ⵉⴱⴷⴷ ⵓⴳⵔⴰⵡ ⴰⴳⵔⴰⵖⵍⴰⵏ ⵏ ⵉⴱⵕⵍⴰⵎⴰⵏⵉⵢⵏ ⵉⵄⵔⵔⵉⵎⵏ ⵜⵓⵙⴷⴷⴰⴷⵜ ⵜⴰⵎⵍⵍⴰ ⴼ ⵓⵏⴳⵉⵙⵏ ⵏ ⵓⵎⴷⵓⴷⵉ ⴳ ⵍⵎⵖⵔⵉⴱ
ⵏⵏⴰⵏ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⴳⵔⴰⵖⵍⴰⵏ ⵡⵉⵙ ⵜⵥⴰ ⵏ ⵉⴱⵕⵍⴰⵎⴰⵏⵉⵢⵏ ⵉⵄⵔⵔⵉⵎⵏ, ⵍⵍⵉ ⵉⵍⵍⴰⵏ ⴳ ⵀⴰⵏⵓⵢ ⴳ ⵍⴼⵉⵜⵏⴰⵎ ⴳ 15 ⴰ ⵔ17 ⵛⵓⵜⴰⵏⴱⵉⵔ, ⴰⴼⵛⴰⴷ ⵏⵏⵏⵙⵏ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴼⴼⵉⵔ ⵏ ⵓⵎⴷⵓⴷⵉ ⵍⵍⵉ ⵢⵓⵜⵏ ⵎⵏⵏⴰⵡⵜ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵉⴼⵍ ⴽⵉⴳⴰⵏ ⵉⵎⵜⵜⵉⵏⵏ ⴷ ⵉⵎⵓⴳⴰⵙ ⴷ ⵓⵅⵍⴰ ⵏ ⵜⴳⵯⵎⵎⴰ ⴷ ⵓⵎⴰⵡⴰ ⴰⵙⵉⵍⴰⵏ.
ⵉⴷⵔⵓ ⴳ ⵓⴳⵔⴰⵡ ⴰⴷ ⵎⴰⴷ ⵉⴳⴰⵏ 300 ⵏ ⵓⴱⵕⵍⴰⵎⴰⵏⵉ ⵙⴳ 70 ⵏ ⵜⵎⴰⵣⵉⵔⵜ ⵉⵍⵍⴰⵏ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⵖⵎⴽ ⵍⵍⵉ ⴳⵉⵙ ⴷⵔⵓⵏ ⵓⵍⴰ ⵉⵎⵓⵣⴰⵢⵏ ⵙⴳ ⵜⵎⵜⵜⴰ ⵎⵓⵏⵏⵉⵏ ⴷ ⵜⵎⵔⵙⴰⵍ ⵜⵉⴽⴰⴷⵉⵎⵉⵢⵉⵏ ⴷ ⵉⵎⵙⵇⵇⴰⴷⵏ ⵍⵍⴰⵏⵉⵏ ⴳ ⵍⴼⵉⵜⵏⴰⵎ ⴷ ⵉⴳⵏⵙⴰⵙⵏ ⵏ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ, ⵙⴷⴷⵉⴷⵏ ⵉⵎⴷⵔⴰⵡⵏ ⴰⴷ ⴼ ⵜⵡⵉⵣⵉ ⵏⵏⵙⵏ ⴰⴽⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷⴼⴼⵉⵔ ⵏ ⵜⴰⵙⵙⴰⵙⵜ ⴰⴷ, ⵙⵓⵜⴳⵏ ⵜⵓⴳⴳⴰⵙ ⵏ ⵜⵏⴱⴰⴹⵉⵏ ⴷ ⵡⴰⵎⵓⵏ ⴰⵖⵔⵎⴰⵏ ⴳ ⵓⴱⴷⴷⴰⴷ ⵏⵏⵙ ⴰⴽⴷ ⵜⴰⵡⵊⵉⵡⵉⵏ ⵏ ⵓⵏⴳⵉⵙⵏ ⴷ ⵓⵙⵎⵏⵉⴷ ⵏ ⵓⵙⵏⴰⵍ ⴳ ⵜⵙⴳⴳⵉⵡⵉⵏ ⵜⵜⴰⵡⵄⴹⴰⴱⵏⵉⵏ ⵙ ⵓⵎⴷⵓⴷⵉ ⴰⴷ.
