜ ⴷ ⵜⵖⵔⵉ ⴷ ⵜⵎⴰⵏⵉⵏⵜ ⵉ ⵉⵡⴷⴰⵏ ⵏ ⵓⵎⵓⵙⵙⵓ ⴰⴷ.

ⵜⵙⵓⵜⴳ ⵜⵏⵙⵙⵉⵅⴼⵜ ⵓⵍⴰ ⴰⵔⵣⴰⴼ ⵏⵏⵙ ⴰⵎⴳⴳⴰⵔⵓ ⵉ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵍⵍⵉ ⵜⵥⵕⴰ ⵜⵉⵔⵎⵉⵜⵉⵏ ⵥⵉⵍⵏⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⴽⵉⴳⴰⵏ ⵏ ⵉⴳⵔⴰⵏ, ⵜⵙⴰⵡⵍ ⴼ ⵜⵓⵎⵔⵜ ⵏⵏⵙ ⵉ ⵜⵎⵙⴽⴰⵔ ⵜⵓⵏⴳⵉⵎⵉⵏ ⵍⵍⵉ ⴳⴰⵏⵉⵏ ⴰⵏⴰⵡ ⵉⵥⵍⵉⵏ ⴳ ⵓⵎⵏⵥⴰⵡ ⵏ ⵉⴼⵔⵉⵇⵢⴰ. ⵜⴼⴽ ⴰⵎⴷⵢⴰ ⵙ ⵓⴼⵜⴰⵙ ⴰⵏⴰⵎⵎⴰⵙ ⵏ ⵜⴰⵏⵊⴰ ⵍⵍⵉ ⵉⴳⴰⵏ ⴰⵙⴰⵡⵓⵔ ⴰⵅⴰⵜⴰⵔ ⵉⵔⵎⵙⵏ ⴳ ⵉⴼⵔⵉⵇⵢⴰ.

ⵜⵏⵏⴰ ⵜⵏⵙⵙⵉⵅⴼⵜ ⵎⴰⵙ ⴷ ⵜⵉⵍⵉⵜ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⵉⵙ 147 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉⴳⴰ ⴰⵙⵏⴰⵍ ⵏ ⵉⵏⴰⵔⵓⵣⵏ ⵏ ⵉⴱⵕⵍⴰⵎⴰⵏⵏ ⴳ ⵓⵎⴰⴹⴰⵍ ⵉ ⵓⵙⴷⵓⵙ ⵏ ⵓⴼⵔⴰ ⴷ ⵜⵣⵔⴼⵜ ⴷ ⵜⴳⵎⵉ.

ⵜⵙⵎⵏⵉⴷ ⵜⵏⵙⵙⵉⵅⴼⵜ ⴰⵙⵎⵏⵉⴷ ⵉⵣⵓⵣⵣⵔⵏ ⴼ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ, ⵜⵙⴰⵡⵍ ⴼ ⵓⴱⵓⵔⵣ ⵏⵏⵙ ⵙ ⵓⴷⵖⴰⵔ ⴷ ⵜⴳⵯⵏⵙⴰⵙⵜ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵜⵎⵙⵎⵓⵏⵜ ⴰⴷ ⵍⵍⵉⵖ ⵙⵙⵉⵅⴼⵏⵜ ⵙⵏⴰⵜ ⵜⵙⵇⵇⵉⵎⵉⵏ ⵙⵜⴰⵡⵀⵎⵎⴰⵏⵉⵏ ⵜⴰⵙⵇⵇⵉⵎⵜ ⵏ ⵓⵎⵣⴰⵖ ⴷ ⵓⴼⵔⴰ ⴷ ⵜⵏⴼⵔⵓⵜ ⴷ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵥⵕⴼⴰⵏⵉⵏ.

ⵉⵙⵏⵉⵎⵎⵔ ⵎⴰⵙⵙ ⵚⵚⴱⴱⴰⵕⵉ ⵜⴰⵏⵙⵙⵉⵅⴼⵜ ⴼ ⵓⵙⵏⵎⴰⵍⴰ ⵉⵥⵉⵍⵏ ⴷ ⵓⵙⴱⵔⵔⴽ ⵚⴰⵃⴰⵏⵉⵏ ⵉ ⵓⴽⴰⴱⴰⵕ ⴰⵎⵖⵔⵉⴱⵉ ⵎⵍⵉⵖ ⴷ ⵉⵍⴽⵎ ⵍⵡⴰⵏⴷⴰ. ⵉⵙⵓⵜⴳ ⵜⴰⴳⵓⵔⵉ ⵉⵥⵉⵍⵏ ⵍⵍⵉ ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⴰⵏⴳⵓⵍⴰ ⵎⴰⵙⵙ ⵊⵡⴰⵡ ⵍⵓⵔⵉⵏⵙⵓ ⴳ ⵓⵕⵥⵥⵓⵎ ⵏ ⵜⵙⵓⵜⵍⵜ 147 ⵖ ⵉⵙⵡⴰⵍ ⴼ ⵉ ⵉⵙⵓⵔⵙⵏ ⵏ ⴼⴰⵍⵉⵚⵟⵉⵏ, ⵉⵙⴷⴷⵉⴷ ⴼ ⵓⵛⵛⵉⵍ ⵏ ⵓⵙⴼⵍⵙ ⵏ ⵓⵍⴽⴰⵎ ⵏ ⵜⵡⵉⵣⵉ ⵉ ⵖⴰⵣⵣⴰ ⵍⵍⵉ ⵔⴰⴷ ⵉⵙⵉⴼⵙⵓⵙ ⴼ ⵜⴰⵙⵙⴰⵙⵜ ⵏ ⵉⴼⴰⵍⵉⵚⵟⵉⵏⵉⵢⵏ.

ⵉⵙⵏⵉⵎⵎⵔ ⵜⴰⵏⵙⵙⵉⵅⴼⵜ ⴼ ⵓⵏⵎⵓⵇⵇⴰⵔ ⴰⴷ ⵉⵎⵎⴰⵍⴰⵏ ⵜⴰⴷⵓⵙⵉ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⵉⵍⵍⴰⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ. ⵉⵙⴷⴷⵉⴷ ⴼ ⵓⵙⴷⵙⵓ ⵏ ⵜⵣⴷⴰⵢⵉⵏ ⴰⴷ ⵙ ⵓⵙⵏⴼⵍ ⵏ ⵜⵣⴷⴰⵢⵉⵏ ⴷ ⵜⵉⵔⵎⵉⵜⵉⵏ ⴳ ⵢⵉⴳⵔ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵜⵎⵙⵙⵓⴳⵓⵔⵜ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ.

ⴳ ⵜⴳⵉⵔ, ⵜⵖⵔⴰ ⵜⵏⵙⵙⵉⵅⴼⵜ ⵉ ⵓⵔⵣⴰⴼ ⴰⵎⴰⴷⴷⵓⴷ ⵉ ⴰⵏⴳⵓⵍⴰ ⴳ 2024.