ⵍⵓⵕⵓⴳⵡⴰⵢ: ⵉⴷⵔⵓ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴳⵔⴰⵡ ⴰⴳⵔⴰⵖⵍⴰⵏ ⵡⵉⵙ ⵙⵉⵏ ⵏ ⵜⵙⵇⵇⵉⵎⵉⵏ ⵏ ⵉⵎⴰⵍ

ⵉⴷⵔⵓ ⵓⴽⴰⴱⴰⵕ ⴰⵅⴰⵜⴰⵔ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴳⵔⴰⵡ ⴰⴳⵔⴰⵖⵍⴰⵏ ⵡⵉⵙ ⵙⵉⵏ ⵏ ⵜⵙⵇⵇⵉⵎⵉⵏ ⵏ ⵉⵎⴰⵍ ⴳ ⵎⵓⵏⵜⵉⴼⵉⴷⵓ ⴳ ⵓⵕⵓⴳⵡⴰⵢ, ⵙⴳ 25 ⴰⵔ 27 ⵛⵓⵜⴰⵏⴱⵉⵔ 2023. ⵢⵓⵎⴰ ⵓⴽⴰⴱⴰⵕ ⴰⴷ:

*  ⵎⴰⵙⵙ ⴰⵎⴰⵔⵉ ⵎⵓⵃⴰⵎⵎⴰⴷ ⵖⵉⵢⵢⴰⵜ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴰⵏⵙⵙⵉⵅⴼ ⵏ ⵓⴽⴰⴱⴰⵕ.

* ⵎⴰⵙⵙ ⴰⵎⴰⵔⵉ ⵕⴰⵛⵉⴷ ⵃⵎⵎⵓⵏⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵢⵉⵙⴽⵉⵍ ⴷ ⵜⵙⵔⵎⵓⵏⵜ,

*  ⵎⴰⵙⵙ ⴰⵎⴰⵔⵉ ⵕⴰⵛⵉⴷ ⴱⵓⴽⵟⵟⴰⵢⴰ, ⵜⴰⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ,

*  ⵎⴰⵙⵙⴰ ⵜⴰⵎⴰⵔⵉⵜ ⵃⴰⵏⴰⵏ ⴼⵟⵕⴰⵚ, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ- ⵜⵓⵣⵍⵜ ⵏ ⵍⵉⵜⵜⵉⵃⴰⴷ;

ⴷⵔⵓⵏ ⴳ ⵓⴳⵔⴰⵡ ⴰⴷ ⵉⴳⵏⵙⴰⵙⵏ ⵙⴳ ⵉⴱⵕⵍⴰⵎⴰⵏⵏ ⵙⴳ ⵓⵎⴰⴹⴰⵍ ⴷ ⵉⵎⵓⵣⴰⵢⵏ ⴷ ⵉⴳⵏⵙⴰⵙⵏ ⵏ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵡⴰⵎⵓⵏ ⴰⵖⵔⵎⴰⵏ.

ⵉⵡⴰⵜⵜⵙ ⵓⴳⵔⴰⵡ ⴰⵙⴷⵓⵙ ⵏ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⴷⵓⵙ ⵏ ⵜⵖⵜⴰⵙⵉⵏ ⴼⴰⵡⵏⵉⵏ ⵙ ⵉⵏⵖⵎⵉⵙⵏ ⴷ ⵉⵙⴼⵙⵉⵜⵏ ⵏ ⵉⵎⴰⵍ ⴷ ⵓⵙⵙⵔⵇⴱ ⵏ ⵉⴱⵕⵍⴰⵎⴰⵏⵏ ⴳ ⵓⵙⴷⵓⵙ ⵏ ⵜⵙⵓⴳⴰⵔ ⴼ ⵓⴼⵓⵍⵍⵙ ⴰⵎⵓⴳⵔⴰⵏ ⴷ ⵜⴻⵜⵉⵇⵏⵉⵢⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵏⴰⵍ ⵏ ⵓⵎⵙⴰⵡⴰⵍ ⴷ ⵓⵎⵢⴰⵡⴰⵙ ⵊⴰⵔ ⵉⴱⵕⵍⴰⵎⴰⵏⵏ ⴳ ⵓⵎⴰⴹⴰⵍ ⴼ ⵜⵎⵙⴰⵔⵉⵏ ⵏ ⵉⵎⴰⵍ.  

ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴼ ⴽⵕⴰⴷ ⵉⵎⵔⵙⵉⵡⵏ:

* ⴰⴼⵓⵍⵍⵙ ⴰⵎⴳⵓⵔⴰⵏ ⴷ ⵜⴷⵉⵎⵓⵇⵔⴰⵟⵉⵜ ⴷ ⵡⴰⵏⵏⴰⵣⵏ ⴷ ⵉⵎⵉⵣⵉⵜⵏ ⵍⵍⴰⵏⵉⵏ.