ⵉⵙⵙⵉⵖⴼ ⵎⴰⵙⵙ ⴰⵎⵛⵛⵉⵡⵕ ⴷ ⵓⵏⵙⵙⵉⵅⴼ ⵏ ⵓⴽⴰⴱⴰⵕ ⵏ ⵍⵎⵖⵔⵉⴱ ⴽⴰⵎⴰⵍ ⴰⵢⵜ ⵎⵉⴽ ⵜⵉⵖⵉⵎⵉⵜ ⴼ: ⴰⴷⵙⴷⵓⵙ ⵏ ⵓⵡⵇⵇⵔ ⵏ ⵜⵎⵏⵏⴰⵡⵜ ⵜⴰⴷⵍⵙⴰⵏⵜ ⵉ ⵜⴳⵎⵉ ⵜⴰⵙⵓⵍⴰⵏⵜ, ⵉⵙⴷⴷⵉⴷ ⴼ ⵓⵙⵏⵉⵎⵎⵔ ⴷ ⵓⵙⵓⵜⴳ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⴷ ⴼ ⵜⵡⵉⵣⵉ ⴰⴷ ⵏⵏⵙⵏ, ⵉⵙⵓⵜⴳ ⵓⵍⴰ ⴰⵙⵏⴰⵍ ⴰⴳⵔⴰⵖⵍⴰⵏ ⵍⵍⵉ ⵉⵚⴰⵃⴰⵏ ⵉ ⵍⵎⵖⵔⵉⴱ ⵙⴳ ⵜⵉⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⴷⴼⴼⵉⵔ ⵏ ⵜⴰⵙⵙⴰⵙⵜ ⴰⴷ.
ⵉⵍⵍⴰ ⵓⴳⵔⴰⵡ ⴰⴷ ⴷⴷⵓ ⵜⵎⴰⵜⴰⵔⵜ: “ⵜⵉⵍⴰⵍ ⵏ ⵉⵄⵔⵔⵉⵎⵏ ⴳ ⵓⵙⴽⵔ ⵏ ⵉⵡⵜⵜⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⵙ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵙⵎⴰⵢⵏⵓ”, ⵉⵙⵎⵏⵉⴷ ⵎⴰⵙⵙ ⴰⵢⵜ ⵎⵉⴽ ⵜⵉⵎⵙⴽⴰⵔ ⵏ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⵙⵜⵔⴰⵜⵉⵊⵉⵜ ⵏ ⵍⵎⵖⵔⵉⴱ ⴰⵎⵓⵟⵟⵓⵏ 2030, ⴳ ⵓⵙⵖⵔⵜ ⵏ ⵜⵎⵓⵟⵟⵓⵏⵓ ⴷ ⵓⵙⴷⵓⵙ ⵏ ⵉⵙⵍⴳⵏⵏ ⵏⵏⵙ ⴷ ⵓⵙⵎⵓⵜⵜⴳ ⵏ ⵜⵙⵓⴳⴰⵔ ⴷ ⵉⵎⵙⵜⴳⴳⴰⵔⵏ ⴷ ⵓⵙⵕⵚⵓ ⵏ ⵜⵏⵏⵓⴱⴹⴰ ⵉⵥⵉⵍⵏ ⴳ ⵓⵎⵏⵉⴷ ⴰⴷ.
