ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ ⴳ ⵓⵏⵎⵓⵇⵇⴰⵔ ⵏ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴷ ⵍⵍⵓⵕⴷ ⵟⴰⵕⵉⵇ ⴰⵃⵎⴰⴷ
ⵉⴳⴰ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ ⴰⵙⴰⴳⵓⵎ ⵏ ⵜⵙⵎⵓⵏⵉ, ⴰⴽⵕⴰⵙ ⴳ ⵍⵓⵏⴷⵓⵏ, ⵉⵍⵍⴰⵏ ⵊⴰⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵍⵓⵕⴷ ⵟⴰⵕⵉⵇ ⴰⵃⵎⴰⴷ ⴷⵓ ⵡⵉⵎⴱⵍⴷⵓⵏ, ⴰⵎⴰⵡⵙⴰⵙ ⵏ ⵓⵡⴰⵏⴽ ⴰⴱⵕⵉⵟⴰⵏⵉ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵉⴼⴼⵓⵙ ⵏ ⴰⵙⵢⴰ ⴷ ⵜⵎⵜⵜⴰ ⵎⵓⵏⵏⵉⵏ.
ⵙⵓⵜⴳⵏ ⵙⵉⵏ ⵉⵎⵙⵜⴳⴳⴰⵔⵏ ⴳ ⵓⵏⵎⵓⵇⵇⴰⵔ ⴰⴷ ⵜⵉⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⵜⴰⵎⵣⵔⴰⵢⵜ ⵊⴰⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ ⴷ ⵓⵙⵓⵔⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵍⵍⵉ ⵎⵇⵇⵓⵔⵏⵉⵏ.
ⵉⵍⵍⴰ ⵓⵎⴹⴰⴽⴰⵕ ⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴷ ⵓⴼⵔⴰ ⴷ ⵜⵏⴼⵔⵓⵜ ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ.
ⵉⵃⴰⴹⵕ ⴳ ⵜⵙⵎⵓⵏⵉ ⴰⴷ ⵎⴰⵙⵙ ⵃⴰⴽⵉⵎ ⵍⵃⵊⵡⵉ ⴰⵎⵙⵇⵇⴰⴷ ⵏ ⵍⵎⵖⵔⵉⴱ ⴳ ⴱⵕⵉⵟⴰⵏⵢⴰ, ⵉⴳⴰ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵏ ⴽⵉⴳⴰⵏ ⵏ ⵜⵎⵙⴰⵔⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ ⵛⵛⴰⵔⵏⵉⵏ.
ⵉⵙⴽⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵔⵣⴰⴼ ⵉ ⴱⵕⵉⵟⴰⵏⵢⴰ ⵙⴳ 11 ⴰⵔ 13 ⵢⵓⵍⵢⵓⵣ, ⵉⵎⵏⴰⵇⵇⴰⵔ ⴳⵉⵙ ⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⵉⵏⴷⵙⵉ ⵀⵡⵉⵍ, ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵍⴽⵓⵎⴰⵏⵡⵉⵍⵜ, ⵎⴰⵙⵙ ⵙⵜⵉⴼⵏ ⵜⵡⵉⴳ.
ⵡⴰⵜⵜⵙⵏ ⵉⵏⵎⵓⵇⵇⴰⵔⵏ ⴰⴷ ⴰⵙⴷⵓⵙ ⵏ ⵓⵣⴷⴰⵢ ⴳ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ, ⴷ ⵓⵙⵎⵖⵔ ⵏ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴳ ⵉⵙⵡⵉⵔⵏ ⴰⵙⵔⵜⴰⵏ ⴷ ⵓⵎⵙⵙⵓⴳⵓⵔ, ⴷ ⵓⵙⵙⵏ ⵏ ⵉⵙⵏⴼⴰⵔⵏ ⵉⵙⵜⵔⴰⵜⵉⵊⵉⵢⵏ ⵏ ⵍⵎⵖⵔⵉⴱ ⴷ ⵓⵙⵎⵏⵉⴷ ⵏ ⵜⵉⵔⵎⵉⵜ ⵜⴰⵎⵔⵙⵍⴰⵏⵜ ⵏ ⵜⴳⵍⴷⵉⵜ.