ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴱⵕⵉⵟⴰⵏⵢⴰ: ⴰⵔⵣⴰⴼ ⵏ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ
ⵉⵙⵙⵏⵜⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⵙⵉⵏⴰⵙ, ⴰⵔⵣⴷⴰⴼ ⵉ ⵍⵓⵏⴹⵓⵏ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ.
ⵙ ⵜⵎⵍⴷⴰ, ⵉⵙⵙⵉⵅⴼ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵜⵓⴳⵜ ⵏ ⵜⵙⵎⵓⵏⴰⵢ ⵉ ⵓⵙⴷⵓⵙ ⵏ ⵓⵣⴷⴰⵢ ⴳ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ, ⴷ ⵓⵙⴷⵓⵙ ⵏ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴳ ⵉⵙⵡⵉⵔⵏ ⴰⵙⵔⵜⴰⵏ ⴷ ⵓⵎⵙⵙⵓⴳⵓⵔ, ⴷ ⵓⵙⵉⵙⵙⵏ ⵙ ⵉⵙⵏⴼⴰⵔⵏ ⵉⵙⵜⵔⴰⵜⵉⵊⵉⵢⵉⵏ ⵍⵍⵉ ⵉⵕⵥⵎ ⵍⵎⵖⵔⵉⴱ ⴷ ⵜⵉⵔⵎⵉⵜ ⵏⵏⵙ ⵜⴰⵎⵔⵙⵍⴰⵏⵜ.
ⵉⵎⴹⴰⴽⴰⵕ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⵉⵏⴷⵙⵉ ⵀⵡⵉⵍ, ⵉⵎⵎⵉⵇⵇⵉ ⵓⵍⴰ ⴷ ⵜⵏⵙⵙⵉⵅⴼⵜ ⵏ ⵓⵙⵉⵔⴰ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵉ ⵜⴳⵔⴰⵡⵉⵏ ⴳ ⵓⵙⵇⵇⵉⵎ, ⵍⵉⵏⵏ ⴳⴰⵔⴷⵏⵔ ⴷ ⵜⵏⴳⴳⵯⵓⵜ ⵏⵏⵙ ⴳ ⵓⵙⵇⵇⵉⵎ ⵏ ⵍⵍⵓⵔⴷⴰⵜ, ⵙⵓⵣⵉ ⵍⴰⵜⴰ
ⴷⴼⴼⵉⵔ, ⵉⵃⴰⴹⵕ ⵎⴰⵙⵙ ⵟⴰⵍⴱⵉ ⵍⵄⵍⴰⵎⵉ ⴳ ⵜⵖⵉⵎⵉⵜ ⵜⴰⴱⵕⵍⴰⵎⴰⵏⵉⵜ ⴷⴰⵜ ⵏ ⵜⵙⵎⵓⵏⵉ ⵏⵏⵙ ⴰⴽⴷ ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵙⵎⵓⵏⵜ ⵏ ⵍⴽⵓⵎⴰⵏⵡⵉⵍⵜ ⵜⴰⴱⵕⵍⴰⵎⴰⵏⵉⵜ, ⵙⵜⵉⴼⵏ ⵜⵡⵉⴳ.
ⴳ ⵡⴰⵙⵙ ⴰⵎⵣⵡⴰⵔⵓ ⵏ ⵓⵔⵣⴰⴼ (11-13 ⵢⵓⵍⵢⵓⵣ), ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ “APPG-Morocco” ( ⵜⴰⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴷⴷⵓⴽⴽⵯⵍⴰ ⴷ ⵍⵎⵖⵔⵉⴱ), ⵍⵍⵉ ⵜⵙⵙⵉⵅⴼ ⵜⵎⴰⵔⵉⵜ ⵀⵉⴷⵔ ⵡⵉⵍⵔ.
ⴳ ⵉⴱⵔⵉⵔ ⵉⵣⵔⵉⵏ, ⵜⵙⴽⵔⵜ ⵜⵔⴰⴱⴱⵓⵜ ⴰⴷ ⴳ ⵉⵍⵍⴰ 25 ⵏ ⵓⴱⵕⵍⴰⵎⴰⵏⵉ ⵙⴳ ⵎⴰⵕⵕⴰ ⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ, ⴰⵔⵣⴰⴼ ⵏ ⵜⵡⵓⵔⵉ ⵉ ⵍⵎⵖⵔⵉⴱ, ⵜⴽⴽ ⴷ ⵜⴰⵎⵏⴰⴹⵜ ⵏ ⴷⴷⴰⵅⵍⴰ-ⵡⴰⴷⵉ ⴷⴷⴰⵀⴰⴱ, ⵜⵥⵔ ⵜⴰⴷⵉⵏⴰⵎⵉⵜ ⵏ ⵜⴳⵎⵉ ⴷ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ.