ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⵙⵏⴰⵍ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴰⵎⴰⴷⴰⵏ ⵏ ⴼⴰⵍⵉⵚⵟⵉⵏ, ⵉⵖⵔ ⵉ ⵓⵙⴱⴷⴷⵉ ⵏ ⵜⵎⴰⵖⵜ ⴼ ⵖⴰⵥⵥⴰ
ⵙ ⵜⵉⵍⵉⵜ ⵏ ⵉⵏⵙⵙⵉⵅⴼⵏ ⴷ ⵉⴳⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ, ⵉⴷⵔⵓ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⴳⵔⴰⵡ ⵡⵉⵙ 35 ⵏ ⵜⴰⵎⵓⵏⵜ, ⵉⵍⵍⴰⵏ ⴰⵙⵙ ⵏ 18 ⴽⵟⵓⴱⵕ 2023 ⴳ ⴱⴰⵖⴷⴰⴷ ⴳ ⵍⵄⵉⵕⴰⵇ.
ⵉⵙⴷⴷⵉⴷ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ ⴳ ⵜⴳⵓⵔⵉ ⵏⵏⵙ, ⴰⵙⵖⵡⵏ ⵏ ⵍⵎⵖⵔⵉⴱ ⵙ ⵜⵎⵙⴰⵔⵉⵏ ⵏ ⵜⵎⵜⵜⵉ ⵜⴰⵄⵕⴰⴱⵜ ⴷ ⵓⵙⵏⴰⵍ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⴳ ⵜⵖⵏⵙⴰ ⵏⵏⵙ ⴼ ⵜⵓⵜⵔⴰⵡⵉⵏ ⵏⵏⵙ, ⵉⵙⴰⵡⵍ ⴼ ⵓⵖⵉⵍⵓⴼ ⵏⵏⵙ ⵎⵏⵉⴷ ⵏ ⴳⴰⵔ ⵉⵙⵓⵔⵙⵏ ⵖ ⵜⵖⵔⵎⵜ ⵏ ⵖⴰⵥⵥⴰ, ⵉⵖⵔ ⵉ ⵜⵡⵓⵔⵉ ⵉ ⵓⵙⵉⵜⵜ ⵏ ⵜⴰⵙⵙⴰⵙⵜ ⴰⴷ.
ⵉⵙⴷⴷⵉⴷ ⵓⵍⴰ ⴼ ⵓⵙⵡⵓⵔⵉ ⵃⵎⴰ ⴰⴷ ⵜⵍⴽⵎ ⵜⵡⵉⵣⵉ ⵏ ⵓⵙⵏⵉⵊⵊⵉ ⴷ ⵓⵜⵛⵓ ⵉ ⵉⵡⴷⴰⵏ ⴳ ⵖⴰⵥⵥ, ⴷ ⵓⵙⴱⴷⴷⵉ ⵏ ⵜⵎⴰⵖⵜ ⵍⵍⵉ ⵖⵉⵏⵏ ⵉⵍⵍⴰⵏ, ⴷ ⵓⵕⵥⵥⵓⵎ ⵏ ⵜⵡⵓⵔⵉ ⵜⴰⴷⵉⴱⵍⵓⴰⵎⴰⵙⵉⵜ ⴷ ⵜⵙⵔⵜⴰⵏⵜ ⵉ ⵓⵙⵙⵉⴷⵔ ⵏ ⵉⵎⴹⴰⴽⴰⵕⵏ ⵏ ⵓⴼⵔⴰ. ⵢⵉⵏⵉ ⵎⴰⵙ ⴷ ⴰⵡⵜⵜⴰⵙ ⴰⵙⵜⵔⴰⵜⵉⵜⵉⵊⵉ ⵉⴳⴰ ⵜ ⵜⵉⵍⵉⵜ ⵏ ⵓⵡⴰⵏⴽ ⵏ ⴼⴰⵍⵉⵚⵟⵉⵏ ⵉⴳⴰⵏ ⵜⴰⵙⵉⵎⴰⵏⵜ ⵙ ⵜⵎⵔⵙⴰⵍ ⵏⵏⵙ ⴷ ⵉⵡⵜⵜⴰ ⵏⵏⵙ.
ⵖⵎⴽ ⵍⵍⵉ ⵉⵖⵔⴰ ⵉ ⵉⴱⵕⵍⴰⵎⴰⵏⵏ ⴰⵄⵕⴰⴱⵏ ⵃⵎⴰ ⴰⴷ ⵙⵎⵔⵙⵏ ⵜⵉⵏⴱⴰⴷⵉⵏ ⵏⵏⵙⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⵃⵎⴰ ⴰⴷ ⵉⵍⵉⵏ ⵉⵡⵜⵜⴰⵙⵏ ⴰⴷ ⵙ ⵜⵖⵜⴰⵙⵉⵏ ⵏ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜ.
ⴳ ⵜⴳⵉⵔⴰ, ⵉⵙⴰⵡⵍ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴼ ⵓⵙⵏⴰⵍ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵉ ⵜⵓⴳⴳⴰⵙ ⵏ ⵜⵎⴰⴷⴷⴰⵙⵉⵏ ⵜⵓⵏⴱⵉⴹⵉⵏ ⵜⴰⵄⵕⴰⴱⵉⵏ ⴷ ⵜⵓⵙⵍⵉⵎⵉⵏ, ⴳ ⵜⵍⵍⴰ ⵜⴰⵎⵓⵏⵜ ⵏ ⵉⵡⴰⵏⴽⵏ ⴰⵄⵕⴰⴱⵏ ⴷ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ ⵉ ⵓⵙⴱⴷⴷⵉ ⵏ ⵜⵎⴰⵖⵜ ⴼ ⵖⴰⵥⵥⴰ.