ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴷⴷⵓⵎⵉⵏⵉⴽⴰⵏ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 25 ⴽⵟⵓⴱⵕ 2023 ⴳ ⵕⵕⴱⴰⵟ, ⴰⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴷⴷⵓⵎⵉⵏⵉⴽⴰⵏ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ Rosa Hilda Genao  ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴷⴷⵓⵎⵉⵏⴽⴰⵏ-ⵍⵎⵖⵔⵉⴱ, ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵍⵎⵖⵔⵉⴱ ⵙⴳ 24 ⴰⵔ 28 ⴽⵟⵓⴱⵕ ⵍⵍⵉⵖ ⵉⴷⵔⵓ ⴳ ⵓⵎⵓⵙⵙⵓ ⴰⴷⵎⵙⴰⵏ ⴷ ⵓⴷⵍⵙⴰⵏ ⵍⵍⵉ ⵜⵙⵏⵎⴰⵍⴰ ⵜⵎⵙⵇⵇⴰⴷⵜ ⵏ ⴷⴷⵓⵎⵉⵏⵉⴽⴰⵏ ⴳ ⵕⵕⴱⴰⵟ.

ⵉⵃⴰⴹⵕ ⴳ ⵓⵎⴹⴰⴽⴰⵕ ⴰⴷ ⵎⴰⵙⵙ ⵄⴰⴱⴷⵕⵕⵣⵣⴰⵇ ⵍⵀⴰⵛⵉⵎⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴷⴷⵓⵎⵉⵏⵉⴽⴰⵏ ⴷ ⵓⵎⵙⵇⵇⴰⴷ ⵏ ⴷⴷⵓⵎⵉⵏⵉⴽⴰⵏ ⴳ ⵕⵕⴱⴰⵟ ⵎⴰⵙⵙ Justo Duarte Amaury , ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵡⵉⵔ ⵉⵥⵉⵍⵏ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⴷⴷⵓⵎⵉⵏⵉⴽⴰⵏ, ⵉⵙⵓⵜⴳ ⵓⵍⴰ ⴰⴷⴷⴰⴷ ⵉⵥⵉⵍⵏ ⵏ ⴷⴷⵓⵎⵉⵏⵉⴽⴰⵏ ⵉⵙⵏⴰⵍⵏ ⵜⴰⵎⵙⴰⵔⵜ ⵏ ⵜⵢⴰⵏⵜ ⵜⴰⴽⴰⵍⴰⵏⵜ ⵏ ⵜⴳⵍⴷⵉⵜ.

ⵙⴰⵡⵍⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⵏ ⴷⴷⵓⵎⵉⵏⵉⴽⴰⵏ ⵙ ⵓⵙⵓⵜⴳ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵙⴷⴷⵉⴷⵏ ⴼ ⵜⵉⵍⴰⵍⵜ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ, ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵎⴰⵕⵕⴰ ⵏ ⵉⴳⵔⴰⵏ ⵙⵍⴰⵡⴰⵏ ⵉⴷⵎⵙⴰⵏⵏ ⴷ ⵉⵏⵙⴱⴰⴱⵏ.

ⵢⵓⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⴷⴷⵓⵎⵉⵏⵉⴽⴰⵏ: ⵎⴰⵙⵙⴰ Rosa Hilda Genao ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴷⴷⵓⵎⵉⵏⵉⴽⴰⵏ-ⵍⵎⵖⵔⵉⴱ, ⵉⴳⵎⴰⵎⵏ ⵏ ⵓⵙⵇⵇⵉⵎ: Llanelis Matos ⵙⴳ ⵓⴽⴰⴱⴰⵕ ⴰⴳⵔⴰⵡⵍⴰⵏ ⴰⵎⴰⵢⵏⵓ, Ramon M. Martinez  ⵙⴳ ⵓⴽⴰⴱⴰⵕ ⵏ ⵜⵍⴻⵍⵍⵉ ⴳ ⴷⴷⵓⵎⵉⵏⵉⴽⴰⵏ, Nicolas Lopez  ⵙⴳ ⵓⴽⴰⴱⴰⵕ ⴰⴳⵔⴰⵡⵍⴰⵏ ⴰⵎⴰⵢⵏⵓ.