ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴱⴰⵕⴰⴳⵡⴰⵢ: ⵜⵔⴰ ⴱⴰⵕⴰⴳⵡⴰⵢ ⴰⵙⴷⵓⵙ ⵏ ⵜⵣⴷⴰⵢⵉⵏ ⴷ ⵍⵎⵖⵔⵉⴱ
ⵉⵙⴷⴷⵉⴷ ⵎⴰⵙⵙ ⵕⴰⵡⵓⵍ ⵍⵡⵉⵙ ⵍⴰⵜⵓⵔⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴱⴰⵕⴰⴳⵡⴰⵢ, ⵎⴰⵙ ⵜⵔⴰ ⵜⵎⴰⵣⵉⵔⵜ ⵏⵏⵙ ⴰⵙⴷⵓⵙ ⵏ ⵜⵣⴷⴰⵢⵉⵏ ⵏⵏⵙ ⴷ ⵍⵎⵖⵔⵉⴱ ⴳ ⵎⴰⵕⵕⴰ ⵏ ⵉⴳⵔⴰⵏ.
ⵢⵉⵏⵉ ⵎⴰⵙⵙ ⵍⴰⵜⵓⵔⵉ ⵉ ⵎⴰⴱ ⴷⴼⴼⵉⵔ ⵏ ⵓⵎⴹⴰⴽⴰⵕ ⵏⵏⵙ ⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⵉ ⵉⴳⵏⵙⴻⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵜⴼⴼⵓⴳⵍⴰ ⵏ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⴱⴰⵕⴰⴳⵡⴰⵢ ⵙⴰⵏⵜⵢⴰⴳⵓ ⴱⵉⵏⵢⴰ ⵎⴰⵙ ⵜⵔⴰ ⴱⴰⵕⴰⴳⵡⴰⵢ ⴰⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵊⴰⵔ ⵙⵉⵏ ⵉⵎⴰⴷⴰⵏⵏ.
ⵢⵉⵏⵉ ⵎⴰⵙ ⴷ ⵉⵎⴹⴰⴽⴰⵕⵏ ⵏⵏⵙ ⴰⴽ ⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵎⵍⴰⵏⵜ ⵜⵉⵔⴰⵜ ⵉⵛⵛⴰⵔⵏ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⵍⵍⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ.
ⵢⵉⵏⵉ ⵎⴰⵙ ⴷ ⵉⵇⵇⴰⵏ ⵓⵍⴰ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴼ ⵜⵏⵙⴱⴰⴱⵉⵏ ⴷ ⵓⵙⴷⵓⵙ ⵏ ⵓⵣⴷⴰⵢ ⴰⵙⵔⵜⴰⵏ ⴳ ⵡⴰⴷⴷⴰⴷⵏ ⵏ ⵙⵏⴰⵜ ⵜⵎⵉⵣⴰⵔ ⴳ ⵉⵏⵎⵓⵇⵇⴰⵔⵏ ⵉⴳⵔⴰⵖⵍⴰⵏⵏ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ. ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⵖⵔ ⵏ ⵜⴳⵎⵉ ⴳ ⵙⵏⴰⵜ ⵜⵎⵉⵣⴰⵔ ⵟⵟⴰⴼⵏⵉⵏ ⴽⵉⴳⴰⵏ ⵏ ⵜⵥⴹⴰⵕⵉⵏ.
ⵢⵉⵏⵢⵉ ⵓⵏⵙⵙⵉⵅⴼ ⵏ ⴱⴰⵕⴰⴳⵡⴰⵢ ⵙⴰⵏⵜⵢⴰⴳⵓ ⴱⵉⵏⵢⴰ ⴳ ⵓⵙⵏⵓⴱⴳ ⵏⵏⵙ ⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⴳⴰ ⵍⵎⵖⵔⵉⴱ ⵉⵎⵉ ⵏ ⴱⴰⵕⴰⴳⵡⴰⵢ ⵉ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴱ.
ⵉⵙⴷⴷⵉⴷ ⴼ ⵎⴰⴷ ⵜⴷⵔⵓ ⵜⵎⴰⵣⵉⵔⵜ ⵏⵏⵙ ⴰⵙⵎⴰⵇⵇⵍ ⵉⵜⵜⵉⵏⵉⵏ ⵎⴰⵙ ⵉⴳⴰ ⵍⵎⵖⵔⵉⴱ ⵉⵎⵉ ⵉⵏⵏⵓⵕⵥⵎⵏ ⴼ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴱ, ⵉⵙⴰⵡⵍ ⴼ ⵜⵉⵍⴰⵍⵜ ⵏ ⵍⵎⵖⵔⵉⴱ ⴳ ⵎⴰⴷ ⵉⵥⵍⵉⵏ ⵙ ⵜⴳⵎⵉ ⵏ ⵉⴼⴼⵓⵙ. ⵢⵉⵏⵉ ⵎⴰⵙ ⵔⴰⴷ ⵉⵙⵎⵖⵔ ⵓⵎⵢⴰⵡⴰⵙ ⴰⴽⴷ ⵜⴰⴳⵍⴷⵉⵜ ⵜⵉⵣⴷⴰⵢⵉⵏ ⵉⴼⴼⵓⵙ-ⵉⴼⴼⵓⵙ.