ⴰⵙⵉⵡⴹ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⴳⴰⵔ ⵜⵎⵙⴰⵔⵉⵏ ⴳ ⴼⴰⵍⵉⵚⵟⵉⵏ ⵉⵜⵜⵢⴰⵎⴰⵥⵏ
ⵉⴹⴼⵕ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵖⵉⵍⵓⴼ ⵉⴳⴳⵓⵜⵏ ⵜⵉⵣⵣⴳⵣⵉⵏ ⴷ ⵉⴷⵔⵉⵣⵏ ⵏ ⴳⴰⵔ ⵜⵎⵙⴰⵔⵉⵏ ⵍⵍⴰⵏ ⴳ ⵡⴰⴽⴰⵍ ⵏ ⴼⴰⵍⵉⵚⵟⵉⵏ ⵉⵜⵜⵢⴰⵎⴰⵥⵏ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵖⴰⵣⵣⴰ, ⵓⴳⴳⴰⵔ ⵏ ⵎⵔⴰⵡ ⵓⵙⵙⴰⵏ, ⵍⵍⵉⵖ ⴰ ⴼⵔⵔⴰⵏ ⵉⵡⴷⴰⵏ ⵉⵖⵔⵎⴰⵏⵏ ⴰⵜⵉⴳ ⵏ ⵜⵡⵓⵔⵉⵡⵉⵏ ⵜⵉⵙⵔⴷⴰⵙⴰⵏⵉⵏ ⵓⵔ ⴳⵉⵏⵉⵏ ⵜⵉⵎⵣⵡⵓⵔⴰ, ⴷ ⵜⴽⵕⴷⵉ ⵉⵎⵓⵏⵏ ⴷ ⵓⵙⵓⵜⵜⵍ ⴰⵎⴰⵜⴰⵢ, ⴷ ⵓⵙⴼⵓⵜⵓ ⵏ ⵓⴳⴳⴰⵔ ⵏ ⵙⵉⵏ ⵉⴷ ⵎⵍⵢⵓⵏ ⵏ ⵓⴼⴰⵍⵉⵚⵟⵉⵏⵉ ⵙⴳ ⵓⵣⵔⴼ ⴳ ⵜⵙⵏⵉⵊⵊⵉⵜ ⴷ ⵎⴰⴷ ⵜⵔⴰ ⵜⵓⴷⵔⵜ ⴳ ⵡⴰⵎⴰⵏ ⴷ ⵜⵉⴼⴰⵡⵜ ⴷ ⵓⵜⵛⵓ ⴷ ⵉⵙⴰⴼⴰⵔⵏ....
ⴰⵔ ⵉⵙⵓⵜⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷⴷⴰⴷⵏ ⵉⵎⵣⵔⴰⵢⵏ ⴷ ⵓⵏⵥⵉⵥⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵄⵣⵣⵓ ⵕⴱⴱⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ, ⴳ ⵓⵙⵏⴰⵍ ⵏ ⵓⵎⴰⴷⴰⵏ ⴰⴼⵉⵍⵉⵚⵟⵉⵏⵉ ⴳ ⵜⵖⵏⵙⴰ ⵏⵏⵙ ⴼ ⵉⵣⵔⴼⴰⵏ ⵏⵏⵙ ⵜⵜⴰⵡⴹⵎⴰⵏⵏⵉⵏ ⵙ ⵉⵎⵇⵇⵏⵏ ⴷ ⵜⵖⵜⴰⵙⵉⵏ ⵜⵉⴳⵔⴰⵖⵍⴰⵏⵉⵏ.
- ⴰⵔ ⴷ ⵉⵙⵙⴽⵯⵜⵉ ⵜⵓⴳⴳⵯⴰⵙ ⵜⵉⵎⵣⵔⴰⵢ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵙⵏⵜⴰⵢⵉⵏ ⵏⵏⵙ ⵉ ⵜⵉⵍⵉⵜ ⵏ ⵓⴼⵔⴰ ⴰⵣⵔⴼⴰⵏ ⴷ ⵓⵙⵓⵍⴰⵏ ⴳ ⵍⵇⴱⵍⵜ ⵏ ⵜⵓⵥⵥⵓⵎⵜ, ⵙ ⵓⵙⴽⵔ ⵏ ⵓⵡⴰⵏⴽ ⵏ ⴼⴰⵍⵉⵚⵟⵉⵏ ⴰⵏⴰⵎⵓⵔ ⴷ ⵓⵙⵉⵎⴰⵏ, ⵜⴰⵎⴰⵥⵓⵏⵜ ⵏⵏⵙ ⵍⵇⵓⴷⵙ, ⴷ ⵜⴰⴳⵯⵉⵜ ⵉⴱⴷⴷⵏ ⵏ ⵜⴽⵕⴹⵉ.
