ⵜⴰⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵜ: ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵙⵎⵉⴳⵍⵜ ⵏ ⵜⵖⵔⵉ ⴳ ⵚⴱⴰⵏⵢⴰ

ⵉⵙⵙⵏⵜⵉ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳⵉⵙ ⵉⵎⵓⵔⴰ ⴷ ⵉⵎⵙⵡⵓⵔⵉⵢⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⴽⵕⴰⵙ ⴰⵔⵣⴰⴼ ⵉ ⵎⴰⴷⵔⵉⴷ, ⵉ ⵓⵙⵙⵏ ⵏ ⵜⵉⵔⵎⵉⵜ ⵏ ⵚⴱⴰⵏⵢⴰ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵜⴽⵕⴷⵉ ⵎⴳⴰⵍ ⵏ ⵜⵎⵖⴰⵔⵉⵏ.

ⵉⵍⵍⴰ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵓⵔⵣⴰⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⵓⴱⴳⵯⵕⵉⵚ ⵏ ⵚⴱⴰⵏⵢⴰ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵓⵙⴰⵜⵉ ⵏ ⵓⵙⵏⴼⴰⵔ:”ⴰⵙⵏⴰⵍ ⵏ ⵓⵙⵎⵖⵔ ⵏ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴳ ⵍⵎⵖⵔⵉⴱ 2020-2023”, ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ ⵙ ⵓⵣⵣⴳⵉⵔ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ.

ⵔⴰⴷ ⵢⵉⵍⵉ ⵓⵙⵙⵏ ⵏ ⵜⵎⵙⴽⴰⵔ ⵏ ⵚⴱⴰⵏⵢⴰ ⴳ ⵓⵙⴱⴷⴷⵉ ⵏ ⵜⴽⵕⴷⵉ ⵎⴳⴰⵍ ⵏ ⵜⵎⵖⴰⵔⵜ, ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵓⵙⵡⵓⵔⵉ ⵉ ⵓⵙⵖⵓⴷⵓ ⵏ ⵓⵙⵍⴳⵏ 103.13 ⴼ ⵓⵙⴱⴷⴷⵉ ⵏ ⵜⴽⵕⴷⵉ ⵎⴳⴰⵍ ⵏ ⵜⵎⵖⴰⵔⵜ.

ⵔⴰⴷ ⵢⵉⵍⵉ ⵓⵙⵙⵏ ⴰⴷ ⴷⴰⵔ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵉⵜⵜⵓⵙⵎⴰⴳⴰⵍⵏ ⵙ ⵜⵙⵏⵙⵉ ⵏ ⵓⵙⵍⴳⵏ ⵍⵍⵉ ⵉⵜⵜⵓⴱⴷⴰⵔⵏ. ⵖⵎⴽ ⴰⵏⵏ ⴷ ⵉⵎⵙⵡⵓⵔⵉⵢⵏ ⵍⵍⵉ ⵜ ⵉⵙⵏⴰⵍⵏ.

ⵔⴰⴷ ⵉⵙⵏⵎⴰⵍⴰ ⵓⴽⴰⴱⴰⵕ ⴰⵎⵖⵔⵉⴱⵉ ⵜⵉⵙⵎⵓⵏⵢ ⴷ ⵓⴽⵓⵏⴳⵕⵉⵚ ⵏ ⵚⴱⴰⵏⵢⴰ, ⴷ ⵜⵎⴰⵡⴰⵙⵜ ⵏ ⵓⴳⵯⵏⵙ, ⴷ ⵓⴽⴰⴱⴰⵕ ⵓⵏⴱⵉⴹ ⵉ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵜ, ⴷ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ.

ⵍⵍⵉⵖ ⵉⴳⴰ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴰⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ 2011, ⵙⵡⵓⵔⵉⵏⵜ ⵙⵏⴰⵜ ⵜⵎⵔⵙⴰⵍ ⵙ ⵜⵖⴰⵔⴰⵙⵜ ⵉⵛⵛⴰⵔⵏ ⴼ ⵓⵏⵄⴰⵕ ⵏ ⵡⴰⵜⵉⴳⵏ ⵛⵛⴰⵔⵏⵉⵏ, ⵣⵓⵏ ⴷ ⴰⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⵅⵅⵓⵜⵔⴰ ⵏ ⵓⵙⵍⴳⵏ ⴷ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵍⴻⵍⵍⵉ ⵜⴰⵙⵉⵍⴰⵏⵜ. ⵙⵡⵓⵔⵉⵏ ⴼ ⵢⴰⵏ ⵓⵙⵏⴼⴰⵔ ⵏ ⵓⵎⵢⴰⵡⴰⵙ ⵉⵡⴰⵜⵜⵙⵏ ⴰⵙⵏⴰⵍ ⵏ ⵜⵓⴳⴳⵯⴰⵙ ⵏ ⵓⴱⵔⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⵙⴽⵔ ⵏ ⵜⵉⴹⴰⴼ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.

ⴳ ⵜⵙⵓⵜⵍⵜ ⴰⴷ ⵜⴰⵣⵣⵔⴰⴼⵜ, ⵉⵕⵥⵎ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵡⵡⵓⵔⵉⵡⵉⵏ ⵏ ⵓⵙⵓⵜⴳ ⵏ ⵉⵙⵍⴳⵏⵏ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴰⵎ ⴰⵙⵓⵜⴳ ⵏ ⵓⵙⵍⴳⵏ 103.13 ⵉⵣⴷⵉⵏ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ.

ⵢⵓⵎⴰ ⵓⴽⴰⴱⴰⵕ ⵏ ⵍⵎⵖⵔⵉⴱ ⵎⴰⵙⵙⴰ ⵅⴰⴷⵉⵊⴰ ⵓⵍⴱⴰⵛⴰ, ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵓⵜⴳ ⵏ ⵓⵙⵍⴳⵏ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵜ (ⵙⴳ ⵜⵔⴰⴱⴱⵓⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵏⴰⵎⵓⵏⵜ) ⴷ ⵉⴳⵎⴰⵎⵏ ⵏ ⵜⵔⴰⴱⴱⵓⵜ: ⴷⵔⵉⵙ ⵛⵕⴰⵢⴱⵉ (ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ), ⵇⵓⵍⵓⴱ ⴼⵉⵜⴰⵃ (ⵜⴰⵥⵖⵕⵜ ⴷ ⵜⵎⴰⵜⵔⴰⵔⵜ), ⵄⴰⵜⵉⵇⴰ ⵊⴱⵕⵓ (ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ), ⴼⴰⵟⵉⵎⴰ ⵢⴰⵙⵉⵏ (ⵜⴰⵔⴰⴱⴱⵓⵜ ⵜⴰⵄⴰⵔⴰⴽⵉⵜ), ⵍⵓⴱⵏⴰ ⵚⵚⵖⵉⵕⵉ (ⴰⵍⴰⵢ ⴷ ⵜⵙⵔⵎⵓⵏⵜ), ⵀⵉⵏⴷ ⴱⵏⵏⴰⵏⵉ ⵕⵕⵟⵍ (ⵜⴰⵣⵔⴼⵜ ⴷ ⵜⴳⵎⵉ).