* ⵜⵉⵏⴰⵥⴰⵕⵉⵏ ⴷⴰⵜ ⵏ ⵜⵏⵏⵓⴱⴹⴰ ⵜⴰⵎⴰⴷⵍⴰⵏⵜ ⴳ ⵓⵎⴰⴹⴰⵍ ⵉⵜⵜⵎⵓⵙⵙⵓⵏ.

* ⵜⵉⴳⵎⵉ ⵜⴰⵙⵓⵍⴰⵏⵜ ⴳ ⵓⵎⵏⴰⴹ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⴰⵙⵙⴰⵙⵉⵏ ⵜⵉⵎⴰⴹⵍⴰⵏⵉⵏ ⵢⴰⴹⵏⵉⵏ.

ⵔⴰⴷ ⵉⵍⵉⵏ ⴳ ⵓⴳⵔⴰⵡ ⵜⵓⴳⵜ ⵏ ⵜⵖⵉⵎⵉⵜⵉⵏ ⴷ ⵜⵉⵏⵏⴰⵡⵉⵏ ⴷ ⵉⵙⴰⵡⵓⵔⵏ, ⵔⴰⴷ ⵉⴼⴼⵖ ⵙ ⵉⵙⵖⵍⴰⴼ ⵡⴰⵜⵜⵙⵏⵉⵏ ⴰⵙⵙⵔⵇⴱ ⵏ ⵉⴱⵕⵍⴰⵎⴰⵏⵏ ⴳ ⵜⵣⵣⵉⴳⵣⵜ ⵏ ⵜⵙⵓⴳⴰⵔ ⵏ ⵓⴼⵓⵍⵍⵙ ⴰⵎⴳⵓⵔⴰⵏ ⴷ ⵜⴻⵜⵉⵇⵏⵉⵢⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵓⵎⵢⴰⵡⴰⵙ ⵊⴰⵔ ⵉⴱⵕⵍⴰⵎⴰⵏⵏ ⴳ ⵓⵎⴰⴹⴰⵍ ⴼ ⵜⵎⵙⴰⵔⵉⵏ ⵏ ⵉⵎⴰⵍ ⴷ ⵓⵙⵏⴰⵍ ⵏ ⵓⵣⵣⴳⵉⵔ ⵏ ⵉⵡⵜⵜⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ.

ⵜⵍⵍⴰ ⵜⵙⵉⵡⵏⴳⵎⵜ ⵏ ⵜⵙⵇⵇⵉⵎⵉⵏ ⵏ ⵉⵎⴰⵍ ⴳ ⵜⴳⵉⵔⴰ ⵏ ⵜⴰⵙⵓⵜ ⵜⵉⵙ ⵡⴰⴳⵏⴰⵔ, ⵍⵍⵉⵖ ⴼⵔⴽⵏ ⵉⴱⵕⵍⴰⵎⴰⵏⵏ ⵙ ⵡⴰⵜⵉⴳ ⵏ ⵓⵙⵎⴰⵢⵏⵓ ⴷ ⵓⵙⵡⵉⵏⴳⵎ ⵏ ⵉⵎⴰⵍ. ⴳ 2018, ⵜⵙⵏⵎⴰⵍⴰ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⵜⵜⴰ ⵎⵓⵏⵏⵉⵏ ⴰⴳⵔⴰⵡ ⴼ ⵉⵎⴰⵍ ⵏ ⵉⴱⵕⵍⴰⵎⴰⵏⵏ, ⵉⵖⵔ ⵉ ⵓⵙⴽⵔ ⵏ ⵜⵙⵇⵇⵉⵎⵉⵏ ⵏ ⵉⵎⴰⵍⴰ ⴳ ⵎⴰⵕⵕⴰ ⵉⴱⵕⵍⴰⵎⴰⵏⵏ. ⴳ 2022, ⵉⵍⵍⴰ ⵓⴳⵔⴰⵡ ⴰⵎⴰⴹⵍⴰⵏ ⴰⵎⵣⵡⴰⵔⵓ ⵏ ⵜⵙⵇⵇⵉⵎⵉⵏ ⵏ ⵉⵎⴰⵍ ⴳ ⴱⵔⵓⴽⵙⵉⵍ ⴳ ⴱⵉⵍⵊⵉⴽ , ⵙ ⵜⴼⵔⴰⵡⵜ ⵏ 100 ⵏ ⵓⴱⵕⵍⴰⵎⴰⵏ ⵙⴳ ⵓⵎⴰⴹⴰⵍ, ⵉⵙⴼⴼⵖ ⴷ ⴰⵙⵉⵡⴹ ⵏ ⴱⵔⵓⴽⵙⵉⵍ ⵍⵍⵉ ⵉⵖⵔⴰⵏ ⵉ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵏ ⵉⵎⴰⵍ.