- ⴰⵔ ⴷ ⵉⵙⵙⴽⵯⵜⵉ ⵎⴰⵙ ⴷ ⵉⵙⵓⵔⵙⵏ ⵍⵍⴰⵏⵉⵏ ⴳ ⵜⵙⴳⴰ , ⵎⴽ ⵍⵍⵉ ⴱⴷⴷⴰ ⵜⵜⵉⵏⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵄⵣⵣⵓ ⵕⴱⴱⵉ ⵜⴰⵙⵇⵇⵉⵎⵜ ⵏ ⵍⵇⵓⴷⵙ, ⵍⵍⴰⵏ ⴷⴰⵜ ⵏ ⵓⵇⵏ ⵏ ⵓⵎⵏⴰⴷ ⴰⵙⵔⵜⴰⵏ ⴷ ⵓⴷⵉⴱⵎⵓⵎⴰⵙⵉ ⵏ ⵜⵎⵙⴰⵔⵜ ⵏ ⴼⴰⵍⵉⵚⵟⵉⵏ ⴷ ⵜⵣⵣⵉⴳⵣⵜ ⵏ ⵜⴰⵕⵣⵉⵡⵉⵏ ⴷ ⵜⵎⵙⴽⴰⵔ ⴳⴰⵏⵉⵏ ⵢⴰⵜ ⴷ ⵜⵡⵓⵔⵉⵡⵉⵏ ⵏ ⵓⵙⴷⵓⵔⵔⵉ.
* ⴰⵔ ⴷⴰⵖ ⵉⵙⵓⵜⴳ ⵉⵏⵢⴰⵍⴽⴰⵎⵏ ⵍⵍⵉ ⵜⵙⴽⴰⵔ ⵜⴷⵉⴱⵍⵓⵎⴰⵙⵉⵜ ⵏ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ, ⵉ ⵓⵙⴱⴷⴷⵉ ⵏ ⵜⵎⴰⵖⵜ ⴼ ⵖⴰⵣⵣⴰ ⴷ ⵉⴹⵕⴼⴰⵏ ⵏⵏⵙ, ⴷ ⵓⵙⴱⴷⴷⵉ ⵏ ⵜⴰⵙⵙⴰⵙⵜ ⵏ ⵉⵖⵔⵎⴰⵏⵏ ⵙ ⵓⵙⵉⵜⵜⵉ ⵏ ⵓⵙⵓⵜⵜⵍ ⵍⵍⵉ ⵉⵍⵍⴰⵏ ⴼ ⵢⵉⴳⵔ ⵏ ⵖⴰⵣⵣⴰ, ⴷ ⵓⵙⴱⴷⴷⵉ ⵏ ⵓⵙⵓⵣⴳ ⵏ ⵉⵡⴷⴰⵏ ⵉⵖⵔⵎⴰⵏⵏ, ⴷ ⵜⵉⵍⵉⵜ ⵏ ⵜⴼⴰⴷⵉⵡⵉⵏ ⵏ ⵜⵓⴷⵔⵜ ⵏ ⵜⵙⵏⵉⵊⵊⵉⵜ, ⴷ ⵜⵏⴼⵔⵓⵜ ⵍⵍⵉ ⴷ ⵉⵇⵇⴰⵏⵏ ⴰⴷ ⵜⵚⵉⵃⵉ ⵉ ⵎⴰⵕⵕⴰ ⵉⵡⴷⴰⵏ ⵉⵖⵔⵎⴰⵏⵏ ⴳ ⵜⵙⴳⴰ, ⴷ ⵓⵡⵇⵇⵔ ⵏ ⵓⵙⵍⴳⵏ ⴰⴳⵔⴰⵖⵍⴰⵏ ⴰⵏⴼⴳⴰⵏ.
* ⴰⵔ ⵢⴰⵇⵔⴰ ⵉ ⵓⵙⴱⴷⴷⵉ ⵏ ⵜⵎⴰⵖⵜ ⴰⴷ ⴷ ⵓⵍⴳⴳⵓⴷ ⴷ ⵓⵏⵏⵓⵕⵥⵎ ⵏ ⵜⵡⵓⵔⵉ ⵜⴰⴷⵉⴱⵍⵓⵎⴰⵙⵉⵜ ⴷ ⵜⵙⵔⵜⴰⵏⵜ, ⵙ ⵎⴰⴷ ⵔⴰⴷ ⵢⴰⵡⵉ ⴳ ⵜⴳⵉⵔⴰ ⵉ ⵜⵉⵍⵉⵜ ⵏ ⵓⵡⴰⵏⴽ ⵏ ⴼⴰⵍⵉⵚⵟⵉⵏ ⵉⴳⴰⵏ ⴰⵙⵉⵎⴰⵏ ⵙ ⵜⵎⵔⵙⴰⵍ ⵏⵏⵙ ⴷ ⵉⵡⵜⵜⴰ ⵏⵏⵙ ⵍⵍⵉⵙ ⵉⵙⵙⵏ ⵓⵎⴰⴹⴰⵍ ⴷ ⵜⵎⴰⵥⵓⵏⵜ ⵏⵏⵙ ⵍⵇⵓⴷⵙ.