ⴰⵏⵙⵙⵉⵅⴼ ⴰⵎⴰⵢⵏⵓ ⵏ ⴱⴰⵕⴰⴳⵡⴰⵢ: ⵉⴳⴰ ⵍⵎⵖⵔⵉⴱ ⵉⵎⵉ ⵏⵏⵖ ⵉⵥⵉⵍⵏ ⵉ ⵓⴽⵛⵓⵎ ⵙ ⵉⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴱ

ⵉⵏⵏⴰ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⴱⴰⵕⴰⴳⵡⴰⵢ ⵙⴰⵏⵜⵢⴰⴳⵓ ⴱⵉⵏⵢⴰ ⵎⴰⵙ ⵉⴳⴰ ⵍⵎⵖⵔⵉⴱ ⵉⵎⵉ ⵉⵥⵉⵍⵏ ⵉ ⵓⴽⵛⵓⵎ ⵙ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴱ ⵉ  ⴱⴰⵕⴰⴳⵡⴰⵢ ⴷ ⵎⴰⵕⵕⴰ ⵎⴰⵔⵉⴽⴰⵏ ⵏ ⵉⴼⴼⵓⵙ.

ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⴱⴰⵕⴰⴳⵡⴰⵢ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⵉ ⵉⴳⵏⵙⴻⵙⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵜⴼⴼⵓⴳⵍⵓ ⵏ ⵓⵙⵔⵓⵙ ⵏ ⵓⵏⵙⵙⵉⵅⴼ ⴰⵎⴰⵢⵏⵓ ⴳ ⴰⵙⵓⵏⵙⵢⵓⵏ ⵙ ⵜⵉⵍⵉⵜ ⵏ ⵉⵅⴰⵜⴰⵔⵏ ⴷ ⵉⴽⴰⴱⴰⵕⵏ ⵏ 90 ⵏ ⵜⵎⴰⵣⵉⵔⵜ.

ⵢⵉⵏⵉ ⵙⴰⵏⵜⵢⴰⴳⵓ ⴱⵉⵏⵢⴰ ⵎⴰⵙ ⵉⴳⴰ ⵍⵎⵖⵔⵉ ⵉⵎⵉ ⵉⵕⵥⵎⵏ ⴼ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴱ, ⵉⵙⴰⵡⵍ ⴼ ⵜⵉⵍⴰⵍⵜ ⵏⵏⵙ ⵉⵙⵜⴰⵡⵀⵎⵎⴰⵏ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵜⴳⵍⴷⵉⵜ, ⴰⵢⵍⵍⵉ ⵔⴰⴷ ⵉⵙⵎⵖⵔ ⵜⵉⵣⴷⴰⵢⵉⵏ ⵉⴼⴼⵓⵙ-ⵉⴼⴼⵓⵙ.

ⵢⵉⵏⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴳ ⵜⵙⴳⵓⵔⵉ ⵏⵏⵙ ⵉ ⵎⴰⴱ ⵎⴰⵙ ⵉⵔⴰ ⵓⵏⵙⵙⵉⵅⴼ ⵏ ⴱⴰⵕⴳⵡⴰⵢ ⴰⵔⵣⴰⴼ ⵏ ⵍⵎⵖⵔⵉⴱ ⴷ ⵓⵚⴽⵓ ⵏ ⵜⵣⴷⴰⵢⵉⵏ ⵜⵉⵎⴰⵢⵏⵓⵜⵉⵏ ⴷ ⵜⴳⵍⴷⵉⵜ, ⵢⵉⵡⵉ ⴰⵣⵓⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵙⵓⵜⴳ ⵏⵏⵙ ⵏ ⵡⴰⵏⴰⵡ ⴰⴷⵉⵎⵓⵇⵔⴰⵟⵉ ⵏ ⴱⴰⵕⴳⵡⴰⵢ ⵍⵍⵉ ⵉⵔⵡⴰⵙⵏ ⵡⵉⵏ ⵍⵎⵖⵉⴱ ⵙ ⵓⵙⴽⵔ ⵏ ⵉⵙⵜⴰⵢⵏ ⴷ ⵓⵡⵇⵇⵔ ⵏ ⵡⴰⴽⵓⴷ ⴰⵣⵔⴼⴰⵏ ⴷ ⵓⴷⵙⵜⴰⵔ.

ⵢⵉⵏⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ ⴰⵎⵢⵉⵎⴰⵏ ⴳ ⵉⵍⵍⴰ ⵓⵔⴳⵉⴳ ⴰⵙⵔⵜⴰⵏ ⴷ ⵓⵏⴰⵎⵓⵏ ⴷ ⵓⴷⵎⵙⴰⵏ. ⵢⵉⵏⵉ ⵎⴰⵙ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙⴳ 2000 ⵎⴰⴷ ⵉⴳⴰⵏ 50 ⵏ ⵓⵔⵣⴰⴼ ⵉ ⵉⴼⵔⵉⵇⵢⴰ ⴷ ⵓⵣⵎⵎⴻⵎ ⵏ 1500  ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ.

ⵢⵉⵏⵉ ⵓⵍⴰ ⵎⴰⵙ ⵉⵟⵟⴰⴼ ⵍⵎⵖⵔⵉⴱ ⴰⵥⵟⵟⴰ ⵎⵇⵇⵓⵔⵏ ⵏ ⵍⴰⴱⵏⴰⴽ ⴳ ⵉⴼⵔⵉⵇⵢⴰ, ⴷ ⵜⵎⵙⵙⵓⵔⵉⵏ ⵏ ⵓⵙⴼⵍⵙ ⴷ ⵓⵎⵢⴰⵡⴰⴹ ⴷ ⵡⴰⵙⵙⴰⵢ ⵏ ⵉⴳⵏⵏⴰ ⴳ ⵉⴼⵔⵉⵇⵢⴰ.

ⵉⵙⴰⵡⵍ ⵎⴰⵙⵙ ⵍⵄⴰⵍⴰⵎⵉ ⵓⵍⴰ ⴼ ⵉⵙⴰⵡⵓⵔⵏ ⵉⵙⵜⵔⴰⵜⵉⵊⵉⵢⵏ ⵏ ⵍⵎⵖⵔⵉⴱ ⴳ ⵉⴼⵔⵉⵇⵢⴰ ⴰⵎ ⴰⵙⵏⴼⴰⵔ ⵏ ⵍⴳⴰⵣ ⵊⴰⵔ ⵍⵎⵖⵔⵉⴱ ⴷ ⵉⴼⵔⵉⵇⵢⴰ, ⵍⵍⵉ ⵔⴰⴷ ⵉⵟⵟⴼ ⵉⴷⵔⵉⵣⵏ ⵥⵉⵍⵏⵉⵏ ⴼ 13 ⵏ ⵓⵡⴰⵏⴽ.

ⵢⵉⵏⵉ ⵓⵍⴰ ⵎⴰⵙ ⵉⵙⴽⵔ ⵍⵎⵖⵔⵉⴱ ⵙⵉⵏ ⵉⵙⵏⴼⴰⵔⵏ ⵏ ⵓⴼⴰⵔⵙ ⵏ ⵍⴰⵏⴳⵔⵉⵢⴰⵜ ⴳ ⵉⵜⵢⵓⴱⵢⴰ ⴷ ⵏⵉⵊⵉⵔⵢⴰ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵜⵏⴼⵔⵓⵜ ⵏ ⵓⵜⵛⵓ ⴳ ⵜⵎⵉⵣⴰⵔ ⵏ ⵉⴼⵔⵉⵇⵢⴰ.

ⵢⵉⵏⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⴼⵔⴽ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⴷ ⵉⵎⴰⵍ ⵏ ⵓⵎⴰⴹⴰⵍ ⵉⵍⵍⴰ ⴳ ⵉⴼⴼⵓⵙ, ⵢⵉⵍⵉ ⴳ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⴰⵙⵢⴰ. ⵢⴰⵏ ⵓⵎⴰⴹⴰⵍ ⴰⵎⴰⵢⵏⵓ  ⴳ ⵉⵏⵏⵓⵔⵣ ⵍⵎⵖⵔⵉⴱ ⴷ ⴱⴰⵕⴰⴳⵡⴰⵢ ⴰⴷ ⴳⵉⵙ ⴷⵔⵓⵏ ⴳ ⵉⴼⴼⵓⵙ ⴰⴷ ⵙ ⵓⵙⵓⵙ ⵏ ⵜⵣⴷⴰⵢⵉⵏ ⵊⴰ ⵕⵕⴱⴰⵟ ⴷ ⴰⵙⵓⵏⵙⵢⵏ.