ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⵏ ⵓⵙⴰⵢⵔⵓⵔ ⴰⵍⵉⴱⵉⵕⴰⵍⵉ ⴰⵏⴰⵎⵓⵔ ⴳ ⴱⵕⵉⵟⴰⵏⵢⴰ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵀⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 4 ⴽⵟⵓⴱⵕ 2023 ⴳ ⵕⵕⴱⴰⵟ, ⴷ ⵓⴽⴰⴱⴰⵕ ⵙⴳ ⵓⵙⴰⵢⵔⵓⵔ ⴰⵍⵉⴱⵉⵕⴰⵍⵉ ⴰⵏⴰⵎⵓⵔ ⴳ ⴱⵕⵉⵟⴰⵏⵢⴰ ⵙ ⵜⵏⵙⵙⵉⵅⴼⵜ ⵏ ⵍⵓⵕⴹ ⴰ MONROE PALMER OBE ⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵍⵓⵕⴹⴰⵜ, ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵍⵎⵖⵔⵉⴱ ⴳ 1 ⴰⵔ 7 ⴽⵟⵓⴱⵕ.
ⵉⵍⵍⴰ ⵓⵎⴹⴰⴽⴰⵕ ⴼ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ ⴷ ⵓⵙⵉⵏⵔⴰⵏ ⴷ ⵓⴳⵜⵉⵔⴰⵏ ⴷ ⵓⵙⴷⵓⵙ ⵏⵏⵙⵏⵜ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵎⵏⵉⴷ ⵏ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵙⵏⴰⵜ ⵜⵎⵉⵣⴰⵔ, ⴷ ⵜⵉⵍⴰⵍ ⵏ ⵜⵎⵔⵙⴰⵍ ⵏ ⵓⵣⵣⵔⴰⴼ ⴳ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵓⵎⵢⴰⵡⴰⴹ ⵉⵕⵡⴰⵏ ⴷ ⵓⵣⴷⴰⵢ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ, ⴷ ⵓⵏⵏⵓⵕⵥⵎ ⴼ ⵜⵉⵔⵎⵉⵜⵉⵏ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵉ ⴽⵉⴳⴰⵏ ⵏ ⵜⵉⵕⵡⵉ ⵜⴰⴱⵕⵍⴰⵎⴰⵏⵉⵜ.
ⵉⵜⵜⵓⵙⴽⴰⵔ ⵓⵙⴰⵢⵔⵓⵔ ⴰⵍⵉⴱⵉⵕⴰⵍⵉ ⴰⵏⴰⵎⵓⵔ, ⴳ 1882, ⵉⴳⴰ ⵜⴰⵎⵔⵙⵍⵜ ⵜⴰⵎⵣⵔⴰⵢⵜ ⴳ ⴱⵕⵉⵟⴰⵏⵢⴰ, ⴳⵉⵙ ⵉⵔⵉⴽⵏ ⵉⵙⵔⵜⴰⵏⵏ ⴷ ⵉⵙⵍⵎⴰⴷⵏ ⴷ ⵉⵎⵙⴷⴰⵡⵏ ⴷ ⵉⵏⵖⵎⴰⵙⵏ ⴷ ⵉⴷ ⴱⴰⴱ ⵏ ⵜⵣⵣⵓⵍⵉⵏ ⵜⵜⵉⵍⵉⴱⵉⵕⴰⵍⵉⵢⵉⵏ. ⵉⴳⴰ ⴰⵙⴰⵢⵔⵓⵔ ⵏ ⵓⵎⵙⴰⵡⴰⵍ ⴷ ⵓⵎⵢⴰⵡⴰⴹ ⴰⴷⵍⵙⴰⵏ ⴷ ⵓⵙⵏⴼⵍ ⵏ ⵉⵙⵡⵉⵏⴳⵉⵎⵏ.