ⵜⵙⵎⵏⵉⴷ ⵎⴰⵙⵙⴰ ⵅⴰⵡⵍⴰ ⵍⵅⵔⵖⵉ, ⵙⴳ ⵓⴽⴰⴱⴰⵕ ⵏ ⵍⵎⵖⵔⵉⴱ, ⵎⴰⵙ ⵉⵥⵍⵉ ⵓⵙⵎⴰⵢⵏⵓ ⴰⵎⵓⵟⵟⵓⵏ ⴳ ⵢⵉⴳⵔ ⵏ ⵜⵎⵙⵙⵏⵜⴰⵢⵜ ⴳ ⵍⵎⵖⵔⵉⴱ ⴷ ⵜⵣⵣⵉⴳⵣⵜ ⵏ ⵓⵥⵟⵟⴰ ⴰⴷⵎⵙⴰⵏ ⴰⵏⴰⵎⵓⵔ, ⵜⵉⵏⵉ ⵎⴰⵙ ⵉⵎⵍⴰ ⵢⵉⴳⵔ ⵏ ⵜⵎⵙⵙⵏⵜⴰⵢⵉⵏ ⴰⴷ ⵜⵉⵕⵡⵉ ⵏⵏⵙ ⴳ ⵜⴼⵔⴽⴰ ⵏ ⴽⵓⴼⵉⴷ 19, ⵜⵖⵔ ⵉ ⵓⵙⵎⵖⵔ ⵏ ⵢⵉⴳⵔ ⴰⴷ ⵃⵎⴰ ⴰⴷ ⴷⵔⵓⵏ ⵉⵄⵔⵔⵉⵎⵏ ⴳ ⵓⵥⵟⵟⴰ ⴰⴷⵎⵙⴰⵏ ⴰⵏⵎⵓⵔ ⵙ ⵓⵙⵎⵓⵜⵜⴳ ⴷ ⵓⵙⵉⵍⵖ, ⴷ ⵓⵙⵔⵅⵓ ⵏ ⵓⵥⵥⵕⴼ ⵏ ⵍⴰⴱⵏⴰⴽ ⴷ ⵓⵙⵙⵔⵇⴱ ⴳ ⵉⵔⴳⴰⵢⵏ.
ⵉⵙⴷⴷⵉⴷ ⵓⵎⴰⵔⵉ ⵄⵓⵎⴰⵕ ⵍⴱⴰⵣ ⴼ ⵎⴰⴷ ⵉⵟⵟⴰⴼ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵜⵎⵏⵏⴰⵡⵜ ⵜⴰⴷⵍⵙⴰⵏⵜ ⴷ ⵜⵎⴰⴳⵉⵜ ⵜⴰⵏⴰⵎⵓⵔⵜ, ⵉⵙⴰⵡⵍ ⴼ ⵉⵙⴰⵡⵓⵔⵏ ⵍⵍⴰⵏⵉⵏ ⴳ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ,ⴷ ⵓⵙⵎⵖⵔ ⵏ ⵡⴰⵢⴷⴰ ⴰⴷⵍⵙⴰⵏ ⴰⵏⴰⵎⵓⵔ ⴷ ⵓⵕⵥⵥⵓⵎ ⵏ ⵉⵙⵏⴼⴰⵔⵏ ⵏ ⵜⵎⴳⵓⵔⵉ ⵜⴰⴷⵍⵙⴰⵏⵜ.
ⵉⵜⵜⵓⵙⵎⴰⴷ ⵓⴳⵔⴰⵡ ⴰⴷ ⵙ ⵓⵙⵖⵣⵏ ⵏ ⵓⵏⵇⵇⵉⵙ ⵏⵏⵙ ⴰⵎⴳⴳⴰⵔⵓ, ⵉⵖⵔⵉ ⵉ ⵓⵣⵓⵛⵛⵍ ⵏ ⵓⵙⵎⵓⵜⵜⵉ ⴰⵎⵓⵟⵟⵓⵏ ⵉ ⵓⵙⴽⵔ ⵏ ⵉⵡⵜⵜⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⴳ 2030.